Amǝ Roma 16
16
Makkiakun
1Ən nggǝ lǝmndǝ mǝ'nggaula sǝm Fibi aban wun, acemǝnana yì ka, mǝ bwalturo ɓa ndahiwi na a Sǝnkǝriya. 2Wu gingsǝi, wu é aɓa lullǝ Mǝtalabangŋo, kǝla mǝnana ɓoaro ɓǝa pakki mǝkpata Ɓakuli ka. Wu bwali wi kam aɓa gir mǝnana kat nǝ̀ earce ka. Acemǝnana yì ka, nggea gbasha mǝgule na aban ɓwapǝndǝa a là, sǝ nggearǝ mim ngga pangŋǝnam mǝɓoarne.
3Ən nggǝ tasǝ makkun mem aban Pǝrisǝla andǝ Akila, aɓeam amǝturo, aban turo mala Kǝrǝsti Yesu. 4Yia ka à pa yilǝmia, ɓǝ́ à wuna acem. Ən pakkia wia yàwá. Nggearǝ mim nǝmurǝam ɗang, a'ikǝlisiya kat mala acili anzali, à kǝ pakkia wia yàwá.
5Wu makki Ikǝlisiya mǝnana kǝ kpapi a ɓala malea ka kun.
Wu makki Epenetus, gyajam mem mǝnana ǝn earkiyi ace raka kun. Yì ka, nda ɓwa mǝnana tita ak Kǝrǝsti a bu-nzali Asiya ka.
6Wu makki Maryamu kun, yi mǝnana pak turo kǝrkǝr ace wun ngga.
7Wu makki Andǝronikus andǝ Juniya kun, aɓǝla mem mǝnana sǝm nda a ndàkurban sǝnǝia ka. Yia ka, amǝ'mishan surǝia pepè, sǝ yia ka, à akàm dǝmbǝa ak Kǝrǝsti.
8Wu makki Ampǝliyatus kun, ɓwa mem aɓa kpata Mǝtalabangŋo.
9Wu makki Urǝbanus kun, ɓi sǝm mǝturo mala Kǝrǝsti, andǝ Sǝtakis gyajam mem mǝgule.
10Wu makki Apele kun, yì ɓwa mǝnana à mwamǝni sǝ à earǝna nǝ paɓamuru male aɓa Kǝrǝsti ka.
Wu makki amǝ ɓala mala Aristobulus kun.
11Wu makki ɓǝla mem, Hirǝdiyon kun.
Wu makki aɓwana mala Mǝtalabangŋo mǝnana a ɓala mala Narkisus ka, kun.
12Wu makki Tǝrafena andǝ Tǝrafosa, amamǝna mǝno à pakki Mǝtalabangŋo turo kǝ̀rkǝ́r ka kun.
Wu makki Pasis kun yi ɓeam mǝnana ǝn earkiyi ace raka, sǝ yì ɗǝm ngga mɓwama na mǝnana pakki Mǝtalabangŋo turo nǝ rǝcandǝa male kat ka.
13Wu makki Rufus kun, yi mǝnana Mǝtalabangŋo tàrì ɓǝ̀ duk male ka. Wu makki ngge kun, acemǝnana yì ka, bwalam kǝla muni gbal.
14Wu makki Asǝnkǝritus, andǝ Filigon, andǝ Hamis, andǝ Patrobas, andǝ Hamas andǝ amǝ'eambǝia mǝnana abania ka kun.
15Wu makki Filologus, andǝ Juliya, andǝ Nerius andǝ mǝ'nggaule, andǝ Olimpas andǝ acilia amǝkpata Ɓakuli mǝnana abania ka kun.
16Wu makki arǝ wun kun, nǝ kur rǝarǝu mala amǝkpata Ɓakuli.
Amǝkwaɗi mǝnana arǝ a'ikǝlisiya mala Kǝrǝsti kat à kǝ makka wun kun.
