Rom 3
3
1Judae khimi lawng te lä ceng kälang khimi lawng te qawng-a hawiky te vi mei. Äni ce üng lengkhüng täke saite lä ävang ting te vi mei. 2Judae khimi lawng te lä ävang käting awng mang vi. Angcüky-a Säthaw lä Judae khimi na tea äma üng angthang py te vi. 3Judae khimi phütä na lä ae-y khü ö te y vi näte lä tätang khaw vi. Hokä dylä Säthaw lä ae-y khü he hawi y näkha thui ai mei. 4Hokä y lyng. Khimi qütä lä kaeling kaemae sa ngaila Säthaw lä mitang khaw te lo thui jawjaw vi. Caekäcai thung-a lä,
“Nang üng thui saite kätü-a, tüngkhaw saite lo thui te tea khimi qütä ma nung vi ai.
Khimi ce ma nang tea cy te kätü-a, nang lä bäja jawjaw vi ai” näkha thui vi.
5Tungaila khimi phütä ma, “Mä-ai üng hawi y sa saite na lä Säthaw üng sa saite kätüng tea mätü rae te vi” näpa. Mä-ai lä ätemakä thui haw ö ai mei. Khimi phütä na hokä dylä, “Säthaw ma mä-ai tea dengpy te lä tüng y vi” näkha thui ö ai. (Hini kätyng kai ma thui te lä khimi ce üng kaedawng kätyng thui te kae.) 6Hokä thui haw y lyng. Säthaw tüng y dylä, makä sa kha äni lä älawngpre-a khimi angxynlyng na tea tärae cei haw ai mei.
7Tungaila khimi phütä lä, “Kai üng tüng y saite lä Säthaw üng tüng saite tea khimi ce mäny hai rae kha äni üng phung-ang tea aesang hai rae te vi nädylä, äte makäte phüng-a hunghö sa saite lawngtä kätyng Säthaw ma dengpy te vi mei” näkha awng vi. 8Tukha khimi phütä na lä, “Hawi saite na tyng haw hethang hawi y saite na mä-ai sa ö si” näkha thui ö ai. Honi kätyng kai lä thui vi näkha khimi phütä na ma cy ea käsi thui ö te vi. Säthaw lä äni ce tea aeteng khaw saite dengpy vi ai.
Ämi lawngtä la cüng te y
9Hokä dylä mä-ai Judae khimi lä ceng kälang na qawng-a matangtä hawiky mei. Hokä y lyng. Judae na hai ceng kälang angxynlyng na lä hunghö üng haidae täkui-a mangtä awng te kae näte tea kai lä mätü pyng te vi dy. 10Caekäcai thung-a lä,
“Ämi lawngtä la Säthaw üng maw-a cüng te awng y.
11Kätüng lä mani mei näte tea mänykaw saite ämi lawngtä la awng y.
Säthaw tea cäphaw hethang ngai saite ämi lawngtä la awng y vi.
12Khimi angxynlyng na lä Säthaw tea eng ja ö vi dy.
Äni ce angxynlyng lä aetütü ö kae vi dy.
Kähawi sa saite ämi la awng y. Lawngtä mäteng la awng y.
13Äni ce üng älo hai äni ce lä khimi ce tea bädü ö te vi.
Äni ce lä äma ce üng täbawng na hai kaeling kaemae lo thui ö vi.
Äni ce üng älo lä bärui na üng äce kätyng ri hethang hawi te vi.
14Äni ce lä kätü qütä khimi ce tea esäre te hai täking saite lo thui jawjaw ö te vi.
15Äni ce lä khimi tea bädü hethang bähüng te awng ö y.
16Äni ce lä tyng saite mityng qütä-a khimi ce tea täphra kha känaw na py ö te vi.
17Äni ce lä khimi ce hai mangtä awngneng saite älang mäny ö te y.
18Äni ce lä Säthaw tea ri te bälung awng ö y” näkha awng vi.
