Erĩbĩsũlĩrwa 9
9
1Neryo omũlaĩka wʼakatanu mwabuha engubi yiwe, neryo monalangira engũnũnũ eyalũa elubula nʼeritogera oko kihugo. Neryo engũnũnũ moyahabwa ekĩboholĩ kyʼobuhya obutawite kabuno. 2Nʼengũnũnũ moyalĩbũla obuhya obutawite kabuno, nʼomũkĩ mwalũamo, ngʼomũkĩ wʼerĩsĩngo lĩnene, nʼeryuba nʼekyanya mobyakĩna busana nʼomũkĩ owalũa omo buhya obo. 3Neryo esyongĩke mosyalũa omo mũkĩ oyo, mosyahĩka omo kihugo. Nĩkwa esyongĩke mosyahabwa amaka ngʼesyonge syʼekihugo ko siwite amaka. 4Nasyo mosyabwirwa sĩsĩtsandaye ebiti byʼekihugo, kutse ekindi kindu kibisi, kutse miti, nĩkwa sĩagalaye abandu abatawite ekiminyikalo kya Nyamuhanga oko mbũmo syabo. 5Esyongĩke esĩ mositahabwa ehamũlĩ yʼerĩĩta abandu aba, nĩkwa erĩagalyabo emikera ĩtanu. Erigalwa lyabo lyabya ngʼerĩagalya lyʼenge omugulu ikaluma omundu. 6Kandi oko biro ebyo, abandu basyasondya oluholo, nĩkwa sibendisyabanalo, kandi basyasonda-sonda erihola nĩkwa oluholo lwasyasagabo.
7Esyongĩke esyo syabya sĩsosĩre esyosabayĩrĩ esĩyĩtegekenĩe oko malwa. Nʼoko mitwe yasyo habya ngʼesyombĩta syʼesyamagetsi, nʼobũsũ bwasyo bwabya ngʼobũsũ bwʼabandu. 8Esyonzwiri syasyo syabya ngʼesyonzwiri syʼabakalĩ, nʼameno wasyo abya ngʼameno wʼesyondale. 9Kandi syabya nʼamupa ngʼamupa wʼebyuma, nʼerihuha lyʼebĩpũpa byasyo lyabya ngʼemirenge yʼesyogalĩ syʼesyosabayĩrĩ esikatibita eyiri amalwa. 10Kandi siwite emikira ngʼemikira yʼesyonge, nʼehisuti, kandi omo mikira yasyo siwite amaka wʼerĩagalya bandu oko mikera ĩtanu. 11Kandi siwite omwami Oyukatabala kusyo, yo mũlaĩka wʼobuhya. Erĩna liwe omo Kiebrania ni Abadonĩ, nʼomo Kĩgĩrĩkĩ ni Apolĩonĩ liti, Erihera.
12Obũlĩge bwʼerĩmbere bwabirilaba. Lebaya, enyũma wʼemyatsi eyĩ awandi malĩge abiri akahĩka.
13Neryo omũlaĩka wʼendatu mwabuha engubi yiwe, neryo monowa omulenge akalũa oko mahembe ani wʼekiherero kyʼesyamagetsi ekiri embere sya Nyamuhanga. 14Omulenge oyo mwabwira omũlaĩka owʼendatu, oyuwite engubi, ati, Ubohole abamalaĩka bani ababohere ahali olũsĩ lunene eFũratĩ. 15Neryo abamalaĩka bani abo mobaboholwa. Babya ibabiritegekanĩbwa busana nʼendambĩ eno, yʼekiro kino, yʼomukera ono, nʼomwaka oyũ, busana nʼerĩĩta ekiguma kyʼomo bisatu kyʼabandu. 16Kandi monowa emiganzo yʼemilondo yʼabandu abali oko syosabayĩrĩ babya emĩlĩonĩ magana abiri, (200,000,000). 17Neryo omwʼilota monalangira esyosabayĩrĩ, nʼababya kusyo, ibambite amupa awasosĩre ngʼomuliro, ngʼamabwe wʼesamawĩ, kandi ngʼekirimi. Emitwe yʼesyosabayĩrĩ yabya ngʼemitwe yʼesyondale. Kandi omuliro, nʼomũkĩ, nʼekirimi mobyahuluka omo muno wasyo. 18Neryo ekiguma kyʼomo bisatu kyʼabandu mobĩtwa omo malĩge asatu aya: omuliro, nʼomũkĩ, nʼobũsĩngo ebyahuluka omo muno wʼesyosabayĩrĩ. 19Kusangwa amaka wʼesyosabayĩrĩ abya omo muno wasyo, nʼomo mikira yasyo. Kusangwa emikira yʼesyosabayĩrĩ iri ngʼesyonzoka, kandi iwite emitwe. Nĩkwa sĩkagalaya muyo mwʼabandu.
20Abandi bandu abasaka, abatĩtawa omo malĩge aya mobataleka ebindu ebyo bakokotaya. Kandi mobataleka erĩramya esyombĩnga, nʼesyosanamu syʼesyamagetsi, nʼesyosanamu syʼebĩtsĩpa, nʼesyʼomulinga, nʼesyʼamabwe, nʼesyʼemiti, esitetoka erilangira kutse erĩowa, kutse eribasula. 21Kandi abandu abo mobatabindula emitima yabo bakaleka ebibi byabo byʼerĩĩta lyabo, kutse amalagu wabo, kutse erĩsĩngĩra lyabo, kutse obwĩbĩ bwabo.
