Genese 42
42
PENE XLII - 42
To Iakoba tono anga i tana au tamariki e oko i te sitona: to ratou kite angaia e Iosepha, e kua akatangata ke maira aia kia ratou.
1 # 42:1 Ou i te Mesia 1707. E KITE akerā #Anga 7:12Iakoba e, e sitona tei Aiphiti, kua tuatua mairā Iakoba ki tana au tamariki ra, Eaa kotou e akara uaʼi ki tetai ki tetai? 2E kua tuatua maira aia, I na, kua rongo akenei au e, e sitona tei Aiphiti; e aere kotou ki reira, e oko i ta tatou; #Gene 43:8; Sala 118:17; Isa 38:1kia ora tatou, auraka ra kia mate.
3Aere atura nga tuakana o Iosepha tino ngauru ki Aiphiti e oko i te sitona. 4Kareka ko to Iosepha teina ko Beniamina, kare ïa i tono katoaia e Iakoba, e te ai tuakana; kua tuatua akera aia, #Gene 42:38Ko te rokoia aea aia e te kino.
5Ko te au tamariki a Iseraela tei aere katoa ma te aronga i aere e oko sitona: kua #Anga 7:11onge oki taua enua ra ko Kanaana. 6Ko Iosepha oki te tutara #Gene 41:41o te enua ra, e nana i oko i te sitona ki te tangata ravarai o taua enua ra. Kua aere maira te ai tuakana o Iosepha ra, kua #Gene 37:7tupou iora ratou ki raro roa i te one ki mua iaia. 7E kia akara aturā Iosepha i te ai tuakana nona ra, kua kite atura aia ia ratou; kua akatangata ke atura ra aia ia ratou, e kua tuatua taivaiva atura kia ratou, na ko atura, Mei ea mai kotou na? Kua tuatua maira ratou, Mei te enua ra mei Kanaana mai, e oko i te kai. 8Kite ua rai a Iosepha i taua ai tuakana nona ra, kare ra ratou i kite iaia. 9#Gene 37:5,9Kua manako iorā Iosepha i nga moe nana ia ratou ra, e kua karanga atura kia ratou, E aronga mata kotou na; i aere mai kotou e akara i te au ngai vareakaua o te enua nei. 10Kua tuatua maira ratou kiaia, Auraka, e to matou pu e, i aere maira toou au tavini nei e oko i te kai. 11E tamariki matou ravarai na te tangata okotai; e aronga tiratiratu matou; kare toou au tavini nei i te mata. 12Kua karanga atura aia kia ratou, Kare, i aere maira kotou e akara i te au ngai vareakaua o te enua nei. 13Kua tuatua maira ratou, Tino ngauru ma rua toou au tavini nei, okotai rai kopu-tangata, e tamariki na te tangata okotai i te enua ra i Kanaana; e i na, te openga roa ake, tei to matou metua tane ra i teianei, #Gene 37:30; Aue 5:7; Gene 44:20e kare nei tetai. 14Kua karanga atura rā Iosepha kia ratou, Ko taku rai oki i karanga atu kia kotou na e, 15E aronga mata kotou: Teia te mea e kiteaʼi kotou kotou: #1 Samu 1:26; 17:55Te ora nei a Pharao ra, kare rava kotou e aere ke, mari ra kia tae mai to kotou teina openga ra ki ko nei. 16Ka unga kotou i tetai o kotou e tiki i to kotou teina, e ka tapekaia kotou, kia kitea ta kotou tuatua i te tika anga; e kare ra, te ora nei a Pharao ra, e mata tika rai kotou na. 17Kua tuku atura aia ia ratou kia tiaki naia, e kia po toru.
18E tae akera ki te po toru ra, kua karanga aturā Iosepha kia ratou, E akapera kotou kia ora kotou; #Levi 25:43; Nehe 5:15te mataku nei oki au i te Atua: 19E aronga tiratiratu kotou na, e vaoo tetai o kotou kia tapeka uaia na ki roto i te are e tapekaiaʼi kotou nei; ka aere ei kotou, ka apai ei i te sitona ki to kotou au ngutuare, no te onge: 20Ka #Gene 42:34; 43:5; 44:23arataki mai ana ra i to kotou teina openga ra ki ko nei kiaku nei, kia riro ta kotou tuatua ei tuatua-mou; kia kore oki kotou e mate. E kua pera atura oki ratou.