Masǝlǝata amakkiakun mala Bulǝs
17Ən nggǝ zǝmbǝa wun ɗǝm, wun amǝ'eambǝam, wu tsǝk kir wun arǝ aɓwana mǝnana à kǝ yinǝ gakia aɓalǝ wun, sǝ à nǝ̀ tsǝk wun a ɓwarki tanjar, nǝ akanigir mǝnana à nda ɗàng andǝ mǝnana à kania wun ngga. Wu nyia zak, ce wu sung abania ɗang! 18Acemǝnana à ulang aɓwana mǝno ka, à pà aban pakki Mǝtala sǝm Kǝrǝsti turo ɗang, turo nzal kunia na à nakiyi ce ka. Nǝ kunɓoarna andǝ nacau mǝɓukɓuki sǝ à kǝ ɓosǝki ɗenyicau mala aɓwana mǝnana à surǝ kǝgir raka. 19Ɓwapǝndǝa kat ongŋǝna ce okiru ma'wun, sǝ ban kǝ ɓoaram ace mani. Ən nggǝ earce nǝma wu duk amǝ sǝlǝe arǝ gir mǝnana mǝɓoarne na, sǝ ɓǝ̀ wu dum nǝ ɗwanyi cau a rǝǔ arǝ gir mǝnana mǝɓike na ka.
20Ɓakuli mǝ pà dorǝpwala ka malanǝ parki Shetan aɓa kusǝ wun.#16:20 Ɓalli gbal aɓa: 1Kor 16:23; 2Kor 13:14; Gal 6:18; Filp 4:23; 1Tas 5:28; 2Tas 3:18; Sǝn 22:21.
Ɓǝ̀ ɓwamuru mala Yesu Mǝtala sǝm do ata wun.
21Timoti, ɓeam mǝturo, kǝ makka wun kun. Anggo gbal sǝ Lukiyus, andǝ Jasǝn, andǝ Sosipata, aɓǝla mem, à kǝ makka wun kun.
22Mim Tatiyus, mǝnana ǝn gilǝì Bulǝs mǝnia yì cautera aban ká aban wun ngga, ǝn nggǝ makka wun kun, kǝla mwashat ata amǝkpata Mǝtalabangŋo.
23Gayus, ɓwa mǝnana ǝn sulǝo a ɓala male, sǝ a ɓala male sǝ amǝkpata Ɓakuli mana akani kǝ̀ kpapi ka, kǝ̀ makka wun kun.
Arasǝtus, mǝ'tsǝk boalo mala nggeala, andǝ mǝ'eam sǝm Kwartus, à kǝ makka wun kun.
24[Ɓǝ̀ ɓwamuru mala Yesu Kǝrǝsti Mǝtala sǝm, do ata wun. Amin.]#16:24 Aɓea ata malǝmce mǝnana à gilǝia nǝ bu ka à nda à karǝ mǝnia ka.
Masǝlǝata hiwi nǝ ɓwangsǝkiban
25Ɓǝ̀ sǝm pe Ɓakuli gulo! Acemǝnana nǝ̀ gandǝ tsǝk wun, wu nǝ̀ cam nǝ rǝcandǝa aɓa paɓamuru ma'wun, kǝla mǝnana ǝn nggǝ hamnǝi aɓa Cau Amsǝban ngga. Mǝnia yì cau amur Yesu Kǝrǝsti ka, yi lǝmndǝ kane male Ɓakuli, yì kane male mǝnana à sǝmbǝrǝ ce ɓara-ɓara. 26Sǝ adyan ngga, mǝnia yì kane ka, amalǝmce mala amǝ'ɓangna mala Ɓakuli mǝnana à gilǝia ka, à yì pusǝna ce a banfana. Ado ka, aɓa nê mala Ɓakuli mǝnana te malkiyi raka, mǝnia yì cau ka à yì bǝlǝna ɓālǝi aban acili akún mala ɓanza kat, à surǝni, ace mǝnana yia gbal ka ɓǝa paɓamuria, ɓǝa kpate.
27Aban kǝ Ɓakuli nǝmurǝì, mǝnana kǝ yì mwashat nda mǝsǝle kat ka, ɓǝ̀ gulo pa, nǝ bu Yesu Kǝrǝsti, málá male pà kàm ɗang! Amin.
