Amǝ Roma 3
3
Ɓakuli ka kǝ nggaɗi ɗang
1Nǝ mana sǝ duk ɓwa Yahudi ka kutina ban nǝi le? Ko a na raka, kasǝ-ɓatau ka kǝgir na le? 2E, duk ɓwa Yahudi ka agir mǝɓoarne nakam kpem a ɓalǝi! A tite ka Ɓakuli pea amǝ Yahudi acau male a buia.
3Mǝsǝcau ka, aɓea ɓwana aɓalǝia ka à kpata cau mala Ɓakuli kǝla mǝnana à bangŋa ama à nǝ̀ pak ka ɗang. Sǝ ɗwanyi kpata cau malea kâ, nggaɗi domǝsǝcau mala Ɓakuli le? 4Ko bǝti! Sǝ ɓǝ̀ koyan ngga mǝ'nyir na ka, Ɓakuli ka mǝ'mǝsǝcau na. Kǝla mǝnana Malǝmce bang ngga:
“À nǝ̀ kumo nǝ mǝsǝcau,
aɓa cau mana a na ka,
sǝ ɓǝa wulio ka,
a nǝ li ɓashi.”#3:4 Ɓalli gbal aɓa: Ang 51:4.
5Sǝ ɓǝ̀ ɓealɓikea ma'sǝm kǝ lǝmndǝ cauɓoarna mala Ɓakuli ka, aman sǝ sǝm nǝ̀ na? Sǝm nǝ̀ na ama Ɓakuli pangŋǝna kpak, yì mǝnana ɓǝ̀ so bumlulla male amur sǝm ngga le? (Mǝnia ka nê mala ɓwapǝndǝa na.) 6Ko bǝti! Ɓǝ̀ Ɓakuli ka mǝ'cauɓoarna na raka, palang sǝ nǝ̀ karǝ pakki ɓanza ɓashi? 7Sǝ ɓǝ̀ ɓwa nǝ̀ gandǝ na ɗǝm ama, “Palang sǝ Ɓakuli nǝ̀ ɓasham ama mǝ nda mǝ'cauɓikea, yi mǝnana ɗwanyi na mǝsǝcau mema, lǝmndǝ mǝsǝcau male a banfana, sǝ kárǝì wi ɓoarɓwa mǝgule ka?” 8Pǝlǝa aɓea ɓwana tsǝka sǝm cau, ama sǝm na ama, “Lidǝmbǝa ma'sǝm aɓa cauɓikea ka, nǝ̀ ngga yinǝ gir mǝɓoarne!” Aɓwana mǝnana à na mǝnia yì cau ka, ɓoaro ɓǝa kasǝia wia ɓashi mǝnana karǝ a rǝia ka.
Ɓwapǝndǝa kat ka amǝ cauɓikea na
9Sǝm amǝ Yahudi ado ka, sǝm nǝ̀ ne ɓamur rǝ sǝm ama sǝm kuti acili aɓwana le? Awo, sǝm kutia ɗang ko bǝti! Acemǝnana sǝm angŋǝna dǝmbǝa sǝm lǝmndǝna ama ɓwapǝndǝa kat, amǝ Yahudi andǝ aɓwana mǝnana amǝ Yahudi na raka, à nda aɓata rǝcandǝa mala cauɓikea. 10Kǝla mǝnana Malǝmce na ka:
“Kǝɓwa pà kàm mana
mǝ'cauɓoarna na ka ɗang,
ko kǝɓwa mwashat
pà kàm ɗang.
11Kǝɓwa pà kàm
nǝ́ sǝlǝe ɗang,
kǝɓwa pà kàm mwashat
kǝ alta Ɓakuli ɗang.
12Yia kat ka à pǝlǝni
Ɓakuli nzǝmia;
yia kat ka à uena ɓa.
Kǝɓwa pà kàm mǝnana kǝ
pak gir mǝɓoarne ka ɗang,
ko ɓwa mwashat
pà kàm ɗang.”#3:12 Ɓalli gbal aɓa: Ang 14:1-3; Ang 53:1-3.
13“Acau malea ka
amǝɓike na,
kǝla rǝmban mǝnana
kǝ puro aɓa ɓembe
mana à gìrì raka.
