PHILIPPITE 4
4
Thuhilhna
1Huaiziak in ka unau it leh ngaih, ka kipahna leh ka lallukhute aw, Toupa ah kiptak in dingh un, ka itte aw.
2Toupa a lungsim kibang pu ding in Euodia ka thuhilh a, Sintikhe ka thuhilh hi. 3Ahi, nou leng ka hon ngen ahi, hakkol puakpih muanhuaite, tanchinhoih a ka na seppih hiai numeite, Klemen leh ka naseppih dangte hinna bu a min tuangte leng na panpih un.
4Toupa ah kipak gige un; ka chi nawn ding hi kipak un.
5Na migitna uh mi tengteng kiang ah kithei hen, Toupa anai hi. 6Bangmah lou ah mangbang kei un; himahleh thil bangkim ah, thumna leh ngetna, kipahthu genna toh na ngetnate uh Pathian kiang ah theihsak in om hen. 7Huchi in Pathian muanna, lungsim himhim a theih zoh vual louh in Khrist Jesu ah na lungtang leh na ngaihtuahnate uh ahon kepsak ngeingei ding hi.
8Atawp pen in unaute aw, thil dik peuhmah, thil phathuai peuhmah, thil kilawm peuhmah, thil siangthou peuhmah, thil hoih peuhmah, thil minhoih peuhmah, hoihna himhim a-om a, phatna ding a-omleh huai thilte ngaihtuah un. 9Kei a pan na zilkhiakte, tante, zakte leh na muhte uh, huai thilte hih un. Huchi in muanna Pathian na kiang uah a-om ding hi.
Philippite Tung A Paul Kipahna
10Himahleh nakpitak in Toupa ah ka kipak hi, huchi a tua kei na hon awlmohna uh athak nawn ziak in; na hon limsak mahmah ua, himahleh hun kizen na nei kei ua ahi. 11Taksap ziak a hiai thu gen ka hi kei; bangchibang in om mah leng huai a lungkim a omdan ka theikheta hi. 12Zawndan ka siam a, hauhdan leng ka siam, mun chih leh thil tengteng a gilvah leh gilkial a omtheihna leh niang leh tasam a omtheihna thuguk ka theikheta hi. 13Ahon hihhatpa Khrist ah thil tengteng ka hihthei hi.
14Huchi a ka mangbatna a na hon panpih ziak un na hihhoih mahmah uhi. 15Nou mahmah, nou Philippite ngei in leng tanchinhoih om tung a kipat, Masidonia gam a kipan a ka pai nung, nou chih louh saptuam dang kuamah in piak leh muh lam ah ahon pe kei uh chih na thei uhi. 16Thessalonika ah ka taksap awng na hon huksakta uhi. 17Thilpiak ka zon ziak ahi kei a, nou a ding a gahpung zong ka hi zaw hi. 18Ahimhim in thil bangkim ka nei a, ka hau a; hihdim in ka om a, noumau a pan bangbang hiam, gimnamtui, kithoihna hoih, Pathian kipaksak, Epaphroditas a kipan in ka na mu hi. 19Huai chiang in ka Pathian in Khrist Jesu thupina ahauhna bang in na taksap tengteng uh ahon pe ngeingei ding hi. 20Tu in Pathian leh i Pa uh kiang ah tangtawn, tangtawn in thupina om hen, Amen.
Chibai Bukna Nanung
21Khrist Jesu a misiangthou tengteng chibai hon buksak un. Ka kiang a unau omte'n leng chibai ahon buk uhi. 22Misiangthou tengteng in chibai ahon buk uhi, Kaisar inkuanpihte ahi deuh tuam uhi.
23Toupa Jesu Khrist hehpihna in hon ompih hen, Amen.
Currently Selected:
PHILIPPITE 4: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
PHILIPPITE 4
4
Thuhilhna
1Huaiziak in ka unau it leh ngaih, ka kipahna leh ka lallukhute aw, Toupa ah kiptak in dingh un, ka itte aw.
2Toupa a lungsim kibang pu ding in Euodia ka thuhilh a, Sintikhe ka thuhilh hi. 3Ahi, nou leng ka hon ngen ahi, hakkol puakpih muanhuaite, tanchinhoih a ka na seppih hiai numeite, Klemen leh ka naseppih dangte hinna bu a min tuangte leng na panpih un.
4Toupa ah kipak gige un; ka chi nawn ding hi kipak un.
5Na migitna uh mi tengteng kiang ah kithei hen, Toupa anai hi. 6Bangmah lou ah mangbang kei un; himahleh thil bangkim ah, thumna leh ngetna, kipahthu genna toh na ngetnate uh Pathian kiang ah theihsak in om hen. 7Huchi in Pathian muanna, lungsim himhim a theih zoh vual louh in Khrist Jesu ah na lungtang leh na ngaihtuahnate uh ahon kepsak ngeingei ding hi.
8Atawp pen in unaute aw, thil dik peuhmah, thil phathuai peuhmah, thil kilawm peuhmah, thil siangthou peuhmah, thil hoih peuhmah, thil minhoih peuhmah, hoihna himhim a-om a, phatna ding a-omleh huai thilte ngaihtuah un. 9Kei a pan na zilkhiakte, tante, zakte leh na muhte uh, huai thilte hih un. Huchi in muanna Pathian na kiang uah a-om ding hi.
Philippite Tung A Paul Kipahna
10Himahleh nakpitak in Toupa ah ka kipak hi, huchi a tua kei na hon awlmohna uh athak nawn ziak in; na hon limsak mahmah ua, himahleh hun kizen na nei kei ua ahi. 11Taksap ziak a hiai thu gen ka hi kei; bangchibang in om mah leng huai a lungkim a omdan ka theikheta hi. 12Zawndan ka siam a, hauhdan leng ka siam, mun chih leh thil tengteng a gilvah leh gilkial a omtheihna leh niang leh tasam a omtheihna thuguk ka theikheta hi. 13Ahon hihhatpa Khrist ah thil tengteng ka hihthei hi.
14Huchi a ka mangbatna a na hon panpih ziak un na hihhoih mahmah uhi. 15Nou mahmah, nou Philippite ngei in leng tanchinhoih om tung a kipat, Masidonia gam a kipan a ka pai nung, nou chih louh saptuam dang kuamah in piak leh muh lam ah ahon pe kei uh chih na thei uhi. 16Thessalonika ah ka taksap awng na hon huksakta uhi. 17Thilpiak ka zon ziak ahi kei a, nou a ding a gahpung zong ka hi zaw hi. 18Ahimhim in thil bangkim ka nei a, ka hau a; hihdim in ka om a, noumau a pan bangbang hiam, gimnamtui, kithoihna hoih, Pathian kipaksak, Epaphroditas a kipan in ka na mu hi. 19Huai chiang in ka Pathian in Khrist Jesu thupina ahauhna bang in na taksap tengteng uh ahon pe ngeingei ding hi. 20Tu in Pathian leh i Pa uh kiang ah tangtawn, tangtawn in thupina om hen, Amen.
Chibai Bukna Nanung
21Khrist Jesu a misiangthou tengteng chibai hon buksak un. Ka kiang a unau omte'n leng chibai ahon buk uhi. 22Misiangthou tengteng in chibai ahon buk uhi, Kaisar inkuanpihte ahi deuh tuam uhi.
23Toupa Jesu Khrist hehpihna in hon ompih hen, Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.