ROM 15
15
1Kannih a ṭhawngmi hna nih mah lawmhnâk lawng kawl loin zângdermi kha kan bomh hna awk a si. 2Kan dihlak in mah le innpa ṭhatnâk le ṭhathnemnâk caah lawmhter i tim cio usih. 3Zeitintiah Krih zong nih Amah lawmhnâk a kawl lo. “Nangmah situ hna siknâk cu keimah cungah a tla,” tiah ṭialmi bantuk kha a si. 4Zeitintiah Cathiang chungah inkhawhnâk, hnangamnâk le ruahchannâk kan ngeih khawh nâkhnga hlan lioah an rak ṭialmi hna kha kanmah cawnpiaknâk dingah ṭialmi an si. 5Cubangin lungsaunâk le hnangamnâk Pathian nih Krih Jesuh bia bantukin pakhat le pakhat ruahnâk pakhat in ngeihter hna seh. 6Cuticun lungthin pakhat le kâ pakhat in Pathian le kan Bawipa Jesuh Krih a Pa kha nan thangṭhat khawh lai. 7Cucaah Krih nih Pathian sunparnâk dingah an cohlan hna bantukin nannih zong pakhat le pakhat i cohlang ve u. 8Cubangin hringtu hna sinah a sermi a biakam fehter dingah Pathian biatak thawngin, Jesuh Krih cu cuarpartanmi hna sinum ah â cang, 9cucu a vel thawngin Gentel mi hna nih Pathian an thangṭhat khawh nâkhnga caah a si. “Hi ruangah hin Gentel hna sinah na min ka thangṭhat lai i na min in hla ka sa lai” tiah ṭial a si. 10Cun “Maw Gentel mi hna, a mi le hna he i lawm tuah u!” tiah a chim ṭhân. 11Cun “Nannih Gentel mi vialte hna, Bawipa cu thangṭhat u, Mi vialte hna Amah cu thangṭhat u,” a ti ṭhân rih. 12Cun Isaiah nih, “Jessi zunghram cu a um lai i Amah cu Gentel mi hna uk dingah a rung chuak lai; Gentelmi hna nih Amah kha an i ruahchan lai,” tiah a chim ṭhân. 13Thiang Thlarau ṭhawnnâk thawngin ruahchannâk in a khatmi nan sikhawh nâkhnga, ruahchannâk Pathian nih nan zumhnâk ah lomhnâk le daih nâkin in khahter hna seh. 14Atu ah ka u le ka nau hna, hngalhnâk vial tein khahter nan si i ṭhatnâk zongin nan khat, pakhat le pakhat â chimhring kho in nan um ca ah, nan kongah keimah zong hnangam tein ka um. 15Asinain ule nau hna, Pathian sinin zângfahnâk pêk ka si caah thil sining cheukhat theihter ṭhânnâk dingah ralṭha in nan sinah ka ṭialmi a si, 16cuticun Gentel mi hna thilpêk cu cohlan awktlâk, Thiang Thlarau i thiantermi a sikhawh nâkhnga, Gentel mi hna sinah Jesuh Krih ca i Pathian thawngṭha bia rianṭuantu ka si kho lai. 17Cucaah Pathian kongah Krih Jesuh ah hmaihngal khawhnâk ka ngei. 18Zeitintiah Gentel mi hna zumhter dingin Krih nih keimah ah a lîmcangmi dah ti lo cu bia in siseh tuahsernâk in siseh ka phuang ngam lo, 19Krih thawngṭha bia cu hmelchunhnâk le khuaruahhar thil lianngan hna le, Pathian Thlarau thiltikhawhnâk thawngin Jerusalem in Illirikum tiangin tling tein ka chim cang. 20Midang hram bunhmi cung i a sami ka si nâkhnga lo, thawngṭha bia cu Krih min kawh cianâk hmun a si lomi ah chim hi ka timhmi a si, 21“A thawngpang an thanh bal lonâk mi hna nih an hmuh lai, cun a thei bal lomi hna nih an theih lai.” tiah ṭialmi bang khan. 22Hiruangah hin nan sin i rat dingah donhkhanh i ka um tawnnâk cu a si. 23Asinain atu ah hi ram hrawngah umnâk ka ngei set ti lo, kum tampi nan sin rat ka duh tuk nâk he, 24Spain ram i ka kal tik pauh ah nan sinah ka ra lai. Zeitintiah ka khual tlawnpah ah nanmah hmuh lai kâ ruahchan, nanmah he cân khat te i hawikomh nâkah kâ lomh khawh ahcun, ka kal ṭhânnâk dingah nan ka bomh zong kâ ruahchan. 