Matewus 26
26
Ɗai zi ɵi wuze e piyi aŋ yimi Yesu gaini Yel
1Won hlai na Yesu a vada seŋ zi miɗi hanɗa paŋ ya, a miɗiɗi wiiɗi ɗaini zi hitri: 2Ki siɗi ya ɓa mefeŋ aŋ kai sulu, kapai fet na wiiɗi Paska te za, Ahini ɗif aga a sa edi aŋ toko amai sin luwuŋ zi dagra.
3Won hlai ni paakai n'abakai zi ɓaka gaiɗi n'abakai n'arbaɗi ɗai, e tipi war pakataini pai n'abai zi ɓaka na yikini Kaifas. 4E kiti seŋ buri e yimi Yesu gaini yel, aŋ fiɗiŋ lai. 5Amma e miɗi, warɗi fet kai, kapai dûrgûzi aga a faka amai arbaɗi ɗai kai.
Yesu a nava mini-emel miɗini war Betaniya
Mark. 14.3-9; Yoh. 12.1-8
6Amma won hlai na Yesu a halasi war Betaniya warni dalamni Simun zi dugum, 7muni ktai te halasi sini gaiɗi gazasai alabaste gaini emel na wûrini abai gara, te miŋni miɗini won hlai n'a sumna aŋ suma. 8Amma won hlai na ɗaini zi hitri e tili hanɗa e zi hiy e miɗi, te tuura yitir hanɗa edi nɵa buri ma ɗa? 9Emel hanɗa, a kiɗa a wura edi, buri sulai viya, e siŋɗi wiiɗi na murgakai lai. 10Won hlai na Yesu a siɗa hanɗa a miɗiɗi, ki huwyiti muni buri ma ɗa? Na te zaŋ buriya na ɗa a wala na pɗem. 11Buri ɓa na murgakai e ɗa arbaki kûreɗ-kûreɗ, amma ta mu na arbaki kureɗ kai. 12Buri won hlai na te ma emel hanɗa sa, te zizinaŋa buri piŋa n'azumai. 13Jre mu miɗiki, -woɗi paŋ na labar na pɗem hanɗa aga a ɓaka edi warɗi yai ɗa, wala na te zaŋ ɗa lai, aga a muɗa edi kapai ɗai midiɗi a kɵa gaiɗi.
Yudas a kata mini buri a za tege pin Yesu
Mark. 14.10-11; Luk. 22.3-6
14Won hlai ni ktai arbaɗi na doogo pi sulu, na yikini ɓa Yudas Iskariot, a hala siɗi paakai n'abakai zi ɓaka 15a muɗa: ki siŋa ɗa a ma ɗa, na kapai mu saŋ edi war tiki ɗa? Nagai e sini sulai na muɗukwi doogo doogo hu. 16Won hlai ni par a paiya aŋ saŋ war tiɗi.
Yesu a suma simi na koskoi n'asakal gaiɗi ɗaini zi hitri
Mark. 14.12-26; Luk. 22.7-23; Yoh. 13.21-30; 2 Kor. 11.23-26
17Amma war mefeŋ n'avut na wiini peŋ na is arni kai ɗa, ɗai zi hitri e hilisi sini Yesu e miɗini: Ku firiya ɓa mi zizinuku simi na miɗi fet na wiiɗi Paska ɗa wata ɗa? 18A wiyiɗi seŋ a muɗa: Hili warni fuŋ n'abai ɗa, sini wala kene se ki miɗini ɓa: Api zi hitri ɓa: Hlai a cosi li, a dara a ziti fet na wiiɗi Paska ɗa ahaku gaiɗi ɗaini zi hitri. 19Ɗai zi hitri e zi maini na Yesu a miɗiŋɗi nɵa, e zizini simi na miɗi fet na wiiɗi Paska ɗa lai. 20Won hlai na futi te za li koskoi, a sumna azumai aŋ suma gaiɗi na doogo pi sulu.