Currently Selected:
Erĩbĩsũlĩrwa 9: KB80
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.
Erĩbĩsũlĩrwa 9
9
1Neryo omũlaĩka wʼakatanu mwabuha engubi yiwe, neryo monalangira engũnũnũ eyalũa elubula nʼeritogera oko kihugo. Neryo engũnũnũ moyahabwa ekĩboholĩ kyʼobuhya obutawite kabuno. 2Nʼengũnũnũ moyalĩbũla obuhya obutawite kabuno, nʼomũkĩ mwalũamo, ngʼomũkĩ wʼerĩsĩngo lĩnene, nʼeryuba nʼekyanya mobyakĩna busana nʼomũkĩ owalũa omo buhya obo. 3Neryo esyongĩke mosyalũa omo mũkĩ oyo, mosyahĩka omo kihugo. Nĩkwa esyongĩke mosyahabwa amaka ngʼesyonge syʼekihugo ko siwite amaka. 4Nasyo mosyabwirwa sĩsĩtsandaye ebiti byʼekihugo, kutse ekindi kindu kibisi, kutse miti, nĩkwa sĩagalaye abandu abatawite ekiminyikalo kya Nyamuhanga oko mbũmo syabo. 5Esyongĩke esĩ mositahabwa ehamũlĩ yʼerĩĩta abandu aba, nĩkwa erĩagalyabo emikera ĩtanu. Erigalwa lyabo lyabya ngʼerĩagalya lyʼenge omugulu ikaluma omundu. 6Kandi oko biro ebyo, abandu basyasondya oluholo, nĩkwa sibendisyabanalo, kandi basyasonda-sonda erihola nĩkwa oluholo lwasyasagabo.
7Esyongĩke esyo syabya sĩsosĩre esyosabayĩrĩ esĩyĩtegekenĩe oko malwa. Nʼoko mitwe yasyo habya ngʼesyombĩta syʼesyamagetsi, nʼobũsũ bwasyo bwabya ngʼobũsũ bwʼabandu. 8Esyonzwiri syasyo syabya ngʼesyonzwiri syʼabakalĩ, nʼameno wasyo abya ngʼameno wʼesyondale. 9Kandi syabya nʼamupa ngʼamupa wʼebyuma, nʼerihuha lyʼebĩpũpa byasyo lyabya ngʼemirenge yʼesyogalĩ syʼesyosabayĩrĩ esikatibita eyiri amalwa. 10Kandi siwite emikira ngʼemikira yʼesyonge, nʼehisuti, kandi omo mikira yasyo siwite amaka wʼerĩagalya bandu oko mikera ĩtanu. 11Kandi siwite omwami Oyukatabala kusyo, yo mũlaĩka wʼobuhya. Erĩna liwe omo Kiebrania ni Abadonĩ, nʼomo Kĩgĩrĩkĩ ni Apolĩonĩ liti, Erihera.
12Obũlĩge bwʼerĩmbere bwabirilaba. Lebaya, enyũma wʼemyatsi eyĩ awandi malĩge abiri akahĩka.
13Neryo omũlaĩka wʼendatu mwabuha engubi yiwe, neryo monowa omulenge akalũa oko mahembe ani wʼekiherero kyʼesyamagetsi ekiri embere sya Nyamuhanga. 14Omulenge oyo mwabwira omũlaĩka owʼendatu, oyuwite engubi, ati, Ubohole abamalaĩka bani ababohere ahali olũsĩ lunene eFũratĩ. 15Neryo abamalaĩka bani abo mobaboholwa. Babya ibabiritegekanĩbwa busana nʼendambĩ eno, yʼekiro kino, yʼomukera ono, nʼomwaka oyũ, busana nʼerĩĩta ekiguma kyʼomo bisatu kyʼabandu. 16Kandi monowa emiganzo yʼemilondo yʼabandu abali oko syosabayĩrĩ babya emĩlĩonĩ magana abiri, (200,000,000). 17Neryo omwʼilota monalangira esyosabayĩrĩ, nʼababya kusyo, ibambite amupa awasosĩre ngʼomuliro, ngʼamabwe wʼesamawĩ, kandi ngʼekirimi. Emitwe yʼesyosabayĩrĩ yabya ngʼemitwe yʼesyondale. Kandi omuliro, nʼomũkĩ, nʼekirimi mobyahuluka omo muno wasyo. 18Neryo ekiguma kyʼomo bisatu kyʼabandu mobĩtwa omo malĩge asatu aya: omuliro, nʼomũkĩ, nʼobũsĩngo ebyahuluka omo muno wʼesyosabayĩrĩ. 19Kusangwa amaka wʼesyosabayĩrĩ abya omo muno wasyo, nʼomo mikira yasyo. Kusangwa emikira yʼesyosabayĩrĩ iri ngʼesyonzoka, kandi iwite emitwe. Nĩkwa sĩkagalaya muyo mwʼabandu.
20Abandi bandu abasaka, abatĩtawa omo malĩge aya mobataleka ebindu ebyo bakokotaya. Kandi mobataleka erĩramya esyombĩnga, nʼesyosanamu syʼesyamagetsi, nʼesyosanamu syʼebĩtsĩpa, nʼesyʼomulinga, nʼesyʼamabwe, nʼesyʼemiti, esitetoka erilangira kutse erĩowa, kutse eribasula. 21Kandi abandu abo mobatabindula emitima yabo bakaleka ebibi byabo byʼerĩĩta lyabo, kutse amalagu wabo, kutse erĩsĩngĩra lyabo, kutse obwĩbĩ bwabo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.