PHUNGTHLÛKBIA 8
8
1Fimnâk cu a au i theihthiamnâk nih a aw a chuah lo maw? 2Tlângsannâk ah ṭhutnâk â ser i lamkam le lamṭe ah a dir tawn. 3Khualipi luhnâk kutka hram le, luhnâk innkâ hram hna ah thang ngaiin a au, 4Maw, minung fale hna, kan auh hna hih; ka aw hi minung fale caah a si. 5Aw mi sawsawh hna, fimnâk hi theithiam u, nannih mihrut hna theithiamnâk lungthin hi ngei tuah u. 6Ngaihmanh u, a ṭhabik mi ka chim hna lai i ka kâ chungchuak cu a dikmi an si lai. 7Zeitintiah ka hmurkâ nih biatak a chim lai, suahsualnâk hi ka hmur caah fihnung a si. 8Ka kâ chungchuak bia vialte cu dinnâk an si dih; a ngawimi le â ngerhmi bia zeihmanh a um lo. 9A theithiammi caah a tluangtlam i hngalhnâk a ngeimi caah a dikmi an si. 10Phaisa si loin, ka cawnpiaknâk hi cohlang u; a ṭhami sui nâk in hngalhnâk hi i thim deuh u. 11Zeitintiah fimnâk hi Rubi lungvar nâk in a ṭha deuh; duh bia na phaimi vialte nih a tluk lai lo. 12“Kei, fimnâk hi fim ngai in ka um, hngalhnâk le ruahthiamnâk zong ka hmuh hna. 13BAWIPA ṭihzah cu sual huat hi a si; porhlawtnâk le, ruamkainâk, sualnâk lam le biadik lo chimnâk hmur hi ka huat hna. 14Remruatnâk le fimnâk taktak hi ka ta an si; theihthiamnâk ka si i ṭhawnnâk ka ngei. 15Keimah thawngin siangpahrang hna nih an uk i uktu hna nih dik ngaiin bia an khiah tawn. 16Keimah thawngin, uktu hna le, milian hna le, ṭihzahmi hna le, leicung i biaceihtu vialte nih rem an ruat tawn. 17Aka dawtu cu ka dawt ve hna i biatak tein aka kawltu hna nih anka hmuh lai. 18Rumnâk le upatnâk hi ka sinah a ummi an si, a hmunmi rumnâk le dinnâk a si. 19Ka theitlai cu sui nâkin a ṭha deuh, asi, sui thiangmi nâkin a ṭha deuh; cun ka hmuhmi chawva cu a ṭhami ngun nakin a ṭha deuh. 20Dinnâk le diknâk lamthluan laifang ah ka kal. 21An robawm ka khahter khawh nâkhnga aka dawtu hna cu chawva ka coter hna. 22“BAWIPA nih hram a rak thawk lio ah khan a ka ngeih diam cang, hlanlio pi i rian a ṭuan hlan ah khan. 23Zungzal in dirhmi ka rak si, vawlei a um hlan ah, a hramthawk ah khan. 24A thûkmi rili a um hlanah ka chuak diam cang, ti hnâ vialte an chuah hlan ah khan. 25Tlânghna a um hlan le, mual hna a um hlan hmanh ah ka chuak diam cang. 26Lei le ram hna a ser hlan le, vawlei le leidip hna an um hlan ah khan. 27Van hna a timhtuah lio ah khan ka um cang i a thûkmi rili cung i hêlnâk lam a ser lio ah khan. 28Vanrâng i khuadawm a zâmter lio le, a thûkmi rili, a luangmi cerhti thazâng a pêk lio ah khan. 29Ti nih a nawlpêk an buar nâkhnga lo, rilipi ca i ri a khiahpiak lio ah khan, vulei hram arak bunh lio ah khan. 30Zungthiammi bangin a pawngah ka rak um i ni chiarte amah lawmhtertu ka si, a pawngah kâ lawm tawn. 31Umnâk ding i a sermi vawlei nih aka lomhter, minung fale hna nih anka lomhter chin chin. 32“Cucaah ka fale, atu ka bia ngai tuah u; zeitintiah ka lam a zultu hna cu mithluachuak an si. 33Cawnpiaknâk hi ngai ulaw, fim tuah u; zeirello in um hlah u. 34Nichiarte ka innkâ hram in aka hngak i ka innkâ pawngin a rak ka bawh, ka bia a ngaitu cu mithluachuak an si. 35Zeitintiah aka hmutu pauh cu nunnâk a hmutu an si, BAWIPA duhpiaknâk zong a hmuh tawn. 36Asinain ka cungah sualnâk a tuahtu nih amah nunnak a hrawh i aka huatu vialte cu thihnâk a dawtu an si.”
