NASEPTE 4
4
Upate Mai Ah Peter Leh Johan
1Huan Peter leh Johan in mite kiang a thu agen lai un, siampute, tempul heutute leh Saddukaite akiang uh ahong tung guih ua; 2mite asinsak uh leh Jesu ziak a misi lak a kipan thohnawnna thu ahilh ziak un alungkim kei hial uhi. 3Huan amaute aman ua nitaklam ahih ziak in azingsang pha in suangkul ah akhumta uhi. 4Himahleh thu ngaikhete akhen tampite'n agingta ua; atamlam uh piching ngen leng sangnga vel aching uhi.
5Azing in aheutute uh, upate, laigelhmi te, 6siampu lianpen Annas leh Kaiapha, Johan, Alexander, siampu lianpen tanau tengtengte leng Jerusalem ah a-omkhawm uhi. 7Peter leh Johan alai ah adingsak ua, “Bang thilhihtheihna in ahia, kua min in ahia hiai na hih uh?” chi in adong uhi.
8Huchi in Peter Kha Siangthou in adim a, akiang uah, “Nou mipite vaihawmte leh Israel upate aw, 9hiai mi damlou tung a nna hoih ka sep thu uah, hiai mi bangziak in ahia ahong dam tak chi in tu in salh leh dot a om ka hi uh maw; 10nou tengteng leh Israel mi teng in leng thei hen, kros a Nazaret Jesu Khrist na kilhden uh, Pathian in misi lak a kipan in akaithou nawn a, amah min ngei in hiai mi hiai ah na ma uah dam in adinghta ahi.
11“Nou inn lam mite aw,
na suangpaih uh, aning a,
suang phatuampen ahong hita,
huai amah ahi achi uhi.”
12“Midang kuamah kiang ah hotdamna a-om kei, van nuai a mihing min sak lak ah, hon hondam ding min dang a-om kei,” achi hi.
13Peter leh Johan hansandan amuh un, milaisiam lou leh minautang maimai ahi uh chih atheih un lamdang asa mahmah uhi; huchi in Jesu kiang ah a-om khinta uh chih athei uhi. 14Huan mi ahihdam uh akiang ua dingh amuh un, bangmah agense thei tuan kei uhi. 15Huchi in avaihawmna ua pat a apaituamsak nung un, akihou ua, 16“Hiai mite bangchi in i hih dia? Thillamdang chiamteh tham ahih uh Jerusalem a om tengteng in teltak in atheita uh; en leng i sel thei tuan kei hi. 17Himahleh midang kiang a athan semsemlouhna ding in tunung siah kuamah kiang ah hiai min a thu agenlouhna ding un i vau ding uh,” achi uhi.
18Huchi in amau asam ua, Jesu min a thu gen het lou ding leh hilh het lou ding in achi tinten uhi. 19Himahleh Peter leh Johan in akiang uah, “Pathian mitmuh in Pathian thuman sang in noumau thuman adikzaw hia ngaihtuah un. 20Kou zaw ka thil muh uh leh ka zakte uh gen lou in ka om thei kei uh,” achi uhi. 21Huan amau avau semsem ua, akhahta uh, mipi ziak in gawtna lemtang amu kei uh; athilhih ziak un mi tengteng in Pathian apahtawi uhi. 22Hiai ahihdamna chiamtehna uh kum sawmli sang a tamzaw ahi.
Nungzuite'n Hansanna Angen Uh
23Huan Peter leh Johan apawt un amau lawmte kiang ah ava hoh ua, siampu liante leh upate'n akiang ua agen peuh uh ahilh vek uhi. 24Huchi in angaikhete'n akituak in aw ngaihtak in Pathian kiang ah, “Toupa, nang tuh van leh lei, tuipi leh asung a omte tengteng bawlpa na hi; 25Nang Kha Siangthou in, ka pu uh na sikha David kam in, hiai thu na gen ahi:
‘Zentelte bangchi in ahita aheh uh?