21Kua karanga iora ratou ratou uaorai, #Iobu 36:8,9; Hose 5:15Kua ara tatou i to tatou teina ra; kua kite oki tatou i te mamae o tona ngakau, ka kaku mai ei aia kia tatou ra, e kare tatou i akarongo atu; #Mase 21:15; Mata 7:2i rokoia mai ei tatou e teianei tumatetenga. 22Kua tuatua akerā Reubena kia ratou, na ko akera, #Gene 37:21Kare ainei ko au tei karanga atu kia kotou, i te na ko anga e, Auraka e rave kino i te tamaiti na? e kare akerai kotou i akarongo mai: i na, i umuumuia #Gene 9:5; 1 Ari 2:32; 2 Para 24:22; Sala 9:12; Luka 11:50,51mai ei te oko i tona toto i tenana. 23Kare ratou i kite e, te rongo mairā Iosepha i ta ratou tuatua; e tangata oki te akakite i ta ratou tuatua. 24Kua anga ke maira aia, kua aue iora; e kua oki akaou atura kia ratou, e kua karangaranga atura kia ratou, kua rave atura aia ia Simeona no rotopu ia ratou, e kua tapeka iora iaia ki mua i to ratou mata.
25Kua akaue aturā Iosepha e akaki i ta ratou au pute ki te sitona, e e akaoki i ta ratou katoa ra au moni ki roto i ta ratou au pute, e e oronga atu oki i te kai no te aerenga: #Mata 5:44; Roma 12:17,20,21kua pera oki aia kia ratou. 26Kua akauta akera ratou i ta ratou sitona ki runga i ta ratou au asini, aere atura.
27E tae akera ki te ngai moe anga, #42:27 Tikaanga - e.me #Gene 43:21tatara tetai i tana pute e apai i tetai manga kai na tana asini, kite akera aia i tana moni; i na oki, tei roto tei te vaa o te pute ra. 28Kua tuatua iora aia ki tona ai taeake, Kua akaokiia mai taku moni; i na oki, tei roto i taku nei pute: taravai atura to ratou ngakau, e rutetetete iora i te mataku, e kua na ko akera ratou ratou uaorai, Eaa teia ravenga a te Atua ia tatou nei?
29E tae rava atura ki te enua ra ki Kanaana ki to ratou metua kia Iakoba ra, e kua akakite atura kiaia i te au mea katoa i rokoia mai ei ratou ra, na ko atura, 30I tuatua #Gene 42:7taivaiva maira te tangata, te tutara o taua enua ra, kia matou, tuatua akera e, e mata matou i taua enua ra. 31Kua karanga atura matou kiaia, E aronga tiratiratu matou; kare matou i te mata: 32Tino ngauru ma rua matou i to matou kopu-tangata, e tamariki anake matou na to matou metua tane; kare nei tetai, e te openga roa ake tei to matou metua, i te enua ra i Kanaana. 33Kua tuatua maira taua tangata ra, te tutara o taua enua ra, kia matou, #Gene 42:15,19,20Teia te mea e kite ei au e aronga tiratiratu kotou; e vaoo tetai o kotou i ko nei iaku nei, ka rave i te sitona no te onge o to kotou au ngutuare, ka aere atu ei: 34Ka arataki mai ei i to kotou teina openga ki ko nei kiaku nei; e kite ei au e, e aronga tiratiratu kotou i reira, kare ïa i te mata; ka tuku atu ei au i to kotou taeake kia kotou na, #Gene 34:10ka oko aere ua atu ei kotou i te enua nei.
35E tei te riringi anga ratou i ta #Gene 43:21ratou au pute, i na, ta ratou katoa ra au kou moni, tei roto ïa i ta ratou au pute; e kite akera ratou, e to ratou metua tane, i taua au kou moni a ratou ra, mataku akera ratou. 36Kua tuatua akera to ratou metua tane ra ko Iakoba kia ratou, Kua #Gene 43:14ngere au i te tamariki ia kotou: kare nei a Iosepha, e kare nei a Simeona, e te umuumu mai nei oki kotou ia Beniamina: e mea tau kore iaku taua au mea katoa nei. 37Kua karanga aturā Reubena ki tona metua tane, na ko atura, Kia kore au e akaoki mai iaia kia koe ra, e ta koe i aku akera puke tamariki tamaroa toko rua: ka tuku mai iaia ki toku nei rima, naku rai e akaoki atu iaia kia koe na. 38Kua tuatua maira aia, Kare taku tamaiti e tae ki to kotou tere; #Gene 42:13; 37:33; 44:28kua mate oki tona tuakana, koia anake tei toe io nei: kia #Gene 42:4; 44:29rokoia ua aia e te kino i to kotou na aerenga, e tae rava toku #Gene 37:35; 44:31mimiti inaina ki te vaarua ma te aue ia kotou.
