Abaebrania 10
10
1Kusangwa Emigambo iri ngʼekyũtsũ-tsũ buyira kyʼemyatsi yowene eyikandisyahuluka. Siyirisosa kwenene emyatsi eyo. Emigambo siyangatoka erĩhĩkanĩa abandu abakahĩka hakũhĩ oko mahere ago bakahera oko buli mwaka butsira erĩũmbya. 2Kite kitya, kumbe abandu abakaramaya Nyamuhanga babiriera ndeke kwʼebibi byabo, kumbe obunyamutima bwabo sĩbwangakangyabo ebibi byabo. Kandi ĩbabĩrĩũmbya erihera obuhere. 3Nĩkwa amahere aya, abya akĩbũkya abandu ebibi byabo obuli mwaka. 4Kusangwa omusasi wʼesyonume nʼowʼesyombene sialitoka erĩlũsya ebibi.
5Neryo omugulu Kristo ahĩka omo kihugo mwabũga ati,
Amahere nʼesyohongo, sĩwanzĩrebyo,
Nĩkwa wabĩrĩnyĩkokoterya omubiri.
6Sulitatsemera amahere wʼerĩokya nʼamahere busana nʼerĩlũsya ebibi.
7Neryo monabũga nyiti, Ĩngye yono, namasa.
Erikola erisonda lyawe, uwe Nyamuhanga,
Ngoko kĩsakĩre busana nage omo kitabu kyʼEmigambo.
8Omugulu abũga erĩmbere ati, Amahere nʼesyohongo, nʼamahere wʼerĩokya nʼamahere busana nʼebibi, sĩwanzĩrebyo kutse eritsemerabyo. Mwabũga atya nomo amahere aya akaherawa ngoko Emigambo ikategeka. 9Neryo mwabũga ati, Lebaya, namasa erikola erisonda lyawe. Nyamuhanga akalũsaya amahere gosĩ wa kera nʼerĩhĩra obuhere bwa Kristo omo mwanya wago. 10Nĩkwa Yesu Kristo mwakola erisonda lya Nyamuhanga. Neryo kusangwa Yesu Kristo mwakola erisonda lya Nyamuhanga, twabirihigulwa, kusangwa Yesu Kristo abiriha omubiri wuwe go ngendo nguma busana na kera na kera.
11Obuli mũhererĩ wʼAbayũda akahangana ebiro byosĩ oko mũbĩrĩ wʼekisomo, nʼerihera amahere engendo nyingi. Amahere ayo sialitoka erĩlũsya ebibi. 12Nĩkwa Kristo mwahera obuhere buguma bwa kera na kera busana nʼebibi, neryo mwĩkala oko luhande lwʼamali lwa Nyamuhanga. 13Akalinda erĩhĩka aho esyonzĩgũ siwe syasyahĩrwa ngʼekĩtũmbĩ kyʼebisando biwe. 14Kusangwa omo buhere buguma abĩrĩhĩkanĩa kera na kera ababirihigulwa. 15NʼOmũlĩmũ Abũyĩrĩre nibya akatũtũlĩrago; kusangwa akatsũka eritubwira ati,
16Omwami Mukulu ati, Enyũma wʼebiro ebyo, nasyayira endagane haguma nabo.
Nasyahĩra emigambo yage omo mitima yabo,
Kandi nasyasĩkyayo omo malengekanĩa wabo.
17Nʼakandi ati,
Sindiendisyaswibuka ebibi byabo, nʼerĩhalya lyabo.
18Neryo ahali eribuyira lyʼebibi ebĩ, sihakiri kandi obwaga bwʼobuhere busana nʼerĩlũsya ebibi.
Tuyitwale hakũhĩ na Nyamuhanga
19Neryo balĩkyetu, tunawite obwĩranda bwʼeriingira Ahabũyĩrĩre Kutsibu busana nʼomusasi wa Yesu. 20Iye abĩrĩtũlĩbũlĩra enzira nyihya-nyihya, eyikaleta engebe, kandi eyikalaba omo kĩsũkũlĩryo kyʼomubiri wuwe. 21Neryo tuwite omũhererĩ mukulu Oyukasondola enyũmba ya Nyamuhanga. 22Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene. 23Tuhambe ndeke amaha wetu ago tũkwamĩre, butsira eritika-tika, kusangwa oyo watũla omwatsi oyũ sialiregula. 24Tũganĩraye ngoko twangĩbũkanĩa oko lwanzo nʼemĩbĩrĩ yowene. 25Situleke erĩhĩndana lyetu haguma, ngʼemibere yʼabandi bandu, nĩkwa tũsĩkanaye. Kandi tuyitsinge umwʼebyo, omugulu tukalangira ekiro kyʼomukama kĩkahĩka hakũhĩ.
