Abanya Kolosaĩ 1
1
1Ĩngye Paũlo, indi mukwenda wa Kristo Yesu okwʼisonda lya Nyamuhanga haguma na Tĩmoteo mũlĩkyetu tukabasakira.
2Ĩnywe bandu ba Nyamuhanga abĩkere eKolosaĩ, nenyũ balĩkyetu abateregula erikwama Kristo,
Nyamuhanga Tata wetu abahe olukogo nʼobuholo.
Paũlo akaha Nyamuhanga ewasĩngya
3Obuli mugulu tukabasabira, tukaha ewasĩngya uku Nyamuhanga, iye Tata nʼOmukama wetu Yesu Kristo. 4Kusangwa twabĩrĩowa ngoko mwabĩrĩkĩrĩrya Kristo Yesu, kandi twabĩrĩowa ngoko mwanzĩre abandu bosĩ ba Nyamuhanga. 5Omugulu ebĩnywa byʼekwenene byʼEngulu Yowene byabahĩkako erĩmbere, mobyabaletera amaha. Neryo erĩkĩrĩrya lyenyũ nʼolwanzo lwenyũ bikahangana oko maha wʼerilama awabĩkĩre busana nenyũ elubula. 6Engulu Yowene inemuleta omũyĩsa, kandi inemukanyirira omo kihugo kyosĩ. Litya yabirikola omo katĩkatĩ kenyũ erĩtsũka ekiro mowa engulu yʼolukogo lwa Nyamuhanga nʼeriminyalo ndeke-ndeke ngoko luli kwenene. 7Ye Epafra, omugombe mwanze haguma netu mwabakangĩrĩrya Engulu Yowene. Naye ni mukwenda oyuteregula, wa Kristo omo mwanya wetu. 8Epafra mwatubwira omwatsi wʼolwanzo olo Mũlĩmũ Abũyĩrĩre abiribaha.
Erĩtongolĩbwa oko kagala kʼomwĩrĩmya
9Busana nʼomwatsi oyũ, tukabasabira ebiro byosĩ erĩtsũka ekiro towa engulu yenyũ. Tukasaba Nyamuhanga tuti abamĩnyĩsaye ndeke-ndeke erisonda liwe haguma nʼamenge gosĩ nʼerĩowa lyosĩ, ebyo Mũlĩmũ Abũyĩrĩre akatuha. 10Neryo imwasyatoka eri rendera ngoko Mukama anzĩre, nʼerikola ebiro byosĩ ebĩkamũtsemesaya. Kandi imwasyakanyirira erikola emĩbĩrĩ yosĩ mibuya ya Nyamuhanga, kandi imwamuminya ndeke kwilaba erĩmbere. 11Kumbe mukabana maka nʼakagala kosĩ ebĩkalũa omo bũtokĩ bubuya buwe, imwatoka erĩyĩyĩnĩa omo myatsi yosĩ haguma nʼeriyibombeka. 12Mutseme nʼeriha ewasĩngya uku Tata, oyo waleka imwatoka erisangira ebyo Nyamuhanga abirilaga abandu buwe omo bwami bwʼekyakakala. 13Kusangwa mwatusabula oko hamũlĩ yʼobwami bwʼomwĩrĩmya nʼerĩtũhũmĩrya omo bwami bwʼomugala wuwe mwanze. 14Kristo abĩrĩtũtongolya nʼeritubuyira ebibi byetu.
Kristo nindi, kandi mwakolakĩ kwehĩ?
15Kristo nĩ kĩsosekanĩo kya Nyamuhanga oyutelolawako. Kristo ni Mugala akambere, oyũlabĩre ebyosĩ byahangikawa. 16Kusangwa Nyamuhanga mwahangika ebindu byosĩ omo byala bya Kristo, ebiri omo lubula, nʼebiri oko kihugo, ebindu ebikalolawako, nʼebindu ebitelolawako nomo angabya mami, kutse abakama, kutse abatabalĩ, kutse abʼehamũlĩ. Nyamuhanga mwahangika obuli kindu omo byala bya Kristo, na busana naye. 17Kristo mwabyaho embere wʼemyatsi yosĩ, kandi omwisi wuwe emyatsi yosĩ ikawatana. 18Iye ni mutwe wʼomubiri wuwe, ye kanĩsa; kandi iye nĩ ʼtsũka lyʼekanĩsa; kandi, iye ni kambere kʼerĩlũa omo baholĩ, iniatoka eribya owʼerĩmbere, omukulu wʼemyatsi yosĩ. 19Kusangwa molyatsemesya Tata, ati Mugala alingirirane naye ndeke, ahĩkane naye. 20Neryo Nyamuhanga mwayisoha ati Kristo asanganaye emyatsi yosĩ ukwʼiye, emyatsi yosĩ omo lubula, nʼeyiri oko kihugo. Kristo mũta omusasi wuwe oko musalaba erituletera Obuholo.