Currently Selected:
Genese 42: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
Genese 42
42
PENE XLII - 42
To Iakoba tono anga i tana au tamariki e oko i te sitona: to ratou kite angaia e Iosepha, e kua akatangata ke maira aia kia ratou.
1 # 42:1 Ou i te Mesia 1707. E KITE akerā #Anga 7:12Iakoba e, e sitona tei Aiphiti, kua tuatua mairā Iakoba ki tana au tamariki ra, Eaa kotou e akara uaʼi ki tetai ki tetai? 2E kua tuatua maira aia, I na, kua rongo akenei au e, e sitona tei Aiphiti; e aere kotou ki reira, e oko i ta tatou; #Gene 43:8; Sala 118:17; Isa 38:1kia ora tatou, auraka ra kia mate.
3Aere atura nga tuakana o Iosepha tino ngauru ki Aiphiti e oko i te sitona. 4Kareka ko to Iosepha teina ko Beniamina, kare ïa i tono katoaia e Iakoba, e te ai tuakana; kua tuatua akera aia, #Gene 42:38Ko te rokoia aea aia e te kino.
5Ko te au tamariki a Iseraela tei aere katoa ma te aronga i aere e oko sitona: kua #Anga 7:11onge oki taua enua ra ko Kanaana. 6Ko Iosepha oki te tutara #Gene 41:41o te enua ra, e nana i oko i te sitona ki te tangata ravarai o taua enua ra. Kua aere maira te ai tuakana o Iosepha ra, kua #Gene 37:7tupou iora ratou ki raro roa i te one ki mua iaia. 7E kia akara aturā Iosepha i te ai tuakana nona ra, kua kite atura aia ia ratou; kua akatangata ke atura ra aia ia ratou, e kua tuatua taivaiva atura kia ratou, na ko atura, Mei ea mai kotou na? Kua tuatua maira ratou, Mei te enua ra mei Kanaana mai, e oko i te kai. 8Kite ua rai a Iosepha i taua ai tuakana nona ra, kare ra ratou i kite iaia. 9#Gene 37:5,9Kua manako iorā Iosepha i nga moe nana ia ratou ra, e kua karanga atura kia ratou, E aronga mata kotou na; i aere mai kotou e akara i te au ngai vareakaua o te enua nei. 10Kua tuatua maira ratou kiaia, Auraka, e to matou pu e, i aere maira toou au tavini nei e oko i te kai. 11E tamariki matou ravarai na te tangata okotai; e aronga tiratiratu matou; kare toou au tavini nei i te mata. 12Kua karanga atura aia kia ratou, Kare, i aere maira kotou e akara i te au ngai vareakaua o te enua nei. 13Kua tuatua maira ratou, Tino ngauru ma rua toou au tavini nei, okotai rai kopu-tangata, e tamariki na te tangata okotai i te enua ra i Kanaana; e i na, te openga roa ake, tei to matou metua tane ra i teianei, #Gene 37:30; Aue 5:7; Gene 44:20e kare nei tetai. 14Kua karanga atura rā Iosepha kia ratou, Ko taku rai oki i karanga atu kia kotou na e, 15E aronga mata kotou: Teia te mea e kiteaʼi kotou kotou: #1 Samu 1:26; 17:55Te ora nei a Pharao ra, kare rava kotou e aere ke, mari ra kia tae mai to kotou teina openga ra ki ko nei. 16Ka unga kotou i tetai o kotou e tiki i to kotou teina, e ka tapekaia kotou, kia kitea ta kotou tuatua i te tika anga; e kare ra, te ora nei a Pharao ra, e mata tika rai kotou na. 17Kua tuku atura aia ia ratou kia tiaki naia, e kia po toru.
18E tae akera ki te po toru ra, kua karanga aturā Iosepha kia ratou, E akapera kotou kia ora kotou; #Levi 25:43; Nehe 5:15te mataku nei oki au i te Atua: 19E aronga tiratiratu kotou na, e vaoo tetai o kotou kia tapeka uaia na ki roto i te are e tapekaiaʼi kotou nei; ka aere ei kotou, ka apai ei i te sitona ki to kotou au ngutuare, no te onge: 20Ka #Gene 42:34; 43:5; 44:23arataki mai ana ra i to kotou teina openga ra ki ko nei kiaku nei, kia riro ta kotou tuatua ei tuatua-mou; kia kore oki kotou e mate. E kua pera atura oki ratou.