Lasǝia ka lumsǝ nǝ nyir.”#3:13 Ɓalli gbal aɓa: Ang 5:9.
“Barya mala n'yau
kǝ surkio a kunia.”#3:13 Ɓalli gbal aɓa: Ang 140:3.
14“Kunia lumsǝ nǝ
suban andǝ nggaro-cau.”#3:14 Ɓalli gbal aɓa: Ang 10:7.
15“À kǝ̀ kaurǝa aban
sukki nkila.
16Kiɗiki andǝ bumkpǝmna ka,
nda atea a koya ban.
17Yia ka à surǝ njar mala
dorǝpwala ɗang.”#3:17 Ɓalli gbal aɓa: Isha 59:7-8.
18“À pànǝ ɓangciu mala
Ɓakuli ɗang, ko bǝti.”#3:18 Ɓalli gbal aɓa: Ang 36:1.
19Sǝm sǝlǝna ama gir mǝnana kat Nggurcau na ka, nda aban ne aɓwana mǝnana à nda aɓata Nggurcau ka, ace mǝnana ɓǝ̀ ɓwa ɓǝ̀ kǝa kum kún nacau ɗang, sǝ ɓanza kat ka à nǝ̀ yinǝi a ɓadǝm ɓashi mala Ɓakuli. 20Kǝ ɓwa pà kàm nǝ̀ duk mǝ'cauɓoarna a ɓadǝm Ɓakuli acemǝnana bwal Nggurcau ka ɗang. Gir mǝnana Nggurcau pakki ka, nda lǝmndǝa sǝm ulang do cauɓikea ma'sǝm.#3:20 Ɓalli gbal aɓa: Ang 143:2; Gal 2:16.
Kǝrǝsti twalǝna atanni ma'sǝm
21Sǝ a dyan ngga Ɓakuli lǝmndǝna njargula mǝnana aɓwana nǝ̀ duk amǝɓoarne abani nǝi ka, pa a tarǝia andǝ pak gir mǝnana Nggurcau bang ngga ɗang, kǝla mǝnana Nggurcau mala Musa andǝ amǝ'ɓangna mala Ɓakuli nakun amuri ɗiɗyal ka. 22À nǝ̀ pǝlǝ sǝm, sǝm nǝ̀ duk amǝ'cauɓoarna aban Ɓakuli ace paɓamur sǝm aban Yesu Kǝrǝsti. Mǝnia ka anggo sǝ pa nǝ koyana mǝnana paɓamuri aban Kǝrǝsti ka, tàrban pa kàm ɗang.#3:22 Ɓalli gbal aɓa: Gal 2:16. 23Acemǝnana koyan ngga pangŋǝna cauɓikea, sǝm kat ka sǝm gattì doɓoarɓwa mala Ɓakuli#3:23 sǝm gattì doɓoarɓwa mala Ɓakuli ko “sǝm nda kuko nǝ bancame mǝɓoarɓwe mala Ɓakuli mana kasǝa ace kum amsǝban ngga.”. 24Kat andǝ amani ka, Ɓakuli nǝ ɓwamuru male, nyesǝ sǝm, sǝm duk amǝ'cauɓoarna. Yì ka, pak mǝnia ka nǝ bu Kǝrǝsti Yesu, mǝnana akmúr sǝm ngga. 25Ɓakuli pa Yesu ɓǝ̀ sukki nkile ace mǝnana nǝ mǝno ka, aɓwana nǝ̀ kum twalban cauɓikea. Aɓwana mǝnana à paɓamuria aban Yesu ama pa yilǝmi, sukki nkile acea ka, Ɓakuli nyesǝnia amǝ'cauɓoarna na abani. Mǝnia yì nkila à sukki ka, lǝmndǝ ama Ɓakuli ka mǝ'cauɓoarna na, acemǝnana arǝ anza mǝnana ɗiɗyal ka, pak munyi nǝ aɓwana, tsǝk kir ce acauɓikea malea ɗang. 26Pak mǝnia ka ace lǝmndǝ do mǝsǝcau male a nza mǝnia adyan ngga, ace mǝnana yì nǝ ɓamuri ka, ɓǝ̀ duk mǝ mǝsǝcau, sǝ nǝ̀ tsǝk amǝ'cauɓikea kat mǝnana à pà ɓamuria aban Yesu ka, ɓǝa duk amǝ'cauɓoarna abani#3:26 ɓǝa duk amǝ'cauɓoarna abani: Ko “ɓǝa esǝki acauɓikea malea mǝnana à rambǝa amuri ka, ɓǝa kum akban abani.”.