Yesu a muɗa ɓa aga e zi tege pini
Mark. 14.18-21; Luk. 22.21-22; Yoh. 13.21
21Won hlai n'e ɗa aŋ simi a muɗa: Jre mu miɗiki, ktai aga a za tege pa. 22Nagai paŋ e kwimi gara, ɗif paŋ a zilbaŋ ɓa: Epiɗ-ɗai, mu ta ɗi? Epiɗ-ɗai mu ta ɗi? 23A wiyiɗi seŋ: Ni n'a wa tini war tasa gaya ɗa, a ni n'aga a saŋa edi ɗa. 24Ahini ɗif aga a hala maini na ɗû a muɗasi miɗini nɵa, amma haw gara burini ɗif n'aga a saŋ edi ɗa, ɗif hanɗa a wa wii edi kai maa pɗem pɗem. 25Yudas, ni n'a za tege pini ɗa, a zilbaŋ: Rabbi, mu ta ɗi? A miɗini, tuku gaini muku ku muɗaŋ ya.
Ɓûrwini ɓuk n'EPIƊ-ƊAI Yesu a zaŋ
Mark. 14.22-24; Luk. 22.15-20; 1 Kor. 11.23-26
26Won hlai n'e simni aŋ simi, Yesu a tika peŋ ktai, asakal n'a ɓakaŋ ya, a ɓurwaŋ, a siŋɗi wiiɗi ɗaini zi hitri a muɗa: Miliŋ, simiŋ hanɗa a sa; 27Asakal par a tikiti kup zi ci ktai, asakal n'a sa tese ya, a sitiɗi a muɗa: Ci paŋ warɗi. 28Hanɗa a felŋa, fel na wiini bonu na hehe, n'a ma edi buriɗi ɗai viya buri ni na wiini tuwur. 29Mu midiki tiyana par aga mu ca siyemni ali luwuŋ zi vin hanɗa gaiki kir kai, haa mu caŋ gaiki katawai ɗa warɗi pai na wiini Apa.
Yesu a muɗa ɓa Peter aga a ɓuɓura mini burini
Mark. 14.26-31; Luk. 22.31-34; Yoh. 13.36-38
30Won hlai na e zini yama na wiini David n'a muɗa midiɗi fet ɗa ya, e hili edi siɗi huwuŋ zi luwuŋ olive; 31Nɵa Yesu a miɗiɗi: War duvuk hanɗa aga mu za aŋ wala zi dibi buriki paŋ, buri ɗû a ɗosi nɵa: Aga mu fuɗa ɗif zi giɗimi, adumai na war farani aga a ɵara edi. 32Amma mu ɵiya amai li ɗa, aga mu halaɗi wuzaki a Galileya. 33Peter a waya seŋ a miɗini: Koo ɓa ku za aŋ wala zi dibi buriɗi paŋ kaw, aga ku za aŋ wala zi dibi buriya ta duk kai zaŋ. 34Yesu a miɗini: Jre, mu muɗuku: war duvuk na ɗa, haa hlai na yugur a yika ta ɗa, aga ku ɓuɓura muku azi hu buriya. 35Peter a miɗini: Koo mu mra buriku kaw, mu mra gai mri ɵa, aga mu ɓuɓura maa buriku kai. Ɗai zi hitri paŋ e miɗi ɵa lai.