26Twamasimbirira erikwama ebibi omo pono, itwamabiminya ndeke omwatsi wʼekwenene, ko hatakiri buhere busana nʼebibi. 27Nĩkwa hali eririndirira omwʼiubaha omusango nʼomuliro owakalĩre, owakandisyabuga esyonzĩgũ sya Nyamuhanga. 28Oyukaketa Emigambo ya Musa akahola butsira eriganyirwa busana nʼerĩtũlago lyʼabalangĩrĩ babiri kutse basatu. 29Nʼoyukapona Omugala wa Nyamuhanga, nʼerilangira omusasi wʼendagane owamuhigula ngʼekindu buyira, atolere erisuyirwa kutsibu kwʼaho. Nʼoyukatsuma Omũlĩmũ wʼolukogo, uti omundu oyo siatolere erisuyirwa erĩkalĩre kutsibu kwʼaho kwehĩ? 30Kusangwa tũnasĩ oyo wabũga ati, Erĩkĩsya ni ryage, nasyaliha. Kandi oyo wabũga ati, Omwami Mukulu asyatswera abandu buwe. 31Ni kindu kyʼerĩũbahya eriwa omo byala bya Nyamuhanga oyuliho.
32Nĩkwa mwibuke ebiro byʼerĩmbere, omugulu mwabana ekyakakala kya Nyamuhanga, ngoko mwayĩyĩnaya butsira erĩkĩndwa omo malwa awakalĩre, nʼomo malĩge. 33Oko gundi mugulu mwabya imukatsumawa nʼerĩendererĩbwa embere syʼabandu bosĩ. Kandi momwaganzwa ngʼabandu abendererĩbawa batya. 34Kandi momwasangira amalĩge wʼabandu bʼomũlĩkĩ, kandi ĩmũkalĩga nʼobutseme erisagulwa ebindu byenyũ. Kusangwa mwabya ĩmũnasĩ ko munawite ebindu bibuya kwʼaho ebikandisyabyaho kera na kera. 35Neryo simuleke eriyiketera Nyamuhanga, kusangwa likaleta oluhembo lunene. 36Neryo litolere ĩmwayĩyĩnĩa, neryo imwakola erisonda lya Nyamuhanga, imwatoka eribana ebyo Nyamuhanga alaga. 37Kusangwa Amasako ati,
Kusangwa hakĩsĩya katambĩ kake
Nʼoyukasa asyahĩka;
I siendisyamala.
38Nĩkwa omutunganene wage asyabyaho busana nʼerĩkĩrĩrya liwe.
Nĩkwa amasuba enyũma, omutima wage siangamutsemera.
39Nĩkwa ĩtwe Situli ukwʼabo abakasuba enyũma nʼerihera, nĩkwa tuli ukwʼabo abakĩkĩrĩraya nʼerĩlamya emitima yabo.
Currently Selected:
Abaebrania 10: KB80
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.
Abaebrania 10
10
1Kusangwa Emigambo iri ngʼekyũtsũ-tsũ buyira kyʼemyatsi yowene eyikandisyahuluka. Siyirisosa kwenene emyatsi eyo. Emigambo siyangatoka erĩhĩkanĩa abandu abakahĩka hakũhĩ oko mahere ago bakahera oko buli mwaka butsira erĩũmbya. 2Kite kitya, kumbe abandu abakaramaya Nyamuhanga babiriera ndeke kwʼebibi byabo, kumbe obunyamutima bwabo sĩbwangakangyabo ebibi byabo. Kandi ĩbabĩrĩũmbya erihera obuhere. 3Nĩkwa amahere aya, abya akĩbũkya abandu ebibi byabo obuli mwaka. 4Kusangwa omusasi wʼesyonume nʼowʼesyombene sialitoka erĩlũsya ebibi.
5Neryo omugulu Kristo ahĩka omo kihugo mwabũga ati,
Amahere nʼesyohongo, sĩwanzĩrebyo,
Nĩkwa wabĩrĩnyĩkokoterya omubiri.
6Sulitatsemera amahere wʼerĩokya nʼamahere busana nʼerĩlũsya ebibi.
7Neryo monabũga nyiti, Ĩngye yono, namasa.
Erikola erisonda lyawe, uwe Nyamuhanga,
Ngoko kĩsakĩre busana nage omo kitabu kyʼEmigambo.
8Omugulu abũga erĩmbere ati, Amahere nʼesyohongo, nʼamahere wʼerĩokya nʼamahere busana nʼebibi, sĩwanzĩrebyo kutse eritsemerabyo. Mwabũga atya nomo amahere aya akaherawa ngoko Emigambo ikategeka. 9Neryo mwabũga ati, Lebaya, namasa erikola erisonda lyawe. Nyamuhanga akalũsaya amahere gosĩ wa kera nʼerĩhĩra obuhere bwa Kristo omo mwanya wago. 10Nĩkwa Yesu Kristo mwakola erisonda lya Nyamuhanga. Neryo kusangwa Yesu Kristo mwakola erisonda lya Nyamuhanga, twabirihigulwa, kusangwa Yesu Kristo abiriha omubiri wuwe go ngendo nguma busana na kera na kera.
