Matewus 28
28
Ɵiyi n'amai na wiini Yesu
Mark. 16.1-8; Luk. 24.1-11; Yoh. 20.11-18
1Asakal Sabbat par, gorof na hlai a sɗasi edi war demas sek ɗa, Maria Magdalene gaiɗi Maria na ktai lai e hilisi buri e tili waŋ ɗa. 2Tizaw, ziriyini afti n'abai a za, ɗif zi ɵeŋ na war fuŋ-n'Alaw par na wiini Epiɗ-ɗai a niyasi azumai amai warni hlai n'amai par, a halasi a ligititi fukuni ɗa edi likat, a sumna midiɗi dam. 3Sini a tala maini wilɗi nɵa, sapa sini muɗukwi tal maini fiyaw nɵa lai. 4Ɗai zi giɗimi e ziriyi tiɗi hunai, e bindi maini na gaini mri ca nɵa. 5Amma ɗif zi ɵeŋ na war fuŋ-n'Alaw par a muɗa siɗi falakai maini nɵa: tiki ɗa, ki hûni kai, mu siɗa ɓa, ki piyi na ɗa a Yesu, n'e tûkûŋ amai sini luwuŋ zi dagra ɗa. 6Aŋ won na kai, a ɵiya amai ya, maini n'a miɗiŋki ɗa nɵa. Hilisi, tili hlai n'a na ka woni waŋ ɗa. 7Hili witaw, ki miɗi wiiɗi ɗaini zi hitri ɓa a ɵiya amai arbaɗi zi mri par ya. A na hala wuzaki a Galeliya sek, aga ki tiliŋ ɗa woni. A na maini hanɗa ɵa, mu miɗiŋki ya.
8E hili edi sini waŋ par witaw, gaini hunai gaini firiyi n'abai lai, e liwi buri e ki labar wiiɗi ɗai zi hitri na wiini Yesu. 9Yesu a nava gaiɗi a muɗa: Mu ziki wuti. E hilisi sini, e yimi ezini e hûrgû azumai wuzani. 10Nɵa Yesu a miɗiɗi: ki hûni kai, hili, ki miɗiɗi wiiɗi tawalakaya ɓa: e hilisi Galeliya, aga e niviŋaɗi ɗa woni.
Miɗi na wiiɗi ɗai zi giɗimi
11Won hlai n'e ɗa warɗi futi, zamai arbaɗi ɗai zi giɗimi waŋ e hilisi aha war fuŋ n'abai e miɗi seŋ n'a za paŋ wiiɗi paakai n'abakai zi ɓaka. 12Paakai n'abakai zi ɓaka e tipi gaiɗi n'abakai n'arbaɗi ɗai, e kiti miɗi buri e siɗi farai viya wiiɗi ɗai zi giɗimi. 13E miɗiɗi ɓa: Ki miɗi ɓa, ɗaini zi hitri e hilisi duvuk e hiliŋ hill, won hlai na mi ɗa weseŋ. 14Na ɓa Lawan a ɵina seŋ hanɗa li ɗa, tiyi aga mi miɗi gaini kapai a ziki wala na meefeŋ kai. 15Askarai e mili farai ɗa, e zi maini na ɗai e miɗiŋɗi nɵa, miɗi hanɗa a wa edi arbaɗi Yudiyakai haa girna.
Yesu a hina sdani zi ɵeŋ tiɗi na doogo pi ktai
Mark. 16.14-18; Luk. 24.36-46; Yoh. 20.16-23
16Ɗai zi hitri na doogo pi ktai e hili a Galileya siɗi huwuŋ na Yesu a miɗiɗi gaiɗi, 17Won hlai n'e tiliŋ, e hûrgû azumai wuzani, amma na zamai e giriŋi. 18Yesu a torosi siɗi a miɗiɗi: spak paŋ a sa ta, na warni fuŋ-n'Alaw gaini na midiɗi yai lai, 19hili, ɗai na war pinziba paŋ, ki bindiɗi aŋ ɗai zi hitri, ki siɗi baptisme war yikini Api, war yikini Ahi, war yikini Seze sɗik lai, 20ki hitriɗi aŋ yimi wazagai na mu gidiki gaini paŋ ɗa, mu na gaiki ɵa kureɗ, haa war dibiɗi yai.
