Ngeera 31
31
Bigambu bya Mukama Lameeri̱
1Bigambu bya Mukama Lameeri̱, mmaawe bi̱yaamwegeseerye.
2Kikyani kyolimukukora? Kikyani kyolimukukora mwana wa mu nda gyange?
Kikyani kyolimukukora mwana wa kirahiro kyange?
3Otamalira maani gaamu hali bakali̱,
bahwerekeereerya na bakama.
4Lameeri̱, weetegeerya.
Ki̱doori̱ kwahi bakama kunywanga maaci,
rundi balemi̱ kunywa binyweb̯wa bilulu.
5Kugunywa kukuha kwebeera
b̯ujunanizib̯wa b̯wamu,
na ku̱wonawonesya baseege.
6Maaci ganyweb̯wa bali heehi̱ ku̱kwa,
na yogwo ali na b̯ujune b̯unene.
7Leka bagunywe bebeere nnaku zaab̯u,
kandi bataliriira kwi̱zu̱ka kuwonawona kwab̯u.
8Baliziriranga bab̯wo batali na b̯ubalizo,
olwaniriirenge bab̯wo batali na akubakonyera.
9Bazanga bya kulwaniira b̯winganiza,
nolwaniira b̯ugabe b̯wa baseege na bali mu b̯wetaagu.
Kuhaariiza Mu̱kali̱ Murungi
10Mu̱kali̱ wa ngesu zirungi naani asobora ku̱mwagya?
Muhendu gwamwe gukira gwa mahi̱ga ga muhendu gunene.
11I̱baawe amwesiga
kandi amugobamwo.
12Yogwo mu̱kali̱ mu b̯womi b̯wamwe b̯wensei̱,
akolera i̱baawe birungi kandi tamutwala kubiibi.
13Atoolya byoza bya ntaama na pamba
yaamikoramwo ngoye na kusemererwa.
14Ali nka b̯wati̱ wa basu̱b̯u̱ri̱
kandi aleeta bidyo byamwe kuruga hadei.
15Abyoka b̯u̱takakeeri̱,
naategekera ba mu nnyu̱mba gyamwe bya kudya,
kandi ni̱yolookeerya bahala bakori̱ baamwe kyakukora.
16B̯u̱yaagya musiri, agugula,
naakoresya nsimbi zaamwe yankei naagusimbamwo mi̱zabbi̱bbu̱.
17Yeekamba kukora na maani
kandi na mikono myamwe miicala minyamaani ku b̯ujunanizib̯wa b̯wamwe.
18Yeetegereza mugasu gwa bintu bya kukora,
naacwamwo kukora i̱jolo acu̱mu̱ki̱ri̱ taara gyamwe.
19Yongosa mahu̱u̱zi̱ gaamwe yankei
na lukamwona ngoye.
20Abba na kisa mu ku̱konyera baseege,
na bali mu b̯wetaagu.
21Kadi b̯wi̱re b̯wi̱nyami̱ri̱,
tati̱i̱na hab̯wakubba ba mu nnyu̱mba gyamwe abalwalya ngoye zi̱tagatu̱.
22Yeekolera suuka
kandi nalwala ngoye zi̱di̱ zi̱ku̱nyi̱ri̱ra na zi̱ku̱serya.
23I̱baawe aheeb̯wa ki̱ti̱i̱ni̱sa mu rub̯uga,
na mu bataahi̱ baamwe.
24Mu̱kali̱ yogwo asu̱nga ngoye na miheeko,
naazi̱tu̱ndu̱sya basu̱b̯u̱ri̱.
25Abba wa maani kandi wa ki̱ti̱i̱ni̱sa
ataku̱ti̱i̱na ki̱kwi̱za kubbaho.
26Abaza bya magezi̱,
Yeegesya na mbabazi̱.
27Alingiira ba mu nnyu̱mba gyamwe,
kandi tadya byatakolereeri̱.
28Baana baamwe bamweta wa mu̱gi̱sa,
kandi i̱ba eicala naamu̱haari̱i̱za.
29Bakali̱ banene barungi,
bei̱tu̱ we okira bensei̱.
30Kwegomba mubiri gwa mu̱kali̱ ku̱gobya b̯u̱gobya,
bei̱tu̱ mu̱kali̱ aku̱ti̱i̱na Mukama Ruhanga ali̱si̱i̱mwa.
31Mumuhe byakolereeri̱,
kandi milimo myamwe mi̱mu̱haari̱i̱zi̱sye mu bantu banene.