11Obuli mũhererĩ wʼAbayũda akahangana ebiro byosĩ oko mũbĩrĩ wʼekisomo, nʼerihera amahere engendo nyingi. Amahere ayo sialitoka erĩlũsya ebibi. 12Nĩkwa Kristo mwahera obuhere buguma bwa kera na kera busana nʼebibi, neryo mwĩkala oko luhande lwʼamali lwa Nyamuhanga. 13Akalinda erĩhĩka aho esyonzĩgũ siwe syasyahĩrwa ngʼekĩtũmbĩ kyʼebisando biwe. 14Kusangwa omo buhere buguma abĩrĩhĩkanĩa kera na kera ababirihigulwa. 15NʼOmũlĩmũ Abũyĩrĩre nibya akatũtũlĩrago; kusangwa akatsũka eritubwira ati,
16Omwami Mukulu ati, Enyũma wʼebiro ebyo, nasyayira endagane haguma nabo.
Nasyahĩra emigambo yage omo mitima yabo,
Kandi nasyasĩkyayo omo malengekanĩa wabo.
17Nʼakandi ati,
Sindiendisyaswibuka ebibi byabo, nʼerĩhalya lyabo.
18Neryo ahali eribuyira lyʼebibi ebĩ, sihakiri kandi obwaga bwʼobuhere busana nʼerĩlũsya ebibi.
Tuyitwale hakũhĩ na Nyamuhanga
19Neryo balĩkyetu, tunawite obwĩranda bwʼeriingira Ahabũyĩrĩre Kutsibu busana nʼomusasi wa Yesu. 20Iye abĩrĩtũlĩbũlĩra enzira nyihya-nyihya, eyikaleta engebe, kandi eyikalaba omo kĩsũkũlĩryo kyʼomubiri wuwe. 21Neryo tuwite omũhererĩ mukulu Oyukasondola enyũmba ya Nyamuhanga. 22Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene. 23Tuhambe ndeke amaha wetu ago tũkwamĩre, butsira eritika-tika, kusangwa oyo watũla omwatsi oyũ sialiregula. 24Tũganĩraye ngoko twangĩbũkanĩa oko lwanzo nʼemĩbĩrĩ yowene. 25Situleke erĩhĩndana lyetu haguma, ngʼemibere yʼabandi bandu, nĩkwa tũsĩkanaye. Kandi tuyitsinge umwʼebyo, omugulu tukalangira ekiro kyʼomukama kĩkahĩka hakũhĩ.
26Twamasimbirira erikwama ebibi omo pono, itwamabiminya ndeke omwatsi wʼekwenene, ko hatakiri buhere busana nʼebibi. 27Nĩkwa hali eririndirira omwʼiubaha omusango nʼomuliro owakalĩre, owakandisyabuga esyonzĩgũ sya Nyamuhanga. 28Oyukaketa Emigambo ya Musa akahola butsira eriganyirwa busana nʼerĩtũlago lyʼabalangĩrĩ babiri kutse basatu. 29Nʼoyukapona Omugala wa Nyamuhanga, nʼerilangira omusasi wʼendagane owamuhigula ngʼekindu buyira, atolere erisuyirwa kutsibu kwʼaho. Nʼoyukatsuma Omũlĩmũ wʼolukogo, uti omundu oyo siatolere erisuyirwa erĩkalĩre kutsibu kwʼaho kwehĩ? 30Kusangwa tũnasĩ oyo wabũga ati, Erĩkĩsya ni ryage, nasyaliha. Kandi oyo wabũga ati, Omwami Mukulu asyatswera abandu buwe. 31Ni kindu kyʼerĩũbahya eriwa omo byala bya Nyamuhanga oyuliho.
32Nĩkwa mwibuke ebiro byʼerĩmbere, omugulu mwabana ekyakakala kya Nyamuhanga, ngoko mwayĩyĩnaya butsira erĩkĩndwa omo malwa awakalĩre, nʼomo malĩge. 33Oko gundi mugulu mwabya imukatsumawa nʼerĩendererĩbwa embere syʼabandu bosĩ. Kandi momwaganzwa ngʼabandu abendererĩbawa batya. 34Kandi momwasangira amalĩge wʼabandu bʼomũlĩkĩ, kandi ĩmũkalĩga nʼobutseme erisagulwa ebindu byenyũ. Kusangwa mwabya ĩmũnasĩ ko munawite ebindu bibuya kwʼaho ebikandisyabyaho kera na kera. 35Neryo simuleke eriyiketera Nyamuhanga, kusangwa likaleta oluhembo lunene. 36Neryo litolere ĩmwayĩyĩnĩa, neryo imwakola erisonda lya Nyamuhanga, imwatoka eribana ebyo Nyamuhanga alaga. 37Kusangwa Amasako ati,
Kusangwa hakĩsĩya katambĩ kake
Nʼoyukasa asyahĩka;
I siendisyamala.
38Nĩkwa omutunganene wage asyabyaho busana nʼerĩkĩrĩrya liwe.
Nĩkwa amasuba enyũma, omutima wage siangamutsemera.
39Nĩkwa ĩtwe Situli ukwʼabo abakasuba enyũma nʼerihera, nĩkwa tuli ukwʼabo abakĩkĩrĩraya nʼerĩlamya emitima yabo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.