Matiu 27
27
Sudas va sar koteh hiren veni rendem tisa usil asa koa mumoni min Iesu#Mak 15:1; Luk 23:1-2; Sion 18:28-32
1En visokon semau, asuv keil onen pris keil ka elda keil onen Siu keil, keil vasi umai en rendemien tas keke avouas Iesu vamat.#Mat 12:14; Mak 3:6 2Sakini, apar kati ka amulamuni va ven asuv Paelet, avat ten kavmen en out enek, keke avasa lati mini.#Aes 53:8
3Navong Sudas koa sa lat Iesu lesi keke amaen lat moulien onen Iesu keke avouasi vamat, kei viles rendemien onen ka sak visi vasan ris silva mani hanumau tai ka halualim (30) min asuv keil onen pris keil ka elda keil.#Mat 26:14-15 4Kei vit lat kei min keil vit, “Inau namumon tisaen, veni nasa lat meatin tai hemat koa romumon etai tounah vatisa.”
Ka keil avit kesi mini avit, “Komai emai rovattei mevailea. Koanek mul enuk.”
5Sakini Sudas rivin mani netan en teahu ten Eim Votut ka muloh va. Evus, va ka par koteh hiren en viau ka murur.#Umen 1:18-19
6Asuv keil onen pris keil umai alah lat silva mani keil enek ka aviteni avit, “En mengkatien orer, romaltei rovaling mani enek vaha en ateli ten Eim Votut veni mani enek romutotei, avul lat moulien onen meatin tai eni.” 7Aselus usili ka umai en rendemien tas. Sakini, akur mani enek ka uva ales meatin koa mumon tounah keil en tanvili. Ral min mani enek, avul hati atan rani keke avoumon out tatetahinien tai eni keke avatahin heou keil eni. 8Ven koanik, out enek amul avise en ‘Atan ten Ara’ rokol kosa. 9Evus, asa koa Ahi viteni ka en provet Seremaea mai vi anatin koa vit, “Keil akur silva mani hanumau tai ka halualim (30), mal en mani koa me-Isrel keil alingi vi hulien ten moulien onen. 10Ka ral min mani enek, avul hati atan ran meatin koa mumon tounah keil en tanvili, suval koa Ahi Asuv meng kat inau eni.” Sak 11:12-13; Ser 19:1-13; 32:6-9
Amulamun Iesu va ven kot onen asuv Paelet keke hesan matien mini#Mak 15:2-5; Luk 23:3-5; Sion 18:33-38
11Navong koanik mul kur out, Iesu mul mulomal en meten asuv Paelet koa vi avat ten kavmen ten out enek. Ka Paelet visi vit, “?Mukave? ?Anatin keke kovi asuv houlu onen Siu keil?”#Mat 2:2; 27:29,37; Mak 15:9,12,18,26; Luk 23:37,38; Sion 18:39; 19:3,19,21
Iesu vit kesi vit, “Suval koa koviteni.”
12Ka navong asuv keil onen pris keil ka elda keil aselus va kati, kei rovit kes etai tounah vakataun usite onen.#Aes 53:7; Mat 26:63; 27:14; Luk 23:9; Sion 19:9 13Sakini Paelet visi vit, “?Keik korraengontei selusien houlu koa keil amul aviteni vakatuk?” 14Ka Iesu ro raeng mules, rovit kes etai selusien one. Navong asuv Paelet les sakien onen, mutimanin houlu.
15Vi sakien matu onen asuv Paelet keke en avong ten Anien ten Mul Laui, hemae lat meatin tai koa meatin keil arie lati keke va sital ran eim takeih. 16En avong enek, lariken tai mul en eim takeih, isen Barabas koa meatin keil akilea en tounah keil tatisa koa mumoni. 17Sakini navong asuv Paelet lesi keke mari vangi meatin keil alah ruai, vis keil vit, “?Koa kave emi vati mamaeni vasital: Barabas vuo Iesu koa avise en Mesaea?” 18Kei visi mukonek veni lei kilea tuai keke asuv keil onen pris keil asa lat Iesu mini veni amul avi elu eni.
19Ka navong Paelet mul veah rondan en kot onen, ahin onen san selusien mai mini vit, “Konoumon etai tounah naha kat meatin enek veni kei mal revi. Kosa, namundemko houlu ven matil vovoien tai koa nalesi usil meatin enek.”
