Amǝ Mishan 21
21
Bulǝs wario a Urǝshalima
1Anzǝm mana sǝm tsǝngŋǝna aɓwana-mǝgule mala amǝ Afisu à ndà ka, sǝm twal waru sǝm sarǝa aban ká a luran Kos. Ban fana ka, sǝm lo kano sǝm yì bwal luran Rodis, pǝlǝa sǝm yì kutio, sǝm wario a ɓe la a tunǝi ama Patara. 2Abanì sǝ sǝm yì kum ɓe waru, mǝnana nǝ̀ ká a bareban Fonishiya, nda sǝm eau kam aban o ka.
3Sǝm nda aban samsǝa aɓa nggeamur aban o ka, mǝsǝ sǝm yi kpa arǝ luran mala Sayipǝrus kuko, sǝm yi turi nǝ bu sǝm mǝnggare, sǝm lidǝmbǝa aban o. Sǝm yì kpashi a kunmur mala nggeala Taya, aɓa bu-nzali Suriya. Abanì sǝ amǝturo ɓa-waru sulǝ twalo. 4Sǝm nggea alta amǝkwaɗi mǝnana abanì ka sǝm do atea limo mwashat. Bangŋo mala Ɓakuli lǝmndǝì amǝkwaɗi mǝno ka ama ɓǝa ne Bulǝs ɓǝ̀ kǝa na ama nǝ̀ ká Urǝshalima ɗang. 5Sǝa ma lang pwari o ma'sǝm yi karǝna ka, sǝm lo sǝ bwal njar aban o. Amǝkwaɗi mǝno kat, aburana andǝ amamǝna andǝ amuna malea, à puro à tsǝkta sǝm a kunmur. Akano sǝ sǝm kat, sǝm kūndǝo sǝm pak hiwi. 6Pǝlǝa sǝm tsǝk rǝ sǝm à ndà. Bulǝs andǝ sǝm, aɓi amǝgya ka, sǝm kutio a waru; sǝ yia ka à nyare a la.
7Sǝm loapi Taya ka, sǝm yì came a nggeala Tolemayas. Sǝm makki amǝ'eamrǝarǝu kun, sǝ sǝm nong-mwashat abanì. 8Ban fana ka, sǝm lidǝmbǝa aban o a nggeala Kaisariya. Akano ka, sǝm yì sulǝo a ɓala mala Filip mǝ hamnǝ Cau Amsǝban. Yì ka, nda mwashat aɓalǝ aburana tongno-nong-ɓari, mǝnana amǝkwaɗi twalia a Urǝshalima ace bwal ban turo gau girlina ka.#21:8 Ɓalli gbal aɓa: Aturo 6:5; 8:5. 9Yì ka, ndanǝ ansarina ine mǝnana ko yana atea ka ndanǝ ɓoro mala ɓangna; à kǝ bang cau mala Ɓakuli mǝnana Bangŋo Mǝfele lǝmndǝia wia ka.
10Anzǝm mǝnana sǝm pakkina anonggeo pas akano a ɓala mala Filip ka, ɓe mǝɓangna mala Ɓakuli mǝnana à tunǝki ama Agabus ka, puro a bu-nzali Yahudi yi kum sǝm.#21:10 Ɓalli gbal aɓa: Aturo 11:28. 11Yiu sǝ yi twal nggur-ɓunu mala Bulǝs, pǝlǝa kùr akusǝ ɓamuri andǝ abui nǝi. Pǝlǝa bangŋa ama, “Bangŋo Mǝfele na aban na ama, ‘Anggo sǝ amǝ Yahudi nǝ̀ ngga kùr mǝtala nggur-ɓunu mǝnia ka a Urǝshalima, sǝ à nǝ̀ twali à nǝ̀ pea aɓwana mǝnana amǝ Yahudi na raka.’ ”
12Lang sǝm ok mǝnia yì cau anggo ka, sǝm kat mǝnana abanì ka, sǝm zǝmbǝi Bulǝs ama ɓǝ̀ kǝa na ama nǝ̀ ká a Urǝshalima ɗang. 13Sǝ yì ka, na ama, “Mana wu pakkiyi anggo, wu tsǝk mǝrǝm a mǝsǝ wun, wu nǝ̀ ɓunggi ɓabumam? Yale kùrban na ǝn nakiyi ce ka ɗang, ko nggearǝ lú ka ǝn earǝna mǝ nǝ ngga wu, acau mala Mǝtalabangŋo Yesu.”
