Matayo ENAITURUK
ENAITURUK
Ore ilomon supati ootisira MATAYO, nelimu ilomon supati oojo ore Yesu naa ninye apa Olaitajeunoni otolimuoki, laa te ninye eitabayie Enkai enkisiligata apa naisiligie iltung'ana lenyena to Sotua Musana. Ore kulo omon supati; neme iloo ltung'ana loo Lyahudi ake hoo naa teine apa etoiwuoki Yesu, nemanya sii kake ile nkop pooki.
Ore embuku e Matayo neigero te nkipirakinoto. Eiteru te inoto e Yesu, nelimu enkibatisa enye o ntemata enye pee etem Sheitani, o enkiterunoto e siaai enye elikioroto o ororei enkiteng'enare enye, o enkishiunoto naishiunye olorere te Galilaya. Ore pee eishunye kuna neutu embuku e lototo e Yesu eing'uaa Galilaya alo Yerusalem o mbaa e Yesu e wiki enye nabayie o metabaiki enkata natashoki ninye to salaba o empiunoto enye.
Ore ena buku neibalie Yesu aa olaiteng'enani kitok, laa keeta engolon nalimu aibalunye inkitanapat e Nkai neiteng'enisho sii imbaa naaipirta enkitoria e Nkai. Ore inkiteng'enat enyena neoro katitin imiet. (1) Enkiroroto elimunoto oo lomon to ldoinyio naautu olkuaak, o isiaaitin, o mayianat, o enkiting'oto e lelo ajung'ok le nkitoria e shumata 5-7 (2) Inkiteng'enat naaipirta ilooiteng'eni tomon aare te siaai enye (10) (3) Inkitanyaanyukot naaipirta enkitoria e shumata (13) (4) Enkiteng'enare naipirta ilooiteng'enisho (18) (5) Enkiteng'enare naipirta enkiting'oto ena kishon o elotunoto enkitoria e Nkai eing'uaa shumata (24 - 25).
Iorot oo Matuan
Entipat o einoto e Yesu Kristo 1.1–2.23
Esiaai e Yohana Olaibatisani 3.1-12
Enkibatisa o entemata natetemaki Yesu 3.13–4.11
Esiaai e Yesu te Galilaya 4.12–18.35
Eiteru Yesu te Galilaya ometabaiki Yerusalem 19.1–20.34
Ewiki nabayie etii atua o embata e Yerusalem 21.1–27.66
Empiunoto o enkipang'akinoto o Laitoriani 28.1-20
Currently Selected:
Matayo ENAITURUK: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
Matayo ENAITURUK
ENAITURUK
Ore ilomon supati ootisira MATAYO, nelimu ilomon supati oojo ore Yesu naa ninye apa Olaitajeunoni otolimuoki, laa te ninye eitabayie Enkai enkisiligata apa naisiligie iltung'ana lenyena to Sotua Musana. Ore kulo omon supati; neme iloo ltung'ana loo Lyahudi ake hoo naa teine apa etoiwuoki Yesu, nemanya sii kake ile nkop pooki.
Ore embuku e Matayo neigero te nkipirakinoto. Eiteru te inoto e Yesu, nelimu enkibatisa enye o ntemata enye pee etem Sheitani, o enkiterunoto e siaai enye elikioroto o ororei enkiteng'enare enye, o enkishiunoto naishiunye olorere te Galilaya. Ore pee eishunye kuna neutu embuku e lototo e Yesu eing'uaa Galilaya alo Yerusalem o mbaa e Yesu e wiki enye nabayie o metabaiki enkata natashoki ninye to salaba o empiunoto enye.
Ore ena buku neibalie Yesu aa olaiteng'enani kitok, laa keeta engolon nalimu aibalunye inkitanapat e Nkai neiteng'enisho sii imbaa naaipirta enkitoria e Nkai. Ore inkiteng'enat enyena neoro katitin imiet. (1) Enkiroroto elimunoto oo lomon to ldoinyio naautu olkuaak, o isiaaitin, o mayianat, o enkiting'oto e lelo ajung'ok le nkitoria e shumata 5-7 (2) Inkiteng'enat naaipirta ilooiteng'eni tomon aare te siaai enye (10) (3) Inkitanyaanyukot naaipirta enkitoria e shumata (13) (4) Enkiteng'enare naipirta ilooiteng'enisho (18) (5) Enkiteng'enare naipirta enkiting'oto ena kishon o elotunoto enkitoria e Nkai eing'uaa shumata (24 - 25).
Iorot oo Matuan
Entipat o einoto e Yesu Kristo 1.1–2.23
Esiaai e Yohana Olaibatisani 3.1-12
Enkibatisa o entemata natetemaki Yesu 3.13–4.11
Esiaai e Yesu te Galilaya 4.12–18.35
Eiteru Yesu te Galilaya ometabaiki Yerusalem 19.1–20.34
Ewiki nabayie etii atua o embata e Yerusalem 21.1–27.66
Empiunoto o enkipang'akinoto o Laitoriani 28.1-20
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.