20Ka asuv keil onen pris keil ka elda keil aleh rendemien onen vangi meatin keil keke avahis Paelet hemae lat Barabas vamaluv, ka uas Iesu hemat.
21Paelet va vis vangi meatin keil enek vit, “?Koa kave en keilu emi vati mamae lati vamaluv?”
Ka keil avisohiso avit, “!Barabas!”#Umen 3:14
22Paelet vis keil vit, “?Hemukonek, numon asa en Iesu koa avisi en Mesaea?”
Keil vasi avisohiso avit, “!Ti kati en aiveave!”#Umen 3:13; 13:28
23Ka Paelet vis keil vit, “?Vensa? ?Kei mumon sa tisa?”
Ka avisohiso keih imok avit, “!Ti kati en aiveave!”
24Navong Paelet lesi keke sakras vahiles rendemien one ka vesesal avoumon rea, kei kur oai ka kas hen en meten meatin vasi keil. Ka navong mumoni, viteni min keil vit, “Kosa, nakas motein hek ran ara ten matien onen meatin ekek veni, en metok, romumon etai tounah keke vamat veni. !Sakini, munak hemat, ara onen hel en hemi enges!”#Dut 21:6-9; Sam 26:6
25Ka vangi meatin keil avit kesi avit, “!Tahos, ran hel en hemai ka en hen titamai keil!”#Esek 33:5; Umen 5:28
26Sakini, musil envatien one, Paelet mae lat Barabas sital, ka meng kat meatin tavaeen keil onen avatah Iesu en viau takan ka avalamuni vahina avati kati en aiveave.
Meatin tavaeen keil amumon tohtohien en Iesu#Mak 15:16-20; Sion 19:2-3
27Navong amutah Iesu evus, meatin tavaeen keil onen Paelet amulamuni va en teahu ten mari eim ome ka avise ruain meatin tavaeen sav keil en out enek umai. 28Keil asakit lat eisin omon Iesu ka akav koe en kaliko tai koa vilhili suval omon asuv houlu tai.#Luk 23:11 29Evus, keil amumon tohtohien eni. Avil vatluvoluv en viau koa sin tetaveah mul ien ka alingi en vatin. Aling eisal tai en hen matu ka aretengeiril en meten suval avouhou mini. Ka navong amumoni aviteni avit, “!O asuv houlu onen Siu keil, mevouhou minuk!”#Mat 2:2; 27:11,37; Mak 15:9,12,18,26; Luk 23:37,38; Sion 18:39; 19:3,19,21 30Evus, amutiv kati ka asakit lat eisal rani ka amuas vatin eni.#Aes 50:6 31Navong amumon tohtohien mini evus, akulat kaliko tahilhili rani, ka amusin eni en eisin kati omon. Evus, amulamuni keke avati kati en aiveave.
Amuti kat Iesu en aiveave#Mak 15:21-32; Luk 23:26-43; Sion 19:17-27
32Navong meatin tavaeen keil amulamun Iesu uva, ales meatin tai mul en sise, isen Saemon ten out Saerin. Meatin tavaeen keil umai veni ka akeih kati vahus aiveave onen Iesu. 33Amulamun Iesu vina en Hou Kolkota koa aneite teni vi ‘Out ten Asi ten Avat.’ 34En out enek, asan uaen min Iesu koa avilesi ral min tounah koa kun.#Sam 69:21 Ka navong Iesu mun visi, seseini. 35Evus, amuti kati en aiveave. Navong mul murur, ason daes keke avatiti eisin keil omon min keil.#Sam 22:18 36Ekonek, keil arondan ka alei kokoe. 37Ka en aiveave onen, nesa en vatin, aling tisien tai koa amutisi eni avit, ‘Koanik vi Iesu, Asuv Houlu onen Siu keil.’#Mat 2:2; 27:11,29; Mak 15:9,12,18,26; Luk 23:37,38; Sion 18:39; 19:3,19,21 38En avong enek, amuti kat tarhena elu ral mini, tai en usiven matu ka tamun en usiven meil.#Aes 53:12
39Navong murur en aiveave, meatin keil koa amual vesesal veni akalialin vate ka amunge kat Iesu#Sam 22:7; 109:25; Rang 2:15 40avit, “!Ei, keik koa kovit ku rasilin Eim Votut ka kum risi en avong hetel enges,#Mat 26:61; Mak 14:58; Sion 2:19-20 hetahos imok keke kikataun vis keik sasom enges! !Munak kovi Natin Ahi anatin, kisuvul ran aiveave enek!”#Mat 4:3,6; 26:63; Luk 4:3,9
41En vati sakien enek, asuv keil onen pris keil, tiser keil ten mengkatien onen Mosis, ral min elda keil emun amumon tohtohien min Iesu. 42Keil amumon tohtohien mini avit, “!Alles visi! Kei kilea vakataun meatin sav keil, ka sakras vakataun kei sasen. !Munak anatin keke kei vi asuv houlu onen me-Isrel keil,#Sion 1:49; 12:13 hemita netan ran aiveave koanik kosa. Hemukonek, ir rehekur anatin esuk eni. 43Kei ling desien onen en Ahi ka viteni vit, ‘Inau navi Natin Ahi.’ Tahos, munak Ahi en vat meatin eke, kei hemai hekatauni.”#Sam 22:8; Sion 5:18; 10:36; 19:7 44Ka en vati sakien enek, tarhena keilu koa amuti kat keilu en usiven keilu, keilu emun luselus kareni.
