ROMETE 1
1
Chibai Bukna
1Paul, Jesu Khrist sikha, sawltak hi ding a sap, Pathian tanchinhoih lam a khenkhiak, 2Pathian in tuma lam a Laisiangthou a azawlneite a achiamsa, 3atapa, salam a David suan a piang tungtang thu, 4amah Pathian Tapa hihna bel misi lak a kipan thilhihtheihna toh athohnawnna ziak a sianthouna Kha in Jesu Khrist, Toupa chi a apuankhiak ahi.
5Amin ziak a ginna nam chih lak a mi gingtasak ding in, amah ziak in hehpihna leh sawltak hihna i tangta hi; 6huai lak ah nou leng Jesu Khrist sapte na hi uh; 7Rome khua Pathian deihtak, misiangthou a om ding a sapte tengteng kiang ah, Pathian i Pa leh Toupa Jesu Khrist kiang a kipan hehpihna leh khamuanna na kiang uah om hen.
Paul In Romete Veh Atupna
8Amasa in khovel tengteng ah na ginna uh athan ziak in na vek ua tung ah ka kipahthu Jesu Khrist ziak in ka Pathian kiang ah ka gen hi. 9Ka thumnate ah tawp lou in na min uh ka lou nilouh ahi, chih kei hon theihpihpa Pathian ahi a, amah ahi a Tapa tanchinhoih gen a ka kha a, a-nna ka sep gige pa pen; 10tu bek a na kiang ua ka hong theihna ding in Pathian thuthu a zin hun lemtang ka muh teitei theihna ding ka ngen hi. 11Na kipna ding ua khalam thilpiak banghiam nou ka hon piaktheihna ding in nou hon muh ka ut thei mahmah ngal a; 12huai na ginna uh leh ka ginna a i kikhamuantuah theihna ding un ka chihna ahi.
13Unaute aw, Zentel dangte kiang a ka sepgim gah ka muhtak bangmah in, noumau lak ah leng gahte ka muhtheihna ding in na kiang uah tamveipi hong ka tumta chih na theih louh uh ka deih kei hi; himahleh tu tanpha dal in ka om nilouh hi. 14Grik mite leh melmak mite kiang ah bat ka nei a; mipil leh mipilloute kiang ah leng. 15Huchi in nou Rome a omte kiang ah leng tanchinhoih gen ka ut mahmah hi.
Gospel Thilhihtheihna
16Tanchinhoih tuh ka zahpih kei a; kuapeuh agingta phot a ding in hotdamna ding a Pathian thilhihtheihna ahi ngal a; atung in Juda mi a ding in ahi a, huan Grik mi a ding in leng ahong hi nawn hi. 17Huai ah tuh gin semsemna ding in ginna in Pathian diktatna latsak in a-om hi, “Midiktat tuh ginna in ahing ding,” chi a gelh ahih bang in.
Khelhna Tung A Pathian Thangpaihna
18Dik loutak a thutak dalte leh Pathian limsaklouhna leh diktatlouhna tengteng tung ah van a kipan in Pathian thangpaihna ahong kilangta hi. 19Pathian in atheihsak tak ziak in Pathian tanchin theihtheih ding tuh alungsim uah chiangtak a theihsak in a-omta ngal a. 20Khovel siam tung a kipan a pianken muh theih louh, atangtawn thilhihtheihna leh a Pathianna, thilsiamte ah chiantak a muh theih ahi; huaiziak in paulam ding anei kei uhi. 21Pathian thei ngal in Pathian bang in apahtawi kei ua; kipahthu leng agen sam kei uh; himahleh thil thulim lou angaihtuah zaw ua, alungtang hai uh ahong mialta hi. 22Pil kisa khem in mihai ahong suak ua, 23asithei lou Pathian thupina sithei mihingte leh vasate, gamsate leh bokvak ganhingte lim asuaksak uhi.
Zentelte Khelhna
24Huaiziak in asa uh zumhuaipi a kibawltuah ding in alungtang uh duhgawlna bang a thilnin hihphal in Pathian in alehngatsan hi. 25Pathian thutak tuh zuau tangsak in, abawlpa biak sang in abawl bia in a-nna asem uhi. Abawlpa tuh tangtawn a phat tuak ahi, Amen.
26Huaiziak in Pathian in zumhuaipi a huk phal in lehlam angatsanta hi; anumeite nangawn un leng a-omdan pianpih uh dan lou bang a om ding in akibawl lamdang ua; 27pasalte'n leng numei zatdan ngeina tawpsan in, huk in aki-enlahtuah ua, pasal leh pasal zummoh thilhih in a-om uh; agitlouh man muh ding uh asa tung ua mu in.
28Huan Pathian theih a-ut louh ziak un, thil kilawmloute hih ding a adeih louh lam lungsim neih phal in Pathian in alehngatsanta hi. 29Huchi in diktatlouhna, gitlouhna, huaihamna, huatna in adim ua; hazatna, tualthahna, kiselna, khemna, nundan hoih lou in adim ua; 30gensiatnate, migennate, Pathian huat lamte, kisaktheihnate, kisathei mite, thil gilou bawlkhete, 31nu leh pa thu mangloute, theihna beite, thuchiam susete, itna pianpih neiloute, hehpihna neiloute ahi uhi. 32Huchibang hihte tuh si tak him ahi uh chih Pathian dan tuh theigige in, amau kia a hih leng hilou in, midang hih zelte tung ah leng akipak uhi.
