PHUNGTHLÛKBIA 18
18
1Mahlawng i a ummi nih amah duhnâk lawng a kawl i a fimmi biaceihnâk vialte kha a ralchanh tawn. 2Mihrut nih theihthiamnâk ah lawmhnâk a ngei lo; asinain amah lungthin lawng kha a langhter tawn. 3Misual a phâk tikah, zohchuknâk zong a phân cawlh ve, mualphonâk zulhin chimhhrinnâk zong a um ve. 4Minung kâ in a chuakmi bia cu a thûkmi ti bantuk a si, fimnâk tikhor hram tu cu tiva bangin a luang thliahmah tawn. 5Misuaksual duhsak hi a ṭha lo, biaceihnâk i miding hna diknâk hlawnhpiak zong a ṭha lo. 6Mihrut hmurkâ in siknâk a chuahter i a hmurkâ chuak nih tuknâk a chuahter. 7Mihrut hmurkâ cu amah rawhnâk a si i a hmur zong a caah rap a si. 8Biathli phuangtu hna bia cu a thaw ngaimi rawl bantuk an si i lungthin chungmuru tiang a phân tawn. 9A rian ah a tha a thumi cu, hrawktu lianngan unau pa a si. 10BAWIPA min cu a fekmi ralhruang a si, miding cu a lut i a him tawn. 11Mirum ralhruang cu a chawva kha a si i amah ruahnâk ah a sangmi kulhnâk bantuk a si. 12Chiatnâk ton hlanah minung lungput cu a sang tawn i upatnâk a ton hlanah â toidor tawn. 13Ngaih hlan i bialeh hmangmi cu a caah hruh le mualphonâk a si. 14Minung thlarau hi zawtlio zongah a kan tlaitu a si i thlarau kehkuai cu ahodah a tuar kho lai? 15Khuaruat ngaimi nih hngalhnâk a co chih tawn, cun mifim hna nih hngalhnâk an kawl chap tawn. 16Laksawng pêk nih lam a sial kho ngai i mi lianngan hmaiah a phâkpi tawn. 17Amah suallonâk kong a chim hmaisatu cu a dik deuhmi bangin a lang tawn, amah bia leh awk ah a inn an phâk hlan tiangin. 18Camcawh fung zuhnâk nih elhnialnâk a donghter tawn i mi ṭhawng hna karlak a daihter tawn. 19Unau lungtlinter lo cu a ṭhawngmi khualipi tei nâkin a har deuh, bia-alnâk hi thir i i kulhchih bantuk a si. 20Na hmurkâ chuak theipar nih na paw a khimter lai, na hmurkâ chuak ning tein na khahter lai. 21Nunnâk le thihnâk cu lei ṭhawnnâk ah a ummi a si, a dawtu hna nih a theipar an zun lai. 22Nupi a hmutu cu thilṭha hmutu a si, BAWIPA duhpiaknâk cotu a si. 23Misifak nih a nawl in a nawl i mirum nih a hro in an hro tawn. 24Hawikawm ngeitu cu, kawmh a nuammi a si ve awk a si, asinain unau nâkin a nai deuhmi hawikawm an um.
Currently Selected:
PHUNGTHLÛKBIA 18: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
PHUNGTHLÛKBIA 18
18
1Mahlawng i a ummi nih amah duhnâk lawng a kawl i a fimmi biaceihnâk vialte kha a ralchanh tawn. 2Mihrut nih theihthiamnâk ah lawmhnâk a ngei lo; asinain amah lungthin lawng kha a langhter tawn. 3Misual a phâk tikah, zohchuknâk zong a phân cawlh ve, mualphonâk zulhin chimhhrinnâk zong a um ve. 4Minung kâ in a chuakmi bia cu a thûkmi ti bantuk a si, fimnâk tikhor hram tu cu tiva bangin a luang thliahmah tawn. 5Misuaksual duhsak hi a ṭha lo, biaceihnâk i miding hna diknâk hlawnhpiak zong a ṭha lo. 6Mihrut hmurkâ in siknâk a chuahter i a hmurkâ chuak nih tuknâk a chuahter. 7Mihrut hmurkâ cu amah rawhnâk a si i a hmur zong a caah rap a si. 8Biathli phuangtu hna bia cu a thaw ngaimi rawl bantuk an si i lungthin chungmuru tiang a phân tawn. 9A rian ah a tha a thumi cu, hrawktu lianngan unau pa a si. 10BAWIPA min cu a fekmi ralhruang a si, miding cu a lut i a him tawn. 11Mirum ralhruang cu a chawva kha a si i amah ruahnâk ah a sangmi kulhnâk bantuk a si. 12Chiatnâk ton hlanah minung lungput cu a sang tawn i upatnâk a ton hlanah â toidor tawn. 13Ngaih hlan i bialeh hmangmi cu a caah hruh le mualphonâk a si. 14Minung thlarau hi zawtlio zongah a kan tlaitu a si i thlarau kehkuai cu ahodah a tuar kho lai? 15Khuaruat ngaimi nih hngalhnâk a co chih tawn, cun mifim hna nih hngalhnâk an kawl chap tawn. 16Laksawng pêk nih lam a sial kho ngai i mi lianngan hmaiah a phâkpi tawn. 17Amah suallonâk kong a chim hmaisatu cu a dik deuhmi bangin a lang tawn, amah bia leh awk ah a inn an phâk hlan tiangin. 18Camcawh fung zuhnâk nih elhnialnâk a donghter tawn i mi ṭhawng hna karlak a daihter tawn. 19Unau lungtlinter lo cu a ṭhawngmi khualipi tei nâkin a har deuh, bia-alnâk hi thir i i kulhchih bantuk a si. 20Na hmurkâ chuak theipar nih na paw a khimter lai, na hmurkâ chuak ning tein na khahter lai. 21Nunnâk le thihnâk cu lei ṭhawnnâk ah a ummi a si, a dawtu hna nih a theipar an zun lai. 22Nupi a hmutu cu thilṭha hmutu a si, BAWIPA duhpiaknâk cotu a si. 23Misifak nih a nawl in a nawl i mirum nih a hro in an hro tawn. 24Hawikawm ngeitu cu, kawmh a nuammi a si ve awk a si, asinain unau nâkin a nai deuhmi hawikawm an um.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.