14Lang sǝm yì sǝnǝni ama pa sǝm nǝ̀ gandǝ tamsǝe raka, nda sǝm ɗeki, sǝm na ama, “Ɓǝ̀ kànì mala Mǝtalabangŋo ɓǝ̀ lumsǝo.”
15Anzǝm aɓea anonggeo ka, sǝm pwan atwalo ma'sǝm aban o a Urǝshalima. 16Aɓea amǝkwaɗi mǝnana à pur a Kaisariya ka, à o ata sǝm gbal. À yì tsǝkta sǝm aban mǝnana sǝm nǝ̀ duk kam ngga, a ɓala mala Manason, ɓwa Sayipǝrus. Yì ka, mwashat na aɓalǝ amǝkwaɗi amǝdǝmbe.
Bulǝs wario aban amǝ'eamrǝarǝu a Urǝshalima
17Lang sǝm yì bwalǝna Urǝshalima ka, amǝ'eamrǝarǝu ak sǝm nǝ bumpwasǝa. 18Ban fana ka, sǝm sǝnǝa Bulǝs sǝm wario aban Jemis#21:18 Jemis: Mǝnia ka nda Jemis mǝ'eam Mǝtalabangŋo Yesu., ace nacau nǝi. Aɓwana-mǝgule mala ikǝlisiya kat ka, à nda abanì. 19Anzǝm makkun ngga, Bulǝs bǝl ɓalǝ agir mwashat-mwashat, mǝnana Ɓakuli pea nǝ bu turo mishan male aɓalǝ aɓwana mǝnana amǝ Yahudi na raka. 20À nǝ̀ ok mǝnia yì cau ka, à ɓwangsǝki Ɓakuli. Pǝlǝa à ne Bulǝs ama:
Mǝ'eam sǝm Bulǝs, a sǝlǝna ama amǝ Yahudi mǝnana à pànà ɓamuria à angŋǝna Yesu ka, lakki malea na á-pas. Sǝ aɓa lakki malea mǝno kat ka, à ndanǝ bumpina arǝ kpata Nggurcau mala Musa. 21Aɓea ɓwana yiu à yì banggi amǝ Yahudi amǝkwaɗi mǝnana akani a Urǝshalima ka cau amuro. À bang ama, we ka a kǝ kania amǝ Yahudi kat mǝnana a do a nzali mala aɓwana mǝnana amǝ Yahudi na raka, ɓǝa ɗeki kpata Nggurcau mala Musa. À na ama, weama ɓǝa kǝa kasǝ ɓata amunia ɗang, sǝ ɓǝa kǝa kpata kuncau mala amǝ Yahudi ɗang.
22Mǝnana ado à nǝ̀ yia ok ama a yina ka, mana sǝm nǝ̀ pa? 23Gir mǝnana ado sǝm nggǝ earce ama wu pak ka, ndya ani ka. Sǝm ndanǝ aɓwana ine kani mǝnana à twalǝna kana a ɓadǝm Ɓakuli ka. 24O atea aɓa Ndàmǝgule, wu kpapi wunǝia aban pakki agir mala lak rǝǔ, agir mǝnana à kana à nǝ̀ pea ace mǝnana ɓǝ̀ Ɓakuli ea ka. Ɓǝ̀ pwari ɗarǝa mǝnana à nǝ̀ pe ace swaria wia muria yina ka, mbwekia wia boalo agir ɗarǝa mǝnana à nǝ̀ kasǝa abanì ka. Anggo sǝ ko yan ngga nǝ̀ sǝlǝ ama cau mǝnana yia à ok a muro ka, nyir na. À nǝ̀ sǝlǝa ama nggearǝ we ka a kǝ kpata Nggurcau mala Musa.
