NASEPTE 19
19
Ephesa Khua A Johan Nungzuite
1Korinth a Apollos a-om kal in Paul in saklam gamte tawnsuak masa kawm in, Ephesa khua atung a, huai ah nungzui kuate hiam amu hi. 2Ama'n akiang uah, “Na gintak chil ua pan Kha Siangthou na tang uhia?” achi hi. Amaute'n akiang ah, “Tang lou, Kha Siangthou a-om chih zak leng ka za kei uh,” achi uhi. 3Ama'n, “Bang baptisma ahia na tan uh?” achi hi. Amau, “Johan baptisma,” achi uhi. 4Huan Paul in, “Johan in zaw anung a hong paipa Jesu gingta ding a mite hilh in kisikna baptisma in abaptis zel ahi,” achi hi.
5Huan huai thu azaktak un Toupa Jesu min in baptisma atang uhi. 6Paul in atung uah akhut akoih a, Kha Siangthou atung uah ahong tungta hi. Huchi in pautuamte in thu agen ua; Pathian thu leng ahilhta uhi. 7Avek un piching sawm-le-nih vel ahi uhi.
Ephesa Khua A Paul Nasep
8Huan sinagog ah Paul alut zel a, kha thum phial hangsantak in thu agen a, Pathian lalgam thu ahihna sutpih in, mi athuzoh zel hi. 9Himahleh akhen achihhak ua, agingta nuam kei uh, mipi ma a Lampi agensiattak un, ama'n amaute apaisan a, nungzuite apituam a, niteng in kisinsakna mun Tairanas ah thu hilh in asutpih zel hi. 10Huchibang ngen in kum nih phial ahih a; huchi in Asia gam a om tengteng, Judate leh Grikte'n leng Toupa thu azata uhi. 11Pathian in Paul khut in thillamdang taktak ahihsak hi. 12Huchi in ataksa sukha kinulna puan neu, puan tungsilh damloute kiang ah ahon tawi ua, anatnate uh adam zel hi, asung ua kipan dawite leng apawt uhi. 13Huan Juda mi dawi hawlkhia chi a vakvai dawithu thei kuate hiam in, “Paul in athu tangkoupih Jesu Khrist min in ka hon vau hi, chi in dawimatte tung ah Toupa Jesu min alou uhi.”
Skeva Tate
14Juda mi siampu lianpen khat Skeva in huchibang hih tapa sagih anei hi. 15Himahleh dawi in akiang uah, “Jesu ka gingta, Paul leng ka thei, nou kuate na hi ua?” chi in adawng hi. 16Huan dawipai in aboh a, avek un azou a, anuaisiahta hi; huchi in huai mipa inn a kipan vuaktang leh liam in ataikheta uhi. 17Huchi in Ephesa a om tengteng, Judate leh Grikte kiang ah huai mi thu athangta hi. Huan avek un alau ua, Toupa Jesu min alianta hi. 18Huan agingtate leng akhen tampi ahong ua, athilhihkhelhte uh thupha atawi ua, akipulak uhi. 19Mitkhialdawi hihmi akhen tampi in leng alaibute uh ahon tawikhawm ua, mi tengteng mitmuh in ahalta uh; huan aman asut ua dangka singnga hi in athei uhi. 20Huchi lawmlawm a thupi in Toupa thu adalh a, azou zel hi.
Ephesa Khua A Buaina
21Huan huai khit in, Paul in Masidonia gam leh Akhaia gam tawtsuak takdih a, Jerusalem a hoh atum hi. “Huai a ka hoh khit chiang in Rome khua ka sik sam ding,” achi hi. 22Huchi in amah nasepsakte nih Timothi leh Erastas, Masidonia gam ah apaisak phot a, amah bel Asia gam ah ataam tadih hi.
23Huai lai in Lampi ziak in mi buai petmah in abuaita uhi. 24Mi khat amin Demetrias, dangkasik sek a Diana milim bawlpa a-om a, khutsiamte a ding in kilohna tampi apia hi. 25Hiai mi in amaute asamkhawm a, anasep bang uh semte toh; huan akiang uah, “Pute aw, hiai nasepna i hauhna uh ahi chih na thei uhi. 26Hiai Ephesa khua kia hilou in, Asia gam kho kim teng phial ah leng, Paul in khut a bawl pathiante, Pathian ahi kei uh chi in mi tampi thuzoh in, akiheisak khinta chih noumau ngei in na mu un na za uhi. 27Huchi in i nekzonna un athuak ding chih alauhuai kia hilou in, pathiannu thupitak Diana tempul leng ahon ngaineu ding uh. Asia gam a mi tengteng leh khovel a mi'n abiak zel uh, athupipi toh, ahong neu ding chih alauhuai hi,” achi hi.