Currently Selected:
Matewus 28: MUSGUM
Highlight
Copy
Compare
Share
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
Matewus 28
28
Ɵiyi n'amai na wiini Yesu
Mark. 16.1-8; Luk. 24.1-11; Yoh. 20.11-18
1Asakal Sabbat par, gorof na hlai a sɗasi edi war demas sek ɗa, Maria Magdalene gaiɗi Maria na ktai lai e hilisi buri e tili waŋ ɗa. 2Tizaw, ziriyini afti n'abai a za, ɗif zi ɵeŋ na war fuŋ-n'Alaw par na wiini Epiɗ-ɗai a niyasi azumai amai warni hlai n'amai par, a halasi a ligititi fukuni ɗa edi likat, a sumna midiɗi dam. 3Sini a tala maini wilɗi nɵa, sapa sini muɗukwi tal maini fiyaw nɵa lai. 4Ɗai zi giɗimi e ziriyi tiɗi hunai, e bindi maini na gaini mri ca nɵa. 5Amma ɗif zi ɵeŋ na war fuŋ-n'Alaw par a muɗa siɗi falakai maini nɵa: tiki ɗa, ki hûni kai, mu siɗa ɓa, ki piyi na ɗa a Yesu, n'e tûkûŋ amai sini luwuŋ zi dagra ɗa. 6Aŋ won na kai, a ɵiya amai ya, maini n'a miɗiŋki ɗa nɵa. Hilisi, tili hlai n'a na ka woni waŋ ɗa. 7Hili witaw, ki miɗi wiiɗi ɗaini zi hitri ɓa a ɵiya amai arbaɗi zi mri par ya. A na hala wuzaki a Galeliya sek, aga ki tiliŋ ɗa woni. A na maini hanɗa ɵa, mu miɗiŋki ya.
8E hili edi sini waŋ par witaw, gaini hunai gaini firiyi n'abai lai, e liwi buri e ki labar wiiɗi ɗai zi hitri na wiini Yesu. 9Yesu a nava gaiɗi a muɗa: Mu ziki wuti. E hilisi sini, e yimi ezini e hûrgû azumai wuzani. 10Nɵa Yesu a miɗiɗi: ki hûni kai, hili, ki miɗiɗi wiiɗi tawalakaya ɓa: e hilisi Galeliya, aga e niviŋaɗi ɗa woni.
Miɗi na wiiɗi ɗai zi giɗimi
11Won hlai n'e ɗa warɗi futi, zamai arbaɗi ɗai zi giɗimi waŋ e hilisi aha war fuŋ n'abai e miɗi seŋ n'a za paŋ wiiɗi paakai n'abakai zi ɓaka. 12Paakai n'abakai zi ɓaka e tipi gaiɗi n'abakai n'arbaɗi ɗai, e kiti miɗi buri e siɗi farai viya wiiɗi ɗai zi giɗimi. 13E miɗiɗi ɓa: Ki miɗi ɓa, ɗaini zi hitri e hilisi duvuk e hiliŋ hill, won hlai na mi ɗa weseŋ. 14Na ɓa Lawan a ɵina seŋ hanɗa li ɗa, tiyi aga mi miɗi gaini kapai a ziki wala na meefeŋ kai. 15Askarai e mili farai ɗa, e zi maini na ɗai e miɗiŋɗi nɵa, miɗi hanɗa a wa edi arbaɗi Yudiyakai haa girna.
Yesu a hina sdani zi ɵeŋ tiɗi na doogo pi ktai
Mark. 16.14-18; Luk. 24.36-46; Yoh. 20.16-23
16Ɗai zi hitri na doogo pi ktai e hili a Galileya siɗi huwuŋ na Yesu a miɗiɗi gaiɗi, 17Won hlai n'e tiliŋ, e hûrgû azumai wuzani, amma na zamai e giriŋi. 18Yesu a torosi siɗi a miɗiɗi: spak paŋ a sa ta, na warni fuŋ-n'Alaw gaini na midiɗi yai lai, 19hili, ɗai na war pinziba paŋ, ki bindiɗi aŋ ɗai zi hitri, ki siɗi baptisme war yikini Api, war yikini Ahi, war yikini Seze sɗik lai, 20ki hitriɗi aŋ yimi wazagai na mu gidiki gaini paŋ ɗa, mu na gaiki ɵa kureɗ, haa war dibiɗi yai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964