25Ma mala aɓwana mǝnana amǝ Yahudi na raka, sǝ à pǝlǝa amǝkpata Yesu ka, sǝm tasǝnia wia cautera aban banggia wia gir mǝnana sǝm eare amuri ka. Sǝm bangŋǝna ama ɓǝa kǝa li girlina mǝnana à ɗarǝna alú nǝi ka ɗang, ɓǝa kǝa li nkila ɗang. Ɓǝa kǝa li nyam girkusǝu mǝnana à wali nǝ pūrǝki meali ka ɗang. Ɗǝm ngga ɓǝ̀ ɓwa ɓǝ̀ kǝa nong nǝ ɓwa mǝnana à malaká al rǝia andǝi raka ɗang.#21:25 Ɓalli gbal aɓa: Aturo 15:29.
26Anggo sǝ Bulǝs, ban fana ka, twal aburana mǝno ine ka ate, sǝ yia a tarǝia à lak rǝia. Anzǝm mǝno ka, Bulǝs kutio aɓa Ndàmǝgule mala Ɓakuli sǝ banggi apǝris mala ɓa Nda anonggeo shen mǝnana nǝ̀ twali a cau mala gilǝki rǝia ka. Banggia wia pwari mana gbal à nǝ̀ yia pa ɓoro mala agirkusǝu mǝnana apǝris nǝ̀ ɗarǝna Ɓakuli nǝia, ace koya ɓwa nani atea ka.
À bwal Bulǝs aɓa Ndàmǝgule mala Ɓakuli
27Anonggeo tongno nong-ɓari mala mǝno yì gilǝki rǝia ka a malanǝ mala, sǝ aɓea amǝ Yahudi mǝnana à pur a bu-nzali Asiya ka, à sǝn Bulǝs aɓa Ndàmǝgule mala Ɓakuli. Pǝlǝa à swarkita ɓwabunda kat, kara à bwal Bulǝs. 28À mak gawan bang-bang aban na ama, “Wun amǝ Isǝrayila! Wu bwala sǝm! Mǝnia yì ɓwa ka nda mǝnana kǝ kania aɓwana arǝ aban kat ɓǝa ɓǝsǝki amǝ Isǝrayila ka. Kǝ kania wia ɓǝa kǝa kpata Nggurcau mala Musa ɗǝm ɗang, sǝ ɓǝa kǝa pa gulo arǝ Ndàmǝgule mǝnia ka ɗǝm ɗang. Ndya yina nǝ aɓwana mǝnana amǝ Yahudi na raka aɓa Ndàmǝgule mala Ɓakuli, yi pǝndǝkina ce ban mǝfele mǝnia ka!” 29(Yia ka à bangŋa anggo, acemǝnana à sǝn Tǝrofimus ɓwa Afisu a tarǝia andǝ Bulǝs aɓa nggeala, nda sǝ à twali ama Bulǝs warina nǝi aɓa Ndàmǝgule mala Ɓakuli ka.)#21:29 Ɓalli gbal aɓa: Aturo 20:4.
30Ban zunggǝli aɓa nggeala kat, sǝ ɓwapǝndǝa purkio nǝ mire, à yì rambǝa. À yì gbami Bulǝs, à nunggi à pusǝì a nza nǝ Ndàmǝgule mala Ɓakuli, pǝlǝa à girki akun-nda a kaurǝa. 31Amǝnia yì aɓwana ka, à nda ban ɓariki à nǝ̀ wal lú Bulǝs, sǝa ma cau yi bwal ban mǝsarǝban mala asoje mala amǝ Roma. À banggi wi ama, Urǝshalima kat ka gǝggǝlina. 32Kara mǝsarǝban mala asoje lo tu, pwan asoje andǝ aɓea aɓwana-mǝgule malea, à ɓangŋa à yiu aban ɓwabunda. Lang aɓwana mǝnia sǝn mǝsarǝban mala asoje andǝ asoje mǝnana ate ka, kara à came, à nying buia arǝ walki Bulǝs.