Yesu a siiwa war Getsemane
Mark. 14.32-42; Luk. 22.36-46
36Asakal a halasi gaiɗi won hlai n'e yikiŋ ɓa: Getsemane, a miɗiɗi wiiɗi ɗai zi hitri: simni ka won na ca, 37mu dara mu yima sa edi war baŋa agwi aŋ siiwa. A yima Peter gaiɗi alini Zebedewus na sulu pini, a tika pini a kwima, hunai te tika piɗi aŋ yimaŋ lai. 38A miɗiɗi: Sumfaɗi agula a kwima gara haa mini mri, simni ka won na ca, simni karki gaya. 39A tora wuzani sek agwi, a kɵa azumai, a pa arni azumai midini afti a siiwa a muɗa: Apa na ɓa a sɗa aŋ za ɗa, ku hiniti kup hanɗa te sa sa kai, paŋktai maini na mu daraŋ nɵa kai, amma maini na tuku ku daraŋ ɗa nɵa. 40A halasi siɗi ɗai zi hitri a niviɗisi weseŋ a miɗini wiini Peter: Ki kiɗi aŋ simni karki gaya ler nɵa ktai kai ɗi? 41Simni karki, siiwi, kapai tanai a niviki kai, Seze a kurfuk, amma neŋ-si a huruf. 42A yima sini edi siɗi par pra, azi n'ag'aŋ sulu, a siiwa a muɗa: Apa na ɓa kup hanɗa te kiɗa aŋ ɗala buriya kai, sai ɓa mu citi tetew ɗa, hina diriku a za maini na ku daraŋ ɵa. 43A halasi a niviɗisi weseŋ pra, arɗi a yima amai kai tini weseŋ. 44A hiniɗi ka mak, a yima sini edi azi n'ag'aŋ hu aŋ siiwa, a muɗa ɗa a seŋ ni dama. 45Asakal a wayasi siɗi ɗai zi hitri a miɗiɗi: ki kili miki ɗa a weseŋ bas, siki amla lai, ler a cosi li, Ahini ɗif aga a sa edi tiɗi ɗai na tuwarai. 46Fiki amai, hulumu, ni n'aga a saŋa edi ɗa a ŋasi gobi.
Ɗai e yimi Yesu
Mark. 14.43-50; Luk. 22.47-53; Yoh. 18.2-11
47A na fu aŋ muɗa hai, a tala ɗa Yudas ktai arbaɗi na doogo pi sulu, a cosi sini gaini firiɗi ɗai pini, gaini kaɵkar gaini amaraŋa lai tiɗi. E ɵiniɗisi ɗa e ɗi paakai n'abakai zi ɓaka, gaiɗi n'abakai n'arbaɗi ɗai. 48Ni n'aga a saŋ edi ɗa a miɗiɗisi ya ɓa: Ni n'aga mu kɵa amai wulani ɗa, a ni, ki yimiŋ. 49A faka tar a hala sini Yesu a muɗa: Rabbi, ku yiva li ɗi, a kɵa amai wulani lai. 50Yesu a miɗini: Marmaya, na ku halasi aŋ zaŋ ɗa, zaŋ. Nɵa ɗai ɗa e hilisi e yimi Yesu, e hili gaini. 51Ktai arbaɗi na pini Yesu, a sotosi kaɵkarni edi, a bla bege na wiini pai n'abai zi ɓaka ɗa, a ɗukla ɵimaɗi edi. 52Yesu a miɗini: Wa kaɵkarku war sotoni, buri nagai paŋ n'e hitimi gaini kaɵkar ɗa, aga e mri mini kaɵkar lai. 53Ku sɗa ɓa, mu kiɗa aŋ siiwa Apa buri a ɵinaŋasi vokɗi askarai na war fuŋ-n'Alaw a suwa Legiyon doogo pi sulu tiyana tar. 54Kapai ɗû n'a muɗa wala na maini hanɗa ɵa ɗa, a kiɗa aŋ va amai ɗa maɵa maɵa ɗa? 55Yesu a miɗini wiini firi ɓa: Ki hilisi aŋ yimiŋa gaini kaɵkar gaini maraŋa lai maini gorɓolo ɵa maɵa maɵa ɗa? Mefeŋ paŋ mu na fu warni tempel dam aŋ hitra, ki yimiŋa ka kai, 56Amma hanɗa a za nɵa kapai ɗû na wiiɗi ɗai na mini Alaw ɗa a va amai. War hlai ni ɗai zi hitri paŋ e hiniŋ e pri edi.
