ROMETE 4
4
Abraham Diktansakna
1Ahihleh Abraham, sadan a i pu un, bang ahia amuh i gen ding? 2Abraham in thilhih ziak a siam atan ngalleh suan ding anei ahi, Pathian ma ah zaw hi het lou in. 3Laisiangthou in bang agen a? “Abraham in Pathian agingta a, huan huai ginna tuh adikna a seh ahi,” chi in agen ahi. 4Huan nasemmi loh tuh hehpihna a seh ahi kei a, bat a seh ahi zaw hi. 5Himahleh nna sem lou a, Pathian limsak lou siamtangsakpa gingtazaw mi ginna, ama diktatna a seh ahi. 6Mi athilhih ngaihtuah lou a, Pathian in diktat a aseh, avualzawlsak thu David in leng,
7“Atatleknate ngaihdam a om a,
akhelhnate uh khuh a omte, ahampha uhi,
8Toupa'n khelhna nei a asehlouhte ahampha uhi,”
chi a agen bang in.
Zeksum Ziak Hilou
9Ahihleh huai vualzawlna zeksumte kia tung ah hia a-om, zeksumloute tung ah leng? Abraham ginna adiktatna a seh ahi, i chi ngal ua. 10Huai bangchi seh ahia? Azeksum nung in hia, azeksum ma in? Azeksum nung in ahi kei a, azeksum ma in ahi zaw hi. 11Huchi in azeksum ma in ginna ziak in diktatna amu chih chiamtehna ding in zeksum thu amu hi. Huchi a amah tuh zeksum lou himahleh agingtate diktatna sehsak a omte tengteng pa ahihtheihna ding in. 12Huchi mah bang a zeksumte phet hilou, i pa uh Abraham in zek asum ma a aneih ginna bang ginna khekhap zuite pa ahihtheihna ding ahi.
Dan Zuih Ziak Hilou
13Abraham leh asuante kiang a khovel gouluah ding ahi ding uh chih thuchiam zaw dan a kinga ahi kei a, ginna ziak a diktatna a kinga ahi zaw hi. 14Dan nei mite gouluahte hi ding hi le uh bel, ginna bangmah in aphatuam kei a, thuchiam leng thuchiam ahita kei hi. 15Dan in thangpaihna atun nak ngal a; himahleh dan omlouhna ah tatlekna leng a-om kei hi.
Ginna Ziak A Diktansakna
16Huaiziak in thuchiam hehpihna a piak ahihtheihna ding in ginna a kinga ahi, asuante tengteng in thuchiam pel lou a aluahtheihna ding un. Dan nei mite kia in aluah kei ding ua, Abraham neih bang ginna neite'n leng aluah sam ding uhi; amah i vek ua pa ahi. 17“Nam tampite pa in ka hon bawlta,” chi a gelh ahih bang in, misite hihhingpa leh thil omloute om bang a genpa, agin Pathian mitmuh ah eite pa a bawl in a-om zaw hi. 18Lamet tuak a a-om louh in leng ama'n zaw lamentak in agingta a, “Nam tampite pa ahong hihtheihna ding in; huchibang in na suante ahong hi ding uh,” chi a hilh a a-om bang in. 19Huan ginna kip lou tuan lou in, apumpi sisa bang a om tuh angaihtuah a, amah kum za vel mi ahi ngal a, Sarah chiing leng angaihtuah sam hi. 20Pathian thuchiam ginglel lou in ginna tasam in a-om kei a, Pathian apahtawi hi. 21Athuchiam alohchingsak thei chih agingta a, aginna ahong kip zawta hi. 22Huaiziak in aginna tuh adiktatna a seh ahita hi. 23Huchi in “amah ah sehsak in a-om,” chih amah ziak kia a gelh ahi kei a, 24eite ziak in leng ahi. Jesu i Toupa misi lak a kipan a kaithoupa gingta, eite a ding in sehsak ahi ding, 25amah i tatlekna ziak a piakkhiak a om a, siam i tanna ding a kaihthoh a ompa ahi.
