LEVI DÂN 16
16
Intlanna Ni
1Aron naupasalhai pahniin LALPA an va hnaia an thi pha hnung chun, LALPA chun Mosie a biek a;
2 #
Heb 6.19; 9.7,25 LALPA chun Mosie kuomah, “I unaupa Aron hril la, puonzâr sûng hmun inthiengah, bâwm chunga zângaina ṭhungpha hmaa chun a hung zing zing ding a ni nawh, thi rawi a tih; zângaina ṭhungpha chungah sûm lai ka hung inlâr ding a ni sih a.
3Hieng ang hin Aron chu hmun inthienga chun a fe ding a nih; suol inthâwina dingin bâwng tuoi, pum- rawhmang thilinhlân dingin berâm- chal leh.
4Puon zai inhmi zakaw chung chu hâk a ta, a tisa inkhumna dingin puon zai inhmi kekawr chu bun a ta, puon zai inhmi kâwngkhiin inhrêng a ta, puon zai inhmi lukhum a khum ding a nih; hieng hi silfên inthieng a nih. Insil zet zet a ta; chun, ân bel ding a nih.
5Israel thla mipuihaia inthawkin, suol inthâwina dingin kêlchal pahni le pumrawhmang thilinhlâna dingin berâmchal pakhat chawi a tih.
6“Chun, Aron chun ama puola suol inthâwina bâwngchal chu inhlân a ta, ama le a sûnghai ta dingin intlanna siem a tih.
7Kêl pahni chu kei a ta, intuokna puon in kawtkhâr bulah LALPA hmaah sieng a tih.
8Chun, Aron chun kêl pahni chungchânga chun aisân a ta, pakhat chu LALPA chanpuol nîng a ta, pa- khat chu Azazel chanpuol nîng a tih.
9Aron chun LALPA chanpuola tlu kêl chu lâng a ta, suol inthâwina dingin inhlân a tih.
10Azazel chanpuola tlu kêl ruok chu intlanna siemna dingin, Azazel ta dinga thlalêra insuo dingin LALPA hmaah a hringin sieng a tih.
11“Aron chun ama puola suol inthâwina bâwngchal chu lâng a ta, ama le a sûnghai ta dingin intlanna siem a ta; ama puola suol inthâwina bâwngchal chu that a tih.
12Chun, meilâkna meilinga sip, mâichâma inthawkin LALPA hmaa chun lâng a ta, riminhnik inhniktak rawt dip dap ṭhûm hni leh puonzâr sûng tieng chun hung lûtpui a tih.
13Riminhnik khû chun, thu- thlungna bâwm chunga, zângaina ṭhungpha chu bâwm dingin, LALPA hmaah meia chun riminhnik chu phul a tih, chuong naw chun thi rawi a tih.
14Bâwngchal thisen iengzât ama- ni chu lâng a ta, a kutpârin zângaina ṭhungpha hmatieng pang chu thêng a ta; chun, a kutpârin zângaina ṭhung- pha hmabul vêl chu, thisen chun vawi sari a the ding a nih.
15“Mipui puola suol inthâwina kêl chu that a ta, a thisen chu puonzâr sûng tienga chun hung lûtpui a ta; a thisen chu bâwngchal thisen a thaw ang bawk khan thâwng a ta, zângaina ṭhungpha le, zângaina ṭhungpha hmabul vêl chu thêng a tih.
16Chuongchun, Israel thlahai inthiengnawna lei dâm, an bawsiet- nahai lei dâm, an suolnahai lei dâmin hmun inthieng puola dingin intlanna siem a ta; chuong ang chun, an inthiengnawna laia chêng intuokna puon in puola ding khawmin siem a tih.
17Hmun inthienga intlanna siem dinga a lût lai chun, ama le a sûnghai le Israel mipuihai puola intlanna a siem zoa a hung suok nâwk hmakhat chun, tukhawm intuokna puon in sûnga chun an um ding a ni nawh.
18LALPA hmaa mâichâm tieng chun suok a ta, chu puola ding chun intlanna siem a ta; bâwngchal thisen le kêl thisen iengzât amani chu lâng a ta, mâichâm kia chun a vêlin nâl a tih.
19Chun, a kutpârin vawi sari thêng a ta, inthien a tih; chuongchun, Israel thlahai inthiengnawnaa in- thawk chun sukthieng a tih.
Suol phurtu kêl
20“Hmun inthieng le intuokna puon in le mâichâm puola intlanna a siem zo chun kêl hring lai chu inhlân a ta;
21Aron chun kêl hring lai lu chunga chun,a kut a khing pahniin innghat a ta, a chunga chun Israel thlahai rîtlonahai po po, an baw- sietnahai po po, a suolna po po chenin insam a ta, chuonghai chu kêl lu chunga chun innghat a ta, mi pakhat a iruotsa khan thlalêr tieng ṭhuoi hmang dai a tih.
22Kêl chun an rîtlona po po chu chêng nawna rama chun phur a ta, kêl chu thlalêra chun ân suo ding a nih.