Yesu wuzaɗi ɗai zi kiti seŋ
Mark. 14.53-65; Luk. 22.54, 63-71; Yoh. 18.12-24
57Nagai n'e yimi Yesu ɗa e kiŋ sini pai n'abai zi ɓaka Kefas, woni ɗai zi ɗû wazagai gaiɗi n'abakai n'arbaɗi ɗai e tipi woni. 58Peter a ɵa pini gaigai par su haa aha war dalamni pai n'abai zi ɓaka ta, a niya aha woni, a sumna azumai gaiɗi ɗai zi gɗam dam kapai a tala wala n'aga a za ɗa. 59Paakai n'abakai zi ɓaka gaiɗi ɗai zi kiti seŋ ɗa paŋ, e piyi zaida na jre kai ktai miɗini Yesu, kapai e siɗi aŋ fidiŋ edi. 60Zaidakai na jrekai kai viya e hilisi, e nivi wala ktai miɗini kai, sini vidini sek ɗa, ɗai sulu e hilisi e miɗi ɓa: 61A muɗa ɓa: Mu kiɗa mu haɗa tempel na wiini Alaw azumai, mu rgaŋ amai pra lai. 62Won hlai ni, pai zi ɓaka n'abai a faka amai a muɗa: Seŋ na nagai hanɗa e miɗiŋ muduku na ɗa, tuku ku muɗa kai? 63Yesu a ba mini liyik. Pai n'abai zi ɓaka a tika seŋ a muɗa: Mu huku ma gaini Alaw na karni zaŋ, miɗiyi haw ɗa, ku Kristu n'Ahini Alaw ɗi? 64Yesu a wiyini seŋ: Ku muɗa ɗa a futini mal. Mu miɗiki Tiyana par aga ki tili Ahini ɗif gaini simni war hlai zi hormo na wiini Alaw zi spak paŋ dam, aga a halasi midini ɗugul war hlai n'amai par. 65Won hlai ni pai n'abai zi ɓaka a ɓasa sapa na sini edi a muɗa: A tirka Alaw, mu zumu gaiɗi zaidakai na zamai ɗa a ma ɗa? Tiki ki ɵini tirki n'a tirka Alaw, ki hiini maɵa? 66E wiyi seŋ e miɗi: a hina burini ɗa a fiɗi n'edi. 67Won hlai ni e ɵiɓi teenek arni e ɵiɓiŋ gaini kutupa, gaini pupur lai. 68E miɗi: Kristu, vla haw, a ɵuɓuku ɗa asiya ɗa?
Peter a ɓuɓura mini burini Yesu
Mark. 14.66-72; Luk. 22.56-62; Yoh. 18.15-18, 25-27
69Peter a na fu anene dam war pakatai. Ahiyagwi zi sɗa ktai te halasi sini te muɗa: Tuku lai ku nasi fu gaini Yesu na Galalileya par kai! 70Amma a ɓuɓura mini wuzaɗi ɗai paŋ a muɗa: Na ku muɗaŋ na ɗa mu sɗaŋ kai koo! 71Won hlai n'a hala mini magala sek ɗa, ahiyagwi zamai te talaŋ, te miɗiɗi wiiɗi nagai n'e ɗi fu woni ca ɗa ɓa: ɗif hanɗa a na gaini Yesu na Nazaret ɗa par. 72A bla sini edi, a ha wala mini, a muɗa: Mu sɗa ɗif n'aŋ tiki na ɗa kai. 73Amma safai agwi, nagai n'e ɗa ca ca ɗa, e hilisi e miɗini wiini Peter: A futini, tuku lai ku ɗif na gaiɗi ɗai hanɗa, seŋ na ku muɗaŋ ɗa a suŋkuku edi ta. 74Won hlai ni Peter a tika pini aŋ tuwa sini dama, a ha wala mini lai a muɗa: Mu sɗa ɗif hanɗa kai! Safai kai, yugur a yika. 75Peter miɗini a kɵa gaini seŋ na Yesu a muɗaŋ ɓa: Haa yugur a yika ta ta ɗa, aga ku ɓuɓura muku buriya azi hu. A niya anene, woni a tuwa abai gara.
