民數記 26
26
第二擺个人口調查
1發瘟停掉以後，上主對摩西㧯祭司亞倫个孻仔以利亞撒講： 2「你等愛調查以色列全會眾个人口，愛一家族一家族調查，將二十歲以上、會相㓾个男人登記下來算人數。」 3-4摩西㧯祭司以利亞撒就召集所有二十歲以上个男人。佢等聚集在耶利哥對岸約旦河壩滣个摩押平原。
對埃及出來个以色列人有這兜：
5 呂便支族 (呂便係以色列个長子)：包含哈諾、法路、 6希斯崙、迦米等宗族； 7登記个人數一共有四萬三千七百三十人。
8 法路个後代有以利押， 9㧯以利押个孻仔尼母利、大坍、亞比蘭。 (大坍㧯亞比蘭係會眾選出來个；佢等反抗摩西㧯亞倫，加入可拉一黨，悖逆上主。 10地裂開吞掉佢等。當火消滅兩百五十人个時，佢等㧯可拉共黨个人共下死掉，成做民眾个警戒。 11總係可拉該兜孻仔無死。)
12 西緬支族：包含尼母利、雅憫、雅斤、 13謝拉、少羅等宗族； 14登記个人數一共有兩萬兩千兩百人。
15 迦得支族：包含洗分、哈基、書尼、 16阿斯尼、以利、 17亞律、亞列利等宗族； 18登記个人數一共有四萬零五百人。
19-21 猶大支族：包含示拉、法勒斯、謝拉、希斯崙、哈母勒等宗族。 (猶大个兩個孻仔珥㧯俄南已經死在迦南地。) 22這兜宗族登記个人數一共有七萬六千五百人。
23 以薩迦支族：包含陀拉、普瓦、 24雅述、伸崙等宗族； 25登記个人數一共有六萬四千三百人。
26 西布倫支族：包含西烈、以倫、雅利等宗族； 27登記个人數一共有六萬零五百人。
28 約瑟有兩個孻仔 — 瑪拿西㧯以法蓮 — 所以分做兩隻支族。
29 瑪拿西支族：瑪拿西𫱔瑪吉，瑪吉𫱔基列。 30基列係伊以謝、希勒、 31亞斯烈、示劍、 32示米大、希弗各宗族个祖先。 33希弗个孻仔西羅非哈無孻仔，只有妹仔；姖等个名安到瑪拉、挪阿、曷拉、密迦㧯得撒。 34這兜宗族登記个人數一共有五萬兩千七百人。
35 以法蓮支族：包含書提拉、比結、他罕等宗族， 36還有書提拉个後代以蘭宗族。 37這兜宗族登記个人數一共有三萬兩千五百人。
以上這兜宗族係約瑟个後代。
38 便雅憫支族：包含比拉、亞實別、亞希蘭、 39書反、戶反等宗族， 40還有比拉个後代亞勒㧯乃幔兩宗族。 41這兜宗族登記个人數一共有四萬五千六百人。
42 但支族：有書含宗族； 43登記个人數一共有六萬四千四百人。
44 亞設支族：包含音拿、亦施韋、比利亞等宗族； 45還有比利亞个後代希別㧯馬結兩宗族。 46亞設有一個妹仔安到西拉。 47這兜宗族登記个人數一共有五萬三千四百人。
48 拿弗他利支族：包含雅薛、沽尼、 49耶色、示冷等宗族； 50登記个人數一共有四萬五千四百人。
51 以色列人登記个人數總共有六十萬一千七百三十人。
52上主對摩西講： 53「你愛照各支族个人數分配土地， 54-56用抽籤个方式將闊个土地給人數多个支族，狹个土地給人數少个支族。愛照祖先各支族个名分配土地。」
57 利未支族有革順、哥轄、米拉利三宗族。 58佢等个後代有立尼、希伯倫、瑪利、母示、可拉等宗族。哥轄𫱔暗蘭。 59暗蘭討出世在埃及个利未个妹仔約基別。姖㧯暗蘭𫱔兩個孻仔 — 亞倫㧯摩西，並佢等个阿姊美莉安。 60亞倫有四個孻仔 — 拿答、亞比戶、以利亞撒、以他瑪。 61拿答㧯亞比戶在獻無合法个火給上主个時死掉。 62出世一隻月以上个男人，利未支族一共有兩萬三千人。佢等㧯其他个以色列人分開登記，因為佢等在以色列中無分到產業。
63 以色列人在耶利哥對岸約旦河滣个摩押平原个時，摩西㧯祭司以利亞撒完成人口調查。以上各宗族个人口就係佢等所登記个， 64底背無一個係以前摩西㧯祭司亞倫在西奈曠野第一擺人口調查个時所登記个以色列人。 65上主識講過，佢等全部會死在曠野；除了耶孚尼个孻仔迦勒㧯嫩个孻仔約書亞以外，其他个一個都無賸。
Currently Selected:
民數記 26: THV12Hdb
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2012
All rights reserved
© 台灣聖經公會版權所有 2012
