THUHRILTU 3
3
Thil iengkim hun
1Vân hnuoia hin thiltum tinrêng ta dingin hun a um a, thil tinrêng ta dingin hunbi a um:
2Pieng hun a um a, thi hun a um a;
Phun hun a um a, phunsahai phâwi hun a um bawk a;
3Sukhlum hun le sukdam hun a um a,
Ṭhiek hun le bâwl hun a um a;
4Ṭap hun le innui hun a um a,
Sûnna hun le lâm hun a um a;
5Lung peihâwn hun le lung lâk khâwm hun a um a,
Pawm hun le pawmnaa inthawk insûm hun a um a;
6Zawng hun le inhmang hun a um a,
Vawng hun le peihâwn hun a um a;
7Keithlêr hun le ṭhui hun a um a,
To ṭawk ṭawk hun le thu hril hun a um a;
8Hmangai hun le theida hun a um a,
Indo hun le inrem hun a um a;
9Sinthawtu chun a sininrimnaah ieng hlâwkna am a hmu a?
10Chutaka an buoipui ngei ding mihriem nauhai kuoma chun Pathien chun sin dinga a pêk chu ka hmuh a.
11Thil tinrêng chu mâni hun senga mawi dingin a siem a; a bula inthawka a tâwp chena Pathienin sin a thaw chu mihriemin a hriet suok thei nawna dingin, an lungrilah khawvêl chu a ruotdet bawk a.
12An dam sûng poa thil ṭha thawa hlima um nêka an ta dinga ṭha lem iengkhawm a um nawh ti ka hriet a.
13Chun, mi tinin a sinthaw inrim- na po poa thil ṭha a chêna, a dâwna a fâk chu Pathien thilthlâwnpêk a nih.
14Pathienin a thaw taphawt kum- khuoa ding a nih ti ka hriet a; chu- taka chun iengkhawm belsa thei ni naw ni a, iengkhawm lâkṭhe thei ni naw nih; Ama hmaa mihriemhai chu an ṭit theina dingin Pathien chun a thaw tah a nih.
15Thil hung umhai chu um ta hnung dai kha a na, la hung ding khawm chu ni ta hnung dai kha a nih: thil fe liem ta hnung kha Pathien chun a hung lâk kîr nâwk pei a nih.
Mihriem hringna fel nawna chu
16Chu nawa khawm chun nisa hnuoia hin, rorêlna umnaa chun, rîtlona khawm a um a; felna umna hmuna chun rîtlona khawm a um ka hmuh a.
17Ka lungril chun, “Pathien chun mi fel le rilo chunga chun ro rêl a tih; sin tinrêng le thiltum tinrênga dingin hun a um sih a,” ka tih a.
18Ka lungril ma chun, “Mihriem nauhai lei a ni hi; Pathien chun anni chu a fie theina ding le, anni khawma ramsahai ang chau an nih ti an hrietsuok theina dingin,” ka tih a.
19Chu thil mihriem nauhai chunga tlung chu ramsahai chunga khawm a tlung sih a; pakhat a thi angin a dang khawm chu an thih a. Thuok angkhat nei seng an nih a, mihriem chun ramsahai nêka chung- hnungbîkna a nei nawh; thil po po chu teplo el a ni sih a.
20An rêngin hmun pakhatah an feh a; an rêngin pilvuta inthawk an na, an rêngin pilvut an inchang nâwk a.
21Mihriem thlarau chu chung- tieng a feh a; ramsa thlarau chu hnuoitieng hnuoiah a fe ti tuin am a hriet a?
22Chuleiin, miin a sinthawhaia a hlim nêka ṭha lem iengkhawm ka hmu nawh; chu chu ama chanpuol a na, ama hnunga thil hung um dinghai chu hmu dingin tuin am ama chu hung ṭhuoi kîr tâng a ti leh?
Currently Selected:
THUHRILTU 3: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
THUHRILTU 3
3
Thil iengkim hun
1Vân hnuoia hin thiltum tinrêng ta dingin hun a um a, thil tinrêng ta dingin hunbi a um:
2Pieng hun a um a, thi hun a um a;
Phun hun a um a, phunsahai phâwi hun a um bawk a;
3Sukhlum hun le sukdam hun a um a,
Ṭhiek hun le bâwl hun a um a;
4Ṭap hun le innui hun a um a,
Sûnna hun le lâm hun a um a;
5Lung peihâwn hun le lung lâk khâwm hun a um a,
Pawm hun le pawmnaa inthawk insûm hun a um a;
6Zawng hun le inhmang hun a um a,
Vawng hun le peihâwn hun a um a;
7Keithlêr hun le ṭhui hun a um a,
To ṭawk ṭawk hun le thu hril hun a um a;
8Hmangai hun le theida hun a um a,
Indo hun le inrem hun a um a;
9Sinthawtu chun a sininrimnaah ieng hlâwkna am a hmu a?
10Chutaka an buoipui ngei ding mihriem nauhai kuoma chun Pathien chun sin dinga a pêk chu ka hmuh a.
11Thil tinrêng chu mâni hun senga mawi dingin a siem a; a bula inthawka a tâwp chena Pathienin sin a thaw chu mihriemin a hriet suok thei nawna dingin, an lungrilah khawvêl chu a ruotdet bawk a.
12An dam sûng poa thil ṭha thawa hlima um nêka an ta dinga ṭha lem iengkhawm a um nawh ti ka hriet a.
13Chun, mi tinin a sinthaw inrim- na po poa thil ṭha a chêna, a dâwna a fâk chu Pathien thilthlâwnpêk a nih.
14Pathienin a thaw taphawt kum- khuoa ding a nih ti ka hriet a; chu- taka chun iengkhawm belsa thei ni naw ni a, iengkhawm lâkṭhe thei ni naw nih; Ama hmaa mihriemhai chu an ṭit theina dingin Pathien chun a thaw tah a nih.
15Thil hung umhai chu um ta hnung dai kha a na, la hung ding khawm chu ni ta hnung dai kha a nih: thil fe liem ta hnung kha Pathien chun a hung lâk kîr nâwk pei a nih.
Mihriem hringna fel nawna chu
16Chu nawa khawm chun nisa hnuoia hin, rorêlna umnaa chun, rîtlona khawm a um a; felna umna hmuna chun rîtlona khawm a um ka hmuh a.
17Ka lungril chun, “Pathien chun mi fel le rilo chunga chun ro rêl a tih; sin tinrêng le thiltum tinrênga dingin hun a um sih a,” ka tih a.
18Ka lungril ma chun, “Mihriem nauhai lei a ni hi; Pathien chun anni chu a fie theina ding le, anni khawma ramsahai ang chau an nih ti an hrietsuok theina dingin,” ka tih a.
19Chu thil mihriem nauhai chunga tlung chu ramsahai chunga khawm a tlung sih a; pakhat a thi angin a dang khawm chu an thih a. Thuok angkhat nei seng an nih a, mihriem chun ramsahai nêka chung- hnungbîkna a nei nawh; thil po po chu teplo el a ni sih a.
20An rêngin hmun pakhatah an feh a; an rêngin pilvuta inthawk an na, an rêngin pilvut an inchang nâwk a.
21Mihriem thlarau chu chung- tieng a feh a; ramsa thlarau chu hnuoitieng hnuoiah a fe ti tuin am a hriet a?
22Chuleiin, miin a sinthawhaia a hlim nêka ṭha lem iengkhawm ka hmu nawh; chu chu ama chanpuol a na, ama hnunga thil hung um dinghai chu hmu dingin tuin am ama chu hung ṭhuoi kîr tâng a ti leh?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.