Mite'n bangchi in ahia thil phatuam lou angaihtuah uh?
26Khovel kumpipate adingh ua,
heutute leng akikhawm ua,
Toupa leh ama Khrist kalh in,’ chi in.
27“Hiai khua ah na sikha siangthou, na thaunilh Jesu tung ah, Herod leh Pontias Pilat toh, Zentelte leh Israel mite toh akikhawmta uh; 28na khut leh na lungsim a hong tung ding a na sehkholh peuh hih ding in. 29Huchi in tu'n ah, Toupa, ahon vaudan uh ngai in; na sikhate kiang ah na thu hangsantak a gentheihna pia in. 30Damsak ding a na khut na zak a, na sikha Jesu min a chiamtehnate leh thillamdangte hih ahih lai in,” achi uhi.
31Huan athum khit un a-omkhawmna mun uh ahong ling a, avek un Kha Siangthou in adim ua, hangsantak in Pathian thu ahilhta uhi.
Thilneihte Kikopna
32Huan agingta mipite lungsim mun khat leh ngaihtuah mun khat in a-om ua; alak ua kuamah in athil neihte, kei a tuam ahi, achi kei ua, thil tengteng akikop uhi. 33Sawltakte'n thilhihtheihna thupitak in Toupa Jesu thohnawn thu ahilhhilh ua; avek ua tung ah hehpihna thupitak a-om hi. 34Huan alak uah leng tasam kuamah a-om kei uh; gam leh inn nei peuh in azuak ua, athil khotte uh aman ahon tawi uhi. 35Huan sawltakte khebul ah akoih zel ua, amau deihdong ching hun chiat in ahawm chiat zel uhi.
36Huan Levi chi a mi khat, Kupra tuikulh a kipan, Joses kichi, sawltakte'n Barnabas achih uh, (huai min omdan, “Hanthawnna Tapa,” chihna ahi), 37hiai mi in agam neih azuak a, aman ahon tawi a, sawltakte khebul ah akoih hi.
Currently Selected:
NASEPTE 4: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 4
4
Upate Mai Ah Peter Leh Johan
1Huan Peter leh Johan in mite kiang a thu agen lai un, siampute, tempul heutute leh Saddukaite akiang uh ahong tung guih ua; 2mite asinsak uh leh Jesu ziak a misi lak a kipan thohnawnna thu ahilh ziak un alungkim kei hial uhi. 3Huan amaute aman ua nitaklam ahih ziak in azingsang pha in suangkul ah akhumta uhi. 4Himahleh thu ngaikhete akhen tampite'n agingta ua; atamlam uh piching ngen leng sangnga vel aching uhi.
5Azing in aheutute uh, upate, laigelhmi te, 6siampu lianpen Annas leh Kaiapha, Johan, Alexander, siampu lianpen tanau tengtengte leng Jerusalem ah a-omkhawm uhi. 7Peter leh Johan alai ah adingsak ua, “Bang thilhihtheihna in ahia, kua min in ahia hiai na hih uh?” chi in adong uhi.
8Huchi in Peter Kha Siangthou in adim a, akiang uah, “Nou mipite vaihawmte leh Israel upate aw, 9hiai mi damlou tung a nna hoih ka sep thu uah, hiai mi bangziak in ahia ahong dam tak chi in tu in salh leh dot a om ka hi uh maw; 10nou tengteng leh Israel mi teng in leng thei hen, kros a Nazaret Jesu Khrist na kilhden uh, Pathian in misi lak a kipan in akaithou nawn a, amah min ngei in hiai mi hiai ah na ma uah dam in adinghta ahi.
11“Nou inn lam mite aw,
na suangpaih uh, aning a,
suang phatuampen ahong hita,
huai amah ahi achi uhi.”
12“Midang kuamah kiang ah hotdamna a-om kei, van nuai a mihing min sak lak ah, hon hondam ding min dang a-om kei,” achi hi.