33Mǝsarǝban mala asoje yi bwal Bulǝs, bangŋa ama ɓǝa ta abui nǝ ansolo ɓari. Pǝlǝa ɗiban ama, “Yana nda man, sǝ mana ɗe pa?” 34Aɓea ɓwana aɓalǝ aɓwabunda loasǝ gia aban na man, sǝ aɓea aɓwana kǝ na malea gbal ɗang. Sǝ acemǝnana mǝsarǝban mala asoje bwalta kǝgir mwashat mǝnana Bulǝs pak raka, pǝlǝa na ama ɓǝa um nǝ Bulǝs a banmǝcande mala asoje. 35À yì bwalǝna ban-eauwe mǝnana à nǝ̀ eau nǝi aban ká aɓa banmǝcande ka, ɓwabunda twalo zunggǝli kǝrkǝr. À san rǝia aban ká arǝ Bulǝs à nǝ̀ wali, gandǝa asoje imsǝi a kwaru ace amsǝe a bu ɓwabunda mana nyāri a rǝi ama à nǝ̀ wal-lui ka. 36Ɓwabunda mǝno kpatea nǝ zwalo, à kǝ na ama, “Ɓǝa wali ɓǝ̀ wu!”
Bulǝs bǝl kuni
37Lang asoje mala nǝ̀ kuti nǝ Bulǝs aɓa ndà a banmǝcande malea ka, pǝlǝa ne mǝsarǝban mala asoje ama, “Mǝ nǝ gandǝ kum njar mǝ na cau nǝ we le?”
Sǝ mǝsarǝban mala asoje ɗi, nǝ ndalǝki ama, “A kǝ ok kun Gǝrik le? 38A nda ɓwa Masar mǝnana mbo lo aɓalǝ apwari mǝno nǝ mgbicau arǝ nggwamnati, pwan amǝ walki-alú á-ine ate nǝ agirmunǝo, um nǝia a ɓabondo ka re?”
39Bulǝs na ama, “Awo, Mim ngga mǝ nda ɓwa Yahudi, a ɓǝlam a Tarsus, nggeala aɓa bu-nzali Sǝlisiya. Mǝ nda muna nggeala mǝɓoarne. Ən nggǝ zǝmbǝo nyinggam njar mǝ nea aɓwana mǝnia ka cau.”
40Mǝsarǝban mala asoje pǝlǝa nyinggi wi njar ɓǝ̀ na cau. Bulǝs pǝlǝa came amur ban-eauwe, sǝ loasǝi aɓwabunda bui ama ɓǝa pwalo. Lang ban pwalǝna atea piu ka, Bulǝs pǝlǝa nea wia cau nǝ kun Ibǝru.
Currently Selected:
Amǝ Mishan 21: mbu
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016
Amǝ Mishan 21
21
Bulǝs wario a Urǝshalima
1Anzǝm mana sǝm tsǝngŋǝna aɓwana-mǝgule mala amǝ Afisu à ndà ka, sǝm twal waru sǝm sarǝa aban ká a luran Kos. Ban fana ka, sǝm lo kano sǝm yì bwal luran Rodis, pǝlǝa sǝm yì kutio, sǝm wario a ɓe la a tunǝi ama Patara. 2Abanì sǝ sǝm yì kum ɓe waru, mǝnana nǝ̀ ká a bareban Fonishiya, nda sǝm eau kam aban o ka.
3Sǝm nda aban samsǝa aɓa nggeamur aban o ka, mǝsǝ sǝm yi kpa arǝ luran mala Sayipǝrus kuko, sǝm yi turi nǝ bu sǝm mǝnggare, sǝm lidǝmbǝa aban o. Sǝm yì kpashi a kunmur mala nggeala Taya, aɓa bu-nzali Suriya. Abanì sǝ amǝturo ɓa-waru sulǝ twalo. 4Sǝm nggea alta amǝkwaɗi mǝnana abanì ka sǝm do atea limo mwashat. Bangŋo mala Ɓakuli lǝmndǝì amǝkwaɗi mǝno ka ama ɓǝa ne Bulǝs ɓǝ̀ kǝa na ama nǝ̀ ká Urǝshalima ɗang. 5Sǝa ma lang pwari o ma'sǝm yi karǝna ka, sǝm lo sǝ bwal njar aban o. Amǝkwaɗi mǝno kat, aburana andǝ amamǝna andǝ amuna malea, à puro à tsǝkta sǝm a kunmur. Akano sǝ sǝm kat, sǝm kūndǝo sǝm pak hiwi. 6Pǝlǝa sǝm tsǝk rǝ sǝm à ndà. Bulǝs andǝ sǝm, aɓi amǝgya ka, sǝm kutio a waru; sǝ yia ka à nyare a la.
