PHUNGTHLÛKBIA 27
27
1Thaizing kongah hmaihngal hlah, zeitintiah zeibantuk thil a phanh lai kha na hngal lo. 2Nangmah i thangṭhat loin, midang nih in thangṭhat seh, nangmah hmûrkâ si loin, hngalhlo mi hna hmûrkâ in in thangṭhat hna seh. 3Lung hi a rit i these zong a rit, asinain mihrut thinhun cu cu hna pahnih nâkin a rit deuh. 4Thinhunnâk hi azia a chia i thinhânnâk hi a tlawk hluahmah; asinain hnahchuahnâk hi ahonihdah a tuar khawh lai? 5Thuhmi dawtnâk nâk in lenglang i chimhhrin a ṭha deuh. 6Hawikawm hlemhnâk cu a taktak a si i ral hna hnamh cu a deu a si. 7A paw a khimmi caah cun khuaithlar hmanh nih luak a chuahter, rawlṭam mi caah cun a khâ zong an thlum dih. 8Mah inn le lo a lumter duh lomi cu, vate abu i um a duh lomi bantuk a si. 9Chiti le rimhmui mi nih lungthin a nomhter bantukin, hawikawm ṭha he ruahnâk i cheuh hi nun a nomh tertu a si. 10Napa hawikawm le na hawikawm kha thleidang hlah, vanchiat na ton tikah na unau pa inn thengah kal hlah; lam hlapi unau nâkin naite i hawikawm an ṭha deuh. 11Ka fapa, fim law, ka lungthin hi lomhter, a ka congoihtu zong ka leh khawh hna lai. 12Mifimnih Ṭhatlonâk a hmuh tikah â thup i mi sawsawh nih a pahchih i dântat a si tawn. 13Hngalh lomi caah âmah â khântu angki cu la law, hlawhhlâng sinah biakamnâk caah pe chung ko. 14Zingka tein a tho i thangngai in a hawikawm thluachuah petu cu a caah chiatserhnâk i ruahpiak a si lai. 15Khuachiatni i a zut zungzalmi ti le a phunzai zungzalmi nu cu an i khat ko. 16Cubantuk nu daihter timh le thli namchih timh le chiti kut i hum i timh cu â khatmi a si. 17Thir cu thir lila in hârter a si bantukin mi nih a hawikawm a hârter tawn. 18Theipi kung a ngeimi pauh nih a thei zong a ei lai, cubangin a pu rian a ṭuntu pauh cu thangṭhat a si ve lai. 19Ti ah kan sining tein kan langh tawn bangin, minung lungthin cu minungah a lang tawn. 20Hell mei le Rawhralnâk nih aza cang ti a um lo bangin, minung mit nih aza ti a ngei lo. 21Zennâk bêl cu ngun caah a si i titternâk mei cu sui caah a si, minung cu mi thangṭhat a cohlan ningin mi zeidah a si kha hngalh a si. 22Mihrut cu sumah facang he suk chih lên hmanhlaw a hruhnâk nih a thlah hlei lai lo. 23Na tuurun dirhmun hngalh tim in taihmâk chuah law, na saṭil run hna cu ṭha tein kilveng hna. 24Rumnâk hi zungzal caah a si lo, asiloah bawiluchin nih chan vialte a nguh lo. 25Saṭil rawl an ah i an cawrh ṭhân tawn, tlângpang i hnah hring hna cu an lak tawn. 26Tuu hna nih hnipuan an in rin i meheh hna nih lo cawknâk man an in tum ṭhân. 27Meheh hnuk cu duhdimte i dinawk na ngei lai, nan chungkhar caah rawl i i rinh awk le nan sinum ngaknu ca tiangin rinh tlâk a si lai.
Currently Selected:
PHUNGTHLÛKBIA 27: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
PHUNGTHLÛKBIA 27
27
1Thaizing kongah hmaihngal hlah, zeitintiah zeibantuk thil a phanh lai kha na hngal lo. 2Nangmah i thangṭhat loin, midang nih in thangṭhat seh, nangmah hmûrkâ si loin, hngalhlo mi hna hmûrkâ in in thangṭhat hna seh. 3Lung hi a rit i these zong a rit, asinain mihrut thinhun cu cu hna pahnih nâkin a rit deuh. 4Thinhunnâk hi azia a chia i thinhânnâk hi a tlawk hluahmah; asinain hnahchuahnâk hi ahonihdah a tuar khawh lai? 5Thuhmi dawtnâk nâk in lenglang i chimhhrin a ṭha deuh. 6Hawikawm hlemhnâk cu a taktak a si i ral hna hnamh cu a deu a si. 7A paw a khimmi caah cun khuaithlar hmanh nih luak a chuahter, rawlṭam mi caah cun a khâ zong an thlum dih. 8Mah inn le lo a lumter duh lomi cu, vate abu i um a duh lomi bantuk a si. 9Chiti le rimhmui mi nih lungthin a nomhter bantukin, hawikawm ṭha he ruahnâk i cheuh hi nun a nomh tertu a si. 10Napa hawikawm le na hawikawm kha thleidang hlah, vanchiat na ton tikah na unau pa inn thengah kal hlah; lam hlapi unau nâkin naite i hawikawm an ṭha deuh. 11Ka fapa, fim law, ka lungthin hi lomhter, a ka congoihtu zong ka leh khawh hna lai. 12Mifimnih Ṭhatlonâk a hmuh tikah â thup i mi sawsawh nih a pahchih i dântat a si tawn. 13Hngalh lomi caah âmah â khântu angki cu la law, hlawhhlâng sinah biakamnâk caah pe chung ko. 14Zingka tein a tho i thangngai in a hawikawm thluachuah petu cu a caah chiatserhnâk i ruahpiak a si lai. 15Khuachiatni i a zut zungzalmi ti le a phunzai zungzalmi nu cu an i khat ko. 16Cubantuk nu daihter timh le thli namchih timh le chiti kut i hum i timh cu â khatmi a si. 17Thir cu thir lila in hârter a si bantukin mi nih a hawikawm a hârter tawn. 18Theipi kung a ngeimi pauh nih a thei zong a ei lai, cubangin a pu rian a ṭuntu pauh cu thangṭhat a si ve lai. 19Ti ah kan sining tein kan langh tawn bangin, minung lungthin cu minungah a lang tawn. 20Hell mei le Rawhralnâk nih aza cang ti a um lo bangin, minung mit nih aza ti a ngei lo. 21Zennâk bêl cu ngun caah a si i titternâk mei cu sui caah a si, minung cu mi thangṭhat a cohlan ningin mi zeidah a si kha hngalh a si. 22Mihrut cu sumah facang he suk chih lên hmanhlaw a hruhnâk nih a thlah hlei lai lo. 23Na tuurun dirhmun hngalh tim in taihmâk chuah law, na saṭil run hna cu ṭha tein kilveng hna. 24Rumnâk hi zungzal caah a si lo, asiloah bawiluchin nih chan vialte a nguh lo. 25Saṭil rawl an ah i an cawrh ṭhân tawn, tlângpang i hnah hring hna cu an lak tawn. 26Tuu hna nih hnipuan an in rin i meheh hna nih lo cawknâk man an in tum ṭhân. 27Meheh hnuk cu duhdimte i dinawk na ngei lai, nan chungkhar caah rawl i i rinh awk le nan sinum ngaknu ca tiangin rinh tlâk a si lai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.