Matien onen Iesu#Mak 15:33-41; Luk 23:44-49; Sion 19:28-30
45En taviai varei, mankoli mai mutaluh koe out vasi haoa etel (3).#Amos 8:9 46Ka navong haoa etel enek evus, Iesu visohiso keih en selusien kati onen koa vi Arameak vit, “!Ilae! !Ilae! ?Lama sabaktani?” Sam 22:1 Aneite ten selusien enek vi, ‘!Ahi onak! !Ahi onak! ?!Vensa kosokoveinau!?’
47Navong meatin tei keil koa amulomal en out enek araengoni avit, “?Milonge? Kei mul vise provet Ilae-tsa|Ilaetsa.”
48Hatte tas, tai en keil muloh, kur soke kaliko tai, ka kasi en uaen takun. Evus, lingi en kele ai tai ka sani vina min Iesu vasimi.#Sam 69:21 49Ka tei sav en keil aviteni avit, “Veitir mau ka rovales visi. ?Ilaetsa hemita hekatauni, vuo hermaitei?”
50Evus, Iesu mis roha, leh kor en eang, ka mat.
51 En hati avong enek, kaliko koa matetel koa aleh koe hati out koa vi votut en Eim Votut, sipasi elu#Eks 26:31-35; Hib 10:20 en ngolite nesa vita varei rokol ngolite netan. Alu mulu ka ahat keil apas 52ka sakin avul tatetahinien sipasi mutah. Meatin houlu onen Ahi koa umat amul ien, keil amoul eris ran matien.#Esek 37:12 53Keil asital ran avul tatetahinien one ka amual. (Ka navong Iesu mun moul eris ran matien, meatin houlu ales meatin keil enek en out Serusalem koa vi taon votut onen Ahi.)
54Navong avat onen meatin tavaeen keil ka meatin keil onen koa alei kokoe en Iesu alonge alu mulu ka ales tounah vasi koa kur out, keil ametau houlu ka aviteni avit, “Anatin eli, kei vi Natin Ahi varei.”
55Ka ahin houlu avati keil soutin neli ran aiveave ka amul ales tounah koa kur out. Vangi ahin keil#Luk 8:2-3 enek akataun Iesu navong mum en out Kaleli ka amusili umai en out Serusalem. 56Ka en koakeil enek, keitel telvi Meri ten out Makdela, Meri mama onen Tiemes ka Siosep, ka mama onen natin Sepeti keilu.