Currently Selected:
Matewus 26: MUSGUM
Highlight
Copy
Compare
Share
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
Matewus 26
26
Ɗai zi ɵi wuze e piyi aŋ yimi Yesu gaini Yel
1Won hlai na Yesu a vada seŋ zi miɗi hanɗa paŋ ya, a miɗiɗi wiiɗi ɗaini zi hitri: 2Ki siɗi ya ɓa mefeŋ aŋ kai sulu, kapai fet na wiiɗi Paska te za, Ahini ɗif aga a sa edi aŋ toko amai sin luwuŋ zi dagra.
3Won hlai ni paakai n'abakai zi ɓaka gaiɗi n'abakai n'arbaɗi ɗai, e tipi war pakataini pai n'abai zi ɓaka na yikini Kaifas. 4E kiti seŋ buri e yimi Yesu gaini yel, aŋ fiɗiŋ lai. 5Amma e miɗi, warɗi fet kai, kapai dûrgûzi aga a faka amai arbaɗi ɗai kai.
Yesu a nava mini-emel miɗini war Betaniya
Mark. 14.3-9; Yoh. 12.1-8
6Amma won hlai na Yesu a halasi war Betaniya warni dalamni Simun zi dugum, 7muni ktai te halasi sini gaiɗi gazasai alabaste gaini emel na wûrini abai gara, te miŋni miɗini won hlai n'a sumna aŋ suma. 8Amma won hlai na ɗaini zi hitri e tili hanɗa e zi hiy e miɗi, te tuura yitir hanɗa edi nɵa buri ma ɗa? 9Emel hanɗa, a kiɗa a wura edi, buri sulai viya, e siŋɗi wiiɗi na murgakai lai. 10Won hlai na Yesu a siɗa hanɗa a miɗiɗi, ki huwyiti muni buri ma ɗa? Na te zaŋ buriya na ɗa a wala na pɗem. 11Buri ɓa na murgakai e ɗa arbaki kûreɗ-kûreɗ, amma ta mu na arbaki kureɗ kai. 12Buri won hlai na te ma emel hanɗa sa, te zizinaŋa buri piŋa n'azumai. 13Jre mu miɗiki, -woɗi paŋ na labar na pɗem hanɗa aga a ɓaka edi warɗi yai ɗa, wala na te zaŋ ɗa lai, aga a muɗa edi kapai ɗai midiɗi a kɵa gaiɗi.
Yudas a kata mini buri a za tege pin Yesu
Mark. 14.10-11; Luk. 22.3-6
14Won hlai ni ktai arbaɗi na doogo pi sulu, na yikini ɓa Yudas Iskariot, a hala siɗi paakai n'abakai zi ɓaka 15a muɗa: ki siŋa ɗa a ma ɗa, na kapai mu saŋ edi war tiki ɗa? Nagai e sini sulai na muɗukwi doogo doogo hu. 16Won hlai ni par a paiya aŋ saŋ war tiɗi.
Yesu a suma simi na koskoi n'asakal gaiɗi ɗaini zi hitri
Mark. 14.12-26; Luk. 22.7-23; Yoh. 13.21-30; 2 Kor. 11.23-26
17Amma war mefeŋ n'avut na wiini peŋ na is arni kai ɗa, ɗai zi hitri e hilisi sini Yesu e miɗini: Ku firiya ɓa mi zizinuku simi na miɗi fet na wiiɗi Paska ɗa wata ɗa? 18A wiyiɗi seŋ a muɗa: Hili warni fuŋ n'abai ɗa, sini wala kene se ki miɗini ɓa: Api zi hitri ɓa: Hlai a cosi li, a dara a ziti fet na wiiɗi Paska ɗa ahaku gaiɗi ɗaini zi hitri. 19Ɗai zi hitri e zi maini na Yesu a miɗiŋɗi nɵa, e zizini simi na miɗi fet na wiiɗi Paska ɗa lai. 20Won hlai na futi te za li koskoi, a sumna azumai aŋ suma gaiɗi na doogo pi sulu.