Currently Selected:
Amǝ Roma 16: mbu
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016
Amǝ Roma 16
16
Makkiakun
1Ən nggǝ lǝmndǝ mǝ'nggaula sǝm Fibi aban wun, acemǝnana yì ka, mǝ bwalturo ɓa ndahiwi na a Sǝnkǝriya. 2Wu gingsǝi, wu é aɓa lullǝ Mǝtalabangŋo, kǝla mǝnana ɓoaro ɓǝa pakki mǝkpata Ɓakuli ka. Wu bwali wi kam aɓa gir mǝnana kat nǝ̀ earce ka. Acemǝnana yì ka, nggea gbasha mǝgule na aban ɓwapǝndǝa a là, sǝ nggearǝ mim ngga pangŋǝnam mǝɓoarne.
3Ən nggǝ tasǝ makkun mem aban Pǝrisǝla andǝ Akila, aɓeam amǝturo, aban turo mala Kǝrǝsti Yesu. 4Yia ka à pa yilǝmia, ɓǝ́ à wuna acem. Ən pakkia wia yàwá. Nggearǝ mim nǝmurǝam ɗang, a'ikǝlisiya kat mala acili anzali, à kǝ pakkia wia yàwá.
5Wu makki Ikǝlisiya mǝnana kǝ kpapi a ɓala malea ka kun.
Wu makki Epenetus, gyajam mem mǝnana ǝn earkiyi ace raka kun. Yì ka, nda ɓwa mǝnana tita ak Kǝrǝsti a bu-nzali Asiya ka.
6Wu makki Maryamu kun, yi mǝnana pak turo kǝrkǝr ace wun ngga.
7Wu makki Andǝronikus andǝ Juniya kun, aɓǝla mem mǝnana sǝm nda a ndàkurban sǝnǝia ka. Yia ka, amǝ'mishan surǝia pepè, sǝ yia ka, à akàm dǝmbǝa ak Kǝrǝsti.
8Wu makki Ampǝliyatus kun, ɓwa mem aɓa kpata Mǝtalabangŋo.
9Wu makki Urǝbanus kun, ɓi sǝm mǝturo mala Kǝrǝsti, andǝ Sǝtakis gyajam mem mǝgule.
10Wu makki Apele kun, yì ɓwa mǝnana à mwamǝni sǝ à earǝna nǝ paɓamuru male aɓa Kǝrǝsti ka.
Wu makki amǝ ɓala mala Aristobulus kun.
11Wu makki ɓǝla mem, Hirǝdiyon kun.
Wu makki aɓwana mala Mǝtalabangŋo mǝnana a ɓala mala Narkisus ka, kun.
12Wu makki Tǝrafena andǝ Tǝrafosa, amamǝna mǝno à pakki Mǝtalabangŋo turo kǝ̀rkǝ́r ka kun.
Wu makki Pasis kun yi ɓeam mǝnana ǝn earkiyi ace raka, sǝ yì ɗǝm ngga mɓwama na mǝnana pakki Mǝtalabangŋo turo nǝ rǝcandǝa male kat ka.
13Wu makki Rufus kun, yi mǝnana Mǝtalabangŋo tàrì ɓǝ̀ duk male ka. Wu makki ngge kun, acemǝnana yì ka, bwalam kǝla muni gbal.
14Wu makki Asǝnkǝritus, andǝ Filigon, andǝ Hamis, andǝ Patrobas, andǝ Hamas andǝ amǝ'eambǝia mǝnana abania ka kun.
15Wu makki Filologus, andǝ Juliya, andǝ Nerius andǝ mǝ'nggaule, andǝ Olimpas andǝ acilia amǝkpata Ɓakuli mǝnana abania ka kun.
16Wu makki arǝ wun kun, nǝ kur rǝarǝu mala amǝkpata Ɓakuli.
Amǝkwaɗi mǝnana arǝ a'ikǝlisiya mala Kǝrǝsti kat à kǝ makka wun kun.