Aling teiai onen Iesu va en valengeihat tatetahinien#Mak 15:42-47; Luk 23:50-56; Sion 19:38-42
57Vesesal out vavong ka Sabat vamai.#Dut 21:22-23 Sakini meatin tai ten out Aramatea koa tounah onen houlu mai ven asuv Paelet, isen Siosep. Kei mun vi tai en koakeil amul amusil kat Iesu. 58Navong mulomal en meten Paelet, visi vamaen teiai onen Iesu mini. Sakini Paelet meng kat meatin tavaeen keil onen uva akulati ka asani mini. 59Sakini Siosep kuri ka kav koe en kaliko tamuoh koa muto. 60Evus, Siosep vousi ka lingi en valengeihat tatetahinien kati onen koa arei meseini tuai vi heite hau.#Aes 53:9; Umen 13:29 Evus, rein mari ahat tai koteh koe voiteh ten valengeihat enek ka lokoveini va. 61Meri ten out Makdela ka Meri tateisav lumul lurondan soutin neli en out enek, mal en voiteh ten valengeihat.#Mat 27:56; 28:1; Mak 15:40,47; 16:1; Luk 24:10; Sion 19:25
Meatin tavaeen keil alei kokoe en valengeihat tatetahinien koa teiai onen Iesu mul ien
62Out mulan en Sabat, asuv keil onen pris keil ka Farasi keil uva avales Paelet. 63Umai veni ka aviteni avit, “Asuv, memundem kati keke navong meatin taluvosien enek moul veah kei viteni vit, ‘Avong hetel evus, inau nimoul eris ran matien.’#Mat 12:40; 16:21; 17:23; 20:19; Mak 8:31; 9:31; 10:34; Luk 9:22; 18:33; 24:7 64Sakini, keik kimeng kat meatin tavaeen keil onom iha ilei kokoe revi en valengeihat tatetahinien onen hetokol avong hetel heli heha. Veni munak kirmumontei, vahera meatin keil onen|Meatin keil onen Iesu iha ka ihenan teiai onen. Hesakini, akilea avahiteni keke moul eris ran matien. Ka munak sakien koanek hekur out, luvosien ekor enek hetisa helohlin luvosien koa mulamu navong kei vit vi Mesaea onen Ahi.”
65Navong asuv Paelet longe, maeni vit, “Tahos, mihekur vangi meatin tavaeen tai onak keke avalei kokoe revi en valengeihat enek musil sakien koa kami emi vati.” 66Sakini keil uva ral min meatin tavaeen keil, aling siil vating koe voiteh teni, ka aling vangi meatin tavaeen keil alei kokoe.
Currently Selected:
Matiu 27: pma
Highlight
Share
Copy
Want to have your highlights saved across all your devices? Sign up or sign in
Copyright © 2011 Wycliffe Bible Translators, Inc.
Matiu 27
27
Sudas va sar koteh hiren veni rendem tisa usil asa koa mumoni min Iesu#Mak 15:1; Luk 23:1-2; Sion 18:28-32
1En visokon semau, asuv keil onen pris keil ka elda keil onen Siu keil, keil vasi umai en rendemien tas keke avouas Iesu vamat.#Mat 12:14; Mak 3:6 2Sakini, apar kati ka amulamuni va ven asuv Paelet, avat ten kavmen en out enek, keke avasa lati mini.#Aes 53:8
3Navong Sudas koa sa lat Iesu lesi keke amaen lat moulien onen Iesu keke avouasi vamat, kei viles rendemien onen ka sak visi vasan ris silva mani hanumau tai ka halualim (30) min asuv keil onen pris keil ka elda keil.#Mat 26:14-15 4Kei vit lat kei min keil vit, “Inau namumon tisaen, veni nasa lat meatin tai hemat koa romumon etai tounah vatisa.”
Ka keil avit kesi mini avit, “Komai emai rovattei mevailea. Koanek mul enuk.”
5Sakini Sudas rivin mani netan en teahu ten Eim Votut ka muloh va. Evus, va ka par koteh hiren en viau ka murur.#Umen 1:18-19
6Asuv keil onen pris keil umai alah lat silva mani keil enek ka aviteni avit, “En mengkatien orer, romaltei rovaling mani enek vaha en ateli ten Eim Votut veni mani enek romutotei, avul lat moulien onen meatin tai eni.” 7Aselus usili ka umai en rendemien tas. Sakini, akur mani enek ka uva ales meatin koa mumon tounah keil en tanvili. Ral min mani enek, avul hati atan rani keke avoumon out tatetahinien tai eni keke avatahin heou keil eni. 8Ven koanik, out enek amul avise en ‘Atan ten Ara’ rokol kosa. 9Evus, asa koa Ahi viteni ka en provet Seremaea mai vi anatin koa vit, “Keil akur silva mani hanumau tai ka halualim (30), mal en mani koa me-Isrel keil alingi vi hulien ten moulien onen. 10Ka ral min mani enek, avul hati atan ran meatin koa mumon tounah keil en tanvili, suval koa Ahi Asuv meng kat inau eni.” Sak 11:12-13; Ser 19:1-13; 32:6-9
Amulamun Iesu va ven kot onen asuv Paelet keke hesan matien mini#Mak 15:2-5; Luk 23:3-5; Sion 18:33-38
11Navong koanik mul kur out, Iesu mul mulomal en meten asuv Paelet koa vi avat ten kavmen ten out enek. Ka Paelet visi vit, “?Mukave? ?Anatin keke kovi asuv houlu onen Siu keil?”#Mat 2:2; 27:29,37; Mak 15:9,12,18,26; Luk 23:37,38; Sion 18:39; 19:3,19,21
Iesu vit kesi vit, “Suval koa koviteni.”
