Daniele 3
3
Ku Nibukadenezere wadrekase ku asukubane ki nituumawmasane ka kingi
1Ku talialalai ka Nibukadenezere twaumawmase ku kingi tuvaeva, ku ubelengane 27 ka mituru, ku ngulapane 3 ka mituru, la cegecege pikai tali Babilunia ka dratane ka Dura. 2Ku talialalai wasarubu ki latabebelenge makanaelre, paelre ki lasutu, lasiwciu, la mwasakadrusa ki siwciu, la taradrekadrekase ki kwapingi, lataramarasikaikai ki tacekecekelane ki cekele, latarasaibaibange, tabebelenge ki lacekele, si drumane ka latabebelenge ki lasiu, ku lrika akipaelreane lu tulrisisi ku tatulrepengane si cegecege ku niarakingiane tuumawmase ki talialalai ka Nibukadenezere. 3Ku latabebelenge si lakiacapili ki kunkwane ka latabebelenge la yelrelre makanaelre kipaelre ki tatulrisisiane; kwi lalasu sa acegecege icucubungu ki nitu umawmasane ka kingi, 4ku mabelenge ki tarasatesatedre ku drekase ki talialalai la akwadrau pelaela, “Lakuni, lazuku, la makaelaeela ku vaga ka laumawmase, 5sana kilalra numi ku ngiarapa, ngiabulalri, ngialebere ngipatungutungu, sanaka liingau ki sarakaikaiyane kapeaperau, guruthungana makanaelre sukubu ku niara kingiane tuumawmase ki talialalai ka Nibukadenezere. 6Sanaka kai waguruthungane si sukubu, lri makakaai kiverevere pwa ki wakelrakelrakelrabe kadrareeange adringi ka talamalamane ki nitudilrungane.” 7Ngwalai kikai, kwini la sarakaikaiyane kapeaperau ka lapatungutungu sana siasiange, ku lakuni, lazuku, lamakaelaela ku vaga ka laumawmase lri guruthungane makanaelre icakena si sukubu ku tuumawmase ki Nibukadenezere ara kingi si cegecege.
Ku tatulru ka talragi ki Daniele kiahukuku ka wabaebalre ku drekase
8Sakamani kwidra, yakai kwidra la swa Babilunia ku sakai kikai si hukuku ki swa Yuda. 9Kwi lalasu amia kai ki talialalai ka Nibukadenezere, “Talialalai banzai! 10Talialalai nawadrekasengasu, sana siange ku lasarakaikaiyane kapeaperau, sanaka umawmase lri guruthungane makanaelre si sukubu ki nituumawmasane ara kingi; 11ku kai gwaruthungane si sukubu, amani ku lri kiverevere pwa ki wakelrakelrakelrabe kadrareeange adringi ka talamalamane ki nitudilrungane. 12Ku sikawlusu ka talialalai pamarasikai Babilunia ka siu kudra tapiya ku tabebelenge ka swa Yuda ka Saderake, Misake, si Abidenigu wabaebalre ku drekase ki talialalai. Kwi lalasu kai wasukubu ki twaumase ki talialalai, la kai papia sukubu kudra cegecege ki talialalai ku nituumawmasane ka kingi.”
13Ku talialalai sa kilalra kikai, la tubeebelre ki lisiane, si drekase malra iluku kai ki tatulru pucucubungu iniane. 14Ku talialalai amia kai liniane, “Saderake, Misake, si Abidenigu, tengane ka kainu wasukubu ki twaumaseli, ka kai papia ki cegecegeli tuumawmase ka kingi sukubu? 15Kaiasasane, sana kilalra numi ku ngiarapa, ngiabulalri, ngiapatungutungu, ngialebere, si sanaka sarakaiyane kapeaperau ku lingau, papia ki nituumawmasane ka kingi guruthungane sukubu; ku kai wasukubu ku umawmase lri makakaai kiverevere pwa ki wakelrakelrakelrabe kadrareeange adringi ka talamalamane ki nitudilrungane. Lu kidremedreme numi yakai ku twaumase ku lri maka palribulu naiane kalrabuthu ki alrimali amia numi?”