Currently Selected:
ROMETE 4: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
ROMETE 4
4
Abraham Diktansakna
1Ahihleh Abraham, sadan a i pu un, bang ahia amuh i gen ding? 2Abraham in thilhih ziak a siam atan ngalleh suan ding anei ahi, Pathian ma ah zaw hi het lou in. 3Laisiangthou in bang agen a? “Abraham in Pathian agingta a, huan huai ginna tuh adikna a seh ahi,” chi in agen ahi. 4Huan nasemmi loh tuh hehpihna a seh ahi kei a, bat a seh ahi zaw hi. 5Himahleh nna sem lou a, Pathian limsak lou siamtangsakpa gingtazaw mi ginna, ama diktatna a seh ahi. 6Mi athilhih ngaihtuah lou a, Pathian in diktat a aseh, avualzawlsak thu David in leng,
7“Atatleknate ngaihdam a om a,
akhelhnate uh khuh a omte, ahampha uhi,
8Toupa'n khelhna nei a asehlouhte ahampha uhi,”
chi a agen bang in.
Zeksum Ziak Hilou
9Ahihleh huai vualzawlna zeksumte kia tung ah hia a-om, zeksumloute tung ah leng? Abraham ginna adiktatna a seh ahi, i chi ngal ua. 10Huai bangchi seh ahia? Azeksum nung in hia, azeksum ma in? Azeksum nung in ahi kei a, azeksum ma in ahi zaw hi. 11Huchi in azeksum ma in ginna ziak in diktatna amu chih chiamtehna ding in zeksum thu amu hi. Huchi a amah tuh zeksum lou himahleh agingtate diktatna sehsak a omte tengteng pa ahihtheihna ding in. 12Huchi mah bang a zeksumte phet hilou, i pa uh Abraham in zek asum ma a aneih ginna bang ginna khekhap zuite pa ahihtheihna ding ahi.
Dan Zuih Ziak Hilou
13Abraham leh asuante kiang a khovel gouluah ding ahi ding uh chih thuchiam zaw dan a kinga ahi kei a, ginna ziak a diktatna a kinga ahi zaw hi. 14Dan nei mite gouluahte hi ding hi le uh bel, ginna bangmah in aphatuam kei a, thuchiam leng thuchiam ahita kei hi. 15Dan in thangpaihna atun nak ngal a; himahleh dan omlouhna ah tatlekna leng a-om kei hi.
Ginna Ziak A Diktansakna
16Huaiziak in thuchiam hehpihna a piak ahihtheihna ding in ginna a kinga ahi, asuante tengteng in thuchiam pel lou a aluahtheihna ding un. Dan nei mite kia in aluah kei ding ua, Abraham neih bang ginna neite'n leng aluah sam ding uhi; amah i vek ua pa ahi. 17“Nam tampite pa in ka hon bawlta,” chi a gelh ahih bang in, misite hihhingpa leh thil omloute om bang a genpa, agin Pathian mitmuh ah eite pa a bawl in a-om zaw hi. 18Lamet tuak a a-om louh in leng ama'n zaw lamentak in agingta a, “Nam tampite pa ahong hihtheihna ding in; huchibang in na suante ahong hi ding uh,” chi a hilh a a-om bang in. 19Huan ginna kip lou tuan lou in, apumpi sisa bang a om tuh angaihtuah a, amah kum za vel mi ahi ngal a, Sarah chiing leng angaihtuah sam hi. 20Pathian thuchiam ginglel lou in ginna tasam in a-om kei a, Pathian apahtawi hi. 21Athuchiam alohchingsak thei chih agingta a, aginna ahong kip zawta hi. 22Huaiziak in aginna tuh adiktatna a seh ahita hi. 23Huchi in “amah ah sehsak in a-om,” chih amah ziak kia a gelh ahi kei a, 24eite ziak in leng ahi. Jesu i Toupa misi lak a kipan a kaithoupa gingta, eite a ding in sehsak ahi ding, 25amah i tatlekna ziak a piakkhiak a om a, siam i tanna ding a kaihthoh a ompa ahi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.