Yesu a muɗa ɓa aga e zi tege pini
Mark. 14.18-21; Luk. 22.21-22; Yoh. 13.21
21Won hlai n'e ɗa aŋ simi a muɗa: Jre mu miɗiki, ktai aga a za tege pa. 22Nagai paŋ e kwimi gara, ɗif paŋ a zilbaŋ ɓa: Epiɗ-ɗai, mu ta ɗi? Epiɗ-ɗai mu ta ɗi? 23A wiyiɗi seŋ: Ni n'a wa tini war tasa gaya ɗa, a ni n'aga a saŋa edi ɗa. 24Ahini ɗif aga a hala maini na ɗû a muɗasi miɗini nɵa, amma haw gara burini ɗif n'aga a saŋ edi ɗa, ɗif hanɗa a wa wii edi kai maa pɗem pɗem. 25Yudas, ni n'a za tege pini ɗa, a zilbaŋ: Rabbi, mu ta ɗi? A miɗini, tuku gaini muku ku muɗaŋ ya.
Ɓûrwini ɓuk n'EPIƊ-ƊAI Yesu a zaŋ
Mark. 14.22-24; Luk. 22.15-20; 1 Kor. 11.23-26
26Won hlai n'e simni aŋ simi, Yesu a tika peŋ ktai, asakal n'a ɓakaŋ ya, a ɓurwaŋ, a siŋɗi wiiɗi ɗaini zi hitri a muɗa: Miliŋ, simiŋ hanɗa a sa; 27Asakal par a tikiti kup zi ci ktai, asakal n'a sa tese ya, a sitiɗi a muɗa: Ci paŋ warɗi. 28Hanɗa a felŋa, fel na wiini bonu na hehe, n'a ma edi buriɗi ɗai viya buri ni na wiini tuwur. 29Mu midiki tiyana par aga mu ca siyemni ali luwuŋ zi vin hanɗa gaiki kir kai, haa mu caŋ gaiki katawai ɗa warɗi pai na wiini Apa.
Yesu a muɗa ɓa Peter aga a ɓuɓura mini burini
Mark. 14.26-31; Luk. 22.31-34; Yoh. 13.36-38
30Won hlai na e zini yama na wiini David n'a muɗa midiɗi fet ɗa ya, e hili edi siɗi huwuŋ zi luwuŋ olive; 31Nɵa Yesu a miɗiɗi: War duvuk hanɗa aga mu za aŋ wala zi dibi buriki paŋ, buri ɗû a ɗosi nɵa: Aga mu fuɗa ɗif zi giɗimi, adumai na war farani aga a ɵara edi. 32Amma mu ɵiya amai li ɗa, aga mu halaɗi wuzaki a Galileya. 33Peter a waya seŋ a miɗini: Koo ɓa ku za aŋ wala zi dibi buriɗi paŋ kaw, aga ku za aŋ wala zi dibi buriya ta duk kai zaŋ. 34Yesu a miɗini: Jre, mu muɗuku: war duvuk na ɗa, haa hlai na yugur a yika ta ɗa, aga ku ɓuɓura muku azi hu buriya. 35Peter a miɗini: Koo mu mra buriku kaw, mu mra gai mri ɵa, aga mu ɓuɓura maa buriku kai. Ɗai zi hitri paŋ e miɗi ɵa lai.