16Ku Saderake, Misake, Abidenigu la tubalre, “Talialalai, kai nai lri maka ngipapasikai kawriva. 17Ku sukusukubu nai ka Twaumase alaiyasi dulru palribulu naiane pakidaili ki madrareange ka apwi ka talamalamane ki nitudilrungane si pukusu, lri tara palribulu naiane#3.17 “alaiyasi ... lri tara palribulu naiane” ku wahunyake madu iya kai “alaiyasi ka patengane nai kai sukubu ki twaumasesu si kwidra cegecegesu ku kingi ka samiamiange, kwidra sukusukubu nai ka Twaumase lri palribulu naiane pakidaili ki madrareareange ka apwi ki talamalamane ki ladilrungu, lai lri palribulu naiane pakidaili ki pukusu, kwi lasu lri tara piya kikai”.. 18Talialalai, adravane kai palribulu naiane, kai nai lri sukubu ki twaumasesu lutumane, lai kai nai lri papia ki cegecegesu ka nituumawmasane ka kingi sukubu.”
Ku tatulru ka talrailragi ki Daniele kiasaibange si lri kipapacai
19Ku Nibukadenezere ka talialalai sa kilalranga, akabalrithi ku lringau, si papia ki Saderake, Misake, si Abidenigu tubeebelre kalisi. Ku talialalai la drekase ki maecebe aru twapwi pakadrareange ka madrareareeangenga lribate ku drareangane ki tapiapiane lu twapwi, 20Ku talialalai la drekase ki tagagagaarangenga ka kwapingi si malra kai ki tatulru kerenge, si verevere pwa ki talamalamane ki nitudilrungane ka apwi. 21Ku lakwapingi la kerenge kai ki tatulru ka umawmase, si verevere liniane pwadringi. Sakamani kwidra kikai tatulru madeemele ku tasilaimadhane, sia sapakadriadringane, pakabelenge ku sapakabelebelengane ku laimai, la sitalrupunu. 22Ngwalai ku tapakilringavane drekase ki talialalai, kwini talamalamane ki nitudilrungane madrareange turamuru, ku mwa latadre kelrabe ku apwi walama papacai kudra ki marasiakai kaungu ku drekase ka lakwapingi. 23Sakamani kwidra, ku Saderake, Misake, si Abidenigu kikekerengeana, mwa adringi ki madrareange ka apwi.
24Ala kirimu, ku talialalai ka Nibukadenezere ngituluku si ituku, la kivaga ki laabelenge, “Kai ka tatulru ku kerengeta, si verevere pwa adringi ki talamalamane ki nitudilrungane ka madrareange ka apwi?”
Kwi lalasu la tubalre, “Unu, talialalai!”
25Ku talialalai la kivaga, “Anau drele ka tasupate ka umawmase yakai ki apwi dadadavace masasawlriwlriwlri? Ka lalasu kadrwa ku kiakerenge makanaelre, laka kadrwa ku natikiyanenga ku takuculwane, si kavai mwasakasupate ka umawmase lu drelane mia ki twaumase#3.25 “twaumase” ku wahunyake madu “sasiakawlu belenge” iya..”
Kwi tatulru kiapulatadre si aru kituabelenge
26Kwi Nibukadenezere la katwase aru dethe kwini ki madralrangedrange ka lrawlrawdru ki talamalamane ki nitudilrungane, ala akwadrau tawtau, “Saderake! Misake! Abidenigu! Ka lasasiakawlu ki Abebeelengenga ka Twaumase, bwala mulatadra!” Kwi lalasu la makakaai twalai ki apwi kainganai. 27Kwini lasutu, lasiwciu, lamwasaka drusa ki siwciu, si drumane ka latabebelenge ki kunkwane la yelrelre makanaelre si ngithalringulu drele kai ki tatulru ka umawmase. Kwi lalasu laka kadrwa ku takuculwane; ku isiu la kai kuleseme, ku laimai kai kwatulrau, ku kinawmasane kadrwa ku tasanguebelrane.
28Ku talialalai la iya kai, “Ku Twaumase ki Saderake, Misake, si Abidenigu ani kidrengedrengere! Siakawlu ki sasiakawlu belenge kainganai palribulu ki masalru satalu iniane ka sasiakawluini. Kwi lalasu walreme pacai ku niake si baebalre ku drekaseli, la kai mubangalre guruthungane sukubu ki sanaka twaumase; kai lalasu savaeva sukubu ki Twaumase lini.