27Sǝm nǝ̀ nggori ado ama sǝm pangŋǝna kǝgir mǝnana tsǝa sǝ Ɓakuli ak sǝm ngga le? Awo, nggori pà kàm ɗang! Sǝ́ nda ace mana sǝ Ɓakuli ak sǝm? Nda acemǝnana sǝm kpata Nggurcau male ka le? Awo! Ɓakuli ak sǝm acemǝnana sǝm earnǝi, sǝm pa ɓamur sǝm aban Kǝrǝsti ka. 28Ace mani ka, sǝm duk amǝ'cauɓoarna aban Ɓakuli acemǝnana sǝm pa ɓamur sǝm ngga, pa ace bwal Nggurcau ɗang. 29Sǝ ana raka, Ɓakuli ka, mala amǝ Yahudi na nǝmurǝia le? Yì ka, Ɓakuli mala acili anzali na kat gbal re? E, nda acea. 30Sǝ acemǝnana Ɓakuli na mwashat amur aɓwana kat ka, kǝ tsǝk aɓwana ɓǝa pǝlǝ amǝ'cauɓoarna, yi mana ɓǝa pà ɓamuria aban Kǝrǝsti ka, ko amǝ Yahudi, ko aɓwana mǝnana amǝ Yahudi na raka.#3:30 Ɓalli gbal aɓa: Nggur 6:4; Gal 3:20. 31Sǝ acemǝnana sǝm darrina arǝ pa ɓamuru aban Kǝrǝsti ka, lǝmndǝ ama Nggurcau ka sǝm turni le? Awo, ko bǝti! Aɓa mǝsǝcau ka, sǝm puna anzǝm Nggurcau.
Currently Selected:
Amǝ Roma 3: mbu
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016
Amǝ Roma 3
3
Ɓakuli ka kǝ nggaɗi ɗang
1Nǝ mana sǝ duk ɓwa Yahudi ka kutina ban nǝi le? Ko a na raka, kasǝ-ɓatau ka kǝgir na le? 2E, duk ɓwa Yahudi ka agir mǝɓoarne nakam kpem a ɓalǝi! A tite ka Ɓakuli pea amǝ Yahudi acau male a buia.
3Mǝsǝcau ka, aɓea ɓwana aɓalǝia ka à kpata cau mala Ɓakuli kǝla mǝnana à bangŋa ama à nǝ̀ pak ka ɗang. Sǝ ɗwanyi kpata cau malea kâ, nggaɗi domǝsǝcau mala Ɓakuli le? 4Ko bǝti! Sǝ ɓǝ̀ koyan ngga mǝ'nyir na ka, Ɓakuli ka mǝ'mǝsǝcau na. Kǝla mǝnana Malǝmce bang ngga:
“À nǝ̀ kumo nǝ mǝsǝcau,
aɓa cau mana a na ka,
sǝ ɓǝa wulio ka,
a nǝ li ɓashi.”#3:4 Ɓalli gbal aɓa: Ang 51:4.
5Sǝ ɓǝ̀ ɓealɓikea ma'sǝm kǝ lǝmndǝ cauɓoarna mala Ɓakuli ka, aman sǝ sǝm nǝ̀ na? Sǝm nǝ̀ na ama Ɓakuli pangŋǝna kpak, yì mǝnana ɓǝ̀ so bumlulla male amur sǝm ngga le? (Mǝnia ka nê mala ɓwapǝndǝa na.) 6Ko bǝti! Ɓǝ̀ Ɓakuli ka mǝ'cauɓoarna na raka, palang sǝ nǝ̀ karǝ pakki ɓanza ɓashi? 7Sǝ ɓǝ̀ ɓwa nǝ̀ gandǝ na ɗǝm ama, “Palang sǝ Ɓakuli nǝ̀ ɓasham ama mǝ nda mǝ'cauɓikea, yi mǝnana ɗwanyi na mǝsǝcau mema, lǝmndǝ mǝsǝcau male a banfana, sǝ kárǝì wi ɓoarɓwa mǝgule ka?” 8Pǝlǝa aɓea ɓwana tsǝka sǝm cau, ama sǝm na ama, “Lidǝmbǝa ma'sǝm aɓa cauɓikea ka, nǝ̀ ngga yinǝ gir mǝɓoarne!” Aɓwana mǝnana à na mǝnia yì cau ka, ɓoaro ɓǝa kasǝia wia ɓashi mǝnana karǝ a rǝia ka.