7Sǝm loapi Taya ka, sǝm yì came a nggeala Tolemayas. Sǝm makki amǝ'eamrǝarǝu kun, sǝ sǝm nong-mwashat abanì. 8Ban fana ka, sǝm lidǝmbǝa aban o a nggeala Kaisariya. Akano ka, sǝm yì sulǝo a ɓala mala Filip mǝ hamnǝ Cau Amsǝban. Yì ka, nda mwashat aɓalǝ aburana tongno-nong-ɓari, mǝnana amǝkwaɗi twalia a Urǝshalima ace bwal ban turo gau girlina ka.#21:8 Ɓalli gbal aɓa: Aturo 6:5; 8:5. 9Yì ka, ndanǝ ansarina ine mǝnana ko yana atea ka ndanǝ ɓoro mala ɓangna; à kǝ bang cau mala Ɓakuli mǝnana Bangŋo Mǝfele lǝmndǝia wia ka.
10Anzǝm mǝnana sǝm pakkina anonggeo pas akano a ɓala mala Filip ka, ɓe mǝɓangna mala Ɓakuli mǝnana à tunǝki ama Agabus ka, puro a bu-nzali Yahudi yi kum sǝm.#21:10 Ɓalli gbal aɓa: Aturo 11:28. 11Yiu sǝ yi twal nggur-ɓunu mala Bulǝs, pǝlǝa kùr akusǝ ɓamuri andǝ abui nǝi. Pǝlǝa bangŋa ama, “Bangŋo Mǝfele na aban na ama, ‘Anggo sǝ amǝ Yahudi nǝ̀ ngga kùr mǝtala nggur-ɓunu mǝnia ka a Urǝshalima, sǝ à nǝ̀ twali à nǝ̀ pea aɓwana mǝnana amǝ Yahudi na raka.’ ”
12Lang sǝm ok mǝnia yì cau anggo ka, sǝm kat mǝnana abanì ka, sǝm zǝmbǝi Bulǝs ama ɓǝ̀ kǝa na ama nǝ̀ ká a Urǝshalima ɗang. 13Sǝ yì ka, na ama, “Mana wu pakkiyi anggo, wu tsǝk mǝrǝm a mǝsǝ wun, wu nǝ̀ ɓunggi ɓabumam? Yale kùrban na ǝn nakiyi ce ka ɗang, ko nggearǝ lú ka ǝn earǝna mǝ nǝ ngga wu, acau mala Mǝtalabangŋo Yesu.”
14Lang sǝm yì sǝnǝni ama pa sǝm nǝ̀ gandǝ tamsǝe raka, nda sǝm ɗeki, sǝm na ama, “Ɓǝ̀ kànì mala Mǝtalabangŋo ɓǝ̀ lumsǝo.”
15Anzǝm aɓea anonggeo ka, sǝm pwan atwalo ma'sǝm aban o a Urǝshalima. 16Aɓea amǝkwaɗi mǝnana à pur a Kaisariya ka, à o ata sǝm gbal. À yì tsǝkta sǝm aban mǝnana sǝm nǝ̀ duk kam ngga, a ɓala mala Manason, ɓwa Sayipǝrus. Yì ka, mwashat na aɓalǝ amǝkwaɗi amǝdǝmbe.
Bulǝs wario aban amǝ'eamrǝarǝu a Urǝshalima
17Lang sǝm yì bwalǝna Urǝshalima ka, amǝ'eamrǝarǝu ak sǝm nǝ bumpwasǝa. 18Ban fana ka, sǝm sǝnǝa Bulǝs sǝm wario aban Jemis#21:18 Jemis: Mǝnia ka nda Jemis mǝ'eam Mǝtalabangŋo Yesu., ace nacau nǝi. Aɓwana-mǝgule mala ikǝlisiya kat ka, à nda abanì. 19Anzǝm makkun ngga, Bulǝs bǝl ɓalǝ agir mwashat-mwashat, mǝnana Ɓakuli pea nǝ bu turo mishan male aɓalǝ aɓwana mǝnana amǝ Yahudi na raka. 20À nǝ̀ ok mǝnia yì cau ka, à ɓwangsǝki Ɓakuli. Pǝlǝa à ne Bulǝs ama:
Mǝ'eam sǝm Bulǝs, a sǝlǝna ama amǝ Yahudi mǝnana à pànà ɓamuria à angŋǝna Yesu ka, lakki malea na á-pas. Sǝ aɓa lakki malea mǝno kat ka, à ndanǝ bumpina arǝ kpata Nggurcau mala Musa. 21Aɓea ɓwana yiu à yì banggi amǝ Yahudi amǝkwaɗi mǝnana akani a Urǝshalima ka cau amuro. À bang ama, we ka a kǝ kania amǝ Yahudi kat mǝnana a do a nzali mala aɓwana mǝnana amǝ Yahudi na raka, ɓǝa ɗeki kpata Nggurcau mala Musa. À na ama, weama ɓǝa kǝa kasǝ ɓata amunia ɗang, sǝ ɓǝa kǝa kpata kuncau mala amǝ Yahudi ɗang.
