NAMBAR 13
13
Enthlatu sâwmpahni Kanaan tieng an tir
(Dt 1.19-33)
1Chun, LALPAIN Mosie a biek a,
2“Israel thlahai ka pêk Kanaan ram va enthla dingin mihai tir rawh; an pahnam tina mi, an ṭhuoituhai laia mi pakhat pei i tir ding a nih,” a ta.
3Chuongchun, Mosie chun Paran thlalêra inthawk chun LALPA thupêk angin ân fetir tâwl tah a; an rêng chun Israel thlahai laia ṭhuoitu seng an nih.
4Hieng hi an hming a nih. Reuben hnama mi Zakkur naupa Sammua.
5Simeon hnama mi Hori naupa Saphat.
6Juda hnam laia mi Jephunne naupa Kaleb.
7Issakar hnama mi Josef naupa Igal.
8Ephraim hnama mi Nun naupa Hosea.
9Benjamin hnama mi Raphu naupa Palti.
10Zebulun hnama mi Sodi naupa Gaddiel.
11Josef hnam, (Manasse hnam an ti) laia mi Susi naupa Gaddi.
12Dan hnama mi Gemali naupa Ammiel.
13Aser hnama mi Mikael naupa Sethur.
14Naphtali hnama mi Vophsi naupa Nahbi.
15Gad hnama mi Maki naupa Geuel.
16Hieng hi ram enthla dinga Mosien a tirhai hming chu a nih. Nun naupa Hosea chu Mosie chun Josua tiin a thleng a.
17Chuongchun, Mosie chun Kanaan ram enthla dingin anni rawi chu a tir a, an kuomah, “Simtieng fe phawt unla, tlângram tieng chun fe pei unla.
18ram chu ieng ang am a nih ti dâm, chuonga chêng mipuihai chu an hrât le hrât naw dâm, an tlâwm le an tam dâm,
19an umna ram chu a ṭha le ṭha naw dâm, an umna khuohai dâm chu ieng ang am a na, puon in el amanih, annawleh kul neiin am a ni ti dâm, chun, ram chu a chêng- hnâwng le hnâwng naw, a ram upa le upa naw dâm khawm va enthla unla.
20Chun, huoitakin um unla, chu rama theirahai chu hung phur ro,” a ta. Grêp ra hmasa ra hun lai tak a nih.
21Chuongchun, an hang suok tah a, ram chu Zin thlalêra inthawka Hamath lûtna Rehob chenin an enthlâk vawng a.
22Simtienga chun an hang fe phawt a, Hebron an va tlung a, chutaka chun Anak thlahai, Ahiman mihai, Sesai mihai, Talmai mihai an um a, (Hebron chu Aigupta rama Zoan inngir hma kum saria inngir tah a nih).
23Chun, Eskol ruom an va tlung a, chutaka grêp ra bâwr khat a kâu pumin an sât bawng a, hmawlin mi pahniin an zâwn a; theibufaihai le theichanghai an hâwn bawk a.
24Chu hmun chu Eskol ruom an ta; Israel thlahaiin chutaka grêp bâwr chu an sat thlâk leiin.
25An ram va enthlâk chu ni sâwmli an thang a, an hung kîr nâwk tah a.
26Chuongchun, Paran thlalêra Kades a chun Mosie le Aron le Israel thla mipui po po kuom chu an hung tlung a, chu ram theihai chu an inentir a.
27 #
Ex 3.8; Dt 1.25 Mosie kuomah, “I mi tirna rama chun kan feh a, nênêtui le khuoizu luongna a lo ni ngei el; hi hi a rama thei a nih.
28Amiruokchu, a rama mi umhai chu mi hrâttak tak el an na, khuohai khawm kul nei, ropuitak tak an nih; chun, Anak thlahai khawm kan hmu bawk a.
29 #
Ex 17.8; Rt 6.3 Amalek mihai chu sim rama chun an um a, Hit mihai, Jebus mihai, Amor mihai chu tlângahai chun an um a; chun, Kanaan mihai chu tuisuoriet pang le Jordan vadung pangah an um,” tiin an hril a.
30Amiruokchu, Kaleb chun, Mosie hmaa mipui chu a sukto ṭhuop a, “Hang inthawk vak ei tiu khai, hang la el ei tiu, hne ngei ngei ei tih,” a ta.
31 #
Dt 1.28; Jos 14.8 Nisienlakhawm, a fepuihai chun, “Hang hne thei tâwl nâwm ei ni ie, eini nêkin an hrât lem sih a,” an tih a.
32Chuongchun, Israel thlahai kuoma chun an ram hang enthlâk chu, “Ram enthla dinga kan hei fang chu, a sûnga umhai fa zo hmang a na, chun, a umhai kan hmuhai khawm chu mi âwmkhautak tak el an na;
33chutaka chun Anak thlahai, mi lienhai, âwmkhautak tak el kan hmuh a, keini chu khâu ang chauin kan inhmu el a nih; anni khawma khâu ang chauin an mi hmu hrim a,” tiin a ṭha naw tiengin an hril a.