19Mosi üng Ubädi thung-a awng saite angxynlyng na lä Säthaw ma honi Ubädi py saite khimi tähang vi näte tea mä-ai lä mäny ö te vi. Khimi ce lä hawi te, hawi y te, äte mei näte tea kai ce lä mäny ö y näte thui haw y hethang Säthaw lä Ubädi py te vi. Säthaw lä Ubädi hai-a älawngpre-a awng saite khimi angxynlyng na lä hunghö sa saite na hai äni ce tea Säthaw ma tärae cei vi ai näkha mätü te vi. 20Hokä Ubädi thung-a awng saite kätyng sa te hai-a ämi la Säthaw üng maw-a cüng te y vi. Ubädi lä mä-ai tea hunghö sa saite mäny hai te vi.
Yng te hai-a cüng saite
21Tungaila vaihi Säthaw lä äma üng maw-a makä sa kha käcüng-a lawng hethang älang mätü te vi dy. Honi älang lä Mosi üng Ubädi thung-a tärü te kätyng sa hethang y. Mosi üng Ubädi hai buisaw na ma honi phüng thui ö khü te vi. 22Isu Khrista tea yng saite hai-a Säthaw lä Khrista tea yng saite khimi angxynlyng na bung cüng hai te vi dy. Judae khimi na hai ceng kälang na tea Säthaw üng maw-a cüng hai hethang lä älang kälang awng te y. 23Khimi qütä lä hunghö sa kha Säthaw üng phung-ang hai hanglaw ö vi dy. 24Tungaila khimi ce bung hunghö üng aelawi hai saite Isu Khrista hai-a Säthaw ma lasawng-a py saite tähang kähawi phüng-a, khimi ce bung lä äma üng maw-a cüng hai vi dy. 25-26Khrista üng dü saite äthi hai-a, Säthaw lä khimi ce üng hunghö na tea bälawi haw hethang Säthaw lä äni bung löci kätyng sa pa vi dy. Khrista üng dü pa saite hai-a Säthaw lä äni ce üng hunghö na tea bälawi pa vi dy. Säthaw ma hikä sa te lä äma üng cüng saite tea mätü khekhe te vi. Jangni üng hai äni lä änawngsa kha khimi ce üng hunghö na tähang dengpy pa te y vi. Tungaila vaihi äni lä äma üng cüng saite mätü hethang Isu Khrista bung hikä dü hai hethang mätaw pa te vi dy. Honi kätyng Säthaw lä äma cüng vi näkha Isu tea yng saite khimi qütä bung lä khimi käcüng-a mäthi te vi dy.
27Hokä dylä mä-ai lä makä sa kha la aethaw haw y. Aethaw he äte la awng te y. Ätephüng-a mei nädylä mä-ai lä Mosi üng Ubädi tängai te phüng-a, Säthaw üng maw-a cüng ö te y vi. Mä-ai lä yng te phüng-a cüng ö te kae. 28Yng saite qaitä hai-a Säthaw lä khimi käcüng-a mäthi te kae. Mosi üng Ubädi tea tängai te hai-a lä Säthaw üng maw-a cüng haw te y näte kai ce lä mäny ö vi dy. 29Säthaw lä Judae na qaitä üng Säthaw kae y. Ceng kälang na üng Säthaw la by vi. 30Säthaw lä lawngtä xyng kae. Äni lä Judae na hai ceng kälang na tea äma ce üng yng saite hai-a cüng hai te kae. 31Mä-ai lä yng saite hai-a Ubädi tea khaisö vi dy näkha thui haw ai mei. Hokä y lyng. Mä-ai lä Isu Khrista tea yng te phüng-a Ubädi tängai haw ö te vi näte thui hethang ngai te vi.