28Huai thu azaktak un, aheh mahmah ua, “Ephesa a Diana thupitak ahi,” chi in akikou uhi. 29Huchi in akhua in apumbuai vekta ua, Gaias leh Aristarkhas, Masidonia gam a mi, Paul nungzuite, aman ua, kituaktak in etnop inn ah ataipih kheukhou uhi. 30Paul in mipi lak a lut atupleh nungzuite'n aphal kei uhi. 31Asia gam a heutupente lak a khenkhat kuate hiam Paul lawmte ahi ua, akiang ah mi asawl ua, etnop inn ah lut teitei lou ding in akun uhi. 32Omkhawmte abuai ua, mi tamzaw in akikhopna san uh leng athei kei uh, khenkhat thukhat in akikou ua, khenkhat thudang in akikou uhi. 33Mipi lak a mi khenkhat in Alexander, asiamna thu gendan ding ahilhta ua, Judate'n amah malam ah asawnphei uhi. Huan Alexander in akhut in azap a, mi tengteng kiang ah asiamna thu gen atum hi. 34Himahleh amah Juda mi ahi chih atheihtak un, dakkal nih sung aw kituaktak in, “Ephesate Diana athupi hi,” chi ngen in akikou uhi.
35Huan khosung laigelhpa'n mipi asukdaih khit in, “Ephesa a mite aw, Diana thupitak tempul kemtu leh van a kipan a milim kia, Ephesa khuate a kem na hi uh chih, kua ahia thei lou om? 36Huchi in hiai thu sel vual ahih louh nung in, na dai dide ding uh ahi, thunung veng lou in bangmah na hih ding uh ahi kei hi. 37Hiai mi hiai mun a na hon pite uh, tempul lokmi ahi kei ua, i pathiannu gensete leng ahi kei uh. 38Huchi in Demetrias leh alawm khutsiamte'n leng kua lak ah leng thubuai aneih uleh, thubuai genna innte honsa in a-om vele, gam ukpate leng a-om uhi; kihektuah uhen. 39Thil dang buaina nei him na hih uleh, kikhopna ngeina ah alem ding uh. 40Tuni a thu vengvung ziak in salh lauhuai in i omta uh, athu om ngel lou buaina bawl a ngoh theih i hi ngal ua, hiai kikhopna san bangmah gen ding thei lou ding i kei uhiam,” achi hi. 41Huan huchibang thu agen khit in omkhawm heutute akikhenzak sakta hi.
Currently Selected:
NASEPTE 19: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 19
19
Ephesa Khua A Johan Nungzuite
1Korinth a Apollos a-om kal in Paul in saklam gamte tawnsuak masa kawm in, Ephesa khua atung a, huai ah nungzui kuate hiam amu hi. 2Ama'n akiang uah, “Na gintak chil ua pan Kha Siangthou na tang uhia?” achi hi. Amaute'n akiang ah, “Tang lou, Kha Siangthou a-om chih zak leng ka za kei uh,” achi uhi. 3Ama'n, “Bang baptisma ahia na tan uh?” achi hi. Amau, “Johan baptisma,” achi uhi. 4Huan Paul in, “Johan in zaw anung a hong paipa Jesu gingta ding a mite hilh in kisikna baptisma in abaptis zel ahi,” achi hi.
5Huan huai thu azaktak un Toupa Jesu min in baptisma atang uhi. 6Paul in atung uah akhut akoih a, Kha Siangthou atung uah ahong tungta hi. Huchi in pautuamte in thu agen ua; Pathian thu leng ahilhta uhi. 7Avek un piching sawm-le-nih vel ahi uhi.
Ephesa Khua A Paul Nasep
8Huan sinagog ah Paul alut zel a, kha thum phial hangsantak in thu agen a, Pathian lalgam thu ahihna sutpih in, mi athuzoh zel hi. 9Himahleh akhen achihhak ua, agingta nuam kei uh, mipi ma a Lampi agensiattak un, ama'n amaute apaisan a, nungzuite apituam a, niteng in kisinsakna mun Tairanas ah thu hilh in asutpih zel hi. 10Huchibang ngen in kum nih phial ahih a; huchi in Asia gam a om tengteng, Judate leh Grikte'n leng Toupa thu azata uhi. 11Pathian in Paul khut in thillamdang taktak ahihsak hi. 12Huchi in ataksa sukha kinulna puan neu, puan tungsilh damloute kiang ah ahon tawi ua, anatnate uh adam zel hi, asung ua kipan dawite leng apawt uhi. 13Huan Juda mi dawi hawlkhia chi a vakvai dawithu thei kuate hiam in, “Paul in athu tangkoupih Jesu Khrist min in ka hon vau hi, chi in dawimatte tung ah Toupa Jesu min alou uhi.”