13Peter leh Johan hansandan amuh un, milaisiam lou leh minautang maimai ahi uh chih atheih un lamdang asa mahmah uhi; huchi in Jesu kiang ah a-om khinta uh chih athei uhi. 14Huan mi ahihdam uh akiang ua dingh amuh un, bangmah agense thei tuan kei uhi. 15Huchi in avaihawmna ua pat a apaituamsak nung un, akihou ua, 16“Hiai mite bangchi in i hih dia? Thillamdang chiamteh tham ahih uh Jerusalem a om tengteng in teltak in atheita uh; en leng i sel thei tuan kei hi. 17Himahleh midang kiang a athan semsemlouhna ding in tunung siah kuamah kiang ah hiai min a thu agenlouhna ding un i vau ding uh,” achi uhi.
18Huchi in amau asam ua, Jesu min a thu gen het lou ding leh hilh het lou ding in achi tinten uhi. 19Himahleh Peter leh Johan in akiang uah, “Pathian mitmuh in Pathian thuman sang in noumau thuman adikzaw hia ngaihtuah un. 20Kou zaw ka thil muh uh leh ka zakte uh gen lou in ka om thei kei uh,” achi uhi. 21Huan amau avau semsem ua, akhahta uh, mipi ziak in gawtna lemtang amu kei uh; athilhih ziak un mi tengteng in Pathian apahtawi uhi. 22Hiai ahihdamna chiamtehna uh kum sawmli sang a tamzaw ahi.
Nungzuite'n Hansanna Angen Uh
23Huan Peter leh Johan apawt un amau lawmte kiang ah ava hoh ua, siampu liante leh upate'n akiang ua agen peuh uh ahilh vek uhi. 24Huchi in angaikhete'n akituak in aw ngaihtak in Pathian kiang ah, “Toupa, nang tuh van leh lei, tuipi leh asung a omte tengteng bawlpa na hi; 25Nang Kha Siangthou in, ka pu uh na sikha David kam in, hiai thu na gen ahi:
‘Zentelte bangchi in ahita aheh uh?
Mite'n bangchi in ahia thil phatuam lou angaihtuah uh?
26Khovel kumpipate adingh ua,
heutute leng akikhawm ua,
Toupa leh ama Khrist kalh in,’ chi in.
27“Hiai khua ah na sikha siangthou, na thaunilh Jesu tung ah, Herod leh Pontias Pilat toh, Zentelte leh Israel mite toh akikhawmta uh; 28na khut leh na lungsim a hong tung ding a na sehkholh peuh hih ding in. 29Huchi in tu'n ah, Toupa, ahon vaudan uh ngai in; na sikhate kiang ah na thu hangsantak a gentheihna pia in. 30Damsak ding a na khut na zak a, na sikha Jesu min a chiamtehnate leh thillamdangte hih ahih lai in,” achi uhi.
31Huan athum khit un a-omkhawmna mun uh ahong ling a, avek un Kha Siangthou in adim ua, hangsantak in Pathian thu ahilhta uhi.
Thilneihte Kikopna
32Huan agingta mipite lungsim mun khat leh ngaihtuah mun khat in a-om ua; alak ua kuamah in athil neihte, kei a tuam ahi, achi kei ua, thil tengteng akikop uhi. 33Sawltakte'n thilhihtheihna thupitak in Toupa Jesu thohnawn thu ahilhhilh ua; avek ua tung ah hehpihna thupitak a-om hi. 34Huan alak uah leng tasam kuamah a-om kei uh; gam leh inn nei peuh in azuak ua, athil khotte uh aman ahon tawi uhi. 35Huan sawltakte khebul ah akoih zel ua, amau deihdong ching hun chiat in ahawm chiat zel uhi.
36Huan Levi chi a mi khat, Kupra tuikulh a kipan, Joses kichi, sawltakte'n Barnabas achih uh, (huai min omdan, “Hanthawnna Tapa,” chihna ahi), 37hiai mi in agam neih azuak a, aman ahon tawi a, sawltakte khebul ah akoih hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.