12Ka navong asuv keil onen pris keil ka elda keil aselus va kati, kei rovit kes etai tounah vakataun usite onen.#Aes 53:7; Mat 26:63; 27:14; Luk 23:9; Sion 19:9 13Sakini Paelet visi vit, “?Keik korraengontei selusien houlu koa keil amul aviteni vakatuk?” 14Ka Iesu ro raeng mules, rovit kes etai selusien one. Navong asuv Paelet les sakien onen, mutimanin houlu.
15Vi sakien matu onen asuv Paelet keke en avong ten Anien ten Mul Laui, hemae lat meatin tai koa meatin keil arie lati keke va sital ran eim takeih. 16En avong enek, lariken tai mul en eim takeih, isen Barabas koa meatin keil akilea en tounah keil tatisa koa mumoni. 17Sakini navong asuv Paelet lesi keke mari vangi meatin keil alah ruai, vis keil vit, “?Koa kave emi vati mamaeni vasital: Barabas vuo Iesu koa avise en Mesaea?” 18Kei visi mukonek veni lei kilea tuai keke asuv keil onen pris keil asa lat Iesu mini veni amul avi elu eni.
19Ka navong Paelet mul veah rondan en kot onen, ahin onen san selusien mai mini vit, “Konoumon etai tounah naha kat meatin enek veni kei mal revi. Kosa, namundemko houlu ven matil vovoien tai koa nalesi usil meatin enek.”
20Ka asuv keil onen pris keil ka elda keil aleh rendemien onen vangi meatin keil keke avahis Paelet hemae lat Barabas vamaluv, ka uas Iesu hemat.
21Paelet va vis vangi meatin keil enek vit, “?Koa kave en keilu emi vati mamae lati vamaluv?”
Ka keil avisohiso avit, “!Barabas!”#Umen 3:14
22Paelet vis keil vit, “?Hemukonek, numon asa en Iesu koa avisi en Mesaea?”
Keil vasi avisohiso avit, “!Ti kati en aiveave!”#Umen 3:13; 13:28
23Ka Paelet vis keil vit, “?Vensa? ?Kei mumon sa tisa?”
Ka avisohiso keih imok avit, “!Ti kati en aiveave!”
24Navong Paelet lesi keke sakras vahiles rendemien one ka vesesal avoumon rea, kei kur oai ka kas hen en meten meatin vasi keil. Ka navong mumoni, viteni min keil vit, “Kosa, nakas motein hek ran ara ten matien onen meatin ekek veni, en metok, romumon etai tounah keke vamat veni. !Sakini, munak hemat, ara onen hel en hemi enges!”#Dut 21:6-9; Sam 26:6
25Ka vangi meatin keil avit kesi avit, “!Tahos, ran hel en hemai ka en hen titamai keil!”#Esek 33:5; Umen 5:28
26Sakini, musil envatien one, Paelet mae lat Barabas sital, ka meng kat meatin tavaeen keil onen avatah Iesu en viau takan ka avalamuni vahina avati kati en aiveave.