25Asinain atu mithiang hna rian ṭuan dingin Jerusalem ah ka kal rih lai. 26Zeitintiah Mesidonia le Akai rammi hna nih lunglawm ngaiin Jerusalem khua i misifâk hna caah chawva an pêk cang. 27Cu nih cun a lomhter tak tak hna, cun annih cu an lei a battu an si. Zeitintiah thlarau lei thil hna Gentel mi nih an i hrawm ahcun thilri lei in an bomhchanh hna ding kha an ṭuanvo a si. 28Cucaah hi rian ka ṭuan dih i hi theitlai hi an hmuh hnuah, Spain ram i ka kalpah in kan pal te hna lai. 29Asinain nan sin i ka rat tikah Krih thawngṭha thluachuahnâk tlamtling he ka ra lai tiah ka hngalh. 30Cubangin unau hna, Bawipa Jesuh Krih le Thlarau dawtnâk in, biatak tein Pathian sinah thla kan camṭi nâkah hin, thla ka campiak ve u tiah kan nawl hna, 31Judia ram i a zum duh lotu hna lakah khamh ka si khawh nâkhnga le, Jerusalem ca i rian ka ṭuanmi hi mithiang hna ca ah cohlan awktlâk a si khawh nâkhnga, 32Pathian hnatlâk nâkin lunglawm tein nan sin ka rat khawh nâkhnga le nanmah hna he hmunkhat teah kan i tharchuah khawh nâkhnga. 33Daihnâk Pathian nih nan dihlak in umpi ko hna seh. Amen.
Currently Selected:
ROM 15: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
ROM 15
15
1Kannih a ṭhawngmi hna nih mah lawmhnâk lawng kawl loin zângdermi kha kan bomh hna awk a si. 2Kan dihlak in mah le innpa ṭhatnâk le ṭhathnemnâk caah lawmhter i tim cio usih. 3Zeitintiah Krih zong nih Amah lawmhnâk a kawl lo. “Nangmah situ hna siknâk cu keimah cungah a tla,” tiah ṭialmi bantuk kha a si. 4Zeitintiah Cathiang chungah inkhawhnâk, hnangamnâk le ruahchannâk kan ngeih khawh nâkhnga hlan lioah an rak ṭialmi hna kha kanmah cawnpiaknâk dingah ṭialmi an si. 5Cubangin lungsaunâk le hnangamnâk Pathian nih Krih Jesuh bia bantukin pakhat le pakhat ruahnâk pakhat in ngeihter hna seh. 6Cuticun lungthin pakhat le kâ pakhat in Pathian le kan Bawipa Jesuh Krih a Pa kha nan thangṭhat khawh lai. 7Cucaah Krih nih Pathian sunparnâk dingah an cohlan hna bantukin nannih zong pakhat le pakhat i cohlang ve u. 8Cubangin hringtu hna sinah a sermi a biakam fehter dingah Pathian biatak thawngin, Jesuh Krih cu cuarpartanmi hna sinum ah â cang, 9cucu a vel thawngin Gentel mi hna nih Pathian an thangṭhat khawh nâkhnga caah a si. “Hi ruangah hin Gentel hna sinah na min ka thangṭhat lai i na min in hla ka sa lai” tiah ṭial a si. 10Cun “Maw Gentel mi hna, a mi le hna he i lawm tuah u!” tiah a chim ṭhân. 11Cun “Nannih Gentel mi vialte hna, Bawipa cu thangṭhat u, Mi vialte hna Amah cu thangṭhat u,” a ti ṭhân rih. 12Cun Isaiah nih, “Jessi zunghram cu a um lai i Amah cu Gentel mi hna uk dingah a rung chuak lai; Gentelmi