Currently Selected:
Rom 3: cekNT
Highlight
Copy
Compare
Share
Want to have your highlights saved across all your devices? Sign up or sign in
© 2017, Bible Society of Myanmar and Wycliffe Bible Translators, Inc
Rom 3
3
1Judae khimi lawng te lä ceng kälang khimi lawng te qawng-a hawiky te vi mei. Äni ce üng lengkhüng täke saite lä ävang ting te vi mei. 2Judae khimi lawng te lä ävang käting awng mang vi. Angcüky-a Säthaw lä Judae khimi na tea äma üng angthang py te vi. 3Judae khimi phütä na lä ae-y khü ö te y vi näte lä tätang khaw vi. Hokä dylä Säthaw lä ae-y khü he hawi y näkha thui ai mei. 4Hokä y lyng. Khimi qütä lä kaeling kaemae sa ngaila Säthaw lä mitang khaw te lo thui jawjaw vi. Caekäcai thung-a lä,
“Nang üng thui saite kätü-a, tüngkhaw saite lo thui te tea khimi qütä ma nung vi ai.
Khimi ce ma nang tea cy te kätü-a, nang lä bäja jawjaw vi ai” näkha thui vi.
5Tungaila khimi phütä ma, “Mä-ai üng hawi y sa saite na lä Säthaw üng sa saite kätüng tea mätü rae te vi” näpa. Mä-ai lä ätemakä thui haw ö ai mei. Khimi phütä na hokä dylä, “Säthaw ma mä-ai tea dengpy te lä tüng y vi” näkha thui ö ai. (Hini kätyng kai ma thui te lä khimi ce üng kaedawng kätyng thui te kae.) 6Hokä thui haw y lyng. Säthaw tüng y dylä, makä sa kha äni lä älawngpre-a khimi angxynlyng na tea tärae cei haw ai mei.
7Tungaila khimi phütä lä, “Kai üng tüng y saite lä Säthaw üng tüng saite tea khimi ce mäny hai rae kha äni üng phung-ang tea aesang hai rae te vi nädylä, äte makäte phüng-a hunghö sa saite lawngtä kätyng Säthaw ma dengpy te vi mei” näkha awng vi. 8Tukha khimi phütä na lä, “Hawi saite na tyng haw hethang hawi y saite na mä-ai sa ö si” näkha thui ö ai. Honi kätyng kai lä thui vi näkha khimi phütä na ma cy ea käsi thui ö te vi. Säthaw lä äni ce tea aeteng khaw saite dengpy vi ai.
Ämi lawngtä la cüng te y
9Hokä dylä mä-ai Judae khimi lä ceng kälang na qawng-a matangtä hawiky mei. Hokä y lyng. Judae na hai ceng kälang angxynlyng na lä hunghö üng haidae täkui-a mangtä awng te kae näte tea kai lä mätü pyng te vi dy. 10Caekäcai thung-a lä,
“Ämi lawngtä la Säthaw üng maw-a cüng te awng y.
11Kätüng lä mani mei näte tea mänykaw saite ämi lawngtä la awng y.
Säthaw tea cäphaw hethang ngai saite ämi lawngtä la awng y vi.
12Khimi angxynlyng na lä Säthaw tea eng ja ö vi dy.
Äni ce angxynlyng lä aetütü ö kae vi dy.
Kähawi sa saite ämi la awng y. Lawngtä mäteng la awng y.
13Äni ce üng älo hai äni ce lä khimi ce tea bädü ö te vi.
Äni ce lä äma ce üng täbawng na hai kaeling kaemae lo thui ö vi.
Äni ce üng älo lä bärui na üng äce kätyng ri hethang hawi te vi.
14Äni ce lä kätü qütä khimi ce tea esäre te hai täking saite lo thui jawjaw ö te vi.
15Äni ce lä khimi tea bädü hethang bähüng te awng ö y.
16Äni ce lä tyng saite mityng qütä-a khimi ce tea täphra kha känaw na py ö te vi.
17Äni ce lä khimi ce hai mangtä awngneng saite älang mäny ö te y.