23“Chun, Aron chu intuokna puon ina chun lût a ta, hmun inthieng a lût laia puon zai inhmi silfên a hâk chu hlîp a ta, chutaka chun mâksan a ta;
24hmun inthienga chun insil a ta, a silfên inbel a ta, suok a ta, ama puola pumrawhmang thilinhlân le mipui puola pumrawhmang thilin- hlân chu inhlân a ta, ama le mipuihai ta dingin intlanna siem a tih.
25Chun, suol inthâwina thâu chu mâichâma chun rawng a tih.
26Chun, Azazel kuoma kêl in- suotu taphawt chun a puonhai sâwp a ta, insil a ta, chu zo chun a umna hmun tieng chun a kir nâwk ding a nih.
27 #
Heb 13.11 Suol inthâwina bâwngchal le suol inthâwina kêl, an thisen intlan- na siemna dinga hmun inthienga an lûtpui chu, riebûk puotienga fepui nîng a ta; a vun dâm, a sa dâm, a êk dâm chu an raw ding a nih.
28A rawtu chun a puonhai sâwp a ta, insil a ta, chu zo chun riebûk tieng hung thei a tih.
Tlanna ni inserna
29“Chun, hi hi in kumkhaw dân ding nîng a tih; thla sarina, chu thla ni sâwm ni chun insukrinum in ta, sin hrim hrim in thaw ding a ni nawh, a ram mi khawmin, nangni laia um ram dang mi khawmin.
30Hi ni hin, nangni sukthiengna ding cheuin in ta dingin intlanna siem a ni ding a ni sih a; chuongchun, LALPA hmaa chun in suolna po poa inthawk hung inthieng in tih.
31In ta dingin châwl ṭawk ṭawkna ni a na, in insukrinum ding a nih; hi hi in kumkhaw dân ding a nih.
32Chun, thiempu, a pa aia thiem- pu ni dinga hriek nâl le, suktuma um chun intlanna siem a ta, puon zai inhmi silfên inthieng chu inbel a ta;
33hmun inthieng puol dingin intlanna siem a ta, intuokna puon in le mâichâm puola ding chun intlanna siem bawk a ta; chun, thiempuhai le mipuihai ta dingin intlanna siem bawk a tih.
34An suolna po po leia kum tin vawi khat Israel thlahai ta dinga intlanna siem hi in kumkhaw dân ding a nih,” a ta. Chuongchun, LALPAIN thu a pêk ang chun Mosie chun a thaw tah a.
Currently Selected:
LEVI DÂN 16: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
LEVI DÂN 16
16
Intlanna Ni
1Aron naupasalhai pahniin LALPA an va hnaia an thi pha hnung chun, LALPA chun Mosie a biek a;
2 #
Heb 6.19; 9.7,25 LALPA chun Mosie kuomah, “I unaupa Aron hril la, puonzâr sûng hmun inthiengah, bâwm chunga zângaina ṭhungpha hmaa chun a hung zing zing ding a ni nawh, thi rawi a tih; zângaina ṭhungpha chungah sûm lai ka hung inlâr ding a ni sih a.
3Hieng ang hin Aron chu hmun inthienga chun a fe ding a nih; suol inthâwina dingin bâwng tuoi, pum- rawhmang thilinhlân dingin berâm- chal leh.
4Puon zai inhmi zakaw chung chu hâk a ta, a tisa inkhumna dingin puon zai inhmi kekawr chu bun a ta, puon zai inhmi kâwngkhiin inhrêng a ta, puon zai inhmi lukhum a khum ding a nih; hieng hi silfên inthieng a nih. Insil zet zet a ta; chun, ân bel ding a nih.
5Israel thla mipuihaia inthawkin, suol inthâwina dingin kêlchal pahni le pumrawhmang thilinhlâna dingin berâmchal pakhat chawi a tih.
6“Chun, Aron chun ama puola suol inthâwina bâwngchal chu inhlân a ta, ama le a sûnghai ta dingin intlanna siem a tih.
7Kêl pahni chu kei a ta, intuokna puon in kawtkhâr bulah LALPA hmaah sieng a tih.
8Chun, Aron chun kêl pahni chungchânga chun aisân a ta, pakhat chu LALPA chanpuol nîng a ta, pa- khat chu Azazel chanpuol nîng a tih.
9Aron chun LALPA chanpuola tlu kêl chu lâng a ta, suol inthâwina dingin inhlân a tih.
10Azazel chanpuola tlu kêl ruok chu intlanna siemna dingin, Azazel ta dinga thlalêra insuo dingin LALPA hmaah a hringin sieng a tih.
11“Aron chun ama puola suol inthâwina bâwngchal chu lâng a ta, ama le a sûnghai ta dingin intlanna siem a ta; ama puola suol inthâwina bâwngchal chu that a tih.
12Chun, meilâkna meilinga sip, mâichâma inthawkin LALPA hmaa chun lâng a ta, riminhnik inhniktak rawt dip dap ṭhûm hni leh puonzâr sûng tieng chun hung lûtpui a tih.