21Erĩmbere ĩnywe mwabya hali uku Nyamuhanga imwabiriyiyira mo nzĩgũ siwe omo bũlengekanĩa bwenyũ busana nʼemyatsi mibi mwabya mukakola. 22Nĩkwa lino Nyamuhanga abĩrĩbasanganĩa ukwʼiye omo luholo lwʼomubiri wa Yesu, iniatoka eribaleta embere sya Nyamuhanga imune babũyĩrĩre nʼababuya, butsira ekĩnywa ekyangabahandikirira. 23Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.
Omũbĩrĩ wa Paũlo omo makanĩsa
24Neryo lino ngatsema omo malĩge wage busana nenyũ. Kusangwa omo mubiri wage ngasangira amalĩge wa Kristo busana nʼomubiri wuwe ye kanĩsa. Ngawatĩkaya erĩberererya amalĩge wuwe. 25Kandi Nyamuhanga abĩrĩnyĩhĩra mo mukwenda wʼekanĩsa ya Nyamuhanga. Abirimba omũbĩrĩ wʼerĩbakangĩrĩrya ndeke ekĩnywa kya Nyamuhanga, 26na kyo nĩ kũmbo eryabĩsawa oko bandu oko migulu yosĩ eyalaba. Nĩkwa lino abĩrĩbĩsũlalyo oko bandu buwe. 27Nyamuhanga mwanza erĩkũmbũla oko bandu buwe erĩkũmbo libuya erĩ eryo awite busana nʼebihanda byosĩ. Erĩkũmbo eryo ni Kristo omwisi wenyũ; erĩ ni maha wʼolukengerwa lwa Nyamuhanga. 28Litya tũkakanaya Kristo oko buli mundu. Tukahana obuli mundu, nʼerĩkangĩrĩrya obuli mundu omo menge gosĩ, itwatoka erireta obuli mundu embere sya Nyamuhanga, omundu oyo ĩnĩabĩrĩhĩkana busana nʼerimatikana na Kristo. 29Busana nʼekyo, ngakola kutsibu nʼeriyitsinga nʼomũhwa gosĩ ngʼobũtokĩ bwa Kristo obukakola omwisi wage kutsibu.
Currently Selected:
Abanya Kolosaĩ 1: KB80
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.
Abanya Kolosaĩ 1
1
1Ĩngye Paũlo, indi mukwenda wa Kristo Yesu okwʼisonda lya Nyamuhanga haguma na Tĩmoteo mũlĩkyetu tukabasakira.
2Ĩnywe bandu ba Nyamuhanga abĩkere eKolosaĩ, nenyũ balĩkyetu abateregula erikwama Kristo,
Nyamuhanga Tata wetu abahe olukogo nʼobuholo.
Paũlo akaha Nyamuhanga ewasĩngya
3Obuli mugulu tukabasabira, tukaha ewasĩngya uku Nyamuhanga, iye Tata nʼOmukama wetu Yesu Kristo. 4Kusangwa twabĩrĩowa ngoko mwabĩrĩkĩrĩrya Kristo Yesu, kandi twabĩrĩowa ngoko mwanzĩre abandu bosĩ ba Nyamuhanga. 5Omugulu ebĩnywa byʼekwenene byʼEngulu Yowene byabahĩkako erĩmbere, mobyabaletera amaha. Neryo erĩkĩrĩrya lyenyũ nʼolwanzo lwenyũ bikahangana oko maha wʼerilama awabĩkĩre busana nenyũ elubula. 6Engulu Yowene inemuleta omũyĩsa, kandi inemukanyirira omo kihugo kyosĩ. Litya yabirikola omo katĩkatĩ kenyũ erĩtsũka ekiro mowa engulu yʼolukogo lwa Nyamuhanga nʼeriminyalo ndeke-ndeke ngoko luli kwenene. 7Ye Epafra, omugombe mwanze haguma netu mwabakangĩrĩrya Engulu Yowene. Naye ni mukwenda oyuteregula, wa Kristo omo mwanya wetu. 8Epafra mwatubwira omwatsi wʼolwanzo olo Mũlĩmũ Abũyĩrĩre abiribaha.
