PHILIPPITE 2
2
Khrist Kingaihniamna
1Huaiziak in Khrist a thu kihilh ding a-om a, itna a kinep theihna ding a-om a, kha toh kithuahna, kilainatna leh kihehpihna a-omleh, 2huai lungsim mah pu in, hichibang itna mah nei unla, tup kibang leh lungsim khat nei in ka kipahna hon hihkimsak un. 3Kikhenna ding leh kithupisakna ziak in bangmah hih kei un; lungsim niamlak in michih in ama sang in midang hoih sa zaw hen. 4Na lak ua kuapeuh in amah a ding kia en lou in, midang a leng en sam hen. 5Khrist Jesu a om hiai lungsim nei le uchin:
6Amah Pathian bang a om hinapi in,
Pathian toh kikim a om thil khiaklah ding in asep kei hi,
7himahleh amah ahong ki-awngsak a,
sikha bang in ahong om a,
mihing bang geih in ahong piang hi.
8Huchi in mihing mel ahon pu a,
ahong kingainiam a, si ding in thu ahon mang a, ahi,
kros a sihna nangawn.
9Huaiziak in Pathian in amah nakpitak in ahihlianta a,
min laklak a min tungnungpen apeta hi;
10Jesu min a mi tengteng akhukdin a, van tung,
leitung leh lei nuai a thil om tengteng leh,
11lei tengteng in Jesu Khrist
Pa Pathian thupina ding a Toupa ahi chih apuankhiak theihna ding un.
Aksite Bang A Tang
12Huchi ahih ziak in, ka itte aw, ka om lai kia hilou a, ka om louh lai a leng thu na man theih tak mah bang un, lau leh ling kawm in na hotdamna chiat uh semkhia un; 13ama lungtaina ding a noumau a hon utsak leh hon semsakpa Pathian ahi.
14Dawngdawng lou leh phunphun lou in thil bangkim hih un; 15Khangthak gilou leh khial, alak ua khovel vak bang a na tennate lak uah Pathian ta gensiatbei leh siangthou, 16hinna thu taklang na hihtheihna ding un; huai a kipan ke'n, Khrist ni ahong tun chiang a, athawn in ka semgim kei a, athawn in ka taigim kei ka chih ngamna ding in.
17Ahi, na ginna thillat tung ua Pathian a dia buakkhiak a om ding na hi leng ka kipak a, na vek un ka hon kipahpih hi. 18Huaiziak mah in, nou leng kipak unla; kei leng hon kipahpih un.
Timothi
19Akoi abang hitaleh na omdan uh ka theih a lungmuang a ka omtheihna ding in na kiang ua Timothi hon sawl pah Toupa Jesu ah ka lamen hi. 20Hichibang lungsim pu a, na hoihna ding uh awlmoh midang kuamah ka nei kei hi. 21Jesu Khrist thilte zong lou in, avek un amau tuam chiat azong uhi. 22Himahleh ama'n tuh ta in apa nna asep bang in tanchinhoih genzakna ah kei ahon seppih chih theihchetna amah ah na nei uhi. 23Huaiziak in bangchi in ka om dia chih ka hon theihchet peuhpeuh chiang in amah hon sawlkhiak pah ka kilamen hi. 24Himahleh keimah mah leng ka hong pah ding chih Toupa ah ka kilamen hi.
Epaphroditas
25Himahleh ka sanggam leh seppih leh sepaihpih leh na taksapna ua gamtang leh sawltak Epaphroditas na kiang ua hon sawl kiphamoh ka sa hi; 26na vek un ahon ngai mahmah a, adam louh thu na zak un, alungkham mahmah hi. 27Si dektak in achina ngei a; himahleh Pathian in atung ah zahngaihna anei a; amah tung kia leng hilou in kei tung ah leng ahi sam a, huchi a lungkhamna ka neih sawnsawnlouhna ding in. 28Huaiziak in amah ka hon sawl teitei hi, amah na muh chiang un ana kipahpih un, huchi a kei leng ka dah luatlouhna ding in. 29Huaiziak in kipaktak in Toupa ah amah na kipahpih unla, hichibang mite ana ngaisang un; 30Khrist nasepna ah amah tuh ahong si dek a, kei a ding a na hihkimlouhte uh hon hihsak atupna lam ah ahinna akhuai dektak hi.