Currently Selected:
NAMBAR 13: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
NAMBAR 13
13
Enthlatu sâwmpahni Kanaan tieng an tir
(Dt 1.19-33)
1Chun, LALPAIN Mosie a biek a,
2“Israel thlahai ka pêk Kanaan ram va enthla dingin mihai tir rawh; an pahnam tina mi, an ṭhuoituhai laia mi pakhat pei i tir ding a nih,” a ta.
3Chuongchun, Mosie chun Paran thlalêra inthawk chun LALPA thupêk angin ân fetir tâwl tah a; an rêng chun Israel thlahai laia ṭhuoitu seng an nih.
4Hieng hi an hming a nih. Reuben hnama mi Zakkur naupa Sammua.
5Simeon hnama mi Hori naupa Saphat.
6Juda hnam laia mi Jephunne naupa Kaleb.
7Issakar hnama mi Josef naupa Igal.
8Ephraim hnama mi Nun naupa Hosea.
9Benjamin hnama mi Raphu naupa Palti.
10Zebulun hnama mi Sodi naupa Gaddiel.
11Josef hnam, (Manasse hnam an ti) laia mi Susi naupa Gaddi.
12Dan hnama mi Gemali naupa Ammiel.
13Aser hnama mi Mikael naupa Sethur.
14Naphtali hnama mi Vophsi naupa Nahbi.
15Gad hnama mi Maki naupa Geuel.
16Hieng hi ram enthla dinga Mosien a tirhai hming chu a nih. Nun naupa Hosea chu Mosie chun Josua tiin a thleng a.
17Chuongchun, Mosie chun Kanaan ram enthla dingin anni rawi chu a tir a, an kuomah, “Simtieng fe phawt unla, tlângram tieng chun fe pei unla.
18ram chu ieng ang am a nih ti dâm, chuonga chêng mipuihai chu an hrât le hrât naw dâm, an tlâwm le an tam dâm,
19an umna ram chu a ṭha le ṭha naw dâm, an umna khuohai dâm chu ieng ang am a na, puon in el amanih, annawleh kul neiin am a ni ti dâm, chun, ram chu a chêng- hnâwng le hnâwng naw, a ram upa le upa naw dâm khawm va enthla unla.
20Chun, huoitakin um unla, chu rama theirahai chu hung phur ro,” a ta. Grêp ra hmasa ra hun lai tak a nih.
21Chuongchun, an hang suok tah a, ram chu Zin thlalêra inthawka Hamath lûtna Rehob chenin an enthlâk vawng a.
22Simtienga chun an hang fe phawt a, Hebron an va tlung a, chutaka chun Anak thlahai, Ahiman mihai, Sesai mihai, Talmai mihai an um a, (Hebron chu Aigupta rama Zoan inngir hma kum saria inngir tah a nih).
23Chun, Eskol ruom an va tlung a, chutaka grêp ra bâwr khat a kâu pumin an sât bawng a, hmawlin mi pahniin an zâwn a; theibufaihai le theichanghai an hâwn bawk a.
24Chu hmun chu Eskol ruom an ta; Israel thlahaiin chutaka grêp bâwr chu an sat thlâk leiin.
25An ram va enthlâk chu ni sâwmli an thang a, an hung kîr nâwk tah a.
26Chuongchun, Paran thlalêra Kades a chun Mosie le Aron le Israel thla mipui po po kuom chu an hung tlung a, chu ram theihai chu an inentir a.
27 #
Ex 3.8; Dt 1.25 Mosie kuomah, “I mi tirna rama chun kan feh a, nênêtui le khuoizu luongna a lo ni ngei el; hi hi a rama thei a nih.
28Amiruokchu, a rama mi umhai chu mi hrâttak tak el an na, khuohai khawm kul nei, ropuitak tak an nih; chun, Anak thlahai khawm kan hmu bawk a.
29 #
Ex 17.8; Rt 6.3 Amalek mihai chu sim rama chun an um a, Hit mihai, Jebus mihai, Amor mihai chu tlângahai chun an um a; chun, Kanaan mihai chu tuisuoriet pang le Jordan vadung pangah an um,” tiin an hril a.
30Amiruokchu, Kaleb chun, Mosie hmaa mipui chu a sukto ṭhuop a, “Hang inthawk vak ei tiu khai, hang la el ei tiu, hne ngei ngei ei tih,” a ta.
31 #
Dt 1.28; Jos 14.8 Nisienlakhawm, a fepuihai chun, “Hang hne thei tâwl nâwm ei ni ie, eini nêkin an hrât lem sih a,” an tih a.
32Chuongchun, Israel thlahai kuoma chun an ram hang enthlâk chu, “Ram enthla dinga kan hei fang chu, a sûnga umhai fa zo hmang a na, chun, a umhai kan hmuhai khawm chu mi âwmkhautak tak el an na;
33chutaka chun Anak thlahai, mi lienhai, âwmkhautak tak el kan hmuh a, keini chu khâu ang chauin kan inhmu el a nih; anni khawma khâu ang chauin an mi hmu hrim a,” tiin a ṭha naw tiengin an hril a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.