THUVARHAI 23
23
1Rorêltu le bu fa dinga i ṭhung lai chun,
I hmaa mi chu nguntakin ngaituo rawh.
2Phîngṭâm hre mi tak i ni chun,
I rîngah chemtê i sie ding a ni sih a.
3Inhlêmna bu an nih ti hmuin,
A tuihnâinahai chu châk ve naw rawh.
4 #
1 Tim 6.9; Rom 12.16 Hung hausa dingin insuklungkham naw la,
I varnaa inthawk ngei chun bân rawh.
5A um naw chunga chun i mithai chu infûktir naw la,
Hausaknahai chun thlahai an in- siempêk ngei ngei hlak sih a;
Muvânlai vântienga vuong hlak ang el chun.
6Mit rilo neitu bei chu fa naw la,
A thiltuihnaihai khawm chu châk ve naw rawh.
7Ama chu ân ngaituona ang peia um mi a ni si a,
I kuoma chun, “Dâwn la, fa rawh,” a ti dea chu,
A lungril ruok chu i kuomah a um nawh.
8Bubâr i fâk ta chu, inluoksuok nâwk i ta,
I thu thlumhai chu inhmang i tih.
9 #
Mt 7.6 Mi invêt hrieta chun thu hril naw la,
I thu varnahai chu a hmusit ding a ni sih a.
10Inhmaa ramri chu sawn hmang naw la,
Pa neilohai lohaia chun lût bawk naw rawh.
11Anni intlantu chu a hrât sih a,
An chungthu chu nanga chungah phût rawi a tih.
12Inchûktirna tienga chun i lungril chu hmang la,
I nahai chu hrietna thuhai tienga chun.
13Sukdikna chu naupanga inthawk chun lakîr naw la,
Hmawla i vuok chun, ama chu a thi âwm si nawh a.
14Ama chu hmawl chun vuong i ta,
Seola inthawkin a thlarau chu i sansuok ding annâwm.
15Ka naupa, i lungril a var phawt chun,
Ka lungril, keia ta ngei chu, lâwm a tih.
16Anih, ka lungril chu hlim a ta,
I hmûrhaiin thil indik a hril pha chun.
17I lungril chun misuolhai inhnar naw raw se,
Sûnnithlâkin LALPA ṭînaa chun um zing lem rawh.
18Matheiloin chutaka chun lâwmman a um a,
I beiseina chu thlâwn dêr naw nih.
19Ngai la, ka naupa, hung var rawh,
I lungril chu lampuia chun ṭhuoi rawh.
20Hnukinrâwltaka sa fa mihai lai le
Zu he mihai laia chun um naw rawh.
21Zu inrui mi le hnukinrâwl chu hung pasieng an ta,
Inruina chun mi chu puonṭiekin ân thuom ding a ni sih a.
22I pa nang a neitu che thu hi ngai la,
Chun, i nu chu a tar hnung khawma hmusit bawk naw rawh.
23 #
Mt 13.44 Thutak chu inchaw la, zawr ta naw rawh,
Anih, varna dâm, inchûktirna dâm le hrietthiemna dâm khawm chu.
24Mi fel pa chu nasatakin hlim a ta,
Chun, nau var neitu chu amaa chun hlim bawk a tih.
25I pa le i nu chu lâwmin inumtir la,
Nang a neitunu che khawm chu inlâwmtir rawh.
26Ka naupa, i lungril mi pe ta,
Chun, ka lampuihaia chun i mithai khawm chu fu bawk raw se.
27Nuhmei hur chu khurse inthûk a na,
Hmêlmak nuhmei chu khur inchêp a nih.
28Anih, inru angin ân chân a,
Mihai laia chun bawsietna chu a sukpung tah a.
29Tuin am chungrikna chu a nei a?
Tuin am lungngaina chu a nei a?
Tuin am inhalna chu a nei a?
Sawisêlna chu tuin am a nei a?
A thawtu boin tuin am pânnahai a nei a?
Mithai senna chu tuin am a nei a?
30Uoin hmuna sâwttak um hlakhai chun,
Uoin chawkpawl zawnga fe hlakhai chun.
31Uoin chu a sen lai chun nang chun en ngai naw la,
Noa chun a zie chu a hung insuoh a,
A hang insiemdik lai vêl chu en naw rawh.
32A tâwpa chun rûl ang elin a chuk a,
Rûlriel angin a chuk hlak.
33I mithai chun thilmakhai chu hmûng a ta,
I lungril chun thil chapohai chu hril suok a tih.
34Anih, tuisuoriet laia zâltu ang chu nîng i ta,
Annawleh, lawngngul lêra zâl ang nîng i tih.
35 #
Jer 5.3; Eph 4.19 “Annin an mi vuok a, suknatin ka um nawh a,
Annin an mi zêp a, ka hriet nawh a,
Iengtik âm ka har ding a na? la zawng nâwk rawp ka tih,” i ti ding am a nih?