Meatin tavaeen keil amumon tohtohien en Iesu#Mak 15:16-20; Sion 19:2-3
27Navong amutah Iesu evus, meatin tavaeen keil onen Paelet amulamuni va en teahu ten mari eim ome ka avise ruain meatin tavaeen sav keil en out enek umai. 28Keil asakit lat eisin omon Iesu ka akav koe en kaliko tai koa vilhili suval omon asuv houlu tai.#Luk 23:11 29Evus, keil amumon tohtohien eni. Avil vatluvoluv en viau koa sin tetaveah mul ien ka alingi en vatin. Aling eisal tai en hen matu ka aretengeiril en meten suval avouhou mini. Ka navong amumoni aviteni avit, “!O asuv houlu onen Siu keil, mevouhou minuk!”#Mat 2:2; 27:11,37; Mak 15:9,12,18,26; Luk 23:37,38; Sion 18:39; 19:3,19,21 30Evus, amutiv kati ka asakit lat eisal rani ka amuas vatin eni.#Aes 50:6 31Navong amumon tohtohien mini evus, akulat kaliko tahilhili rani, ka amusin eni en eisin kati omon. Evus, amulamuni keke avati kati en aiveave.
Amuti kat Iesu en aiveave#Mak 15:21-32; Luk 23:26-43; Sion 19:17-27
32Navong meatin tavaeen keil amulamun Iesu uva, ales meatin tai mul en sise, isen Saemon ten out Saerin. Meatin tavaeen keil umai veni ka akeih kati vahus aiveave onen Iesu. 33Amulamun Iesu vina en Hou Kolkota koa aneite teni vi ‘Out ten Asi ten Avat.’ 34En out enek, asan uaen min Iesu koa avilesi ral min tounah koa kun.#Sam 69:21 Ka navong Iesu mun visi, seseini. 35Evus, amuti kati en aiveave. Navong mul murur, ason daes keke avatiti eisin keil omon min keil.#Sam 22:18 36Ekonek, keil arondan ka alei kokoe. 37Ka en aiveave onen, nesa en vatin, aling tisien tai koa amutisi eni avit, ‘Koanik vi Iesu, Asuv Houlu onen Siu keil.’#Mat 2:2; 27:11,29; Mak 15:9,12,18,26; Luk 23:37,38; Sion 18:39; 19:3,19,21 38En avong enek, amuti kat tarhena elu ral mini, tai en usiven matu ka tamun en usiven meil.#Aes 53:12
39Navong murur en aiveave, meatin keil koa amual vesesal veni akalialin vate ka amunge kat Iesu#Sam 22:7; 109:25; Rang 2:15 40avit, “!Ei, keik koa kovit ku rasilin Eim Votut ka kum risi en avong hetel enges,#Mat 26:61; Mak 14:58; Sion 2:19-20 hetahos imok keke kikataun vis keik sasom enges! !Munak kovi Natin Ahi anatin, kisuvul ran aiveave enek!”#Mat 4:3,6; 26:63; Luk 4:3,9
41En vati sakien enek, asuv keil onen pris keil, tiser keil ten mengkatien onen Mosis, ral min elda keil emun amumon tohtohien min Iesu. 42Keil amumon tohtohien mini avit, “!Alles visi! Kei kilea vakataun meatin sav keil, ka sakras vakataun kei sasen. !Munak anatin keke kei vi asuv houlu onen me-Isrel keil,#Sion 1:49; 12:13 hemita netan ran aiveave koanik kosa. Hemukonek, ir rehekur anatin esuk eni. 43Kei ling desien onen en Ahi ka viteni vit, ‘Inau navi Natin Ahi.’ Tahos, munak Ahi en vat meatin eke, kei hemai hekatauni.”#Sam 22:8; Sion 5:18; 10:36; 19:7 44Ka en vati sakien enek, tarhena keilu koa amuti kat keilu en usiven keilu, keilu emun luselus kareni.
Matien onen Iesu#Mak 15:33-41; Luk 23:44-49; Sion 19:28-30
45En taviai varei, mankoli mai mutaluh koe out vasi haoa etel (3).#Amos 8:9 46Ka navong haoa etel enek evus, Iesu visohiso keih en selusien kati onen koa vi Arameak vit, “!Ilae! !Ilae! ?Lama sabaktani?” Sam 22:1 Aneite ten selusien enek vi, ‘!Ahi onak! !Ahi onak! ?!Vensa kosokoveinau!?’
47Navong meatin tei keil koa amulomal en out enek araengoni avit, “?Milonge? Kei mul vise provet Ilae-tsa|Ilaetsa.”