Skeva Tate
14Juda mi siampu lianpen khat Skeva in huchibang hih tapa sagih anei hi. 15Himahleh dawi in akiang uah, “Jesu ka gingta, Paul leng ka thei, nou kuate na hi ua?” chi in adawng hi. 16Huan dawipai in aboh a, avek un azou a, anuaisiahta hi; huchi in huai mipa inn a kipan vuaktang leh liam in ataikheta uhi. 17Huchi in Ephesa a om tengteng, Judate leh Grikte kiang ah huai mi thu athangta hi. Huan avek un alau ua, Toupa Jesu min alianta hi. 18Huan agingtate leng akhen tampi ahong ua, athilhihkhelhte uh thupha atawi ua, akipulak uhi. 19Mitkhialdawi hihmi akhen tampi in leng alaibute uh ahon tawikhawm ua, mi tengteng mitmuh in ahalta uh; huan aman asut ua dangka singnga hi in athei uhi. 20Huchi lawmlawm a thupi in Toupa thu adalh a, azou zel hi.
Ephesa Khua A Buaina
21Huan huai khit in, Paul in Masidonia gam leh Akhaia gam tawtsuak takdih a, Jerusalem a hoh atum hi. “Huai a ka hoh khit chiang in Rome khua ka sik sam ding,” achi hi. 22Huchi in amah nasepsakte nih Timothi leh Erastas, Masidonia gam ah apaisak phot a, amah bel Asia gam ah ataam tadih hi.
23Huai lai in Lampi ziak in mi buai petmah in abuaita uhi. 24Mi khat amin Demetrias, dangkasik sek a Diana milim bawlpa a-om a, khutsiamte a ding in kilohna tampi apia hi. 25Hiai mi in amaute asamkhawm a, anasep bang uh semte toh; huan akiang uah, “Pute aw, hiai nasepna i hauhna uh ahi chih na thei uhi. 26Hiai Ephesa khua kia hilou in, Asia gam kho kim teng phial ah leng, Paul in khut a bawl pathiante, Pathian ahi kei uh chi in mi tampi thuzoh in, akiheisak khinta chih noumau ngei in na mu un na za uhi. 27Huchi in i nekzonna un athuak ding chih alauhuai kia hilou in, pathiannu thupitak Diana tempul leng ahon ngaineu ding uh. Asia gam a mi tengteng leh khovel a mi'n abiak zel uh, athupipi toh, ahong neu ding chih alauhuai hi,” achi hi.
28Huai thu azaktak un, aheh mahmah ua, “Ephesa a Diana thupitak ahi,” chi in akikou uhi. 29Huchi in akhua in apumbuai vekta ua, Gaias leh Aristarkhas, Masidonia gam a mi, Paul nungzuite, aman ua, kituaktak in etnop inn ah ataipih kheukhou uhi. 30Paul in mipi lak a lut atupleh nungzuite'n aphal kei uhi. 31Asia gam a heutupente lak a khenkhat kuate hiam Paul lawmte ahi ua, akiang ah mi asawl ua, etnop inn ah lut teitei lou ding in akun uhi. 32Omkhawmte abuai ua, mi tamzaw in akikhopna san uh leng athei kei uh, khenkhat thukhat in akikou ua, khenkhat thudang in akikou uhi. 33Mipi lak a mi khenkhat in Alexander, asiamna thu gendan ding ahilhta ua, Judate'n amah malam ah asawnphei uhi. Huan Alexander in akhut in azap a, mi tengteng kiang ah asiamna thu gen atum hi. 34Himahleh amah Juda mi ahi chih atheihtak un, dakkal nih sung aw kituaktak in, “Ephesate Diana athupi hi,” chi ngen in akikou uhi.
35Huan khosung laigelhpa'n mipi asukdaih khit in, “Ephesa a mite aw, Diana thupitak tempul kemtu leh van a kipan a milim kia, Ephesa khuate a kem na hi uh chih, kua ahia thei lou om? 36Huchi in hiai thu sel vual ahih louh nung in, na dai dide ding uh ahi, thunung veng lou in bangmah na hih ding uh ahi kei hi. 37Hiai mi hiai mun a na hon pite uh, tempul lokmi ahi kei ua, i pathiannu gensete leng ahi kei uh. 38Huchi in Demetrias leh alawm khutsiamte'n leng kua lak ah leng thubuai aneih uleh, thubuai genna innte honsa in a-om vele, gam ukpate leng a-om uhi; kihektuah uhen. 39Thil dang buaina nei him na hih uleh, kikhopna ngeina ah alem ding uh. 40Tuni a thu vengvung ziak in salh lauhuai in i omta uh, athu om ngel lou buaina bawl a ngoh theih i hi ngal ua, hiai kikhopna san bangmah gen ding thei lou ding i kei uhiam,” achi hi. 41Huan huchibang thu agen khit in omkhawm heutute akikhenzak sakta hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.