22Mǝnana ado à nǝ̀ yia ok ama a yina ka, mana sǝm nǝ̀ pa? 23Gir mǝnana ado sǝm nggǝ earce ama wu pak ka, ndya ani ka. Sǝm ndanǝ aɓwana ine kani mǝnana à twalǝna kana a ɓadǝm Ɓakuli ka. 24O atea aɓa Ndàmǝgule, wu kpapi wunǝia aban pakki agir mala lak rǝǔ, agir mǝnana à kana à nǝ̀ pea ace mǝnana ɓǝ̀ Ɓakuli ea ka. Ɓǝ̀ pwari ɗarǝa mǝnana à nǝ̀ pe ace swaria wia muria yina ka, mbwekia wia boalo agir ɗarǝa mǝnana à nǝ̀ kasǝa abanì ka. Anggo sǝ ko yan ngga nǝ̀ sǝlǝ ama cau mǝnana yia à ok a muro ka, nyir na. À nǝ̀ sǝlǝa ama nggearǝ we ka a kǝ kpata Nggurcau mala Musa.
25Ma mala aɓwana mǝnana amǝ Yahudi na raka, sǝ à pǝlǝa amǝkpata Yesu ka, sǝm tasǝnia wia cautera aban banggia wia gir mǝnana sǝm eare amuri ka. Sǝm bangŋǝna ama ɓǝa kǝa li girlina mǝnana à ɗarǝna alú nǝi ka ɗang, ɓǝa kǝa li nkila ɗang. Ɓǝa kǝa li nyam girkusǝu mǝnana à wali nǝ pūrǝki meali ka ɗang. Ɗǝm ngga ɓǝ̀ ɓwa ɓǝ̀ kǝa nong nǝ ɓwa mǝnana à malaká al rǝia andǝi raka ɗang.#21:25 Ɓalli gbal aɓa: Aturo 15:29.
26Anggo sǝ Bulǝs, ban fana ka, twal aburana mǝno ine ka ate, sǝ yia a tarǝia à lak rǝia. Anzǝm mǝno ka, Bulǝs kutio aɓa Ndàmǝgule mala Ɓakuli sǝ banggi apǝris mala ɓa Nda anonggeo shen mǝnana nǝ̀ twali a cau mala gilǝki rǝia ka. Banggia wia pwari mana gbal à nǝ̀ yia pa ɓoro mala agirkusǝu mǝnana apǝris nǝ̀ ɗarǝna Ɓakuli nǝia, ace koya ɓwa nani atea ka.
À bwal Bulǝs aɓa Ndàmǝgule mala Ɓakuli
27Anonggeo tongno nong-ɓari mala mǝno yì gilǝki rǝia ka a malanǝ mala, sǝ aɓea amǝ Yahudi mǝnana à pur a bu-nzali Asiya ka, à sǝn Bulǝs aɓa Ndàmǝgule mala Ɓakuli. Pǝlǝa à swarkita ɓwabunda kat, kara à bwal Bulǝs. 28À mak gawan bang-bang aban na ama, “Wun amǝ Isǝrayila! Wu bwala sǝm! Mǝnia yì ɓwa ka nda mǝnana kǝ kania aɓwana arǝ aban kat ɓǝa ɓǝsǝki amǝ Isǝrayila ka. Kǝ kania wia ɓǝa kǝa kpata Nggurcau mala Musa ɗǝm ɗang, sǝ ɓǝa kǝa pa gulo arǝ Ndàmǝgule mǝnia ka ɗǝm ɗang. Ndya yina nǝ aɓwana mǝnana amǝ Yahudi na raka aɓa Ndàmǝgule mala Ɓakuli, yi pǝndǝkina ce ban mǝfele mǝnia ka!” 29(Yia ka à bangŋa anggo, acemǝnana à sǝn Tǝrofimus ɓwa Afisu a tarǝia andǝ Bulǝs aɓa nggeala, nda sǝ à twali ama Bulǝs warina nǝi aɓa Ndàmǝgule mala Ɓakuli ka.)#21:29 Ɓalli gbal aɓa: Aturo 20:4.