Yesu a siiwa war Getsemane
Mark. 14.32-42; Luk. 22.36-46
36Asakal a halasi gaiɗi won hlai n'e yikiŋ ɓa: Getsemane, a miɗiɗi wiiɗi ɗai zi hitri: simni ka won na ca, 37mu dara mu yima sa edi war baŋa agwi aŋ siiwa. A yima Peter gaiɗi alini Zebedewus na sulu pini, a tika pini a kwima, hunai te tika piɗi aŋ yimaŋ lai. 38A miɗiɗi: Sumfaɗi agula a kwima gara haa mini mri, simni ka won na ca, simni karki gaya. 39A tora wuzani sek agwi, a kɵa azumai, a pa arni azumai midini afti a siiwa a muɗa: Apa na ɓa a sɗa aŋ za ɗa, ku hiniti kup hanɗa te sa sa kai, paŋktai maini na mu daraŋ nɵa kai, amma maini na tuku ku daraŋ ɗa nɵa. 40A halasi siɗi ɗai zi hitri a niviɗisi weseŋ a miɗini wiini Peter: Ki kiɗi aŋ simni karki gaya ler nɵa ktai kai ɗi? 41Simni karki, siiwi, kapai tanai a niviki kai, Seze a kurfuk, amma neŋ-si a huruf. 42A yima sini edi siɗi par pra, azi n'ag'aŋ sulu, a siiwa a muɗa: Apa na ɓa kup hanɗa te kiɗa aŋ ɗala buriya kai, sai ɓa mu citi tetew ɗa, hina diriku a za maini na ku daraŋ ɵa. 43A halasi a niviɗisi weseŋ pra, arɗi a yima amai kai tini weseŋ. 44A hiniɗi ka mak, a yima sini edi azi n'ag'aŋ hu aŋ siiwa, a muɗa ɗa a seŋ ni dama. 45Asakal a wayasi siɗi ɗai zi hitri a miɗiɗi: ki kili miki ɗa a weseŋ bas, siki amla lai, ler a cosi li, Ahini ɗif aga a sa edi tiɗi ɗai na tuwarai. 46Fiki amai, hulumu, ni n'aga a saŋa edi ɗa a ŋasi gobi.
Ɗai e yimi Yesu
Mark. 14.43-50; Luk. 22.47-53; Yoh. 18.2-11
47A na fu aŋ muɗa hai, a tala ɗa Yudas ktai arbaɗi na doogo pi sulu, a cosi sini gaini firiɗi ɗai pini, gaini kaɵkar gaini amaraŋa lai tiɗi. E ɵiniɗisi ɗa e ɗi paakai n'abakai zi ɓaka, gaiɗi n'abakai n'arbaɗi ɗai. 48Ni n'aga a saŋ edi ɗa a miɗiɗisi ya ɓa: Ni n'aga mu kɵa amai wulani ɗa, a ni, ki yimiŋ. 49A faka tar a hala sini Yesu a muɗa: Rabbi, ku yiva li ɗi, a kɵa amai wulani lai. 50Yesu a miɗini: Marmaya, na ku halasi aŋ zaŋ ɗa, zaŋ. Nɵa ɗai ɗa e hilisi e yimi Yesu, e hili gaini. 51Ktai arbaɗi na pini Yesu, a sotosi kaɵkarni edi, a bla bege na wiini pai n'abai zi ɓaka ɗa, a ɗukla ɵimaɗi edi. 52Yesu a miɗini: Wa kaɵkarku war sotoni, buri nagai paŋ n'e hitimi gaini kaɵkar ɗa, aga e mri mini kaɵkar lai. 53Ku sɗa ɓa, mu kiɗa aŋ siiwa Apa buri a ɵinaŋasi vokɗi askarai na war fuŋ-n'Alaw a suwa Legiyon doogo pi sulu tiyana tar. 54Kapai ɗû n'a muɗa wala na maini hanɗa ɵa ɗa, a kiɗa aŋ va amai ɗa maɵa maɵa ɗa? 55Yesu a miɗini wiini firi ɓa: Ki hilisi aŋ yimiŋa gaini kaɵkar gaini maraŋa lai maini gorɓolo ɵa maɵa maɵa ɗa? Mefeŋ paŋ mu na fu warni tempel dam aŋ hitra, ki yimiŋa ka kai, 56Amma hanɗa a za nɵa kapai ɗû na wiiɗi ɗai na mini Alaw ɗa a va amai. War hlai ni ɗai zi hitri paŋ e hiniŋ e pri edi.