13Riminhnik khû chun, thu- thlungna bâwm chunga, zângaina ṭhungpha chu bâwm dingin, LALPA hmaah meia chun riminhnik chu phul a tih, chuong naw chun thi rawi a tih.
14Bâwngchal thisen iengzât ama- ni chu lâng a ta, a kutpârin zângaina ṭhungpha hmatieng pang chu thêng a ta; chun, a kutpârin zângaina ṭhung- pha hmabul vêl chu, thisen chun vawi sari a the ding a nih.
15“Mipui puola suol inthâwina kêl chu that a ta, a thisen chu puonzâr sûng tienga chun hung lûtpui a ta; a thisen chu bâwngchal thisen a thaw ang bawk khan thâwng a ta, zângaina ṭhungpha le, zângaina ṭhungpha hmabul vêl chu thêng a tih.
16Chuongchun, Israel thlahai inthiengnawna lei dâm, an bawsiet- nahai lei dâm, an suolnahai lei dâmin hmun inthieng puola dingin intlanna siem a ta; chuong ang chun, an inthiengnawna laia chêng intuokna puon in puola ding khawmin siem a tih.
17Hmun inthienga intlanna siem dinga a lût lai chun, ama le a sûnghai le Israel mipuihai puola intlanna a siem zoa a hung suok nâwk hmakhat chun, tukhawm intuokna puon in sûnga chun an um ding a ni nawh.
18LALPA hmaa mâichâm tieng chun suok a ta, chu puola ding chun intlanna siem a ta; bâwngchal thisen le kêl thisen iengzât amani chu lâng a ta, mâichâm kia chun a vêlin nâl a tih.
19Chun, a kutpârin vawi sari thêng a ta, inthien a tih; chuongchun, Israel thlahai inthiengnawnaa in- thawk chun sukthieng a tih.
Suol phurtu kêl
20“Hmun inthieng le intuokna puon in le mâichâm puola intlanna a siem zo chun kêl hring lai chu inhlân a ta;
21Aron chun kêl hring lai lu chunga chun,a kut a khing pahniin innghat a ta, a chunga chun Israel thlahai rîtlonahai po po, an baw- sietnahai po po, a suolna po po chenin insam a ta, chuonghai chu kêl lu chunga chun innghat a ta, mi pakhat a iruotsa khan thlalêr tieng ṭhuoi hmang dai a tih.
22Kêl chun an rîtlona po po chu chêng nawna rama chun phur a ta, kêl chu thlalêra chun ân suo ding a nih.
23“Chun, Aron chu intuokna puon ina chun lût a ta, hmun inthieng a lût laia puon zai inhmi silfên a hâk chu hlîp a ta, chutaka chun mâksan a ta;
24hmun inthienga chun insil a ta, a silfên inbel a ta, suok a ta, ama puola pumrawhmang thilinhlân le mipui puola pumrawhmang thilin- hlân chu inhlân a ta, ama le mipuihai ta dingin intlanna siem a tih.
25Chun, suol inthâwina thâu chu mâichâma chun rawng a tih.
26Chun, Azazel kuoma kêl in- suotu taphawt chun a puonhai sâwp a ta, insil a ta, chu zo chun a umna hmun tieng chun a kir nâwk ding a nih.
27 #
Heb 13.11 Suol inthâwina bâwngchal le suol inthâwina kêl, an thisen intlan- na siemna dinga hmun inthienga an lûtpui chu, riebûk puotienga fepui nîng a ta; a vun dâm, a sa dâm, a êk dâm chu an raw ding a nih.
28A rawtu chun a puonhai sâwp a ta, insil a ta, chu zo chun riebûk tieng hung thei a tih.
Tlanna ni inserna
29“Chun, hi hi in kumkhaw dân ding nîng a tih; thla sarina, chu thla ni sâwm ni chun insukrinum in ta, sin hrim hrim in thaw ding a ni nawh, a ram mi khawmin, nangni laia um ram dang mi khawmin.
30Hi ni hin, nangni sukthiengna ding cheuin in ta dingin intlanna siem a ni ding a ni sih a; chuongchun, LALPA hmaa chun in suolna po poa inthawk hung inthieng in tih.
31In ta dingin châwl ṭawk ṭawkna ni a na, in insukrinum ding a nih; hi hi in kumkhaw dân ding a nih.
32Chun, thiempu, a pa aia thiem- pu ni dinga hriek nâl le, suktuma um chun intlanna siem a ta, puon zai inhmi silfên inthieng chu inbel a ta;
33hmun inthieng puol dingin intlanna siem a ta, intuokna puon in le mâichâm puola ding chun intlanna siem bawk a ta; chun, thiempuhai le mipuihai ta dingin intlanna siem bawk a tih.
34An suolna po po leia kum tin vawi khat Israel thlahai ta dinga intlanna siem hi in kumkhaw dân ding a nih,” a ta. Chuongchun, LALPAIN thu a pêk ang chun Mosie chun a thaw tah a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.