Yonasi 3
3
Ta Yonasi eNinivha ni ku hundzuka ka Vaninivha
1Rito ra HOSI Xikwembu ri engeta ri ta eka Yonasi, ri ku: 2“Suka u ya eNinivha, emutini lowukulu lowuya, u ya va tshinya hi marito lawa ndzi nga ku byela wona.” 3Yonasi a yingisa xileriso xa HOSI, a suka a kongoma eNinivha. Ninivha a wu ri muti lowukulu ngopfu, lowu a swi teka masiku manharhu ku wu tsemakanya hi milenge. 4 Yonasi a nghena eNinivha, a famba-famba mpfhuka wa siku rin'we a ri karhi a huwelela a ku: “Ku sele ntsena masiku ya 40, kutani muti wa Ninivha wu ta mbundzumuxiwa.” 5Kutani vaaki va Ninivha va kholwa marito ya Xikwembu; va lerisa vanhu ku titsona swakudya; hinkwavo ka vona, lavakulu ni lavatsongo, va ambala leswo khwaxa swa xirilo.
6Loko mahungu lawa ma fika etindleveni ta hosi ya Ninivha, yi suka exitshan'wini xa yona, yi hluvula swiambalo swa yona swa vuhosi, yi ambala leswo khwaxa, yi tshama etaleni. 7Kutani yi veka ni ku tivisa nawu emutini wa Ninivha, lowu nge: “Xibobo xa hosi ni tindhuna ta yona hi lexi: Ku nga ha dyiwi nchumu, hi munhu kumbe hi swifuwo, leswikulu hambi leswitsongo; naswona swi nga ha yi emadyelweni kumbe ematini. 8Vanhu a va ambale leswo khwaxa kun'we ni swifuwo swa vona, kutani va khongela Xikwembu hi matimba. Un'wana ni un'wana a a hundzuke emikhuveni ya yena leyo biha, a tshika vugevenga lebyi a nga na byona embilwini. 9A hi tivi, kumbexana Xikwembu xi nga hundzuluxa miehleketo ya xona, xi tlhela emakungwini ya xona, xi rheleta vukari bya xona, leswaku hi nga tshuki hi lova.”
10Loko Xikwembu xi vona leswi va swi endleke ni ku hundzuka ka vona etindleleni ta vona leto biha, xi tlhela emakungwini ya xona: Hambileswi a xi va tivisile leswaku xi ta va twisa ku vava, a xa ha swi endlanga.
Currently Selected:
Yonasi 3: TSO89
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used with permission. All rights reserved.
Yonasi 3
3
Ta Yonasi eNinivha ni ku hundzuka ka Vaninivha
1Rito ra HOSI Xikwembu ri engeta ri ta eka Yonasi, ri ku: 2“Suka u ya eNinivha, emutini lowukulu lowuya, u ya va tshinya hi marito lawa ndzi nga ku byela wona.” 3Yonasi a yingisa xileriso xa HOSI, a suka a kongoma eNinivha. Ninivha a wu ri muti lowukulu ngopfu, lowu a swi teka masiku manharhu ku wu tsemakanya hi milenge. 4 Yonasi a nghena eNinivha, a famba-famba mpfhuka wa siku rin'we a ri karhi a huwelela a ku: “Ku sele ntsena masiku ya 40, kutani muti wa Ninivha wu ta mbundzumuxiwa.” 5Kutani vaaki va Ninivha va kholwa marito ya Xikwembu; va lerisa vanhu ku titsona swakudya; hinkwavo ka vona, lavakulu ni lavatsongo, va ambala leswo khwaxa swa xirilo.
6Loko mahungu lawa ma fika etindleveni ta hosi ya Ninivha, yi suka exitshan'wini xa yona, yi hluvula swiambalo swa yona swa vuhosi, yi ambala leswo khwaxa, yi tshama etaleni. 7Kutani yi veka ni ku tivisa nawu emutini wa Ninivha, lowu nge: “Xibobo xa hosi ni tindhuna ta yona hi lexi: Ku nga ha dyiwi nchumu, hi munhu kumbe hi swifuwo, leswikulu hambi leswitsongo; naswona swi nga ha yi emadyelweni kumbe ematini. 8Vanhu a va ambale leswo khwaxa kun'we ni swifuwo swa vona, kutani va khongela Xikwembu hi matimba. Un'wana ni un'wana a a hundzuke emikhuveni ya yena leyo biha, a tshika vugevenga lebyi a nga na byona embilwini. 9A hi tivi, kumbexana Xikwembu xi nga hundzuluxa miehleketo ya xona, xi tlhela emakungwini ya xona, xi rheleta vukari bya xona, leswaku hi nga tshuki hi lova.”
10Loko Xikwembu xi vona leswi va swi endleke ni ku hundzuka ka vona etindleleni ta vona leto biha, xi tlhela emakungwini ya xona: Hambileswi a xi va tivisile leswaku xi ta va twisa ku vava, a xa ha swi endlanga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used with permission. All rights reserved.