hna nih Amah kha an i ruahchan lai,” tiah a chim ṭhân. 13Thiang Thlarau ṭhawnnâk thawngin ruahchannâk in a khatmi nan sikhawh nâkhnga, ruahchannâk Pathian nih nan zumhnâk ah lomhnâk le daih nâkin in khahter hna seh. 14Atu ah ka u le ka nau hna, hngalhnâk vial tein khahter nan si i ṭhatnâk zongin nan khat, pakhat le pakhat â chimhring kho in nan um ca ah, nan kongah keimah zong hnangam tein ka um. 15Asinain ule nau hna, Pathian sinin zângfahnâk pêk ka si caah thil sining cheukhat theihter ṭhânnâk dingah ralṭha in nan sinah ka ṭialmi a si, 16cuticun Gentel mi hna thilpêk cu cohlan awktlâk, Thiang Thlarau i thiantermi a sikhawh nâkhnga, Gentel mi hna sinah Jesuh Krih ca i Pathian thawngṭha bia rianṭuantu ka si kho lai. 17Cucaah Pathian kongah Krih Jesuh ah hmaihngal khawhnâk ka ngei. 18Zeitintiah Gentel mi hna zumhter dingin Krih nih keimah ah a lîmcangmi dah ti lo cu bia in siseh tuahsernâk in siseh ka phuang ngam lo, 19Krih thawngṭha bia cu hmelchunhnâk le khuaruahhar thil lianngan hna le, Pathian Thlarau thiltikhawhnâk thawngin Jerusalem in Illirikum tiangin tling tein ka chim cang. 20Midang hram bunhmi cung i a sami ka si nâkhnga lo, thawngṭha bia cu Krih min kawh cianâk hmun a si lomi ah chim hi ka timhmi a si, 21“A thawngpang an thanh bal lonâk mi hna nih an hmuh lai, cun a thei bal lomi hna nih an theih lai.” tiah ṭialmi bang khan. 22Hiruangah hin nan sin i rat dingah donhkhanh i ka um tawnnâk cu a si. 23Asinain atu ah hi ram hrawngah umnâk ka ngei set ti lo, kum tampi nan sin rat ka duh tuk nâk he, 24Spain ram i ka kal tik pauh ah nan sinah ka ra lai. Zeitintiah ka khual tlawnpah ah nanmah hmuh lai kâ ruahchan, nanmah he cân khat te i hawikomh nâkah kâ lomh khawh ahcun, ka kal ṭhânnâk dingah nan ka bomh zong kâ ruahchan. 25Asinain atu mithiang hna rian ṭuan dingin Jerusalem ah ka kal rih lai. 26Zeitintiah Mesidonia le Akai rammi hna nih lunglawm ngaiin Jerusalem khua i misifâk hna caah chawva an pêk cang. 27Cu nih cun a lomhter tak tak hna, cun annih cu an lei a battu an si. Zeitintiah thlarau lei thil hna Gentel mi nih an i hrawm ahcun thilri lei in an bomhchanh hna ding kha an ṭuanvo a si. 28Cucaah hi rian ka ṭuan dih i hi theitlai hi an hmuh hnuah, Spain ram i ka kalpah in kan pal te hna lai. 29Asinain nan sin i ka rat tikah Krih thawngṭha thluachuahnâk tlamtling he ka ra lai tiah ka hngalh. 30Cubangin unau hna, Bawipa Jesuh Krih le Thlarau dawtnâk in, biatak tein Pathian sinah thla kan camṭi nâkah hin, thla ka campiak ve u tiah kan nawl hna, 31Judia ram i a zum duh lotu hna lakah khamh ka si khawh nâkhnga le, Jerusalem ca i rian ka ṭuanmi hi mithiang hna ca ah cohlan awktlâk a si khawh nâkhnga, 32Pathian hnatlâk nâkin lunglawm tein nan sin ka rat khawh nâkhnga le nanmah hna he hmunkhat teah kan i tharchuah khawh nâkhnga. 33Daihnâk Pathian nih nan dihlak in umpi ko hna seh. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.