Currently Selected:
Ngeera 31: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
Ngeera 31
31
Bigambu bya Mukama Lameeri̱
1Bigambu bya Mukama Lameeri̱, mmaawe bi̱yaamwegeseerye.
2Kikyani kyolimukukora? Kikyani kyolimukukora mwana wa mu nda gyange?
Kikyani kyolimukukora mwana wa kirahiro kyange?
3Otamalira maani gaamu hali bakali̱,
bahwerekeereerya na bakama.
4Lameeri̱, weetegeerya.
Ki̱doori̱ kwahi bakama kunywanga maaci,
rundi balemi̱ kunywa binyweb̯wa bilulu.
5Kugunywa kukuha kwebeera
b̯ujunanizib̯wa b̯wamu,
na ku̱wonawonesya baseege.
6Maaci ganyweb̯wa bali heehi̱ ku̱kwa,
na yogwo ali na b̯ujune b̯unene.
7Leka bagunywe bebeere nnaku zaab̯u,
kandi bataliriira kwi̱zu̱ka kuwonawona kwab̯u.
8Baliziriranga bab̯wo batali na b̯ubalizo,
olwaniriirenge bab̯wo batali na akubakonyera.
9Bazanga bya kulwaniira b̯winganiza,
nolwaniira b̯ugabe b̯wa baseege na bali mu b̯wetaagu.
Kuhaariiza Mu̱kali̱ Murungi
10Mu̱kali̱ wa ngesu zirungi naani asobora ku̱mwagya?
Muhendu gwamwe gukira gwa mahi̱ga ga muhendu gunene.
11I̱baawe amwesiga
kandi amugobamwo.
12Yogwo mu̱kali̱ mu b̯womi b̯wamwe b̯wensei̱,
akolera i̱baawe birungi kandi tamutwala kubiibi.
13Atoolya byoza bya ntaama na pamba
yaamikoramwo ngoye na kusemererwa.
14Ali nka b̯wati̱ wa basu̱b̯u̱ri̱
kandi aleeta bidyo byamwe kuruga hadei.
15Abyoka b̯u̱takakeeri̱,
naategekera ba mu nnyu̱mba gyamwe bya kudya,
kandi ni̱yolookeerya bahala bakori̱ baamwe kyakukora.
16B̯u̱yaagya musiri, agugula,
naakoresya nsimbi zaamwe yankei naagusimbamwo mi̱zabbi̱bbu̱.
17Yeekamba kukora na maani
kandi na mikono myamwe miicala minyamaani ku b̯ujunanizib̯wa b̯wamwe.
18Yeetegereza mugasu gwa bintu bya kukora,
naacwamwo kukora i̱jolo acu̱mu̱ki̱ri̱ taara gyamwe.
19Yongosa mahu̱u̱zi̱ gaamwe yankei
na lukamwona ngoye.
20Abba na kisa mu ku̱konyera baseege,
na bali mu b̯wetaagu.
21Kadi b̯wi̱re b̯wi̱nyami̱ri̱,
tati̱i̱na hab̯wakubba ba mu nnyu̱mba gyamwe abalwalya ngoye zi̱tagatu̱.
22Yeekolera suuka
kandi nalwala ngoye zi̱di̱ zi̱ku̱nyi̱ri̱ra na zi̱ku̱serya.
23I̱baawe aheeb̯wa ki̱ti̱i̱ni̱sa mu rub̯uga,
na mu bataahi̱ baamwe.
24Mu̱kali̱ yogwo asu̱nga ngoye na miheeko,
naazi̱tu̱ndu̱sya basu̱b̯u̱ri̱.
25Abba wa maani kandi wa ki̱ti̱i̱ni̱sa
ataku̱ti̱i̱na ki̱kwi̱za kubbaho.
26Abaza bya magezi̱,
Yeegesya na mbabazi̱.
27Alingiira ba mu nnyu̱mba gyamwe,
kandi tadya byatakolereeri̱.
28Baana baamwe bamweta wa mu̱gi̱sa,
kandi i̱ba eicala naamu̱haari̱i̱za.
29Bakali̱ banene barungi,
bei̱tu̱ we okira bensei̱.
30Kwegomba mubiri gwa mu̱kali̱ ku̱gobya b̯u̱gobya,
bei̱tu̱ mu̱kali̱ aku̱ti̱i̱na Mukama Ruhanga ali̱si̱i̱mwa.
31Mumuhe byakolereeri̱,
kandi milimo myamwe mi̱mu̱haari̱i̱zi̱sye mu bantu banene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.