Currently Selected:
PHUNGTHLÛKBIA 8: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
PHUNGTHLÛKBIA 8
8
1Fimnâk cu a au i theihthiamnâk nih a aw a chuah lo maw? 2Tlângsannâk ah ṭhutnâk â ser i lamkam le lamṭe ah a dir tawn. 3Khualipi luhnâk kutka hram le, luhnâk innkâ hram hna ah thang ngaiin a au, 4Maw, minung fale hna, kan auh hna hih; ka aw hi minung fale caah a si. 5Aw mi sawsawh hna, fimnâk hi theithiam u, nannih mihrut hna theithiamnâk lungthin hi ngei tuah u. 6Ngaihmanh u, a ṭhabik mi ka chim hna lai i ka kâ chungchuak cu a dikmi an si lai. 7Zeitintiah ka hmurkâ nih biatak a chim lai, suahsualnâk hi ka hmur caah fihnung a si. 8Ka kâ chungchuak bia vialte cu dinnâk an si dih; a ngawimi le â ngerhmi bia zeihmanh a um lo. 9A theithiammi caah a tluangtlam i hngalhnâk a ngeimi caah a dikmi an si. 10Phaisa si loin, ka cawnpiaknâk hi cohlang u; a ṭhami sui nâk in hngalhnâk hi i thim deuh u. 11Zeitintiah fimnâk hi Rubi lungvar nâk in a ṭha deuh; duh bia na phaimi vialte nih a tluk lai lo. 12“Kei, fimnâk hi fim ngai in ka um, hngalhnâk le ruahthiamnâk zong ka hmuh hna. 13BAWIPA ṭihzah cu sual huat hi a si; porhlawtnâk le, ruamkainâk, sualnâk lam le biadik lo chimnâk hmur hi ka huat hna. 14Remruatnâk le fimnâk taktak hi ka ta an si; theihthiamnâk ka si i ṭhawnnâk ka ngei. 15Keimah thawngin siangpahrang hna nih an uk i uktu hna nih dik ngaiin bia an khiah tawn. 16Keimah thawngin, uktu hna le, milian hna le, ṭihzahmi hna le, leicung i biaceihtu vialte nih rem an ruat tawn. 17Aka dawtu cu ka dawt ve hna i biatak tein aka kawltu hna nih anka hmuh lai. 18Rumnâk le upatnâk hi ka sinah a ummi an si, a hmunmi rumnâk le dinnâk a si. 19Ka theitlai cu sui nâkin a ṭha deuh, asi, sui thiangmi nâkin a ṭha deuh; cun ka hmuhmi chawva cu a ṭhami ngun nakin a ṭha deuh. 20Dinnâk le diknâk lamthluan laifang ah ka kal. 21An robawm ka khahter khawh nâkhnga aka dawtu hna cu chawva ka coter hna. 22“BAWIPA nih hram a rak thawk lio ah khan a ka ngeih diam cang, hlanlio pi i rian a ṭuan hlan ah khan. 23Zungzal in dirhmi ka rak si, vawlei a um hlan ah, a hramthawk ah khan. 24A thûkmi rili a um hlanah ka chuak diam cang, ti hnâ vialte an chuah hlan ah khan. 25Tlânghna a um hlan le, mual hna a um hlan hmanh ah ka chuak diam cang. 26Lei le ram hna a ser hlan le, vawlei le leidip hna an um hlan ah khan. 27Van hna a timhtuah lio ah khan ka um cang i a thûkmi rili cung i hêlnâk lam a ser lio ah khan. 28Vanrâng i khuadawm a zâmter lio le, a thûkmi rili, a luangmi cerhti thazâng a pêk lio ah khan. 29Ti nih a nawlpêk an buar nâkhnga lo, rilipi ca i ri a khiahpiak lio ah khan, vulei hram arak bunh lio ah khan. 30Zungthiammi bangin a pawngah ka rak um i ni chiarte amah lawmhtertu ka si, a pawngah kâ lawm tawn. 31Umnâk ding i a sermi vawlei nih aka lomhter, minung fale hna nih anka lomhter chin chin. 32“Cucaah ka fale, atu ka bia ngai tuah u; zeitintiah ka lam a zultu hna cu mithluachuak an si. 33Cawnpiaknâk hi ngai ulaw, fim tuah u; zeirello in um hlah u. 34Nichiarte ka innkâ hram in aka hngak i ka innkâ pawngin a rak ka bawh, ka bia a ngaitu cu mithluachuak an si. 35Zeitintiah aka hmutu pauh cu nunnâk a hmutu an si, BAWIPA duhpiaknâk zong a hmuh tawn. 36Asinain ka cungah sualnâk a tuahtu nih amah nunnak a hrawh i aka huatu vialte cu thihnâk a dawtu an si.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.