Süleýmanyň pähimleri 2
2
2‑nji bap
1Oglum, meniň sözümi kabul edip,
buýrugymy kalbyňda saklasaň,
2danalyga gulak asyp,
düşünjä ýüregiňi berseň,
3hawa, paýhasy çagyrsaň,
düşünjä ýalbarsaň,
4ony kümüş ýaly gözleseň,
hazyna dek agtarsaň,
5şonda Rebden gorkmaklyga akyl ýetirip,
Hudaýy tanamagy başararsyň.
6Çünki danalyk berýän Rebdir,
bilim hem düşünje Onuň agzyndan çykýandyr.
7Ol dogruçyllara ýardam berýär,
sadyklykda gezýänlere galkan bolýar.
8Ol adalat ýollaryny goraýar,
Özüne sadyklaryň ýoluny goraýar.
9Şonda dogruçyllyga we adalata akyl ýetirersiň,
adyllyga we ýagşy ýola düşünersiň.
10Çünki danalyk seniň ýüregiňe girer,
bilim kalbyňa hoş ýakar.
11Akyllylyk seni gorar,
düşünje saňa sereder.
12Danalyk seni ýaman ýoldan,
erbet gepleýänlerden halas eder.
13Olar dogry ýoly taşlap,
garaňkylyk ýolundan ýöreýärler.
14Ýaman iş edip şatlanýarlar,
ýamanyň erbetligine guwanýarlar.
15Olaryň ýollary egridir,
ýodalary öwrümlidir.
16-17Hudaý bilen ähtini unudandan,
başdaşyndan aýrylyşan aýaldan,
dili süýji keseki zenandan danalyk seni halas eder.
18Çünki şeýle zenanyň öýi ölüme eltýär,
ýollary zeminiň teýine barýar.
19Onuň ýanyna giren yzyna dolanyp bilmez,
gaýdyp ýaşaýyş ýoluna ýetmez.
20Şonuň üçin ýagşy iş edýäniň ýolundan ýöre,
dogruçyllaryň ýoluny tut.
21Çünki ýurtda dogruçyllar mekan tutarlar,
sadyklar şol ýerde galarlar.
22Ýöne erbetlik edýänler ir ölerler,
haýynlar köki bilen gyrlarlar.
Currently Selected:
Süleýmanyň pähimleri 2: TukLat16
Highlight
Copy
Compare
Share
Want to have your highlights saved across all your devices? Sign up or sign in
© Mukaddes Kitap Terjime Instituty, 2016
Süleýmanyň pähimleri 2
2
2‑nji bap
1Oglum, meniň sözümi kabul edip,
buýrugymy kalbyňda saklasaň,
2danalyga gulak asyp,
düşünjä ýüregiňi berseň,
3hawa, paýhasy çagyrsaň,
düşünjä ýalbarsaň,
4ony kümüş ýaly gözleseň,
hazyna dek agtarsaň,
5şonda Rebden gorkmaklyga akyl ýetirip,
Hudaýy tanamagy başararsyň.
6Çünki danalyk berýän Rebdir,
bilim hem düşünje Onuň agzyndan çykýandyr.
7Ol dogruçyllara ýardam berýär,
sadyklykda gezýänlere galkan bolýar.
8Ol adalat ýollaryny goraýar,
Özüne sadyklaryň ýoluny goraýar.
9Şonda dogruçyllyga we adalata akyl ýetirersiň,
adyllyga we ýagşy ýola düşünersiň.
10Çünki danalyk seniň ýüregiňe girer,
bilim kalbyňa hoş ýakar.
11Akyllylyk seni gorar,
düşünje saňa sereder.
12Danalyk seni ýaman ýoldan,
erbet gepleýänlerden halas eder.
13Olar dogry ýoly taşlap,
garaňkylyk ýolundan ýöreýärler.
14Ýaman iş edip şatlanýarlar,
ýamanyň erbetligine guwanýarlar.
15Olaryň ýollary egridir,
ýodalary öwrümlidir.
16-17Hudaý bilen ähtini unudandan,
başdaşyndan aýrylyşan aýaldan,
dili süýji keseki zenandan danalyk seni halas eder.
18Çünki şeýle zenanyň öýi ölüme eltýär,
ýollary zeminiň teýine barýar.
19Onuň ýanyna giren yzyna dolanyp bilmez,
gaýdyp ýaşaýyş ýoluna ýetmez.
20Şonuň üçin ýagşy iş edýäniň ýolundan ýöre,
dogruçyllaryň ýoluny tut.
21Çünki ýurtda dogruçyllar mekan tutarlar,
sadyklar şol ýerde galarlar.
22Ýöne erbetlik edýänler ir ölerler,
haýynlar köki bilen gyrlarlar.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Mukaddes Kitap Terjime Instituty, 2016