18Äni ce lä Säthaw tea ri te bälung awng ö y” näkha awng vi.
19Mosi üng Ubädi thung-a awng saite angxynlyng na lä Säthaw ma honi Ubädi py saite khimi tähang vi näte tea mä-ai lä mäny ö te vi. Khimi ce lä hawi te, hawi y te, äte mei näte tea kai ce lä mäny ö y näte thui haw y hethang Säthaw lä Ubädi py te vi. Säthaw lä Ubädi hai-a älawngpre-a awng saite khimi angxynlyng na lä hunghö sa saite na hai äni ce tea Säthaw ma tärae cei vi ai näkha mätü te vi. 20Hokä Ubädi thung-a awng saite kätyng sa te hai-a ämi la Säthaw üng maw-a cüng te y vi. Ubädi lä mä-ai tea hunghö sa saite mäny hai te vi.
Yng te hai-a cüng saite
21Tungaila vaihi Säthaw lä äma üng maw-a makä sa kha käcüng-a lawng hethang älang mätü te vi dy. Honi älang lä Mosi üng Ubädi thung-a tärü te kätyng sa hethang y. Mosi üng Ubädi hai buisaw na ma honi phüng thui ö khü te vi. 22Isu Khrista tea yng saite hai-a Säthaw lä Khrista tea yng saite khimi angxynlyng na bung cüng hai te vi dy. Judae khimi na hai ceng kälang na tea Säthaw üng maw-a cüng hai hethang lä älang kälang awng te y. 23Khimi qütä lä hunghö sa kha Säthaw üng phung-ang hai hanglaw ö vi dy. 24Tungaila khimi ce bung hunghö üng aelawi hai saite Isu Khrista hai-a Säthaw ma lasawng-a py saite tähang kähawi phüng-a, khimi ce bung lä äma üng maw-a cüng hai vi dy. 25-26Khrista üng dü saite äthi hai-a, Säthaw lä khimi ce üng hunghö na tea bälawi haw hethang Säthaw lä äni bung löci kätyng sa pa vi dy. Khrista üng dü pa saite hai-a Säthaw lä äni ce üng hunghö na tea bälawi pa vi dy. Säthaw ma hikä sa te lä äma üng cüng saite tea mätü khekhe te vi. Jangni üng hai äni lä änawngsa kha khimi ce üng hunghö na tähang dengpy pa te y vi. Tungaila vaihi äni lä äma üng cüng saite mätü hethang Isu Khrista bung hikä dü hai hethang mätaw pa te vi dy. Honi kätyng Säthaw lä äma cüng vi näkha Isu tea yng saite khimi qütä bung lä khimi käcüng-a mäthi te vi dy.
27Hokä dylä mä-ai lä makä sa kha la aethaw haw y. Aethaw he äte la awng te y. Ätephüng-a mei nädylä mä-ai lä Mosi üng Ubädi tängai te phüng-a, Säthaw üng maw-a cüng ö te y vi. Mä-ai lä yng te phüng-a cüng ö te kae. 28Yng saite qaitä hai-a Säthaw lä khimi käcüng-a mäthi te kae. Mosi üng Ubädi tea tängai te hai-a lä Säthaw üng maw-a cüng haw te y näte kai ce lä mäny ö vi dy. 29Säthaw lä Judae na qaitä üng Säthaw kae y. Ceng kälang na üng Säthaw la by vi. 30Säthaw lä lawngtä xyng kae. Äni lä Judae na hai ceng kälang na tea äma ce üng yng saite hai-a cüng hai te kae. 31Mä-ai lä yng saite hai-a Ubädi tea khaisö vi dy näkha thui haw ai mei. Hokä y lyng. Mä-ai lä Isu Khrista tea yng te phüng-a Ubädi tängai haw ö te vi näte thui hethang ngai te vi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Bible Society of Myanmar and Wycliffe Bible Translators, Inc