48Hatte tas, tai en keil muloh, kur soke kaliko tai, ka kasi en uaen takun. Evus, lingi en kele ai tai ka sani vina min Iesu vasimi.#Sam 69:21 49Ka tei sav en keil aviteni avit, “Veitir mau ka rovales visi. ?Ilaetsa hemita hekatauni, vuo hermaitei?”
50Evus, Iesu mis roha, leh kor en eang, ka mat.
51 En hati avong enek, kaliko koa matetel koa aleh koe hati out koa vi votut en Eim Votut, sipasi elu#Eks 26:31-35; Hib 10:20 en ngolite nesa vita varei rokol ngolite netan. Alu mulu ka ahat keil apas 52ka sakin avul tatetahinien sipasi mutah. Meatin houlu onen Ahi koa umat amul ien, keil amoul eris ran matien.#Esek 37:12 53Keil asital ran avul tatetahinien one ka amual. (Ka navong Iesu mun moul eris ran matien, meatin houlu ales meatin keil enek en out Serusalem koa vi taon votut onen Ahi.)
54Navong avat onen meatin tavaeen keil ka meatin keil onen koa alei kokoe en Iesu alonge alu mulu ka ales tounah vasi koa kur out, keil ametau houlu ka aviteni avit, “Anatin eli, kei vi Natin Ahi varei.”
55Ka ahin houlu avati keil soutin neli ran aiveave ka amul ales tounah koa kur out. Vangi ahin keil#Luk 8:2-3 enek akataun Iesu navong mum en out Kaleli ka amusili umai en out Serusalem. 56Ka en koakeil enek, keitel telvi Meri ten out Makdela, Meri mama onen Tiemes ka Siosep, ka mama onen natin Sepeti keilu.
Aling teiai onen Iesu va en valengeihat tatetahinien#Mak 15:42-47; Luk 23:50-56; Sion 19:38-42
57Vesesal out vavong ka Sabat vamai.#Dut 21:22-23 Sakini meatin tai ten out Aramatea koa tounah onen houlu mai ven asuv Paelet, isen Siosep. Kei mun vi tai en koakeil amul amusil kat Iesu. 58Navong mulomal en meten Paelet, visi vamaen teiai onen Iesu mini. Sakini Paelet meng kat meatin tavaeen keil onen uva akulati ka asani mini. 59Sakini Siosep kuri ka kav koe en kaliko tamuoh koa muto. 60Evus, Siosep vousi ka lingi en valengeihat tatetahinien kati onen koa arei meseini tuai vi heite hau.#Aes 53:9; Umen 13:29 Evus, rein mari ahat tai koteh koe voiteh ten valengeihat enek ka lokoveini va. 61Meri ten out Makdela ka Meri tateisav lumul lurondan soutin neli en out enek, mal en voiteh ten valengeihat.#Mat 27:56; 28:1; Mak 15:40,47; 16:1; Luk 24:10; Sion 19:25
Meatin tavaeen keil alei kokoe en valengeihat tatetahinien koa teiai onen Iesu mul ien
62Out mulan en Sabat, asuv keil onen pris keil ka Farasi keil uva avales Paelet. 63Umai veni ka aviteni avit, “Asuv, memundem kati keke navong meatin taluvosien enek moul veah kei viteni vit, ‘Avong hetel evus, inau nimoul eris ran matien.’#Mat 12:40; 16:21; 17:23; 20:19; Mak 8:31; 9:31; 10:34; Luk 9:22; 18:33; 24:7 64Sakini, keik kimeng kat meatin tavaeen keil onom iha ilei kokoe revi en valengeihat tatetahinien onen hetokol avong hetel heli heha. Veni munak kirmumontei, vahera meatin keil onen|Meatin keil onen Iesu iha ka ihenan teiai onen. Hesakini, akilea avahiteni keke moul eris ran matien. Ka munak sakien koanek hekur out, luvosien ekor enek hetisa helohlin luvosien koa mulamu navong kei vit vi Mesaea onen Ahi.”
65Navong asuv Paelet longe, maeni vit, “Tahos, mihekur vangi meatin tavaeen tai onak keke avalei kokoe revi en valengeihat enek musil sakien koa kami emi vati.” 66Sakini keil uva ral min meatin tavaeen keil, aling siil vating koe voiteh teni, ka aling vangi meatin tavaeen keil alei kokoe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2011 Wycliffe Bible Translators, Inc.