Currently Selected:
PHILIPPITE 2: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
PHILIPPITE 2
2
Khrist Kingaihniamna
1Huaiziak in Khrist a thu kihilh ding a-om a, itna a kinep theihna ding a-om a, kha toh kithuahna, kilainatna leh kihehpihna a-omleh, 2huai lungsim mah pu in, hichibang itna mah nei unla, tup kibang leh lungsim khat nei in ka kipahna hon hihkimsak un. 3Kikhenna ding leh kithupisakna ziak in bangmah hih kei un; lungsim niamlak in michih in ama sang in midang hoih sa zaw hen. 4Na lak ua kuapeuh in amah a ding kia en lou in, midang a leng en sam hen. 5Khrist Jesu a om hiai lungsim nei le uchin:
6Amah Pathian bang a om hinapi in,
Pathian toh kikim a om thil khiaklah ding in asep kei hi,
7himahleh amah ahong ki-awngsak a,
sikha bang in ahong om a,
mihing bang geih in ahong piang hi.
8Huchi in mihing mel ahon pu a,
ahong kingainiam a, si ding in thu ahon mang a, ahi,
kros a sihna nangawn.
9Huaiziak in Pathian in amah nakpitak in ahihlianta a,
min laklak a min tungnungpen apeta hi;
10Jesu min a mi tengteng akhukdin a, van tung,
leitung leh lei nuai a thil om tengteng leh,
11lei tengteng in Jesu Khrist
Pa Pathian thupina ding a Toupa ahi chih apuankhiak theihna ding un.
Aksite Bang A Tang
12Huchi ahih ziak in, ka itte aw, ka om lai kia hilou a, ka om louh lai a leng thu na man theih tak mah bang un, lau leh ling kawm in na hotdamna chiat uh semkhia un; 13ama lungtaina ding a noumau a hon utsak leh hon semsakpa Pathian ahi.
14Dawngdawng lou leh phunphun lou in thil bangkim hih un; 15Khangthak gilou leh khial, alak ua khovel vak bang a na tennate lak uah Pathian ta gensiatbei leh siangthou, 16hinna thu taklang na hihtheihna ding un; huai a kipan ke'n, Khrist ni ahong tun chiang a, athawn in ka semgim kei a, athawn in ka taigim kei ka chih ngamna ding in.
17Ahi, na ginna thillat tung ua Pathian a dia buakkhiak a om ding na hi leng ka kipak a, na vek un ka hon kipahpih hi. 18Huaiziak mah in, nou leng kipak unla; kei leng hon kipahpih un.
Timothi
19Akoi abang hitaleh na omdan uh ka theih a lungmuang a ka omtheihna ding in na kiang ua Timothi hon sawl pah Toupa Jesu ah ka lamen hi. 20Hichibang lungsim pu a, na hoihna ding uh awlmoh midang kuamah ka nei kei hi. 21Jesu Khrist thilte zong lou in, avek un amau tuam chiat azong uhi. 22Himahleh ama'n tuh ta in apa nna asep bang in tanchinhoih genzakna ah kei ahon seppih chih theihchetna amah ah na nei uhi. 23Huaiziak in bangchi in ka om dia chih ka hon theihchet peuhpeuh chiang in amah hon sawlkhiak pah ka kilamen hi. 24Himahleh keimah mah leng ka hong pah ding chih Toupa ah ka kilamen hi.
Epaphroditas
25Himahleh ka sanggam leh seppih leh sepaihpih leh na taksapna ua gamtang leh sawltak Epaphroditas na kiang ua hon sawl kiphamoh ka sa hi; 26na vek un ahon ngai mahmah a, adam louh thu na zak un, alungkham mahmah hi. 27Si dektak in achina ngei a; himahleh Pathian in atung ah zahngaihna anei a; amah tung kia leng hilou in kei tung ah leng ahi sam a, huchi a lungkhamna ka neih sawnsawnlouhna ding in. 28Huaiziak in amah ka hon sawl teitei hi, amah na muh chiang un ana kipahpih un, huchi a kei leng ka dah luatlouhna ding in. 29Huaiziak in kipaktak in Toupa ah amah na kipahpih unla, hichibang mite ana ngaisang un; 30Khrist nasepna ah amah tuh ahong si dek a, kei a ding a na hihkimlouhte uh hon hihsak atupna lam ah ahinna akhuai dektak hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.