Erĩtongolĩbwa oko kagala kʼomwĩrĩmya
9Busana nʼomwatsi oyũ, tukabasabira ebiro byosĩ erĩtsũka ekiro towa engulu yenyũ. Tukasaba Nyamuhanga tuti abamĩnyĩsaye ndeke-ndeke erisonda liwe haguma nʼamenge gosĩ nʼerĩowa lyosĩ, ebyo Mũlĩmũ Abũyĩrĩre akatuha. 10Neryo imwasyatoka eri rendera ngoko Mukama anzĩre, nʼerikola ebiro byosĩ ebĩkamũtsemesaya. Kandi imwasyakanyirira erikola emĩbĩrĩ yosĩ mibuya ya Nyamuhanga, kandi imwamuminya ndeke kwilaba erĩmbere. 11Kumbe mukabana maka nʼakagala kosĩ ebĩkalũa omo bũtokĩ bubuya buwe, imwatoka erĩyĩyĩnĩa omo myatsi yosĩ haguma nʼeriyibombeka. 12Mutseme nʼeriha ewasĩngya uku Tata, oyo waleka imwatoka erisangira ebyo Nyamuhanga abirilaga abandu buwe omo bwami bwʼekyakakala. 13Kusangwa mwatusabula oko hamũlĩ yʼobwami bwʼomwĩrĩmya nʼerĩtũhũmĩrya omo bwami bwʼomugala wuwe mwanze. 14Kristo abĩrĩtũtongolya nʼeritubuyira ebibi byetu.
Kristo nindi, kandi mwakolakĩ kwehĩ?
15Kristo nĩ kĩsosekanĩo kya Nyamuhanga oyutelolawako. Kristo ni Mugala akambere, oyũlabĩre ebyosĩ byahangikawa. 16Kusangwa Nyamuhanga mwahangika ebindu byosĩ omo byala bya Kristo, ebiri omo lubula, nʼebiri oko kihugo, ebindu ebikalolawako, nʼebindu ebitelolawako nomo angabya mami, kutse abakama, kutse abatabalĩ, kutse abʼehamũlĩ. Nyamuhanga mwahangika obuli kindu omo byala bya Kristo, na busana naye. 17Kristo mwabyaho embere wʼemyatsi yosĩ, kandi omwisi wuwe emyatsi yosĩ ikawatana. 18Iye ni mutwe wʼomubiri wuwe, ye kanĩsa; kandi iye nĩ ʼtsũka lyʼekanĩsa; kandi, iye ni kambere kʼerĩlũa omo baholĩ, iniatoka eribya owʼerĩmbere, omukulu wʼemyatsi yosĩ. 19Kusangwa molyatsemesya Tata, ati Mugala alingirirane naye ndeke, ahĩkane naye. 20Neryo Nyamuhanga mwayisoha ati Kristo asanganaye emyatsi yosĩ ukwʼiye, emyatsi yosĩ omo lubula, nʼeyiri oko kihugo. Kristo mũta omusasi wuwe oko musalaba erituletera Obuholo.
21Erĩmbere ĩnywe mwabya hali uku Nyamuhanga imwabiriyiyira mo nzĩgũ siwe omo bũlengekanĩa bwenyũ busana nʼemyatsi mibi mwabya mukakola. 22Nĩkwa lino Nyamuhanga abĩrĩbasanganĩa ukwʼiye omo luholo lwʼomubiri wa Yesu, iniatoka eribaleta embere sya Nyamuhanga imune babũyĩrĩre nʼababuya, butsira ekĩnywa ekyangabahandikirira. 23Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.
Omũbĩrĩ wa Paũlo omo makanĩsa
24Neryo lino ngatsema omo malĩge wage busana nenyũ. Kusangwa omo mubiri wage ngasangira amalĩge wa Kristo busana nʼomubiri wuwe ye kanĩsa. Ngawatĩkaya erĩberererya amalĩge wuwe. 25Kandi Nyamuhanga abĩrĩnyĩhĩra mo mukwenda wʼekanĩsa ya Nyamuhanga. Abirimba omũbĩrĩ wʼerĩbakangĩrĩrya ndeke ekĩnywa kya Nyamuhanga, 26na kyo nĩ kũmbo eryabĩsawa oko bandu oko migulu yosĩ eyalaba. Nĩkwa lino abĩrĩbĩsũlalyo oko bandu buwe. 27Nyamuhanga mwanza erĩkũmbũla oko bandu buwe erĩkũmbo libuya erĩ eryo awite busana nʼebihanda byosĩ. Erĩkũmbo eryo ni Kristo omwisi wenyũ; erĩ ni maha wʼolukengerwa lwa Nyamuhanga. 28Litya tũkakanaya Kristo oko buli mundu. Tukahana obuli mundu, nʼerĩkangĩrĩrya obuli mundu omo menge gosĩ, itwatoka erireta obuli mundu embere sya Nyamuhanga, omundu oyo ĩnĩabĩrĩhĩkana busana nʼerimatikana na Kristo. 29Busana nʼekyo, ngakola kutsibu nʼeriyitsinga nʼomũhwa gosĩ ngʼobũtokĩ bwa Kristo obukakola omwisi wage kutsibu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.