Ɓwapǝndǝa kat ka amǝ cauɓikea na
9Sǝm amǝ Yahudi ado ka, sǝm nǝ̀ ne ɓamur rǝ sǝm ama sǝm kuti acili aɓwana le? Awo, sǝm kutia ɗang ko bǝti! Acemǝnana sǝm angŋǝna dǝmbǝa sǝm lǝmndǝna ama ɓwapǝndǝa kat, amǝ Yahudi andǝ aɓwana mǝnana amǝ Yahudi na raka, à nda aɓata rǝcandǝa mala cauɓikea. 10Kǝla mǝnana Malǝmce na ka:
“Kǝɓwa pà kàm mana
mǝ'cauɓoarna na ka ɗang,
ko kǝɓwa mwashat
pà kàm ɗang.
11Kǝɓwa pà kàm
nǝ́ sǝlǝe ɗang,
kǝɓwa pà kàm mwashat
kǝ alta Ɓakuli ɗang.
12Yia kat ka à pǝlǝni
Ɓakuli nzǝmia;
yia kat ka à uena ɓa.
Kǝɓwa pà kàm mǝnana kǝ
pak gir mǝɓoarne ka ɗang,
ko ɓwa mwashat
pà kàm ɗang.”#3:12 Ɓalli gbal aɓa: Ang 14:1-3; Ang 53:1-3.
13“Acau malea ka
amǝɓike na,
kǝla rǝmban mǝnana
kǝ puro aɓa ɓembe
mana à gìrì raka.
Lasǝia ka lumsǝ nǝ nyir.”#3:13 Ɓalli gbal aɓa: Ang 5:9.
“Barya mala n'yau
kǝ surkio a kunia.”#3:13 Ɓalli gbal aɓa: Ang 140:3.
14“Kunia lumsǝ nǝ
suban andǝ nggaro-cau.”#3:14 Ɓalli gbal aɓa: Ang 10:7.
15“À kǝ̀ kaurǝa aban
sukki nkila.
16Kiɗiki andǝ bumkpǝmna ka,
nda atea a koya ban.
17Yia ka à surǝ njar mala
dorǝpwala ɗang.”#3:17 Ɓalli gbal aɓa: Isha 59:7-8.
18“À pànǝ ɓangciu mala
Ɓakuli ɗang, ko bǝti.”#3:18 Ɓalli gbal aɓa: Ang 36:1.
19Sǝm sǝlǝna ama gir mǝnana kat Nggurcau na ka, nda aban ne aɓwana mǝnana à nda aɓata Nggurcau ka, ace mǝnana ɓǝ̀ ɓwa ɓǝ̀ kǝa kum kún nacau ɗang, sǝ ɓanza kat ka à nǝ̀ yinǝi a ɓadǝm ɓashi mala Ɓakuli. 20Kǝ ɓwa pà kàm nǝ̀ duk mǝ'cauɓoarna a ɓadǝm Ɓakuli acemǝnana bwal Nggurcau ka ɗang. Gir mǝnana Nggurcau pakki ka, nda lǝmndǝa sǝm ulang do cauɓikea ma'sǝm.#3:20 Ɓalli gbal aɓa: Ang 143:2; Gal 2:16.