Currently Selected:
THUVARHAI 23: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
THUVARHAI 23
23
1Rorêltu le bu fa dinga i ṭhung lai chun,
I hmaa mi chu nguntakin ngaituo rawh.
2Phîngṭâm hre mi tak i ni chun,
I rîngah chemtê i sie ding a ni sih a.
3Inhlêmna bu an nih ti hmuin,
A tuihnâinahai chu châk ve naw rawh.
4 #
1 Tim 6.9; Rom 12.16 Hung hausa dingin insuklungkham naw la,
I varnaa inthawk ngei chun bân rawh.
5A um naw chunga chun i mithai chu infûktir naw la,
Hausaknahai chun thlahai an in- siempêk ngei ngei hlak sih a;
Muvânlai vântienga vuong hlak ang el chun.
6Mit rilo neitu bei chu fa naw la,
A thiltuihnaihai khawm chu châk ve naw rawh.
7Ama chu ân ngaituona ang peia um mi a ni si a,
I kuoma chun, “Dâwn la, fa rawh,” a ti dea chu,
A lungril ruok chu i kuomah a um nawh.
8Bubâr i fâk ta chu, inluoksuok nâwk i ta,
I thu thlumhai chu inhmang i tih.
9 #
Mt 7.6 Mi invêt hrieta chun thu hril naw la,
I thu varnahai chu a hmusit ding a ni sih a.
10Inhmaa ramri chu sawn hmang naw la,
Pa neilohai lohaia chun lût bawk naw rawh.
11Anni intlantu chu a hrât sih a,
An chungthu chu nanga chungah phût rawi a tih.
12Inchûktirna tienga chun i lungril chu hmang la,
I nahai chu hrietna thuhai tienga chun.
13Sukdikna chu naupanga inthawk chun lakîr naw la,
Hmawla i vuok chun, ama chu a thi âwm si nawh a.
14Ama chu hmawl chun vuong i ta,
Seola inthawkin a thlarau chu i sansuok ding annâwm.
15Ka naupa, i lungril a var phawt chun,
Ka lungril, keia ta ngei chu, lâwm a tih.
16Anih, ka lungril chu hlim a ta,
I hmûrhaiin thil indik a hril pha chun.
17I lungril chun misuolhai inhnar naw raw se,
Sûnnithlâkin LALPA ṭînaa chun um zing lem rawh.
18Matheiloin chutaka chun lâwmman a um a,
I beiseina chu thlâwn dêr naw nih.
19Ngai la, ka naupa, hung var rawh,
I lungril chu lampuia chun ṭhuoi rawh.
20Hnukinrâwltaka sa fa mihai lai le
Zu he mihai laia chun um naw rawh.
21Zu inrui mi le hnukinrâwl chu hung pasieng an ta,
Inruina chun mi chu puonṭiekin ân thuom ding a ni sih a.
22I pa nang a neitu che thu hi ngai la,
Chun, i nu chu a tar hnung khawma hmusit bawk naw rawh.
23 #
Mt 13.44 Thutak chu inchaw la, zawr ta naw rawh,
Anih, varna dâm, inchûktirna dâm le hrietthiemna dâm khawm chu.
24Mi fel pa chu nasatakin hlim a ta,
Chun, nau var neitu chu amaa chun hlim bawk a tih.
25I pa le i nu chu lâwmin inumtir la,
Nang a neitunu che khawm chu inlâwmtir rawh.
26Ka naupa, i lungril mi pe ta,
Chun, ka lampuihaia chun i mithai khawm chu fu bawk raw se.
27Nuhmei hur chu khurse inthûk a na,
Hmêlmak nuhmei chu khur inchêp a nih.
28Anih, inru angin ân chân a,
Mihai laia chun bawsietna chu a sukpung tah a.
29Tuin am chungrikna chu a nei a?
Tuin am lungngaina chu a nei a?
Tuin am inhalna chu a nei a?
Sawisêlna chu tuin am a nei a?
A thawtu boin tuin am pânnahai a nei a?
Mithai senna chu tuin am a nei a?
30Uoin hmuna sâwttak um hlakhai chun,
Uoin chawkpawl zawnga fe hlakhai chun.
31Uoin chu a sen lai chun nang chun en ngai naw la,
Noa chun a zie chu a hung insuoh a,
A hang insiemdik lai vêl chu en naw rawh.
32A tâwpa chun rûl ang elin a chuk a,
Rûlriel angin a chuk hlak.
33I mithai chun thilmakhai chu hmûng a ta,
I lungril chun thil chapohai chu hril suok a tih.
34Anih, tuisuoriet laia zâltu ang chu nîng i ta,
Annawleh, lawngngul lêra zâl ang nîng i tih.
35 #
Jer 5.3; Eph 4.19 “Annin an mi vuok a, suknatin ka um nawh a,
Annin an mi zêp a, ka hriet nawh a,
Iengtik âm ka har ding a na? la zawng nâwk rawp ka tih,” i ti ding am a nih?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.