21Kua karanga iora ratou ratou uaorai, #Iobu 36:8,9; Hose 5:15Kua ara tatou i to tatou teina ra; kua kite oki tatou i te mamae o tona ngakau, ka kaku mai ei aia kia tatou ra, e kare tatou i akarongo atu; #Mase 21:15; Mata 7:2i rokoia mai ei tatou e teianei tumatetenga. 22Kua tuatua akerā Reubena kia ratou, na ko akera, #Gene 37:21Kare ainei ko au tei karanga atu kia kotou, i te na ko anga e, Auraka e rave kino i te tamaiti na? e kare akerai kotou i akarongo mai: i na, i umuumuia #Gene 9:5; 1 Ari 2:32; 2 Para 24:22; Sala 9:12; Luka 11:50,51mai ei te oko i tona toto i tenana. 23Kare ratou i kite e, te rongo mairā Iosepha i ta ratou tuatua; e tangata oki te akakite i ta ratou tuatua. 24Kua anga ke maira aia, kua aue iora; e kua oki akaou atura kia ratou, e kua karangaranga atura kia ratou, kua rave atura aia ia Simeona no rotopu ia ratou, e kua tapeka iora iaia ki mua i to ratou mata.
25Kua akaue aturā Iosepha e akaki i ta ratou au pute ki te sitona, e e akaoki i ta ratou katoa ra au moni ki roto i ta ratou au pute, e e oronga atu oki i te kai no te aerenga: #Mata 5:44; Roma 12:17,20,21kua pera oki aia kia ratou. 26Kua akauta akera ratou i ta ratou sitona ki runga i ta ratou au asini, aere atura.
27E tae akera ki te ngai moe anga, #42:27 Tikaanga - e.me #Gene 43:21tatara tetai i tana pute e apai i tetai manga kai na tana asini, kite akera aia i tana moni; i na oki, tei roto tei te vaa o te pute ra. 28Kua tuatua iora aia ki tona ai taeake, Kua akaokiia mai taku moni; i na oki, tei roto i taku nei pute: taravai atura to ratou ngakau, e rutetetete iora i te mataku, e kua na ko akera ratou ratou uaorai, Eaa teia ravenga a te Atua ia tatou nei?
29E tae rava atura ki te enua ra ki Kanaana ki to ratou metua kia Iakoba ra, e kua akakite atura kiaia i te au mea katoa i rokoia mai ei ratou ra, na ko atura, 30I tuatua #Gene 42:7taivaiva maira te tangata, te tutara o taua enua ra, kia matou, tuatua akera e, e mata matou i taua enua ra. 31Kua karanga atura matou kiaia, E aronga tiratiratu matou; kare matou i te mata: 32Tino ngauru ma rua matou i to matou kopu-tangata, e tamariki anake matou na to matou metua tane; kare nei tetai, e te openga roa ake tei to matou metua, i te enua ra i Kanaana. 33Kua tuatua maira taua tangata ra, te tutara o taua enua ra, kia matou, #Gene 42:15,19,20Teia te mea e kite ei au e aronga tiratiratu kotou; e vaoo tetai o kotou i ko nei iaku nei, ka rave i te sitona no te onge o to kotou au ngutuare, ka aere atu ei: 34Ka arataki mai ei i to kotou teina openga ki ko nei kiaku nei; e kite ei au e, e aronga tiratiratu kotou i reira, kare ïa i te mata; ka tuku atu ei au i to kotou taeake kia kotou na, #Gene 34:10ka oko aere ua atu ei kotou i te enua nei.
35E tei te riringi anga ratou i ta #Gene 43:21ratou au pute, i na, ta ratou katoa ra au kou moni, tei roto ïa i ta ratou au pute; e kite akera ratou, e to ratou metua tane, i taua au kou moni a ratou ra, mataku akera ratou. 36Kua tuatua akera to ratou metua tane ra ko Iakoba kia ratou, Kua #Gene 43:14ngere au i te tamariki ia kotou: kare nei a Iosepha, e kare nei a Simeona, e te umuumu mai nei oki kotou ia Beniamina: e mea tau kore iaku taua au mea katoa nei. 37Kua karanga aturā Reubena ki tona metua tane, na ko atura, Kia kore au e akaoki mai iaia kia koe ra, e ta koe i aku akera puke tamariki tamaroa toko rua: ka tuku mai iaia ki toku nei rima, naku rai e akaoki atu iaia kia koe na. 38Kua tuatua maira aia, Kare taku tamaiti e tae ki to kotou tere; #Gene 42:13; 37:33; 44:28kua mate oki tona tuakana, koia anake tei toe io nei: kia #Gene 42:4; 44:29rokoia ua aia e te kino i to kotou na aerenga, e tae rava toku #Gene 37:35; 44:31mimiti inaina ki te vaarua ma te aue ia kotou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.