Yesu wuzaɗi ɗai zi kiti seŋ
Mark. 14.53-65; Luk. 22.54, 63-71; Yoh. 18.12-24
57Nagai n'e yimi Yesu ɗa e kiŋ sini pai n'abai zi ɓaka Kefas, woni ɗai zi ɗû wazagai gaiɗi n'abakai n'arbaɗi ɗai e tipi woni. 58Peter a ɵa pini gaigai par su haa aha war dalamni pai n'abai zi ɓaka ta, a niya aha woni, a sumna azumai gaiɗi ɗai zi gɗam dam kapai a tala wala n'aga a za ɗa. 59Paakai n'abakai zi ɓaka gaiɗi ɗai zi kiti seŋ ɗa paŋ, e piyi zaida na jre kai ktai miɗini Yesu, kapai e siɗi aŋ fidiŋ edi. 60Zaidakai na jrekai kai viya e hilisi, e nivi wala ktai miɗini kai, sini vidini sek ɗa, ɗai sulu e hilisi e miɗi ɓa: 61A muɗa ɓa: Mu kiɗa mu haɗa tempel na wiini Alaw azumai, mu rgaŋ amai pra lai. 62Won hlai ni, pai zi ɓaka n'abai a faka amai a muɗa: Seŋ na nagai hanɗa e miɗiŋ muduku na ɗa, tuku ku muɗa kai? 63Yesu a ba mini liyik. Pai n'abai zi ɓaka a tika seŋ a muɗa: Mu huku ma gaini Alaw na karni zaŋ, miɗiyi haw ɗa, ku Kristu n'Ahini Alaw ɗi? 64Yesu a wiyini seŋ: Ku muɗa ɗa a futini mal. Mu miɗiki Tiyana par aga ki tili Ahini ɗif gaini simni war hlai zi hormo na wiini Alaw zi spak paŋ dam, aga a halasi midini ɗugul war hlai n'amai par. 65Won hlai ni pai n'abai zi ɓaka a ɓasa sapa na sini edi a muɗa: A tirka Alaw, mu zumu gaiɗi zaidakai na zamai ɗa a ma ɗa? Tiki ki ɵini tirki n'a tirka Alaw, ki hiini maɵa? 66E wiyi seŋ e miɗi: a hina burini ɗa a fiɗi n'edi. 67Won hlai ni e ɵiɓi teenek arni e ɵiɓiŋ gaini kutupa, gaini pupur lai. 68E miɗi: Kristu, vla haw, a ɵuɓuku ɗa asiya ɗa?
Peter a ɓuɓura mini burini Yesu
Mark. 14.66-72; Luk. 22.56-62; Yoh. 18.15-18, 25-27
69Peter a na fu anene dam war pakatai. Ahiyagwi zi sɗa ktai te halasi sini te muɗa: Tuku lai ku nasi fu gaini Yesu na Galalileya par kai! 70Amma a ɓuɓura mini wuzaɗi ɗai paŋ a muɗa: Na ku muɗaŋ na ɗa mu sɗaŋ kai koo! 71Won hlai n'a hala mini magala sek ɗa, ahiyagwi zamai te talaŋ, te miɗiɗi wiiɗi nagai n'e ɗi fu woni ca ɗa ɓa: ɗif hanɗa a na gaini Yesu na Nazaret ɗa par. 72A bla sini edi, a ha wala mini, a muɗa: Mu sɗa ɗif n'aŋ tiki na ɗa kai. 73Amma safai agwi, nagai n'e ɗa ca ca ɗa, e hilisi e miɗini wiini Peter: A futini, tuku lai ku ɗif na gaiɗi ɗai hanɗa, seŋ na ku muɗaŋ ɗa a suŋkuku edi ta. 74Won hlai ni Peter a tika pini aŋ tuwa sini dama, a ha wala mini lai a muɗa: Mu sɗa ɗif hanɗa kai! Safai kai, yugur a yika. 75Peter miɗini a kɵa gaini seŋ na Yesu a muɗaŋ ɓa: Haa yugur a yika ta ta ɗa, aga ku ɓuɓura muku buriya azi hu. A niya anene, woni a tuwa abai gara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964