Currently Selected:
ROMETE 1: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
ROMETE 1
1
Chibai Bukna
1Paul, Jesu Khrist sikha, sawltak hi ding a sap, Pathian tanchinhoih lam a khenkhiak, 2Pathian in tuma lam a Laisiangthou a azawlneite a achiamsa, 3atapa, salam a David suan a piang tungtang thu, 4amah Pathian Tapa hihna bel misi lak a kipan thilhihtheihna toh athohnawnna ziak a sianthouna Kha in Jesu Khrist, Toupa chi a apuankhiak ahi.
5Amin ziak a ginna nam chih lak a mi gingtasak ding in, amah ziak in hehpihna leh sawltak hihna i tangta hi; 6huai lak ah nou leng Jesu Khrist sapte na hi uh; 7Rome khua Pathian deihtak, misiangthou a om ding a sapte tengteng kiang ah, Pathian i Pa leh Toupa Jesu Khrist kiang a kipan hehpihna leh khamuanna na kiang uah om hen.
Paul In Romete Veh Atupna
8Amasa in khovel tengteng ah na ginna uh athan ziak in na vek ua tung ah ka kipahthu Jesu Khrist ziak in ka Pathian kiang ah ka gen hi. 9Ka thumnate ah tawp lou in na min uh ka lou nilouh ahi, chih kei hon theihpihpa Pathian ahi a, amah ahi a Tapa tanchinhoih gen a ka kha a, a-nna ka sep gige pa pen; 10tu bek a na kiang ua ka hong theihna ding in Pathian thuthu a zin hun lemtang ka muh teitei theihna ding ka ngen hi. 11Na kipna ding ua khalam thilpiak banghiam nou ka hon piaktheihna ding in nou hon muh ka ut thei mahmah ngal a; 12huai na ginna uh leh ka ginna a i kikhamuantuah theihna ding un ka chihna ahi.
13Unaute aw, Zentel dangte kiang a ka sepgim gah ka muhtak bangmah in, noumau lak ah leng gahte ka muhtheihna ding in na kiang uah tamveipi hong ka tumta chih na theih louh uh ka deih kei hi; himahleh tu tanpha dal in ka om nilouh hi. 14Grik mite leh melmak mite kiang ah bat ka nei a; mipil leh mipilloute kiang ah leng. 15Huchi in nou Rome a omte kiang ah leng tanchinhoih gen ka ut mahmah hi.
Gospel Thilhihtheihna
16Tanchinhoih tuh ka zahpih kei a; kuapeuh agingta phot a ding in hotdamna ding a Pathian thilhihtheihna ahi ngal a; atung in Juda mi a ding in ahi a, huan Grik mi a ding in leng ahong hi nawn hi. 17Huai ah tuh gin semsemna ding in ginna in Pathian diktatna latsak in a-om hi, “Midiktat tuh ginna in ahing ding,” chi a gelh ahih bang in.
Khelhna Tung A Pathian Thangpaihna
18Dik loutak a thutak dalte leh Pathian limsaklouhna leh diktatlouhna tengteng tung ah van a kipan in Pathian thangpaihna ahong kilangta hi. 19Pathian in atheihsak tak ziak in Pathian tanchin theihtheih ding tuh alungsim uah chiangtak a theihsak in a-omta ngal a. 20Khovel siam tung a kipan a pianken muh theih louh, atangtawn thilhihtheihna leh a Pathianna, thilsiamte ah chiantak a muh theih ahi; huaiziak in paulam ding anei kei uhi. 21Pathian thei ngal in Pathian bang in apahtawi kei ua; kipahthu leng agen sam kei uh; himahleh thil thulim lou angaihtuah zaw ua, alungtang hai uh ahong mialta hi. 22Pil kisa khem in mihai ahong suak ua, 23asithei lou Pathian thupina sithei mihingte leh vasate, gamsate leh bokvak ganhingte lim asuaksak uhi.
Zentelte Khelhna
24Huaiziak in asa uh zumhuaipi a kibawltuah ding in alungtang uh duhgawlna bang a thilnin hihphal in Pathian in alehngatsan hi. 25Pathian thutak tuh zuau tangsak in, abawlpa biak sang in abawl bia in a-nna asem uhi. Abawlpa tuh tangtawn a phat tuak ahi, Amen.
26Huaiziak in Pathian in zumhuaipi a huk phal in lehlam angatsanta hi; anumeite nangawn un leng a-omdan pianpih uh dan lou bang a om ding in akibawl lamdang ua; 27pasalte'n leng numei zatdan ngeina tawpsan in, huk in aki-enlahtuah ua, pasal leh pasal zummoh thilhih in a-om uh; agitlouh man muh ding uh asa tung ua mu in.
28Huan Pathian theih a-ut louh ziak un, thil kilawmloute hih ding a adeih louh lam lungsim neih phal in Pathian in alehngatsanta hi. 29Huchi in diktatlouhna, gitlouhna, huaihamna, huatna in adim ua; hazatna, tualthahna, kiselna, khemna, nundan hoih lou in adim ua; 30gensiatnate, migennate, Pathian huat lamte, kisaktheihnate, kisathei mite, thil gilou bawlkhete, 31nu leh pa thu mangloute, theihna beite, thuchiam susete, itna pianpih neiloute, hehpihna neiloute ahi uhi. 32Huchibang hihte tuh si tak him ahi uh chih Pathian dan tuh theigige in, amau kia a hih leng hilou in, midang hih zelte tung ah leng akipak uhi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.