Masǝlǝata amakkiakun mala Bulǝs
17Ən nggǝ zǝmbǝa wun ɗǝm, wun amǝ'eambǝam, wu tsǝk kir wun arǝ aɓwana mǝnana à kǝ yinǝ gakia aɓalǝ wun, sǝ à nǝ̀ tsǝk wun a ɓwarki tanjar, nǝ akanigir mǝnana à nda ɗàng andǝ mǝnana à kania wun ngga. Wu nyia zak, ce wu sung abania ɗang! 18Acemǝnana à ulang aɓwana mǝno ka, à pà aban pakki Mǝtala sǝm Kǝrǝsti turo ɗang, turo nzal kunia na à nakiyi ce ka. Nǝ kunɓoarna andǝ nacau mǝɓukɓuki sǝ à kǝ ɓosǝki ɗenyicau mala aɓwana mǝnana à surǝ kǝgir raka. 19Ɓwapǝndǝa kat ongŋǝna ce okiru ma'wun, sǝ ban kǝ ɓoaram ace mani. Ən nggǝ earce nǝma wu duk amǝ sǝlǝe arǝ gir mǝnana mǝɓoarne na, sǝ ɓǝ̀ wu dum nǝ ɗwanyi cau a rǝǔ arǝ gir mǝnana mǝɓike na ka.
20Ɓakuli mǝ pà dorǝpwala ka malanǝ parki Shetan aɓa kusǝ wun.#16:20 Ɓalli gbal aɓa: 1Kor 16:23; 2Kor 13:14; Gal 6:18; Filp 4:23; 1Tas 5:28; 2Tas 3:18; Sǝn 22:21.
Ɓǝ̀ ɓwamuru mala Yesu Mǝtala sǝm do ata wun.
21Timoti, ɓeam mǝturo, kǝ makka wun kun. Anggo gbal sǝ Lukiyus, andǝ Jasǝn, andǝ Sosipata, aɓǝla mem, à kǝ makka wun kun.
22Mim Tatiyus, mǝnana ǝn gilǝì Bulǝs mǝnia yì cautera aban ká aban wun ngga, ǝn nggǝ makka wun kun, kǝla mwashat ata amǝkpata Mǝtalabangŋo.
23Gayus, ɓwa mǝnana ǝn sulǝo a ɓala male, sǝ a ɓala male sǝ amǝkpata Ɓakuli mana akani kǝ̀ kpapi ka, kǝ̀ makka wun kun.
Arasǝtus, mǝ'tsǝk boalo mala nggeala, andǝ mǝ'eam sǝm Kwartus, à kǝ makka wun kun.
24[Ɓǝ̀ ɓwamuru mala Yesu Kǝrǝsti Mǝtala sǝm, do ata wun. Amin.]#16:24 Aɓea ata malǝmce mǝnana à gilǝia nǝ bu ka à nda à karǝ mǝnia ka.
Masǝlǝata hiwi nǝ ɓwangsǝkiban
25Ɓǝ̀ sǝm pe Ɓakuli gulo! Acemǝnana nǝ̀ gandǝ tsǝk wun, wu nǝ̀ cam nǝ rǝcandǝa aɓa paɓamuru ma'wun, kǝla mǝnana ǝn nggǝ hamnǝi aɓa Cau Amsǝban ngga. Mǝnia yì cau amur Yesu Kǝrǝsti ka, yi lǝmndǝ kane male Ɓakuli, yì kane male mǝnana à sǝmbǝrǝ ce ɓara-ɓara. 26Sǝ adyan ngga, mǝnia yì kane ka, amalǝmce mala amǝ'ɓangna mala Ɓakuli mǝnana à gilǝia ka, à yì pusǝna ce a banfana. Ado ka, aɓa nê mala Ɓakuli mǝnana te malkiyi raka, mǝnia yì cau ka à yì bǝlǝna ɓālǝi aban acili akún mala ɓanza kat, à surǝni, ace mǝnana yia gbal ka ɓǝa paɓamuria, ɓǝa kpate.
27Aban kǝ Ɓakuli nǝmurǝì, mǝnana kǝ yì mwashat nda mǝsǝle kat ka, ɓǝ̀ gulo pa, nǝ bu Yesu Kǝrǝsti, málá male pà kàm ɗang! Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016