30Ban zunggǝli aɓa nggeala kat, sǝ ɓwapǝndǝa purkio nǝ mire, à yì rambǝa. À yì gbami Bulǝs, à nunggi à pusǝì a nza nǝ Ndàmǝgule mala Ɓakuli, pǝlǝa à girki akun-nda a kaurǝa. 31Amǝnia yì aɓwana ka, à nda ban ɓariki à nǝ̀ wal lú Bulǝs, sǝa ma cau yi bwal ban mǝsarǝban mala asoje mala amǝ Roma. À banggi wi ama, Urǝshalima kat ka gǝggǝlina. 32Kara mǝsarǝban mala asoje lo tu, pwan asoje andǝ aɓea aɓwana-mǝgule malea, à ɓangŋa à yiu aban ɓwabunda. Lang aɓwana mǝnia sǝn mǝsarǝban mala asoje andǝ asoje mǝnana ate ka, kara à came, à nying buia arǝ walki Bulǝs.
33Mǝsarǝban mala asoje yi bwal Bulǝs, bangŋa ama ɓǝa ta abui nǝ ansolo ɓari. Pǝlǝa ɗiban ama, “Yana nda man, sǝ mana ɗe pa?” 34Aɓea ɓwana aɓalǝ aɓwabunda loasǝ gia aban na man, sǝ aɓea aɓwana kǝ na malea gbal ɗang. Sǝ acemǝnana mǝsarǝban mala asoje bwalta kǝgir mwashat mǝnana Bulǝs pak raka, pǝlǝa na ama ɓǝa um nǝ Bulǝs a banmǝcande mala asoje. 35À yì bwalǝna ban-eauwe mǝnana à nǝ̀ eau nǝi aban ká aɓa banmǝcande ka, ɓwabunda twalo zunggǝli kǝrkǝr. À san rǝia aban ká arǝ Bulǝs à nǝ̀ wali, gandǝa asoje imsǝi a kwaru ace amsǝe a bu ɓwabunda mana nyāri a rǝi ama à nǝ̀ wal-lui ka. 36Ɓwabunda mǝno kpatea nǝ zwalo, à kǝ na ama, “Ɓǝa wali ɓǝ̀ wu!”
Bulǝs bǝl kuni
37Lang asoje mala nǝ̀ kuti nǝ Bulǝs aɓa ndà a banmǝcande malea ka, pǝlǝa ne mǝsarǝban mala asoje ama, “Mǝ nǝ gandǝ kum njar mǝ na cau nǝ we le?”
Sǝ mǝsarǝban mala asoje ɗi, nǝ ndalǝki ama, “A kǝ ok kun Gǝrik le? 38A nda ɓwa Masar mǝnana mbo lo aɓalǝ apwari mǝno nǝ mgbicau arǝ nggwamnati, pwan amǝ walki-alú á-ine ate nǝ agirmunǝo, um nǝia a ɓabondo ka re?”
39Bulǝs na ama, “Awo, Mim ngga mǝ nda ɓwa Yahudi, a ɓǝlam a Tarsus, nggeala aɓa bu-nzali Sǝlisiya. Mǝ nda muna nggeala mǝɓoarne. Ən nggǝ zǝmbǝo nyinggam njar mǝ nea aɓwana mǝnia ka cau.”
40Mǝsarǝban mala asoje pǝlǝa nyinggi wi njar ɓǝ̀ na cau. Bulǝs pǝlǝa came amur ban-eauwe, sǝ loasǝi aɓwabunda bui ama ɓǝa pwalo. Lang ban pwalǝna atea piu ka, Bulǝs pǝlǝa nea wia cau nǝ kun Ibǝru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016