Kǝrǝsti twalǝna atanni ma'sǝm
21Sǝ a dyan ngga Ɓakuli lǝmndǝna njargula mǝnana aɓwana nǝ̀ duk amǝɓoarne abani nǝi ka, pa a tarǝia andǝ pak gir mǝnana Nggurcau bang ngga ɗang, kǝla mǝnana Nggurcau mala Musa andǝ amǝ'ɓangna mala Ɓakuli nakun amuri ɗiɗyal ka. 22À nǝ̀ pǝlǝ sǝm, sǝm nǝ̀ duk amǝ'cauɓoarna aban Ɓakuli ace paɓamur sǝm aban Yesu Kǝrǝsti. Mǝnia ka anggo sǝ pa nǝ koyana mǝnana paɓamuri aban Kǝrǝsti ka, tàrban pa kàm ɗang.#3:22 Ɓalli gbal aɓa: Gal 2:16. 23Acemǝnana koyan ngga pangŋǝna cauɓikea, sǝm kat ka sǝm gattì doɓoarɓwa mala Ɓakuli#3:23 sǝm gattì doɓoarɓwa mala Ɓakuli ko “sǝm nda kuko nǝ bancame mǝɓoarɓwe mala Ɓakuli mana kasǝa ace kum amsǝban ngga.”. 24Kat andǝ amani ka, Ɓakuli nǝ ɓwamuru male, nyesǝ sǝm, sǝm duk amǝ'cauɓoarna. Yì ka, pak mǝnia ka nǝ bu Kǝrǝsti Yesu, mǝnana akmúr sǝm ngga. 25Ɓakuli pa Yesu ɓǝ̀ sukki nkile ace mǝnana nǝ mǝno ka, aɓwana nǝ̀ kum twalban cauɓikea. Aɓwana mǝnana à paɓamuria aban Yesu ama pa yilǝmi, sukki nkile acea ka, Ɓakuli nyesǝnia amǝ'cauɓoarna na abani. Mǝnia yì nkila à sukki ka, lǝmndǝ ama Ɓakuli ka mǝ'cauɓoarna na, acemǝnana arǝ anza mǝnana ɗiɗyal ka, pak munyi nǝ aɓwana, tsǝk kir ce acauɓikea malea ɗang. 26Pak mǝnia ka ace lǝmndǝ do mǝsǝcau male a nza mǝnia adyan ngga, ace mǝnana yì nǝ ɓamuri ka, ɓǝ̀ duk mǝ mǝsǝcau, sǝ nǝ̀ tsǝk amǝ'cauɓikea kat mǝnana à pà ɓamuria aban Yesu ka, ɓǝa duk amǝ'cauɓoarna abani#3:26 ɓǝa duk amǝ'cauɓoarna abani: Ko “ɓǝa esǝki acauɓikea malea mǝnana à rambǝa amuri ka, ɓǝa kum akban abani.”.
27Sǝm nǝ̀ nggori ado ama sǝm pangŋǝna kǝgir mǝnana tsǝa sǝ Ɓakuli ak sǝm ngga le? Awo, nggori pà kàm ɗang! Sǝ́ nda ace mana sǝ Ɓakuli ak sǝm? Nda acemǝnana sǝm kpata Nggurcau male ka le? Awo! Ɓakuli ak sǝm acemǝnana sǝm earnǝi, sǝm pa ɓamur sǝm aban Kǝrǝsti ka. 28Ace mani ka, sǝm duk amǝ'cauɓoarna aban Ɓakuli acemǝnana sǝm pa ɓamur sǝm ngga, pa ace bwal Nggurcau ɗang. 29Sǝ ana raka, Ɓakuli ka, mala amǝ Yahudi na nǝmurǝia le? Yì ka, Ɓakuli mala acili anzali na kat gbal re? E, nda acea. 30Sǝ acemǝnana Ɓakuli na mwashat amur aɓwana kat ka, kǝ tsǝk aɓwana ɓǝa pǝlǝ amǝ'cauɓoarna, yi mana ɓǝa pà ɓamuria aban Kǝrǝsti ka, ko amǝ Yahudi, ko aɓwana mǝnana amǝ Yahudi na raka.#3:30 Ɓalli gbal aɓa: Nggur 6:4; Gal 3:20. 31Sǝ acemǝnana sǝm darrina arǝ pa ɓamuru aban Kǝrǝsti ka, lǝmndǝ ama Nggurcau ka sǝm turni le? Awo, ko bǝti! Aɓa mǝsǝcau ka, sǝm puna anzǝm Nggurcau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016