29“Kaiasasane lri drekasaku: Adravane ka swa inu ka kuni, ka swa inu ka zuku, ka arakaikai ku vaga ki sumanemane, sanaka twalilisi ki Twaumase ki Saderake, Misake, Abidenigu, lri kingetele ku alrima si drapale makanaelre, ku daaneini lri atawlrakavane; asi lwiyane kadrwa ku drumane ku twaumase ku lri dulru pia kikai palribulu.”
30Ku talialalai la parwa belenge ki tatulru ka Saderake, Misake, Abidenigu, ikai ki swa Babilunia ka siu arwa abelenge ku taetalane.
Currently Selected:
Daniele 3: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Daniele 3
3
Ku Nibukadenezere wadrekase ku asukubane ki nituumawmasane ka kingi
1Ku talialalai ka Nibukadenezere twaumawmase ku kingi tuvaeva, ku ubelengane 27 ka mituru, ku ngulapane 3 ka mituru, la cegecege pikai tali Babilunia ka dratane ka Dura. 2Ku talialalai wasarubu ki latabebelenge makanaelre, paelre ki lasutu, lasiwciu, la mwasakadrusa ki siwciu, la taradrekadrekase ki kwapingi, lataramarasikaikai ki tacekecekelane ki cekele, latarasaibaibange, tabebelenge ki lacekele, si drumane ka latabebelenge ki lasiu, ku lrika akipaelreane lu tulrisisi ku tatulrepengane si cegecege ku niarakingiane tuumawmase ki talialalai ka Nibukadenezere. 3Ku latabebelenge si lakiacapili ki kunkwane ka latabebelenge la yelrelre makanaelre kipaelre ki tatulrisisiane; kwi lalasu sa acegecege icucubungu ki nitu umawmasane ka kingi, 4ku mabelenge ki tarasatesatedre ku drekase ki talialalai la akwadrau pelaela, “Lakuni, lazuku, la makaelaeela ku vaga ka laumawmase, 5sana kilalra numi ku ngiarapa, ngiabulalri, ngialebere ngipatungutungu, sanaka liingau ki sarakaikaiyane kapeaperau, guruthungana makanaelre sukubu ku niara kingiane tuumawmase ki talialalai ka Nibukadenezere. 6Sanaka kai waguruthungane si sukubu, lri makakaai kiverevere pwa ki wakelrakelrakelrabe kadrareeange adringi ka talamalamane ki nitudilrungane.” 7Ngwalai kikai, kwini la sarakaikaiyane kapeaperau ka lapatungutungu sana siasiange, ku lakuni, lazuku, lamakaelaela ku vaga ka laumawmase lri guruthungane makanaelre icakena si sukubu ku tuumawmase ki Nibukadenezere ara kingi si cegecege.
Ku tatulru ka talragi ki Daniele kiahukuku ka wabaebalre ku drekase
8Sakamani kwidra, yakai kwidra la swa Babilunia ku sakai kikai si hukuku ki swa Yuda. 9Kwi lalasu amia kai ki talialalai ka Nibukadenezere, “Talialalai banzai! 10Talialalai nawadrekasengasu, sana siange ku lasarakaikaiyane kapeaperau, sanaka umawmase lri guruthungane makanaelre si sukubu ki nituumawmasane ara kingi; 11ku kai gwaruthungane si sukubu, amani ku lri kiverevere pwa ki wakelrakelrakelrabe kadrareeange adringi ka talamalamane ki nitudilrungane. 12Ku sikawlusu ka talialalai pamarasikai Babilunia ka siu kudra tapiya ku tabebelenge ka swa Yuda ka Saderake, Misake, si Abidenigu wabaebalre ku drekase ki talialalai. Kwi lalasu kai wasukubu ki twaumase ki talialalai, la kai papia sukubu kudra cegecege ki talialalai ku nituumawmasane ka kingi.”
13Ku talialalai sa kilalra kikai, la tubeebelre ki lisiane, si drekase malra iluku kai ki tatulru pucucubungu iniane. 14Ku talialalai amia kai liniane, “Saderake, Misake, si Abidenigu, tengane ka kainu wasukubu ki twaumaseli, ka kai papia ki cegecegeli tuumawmase ka kingi sukubu? 15Kaiasasane, sana kilalra numi ku ngiarapa, ngiabulalri, ngiapatungutungu, ngialebere, si sanaka sarakaiyane kapeaperau ku lingau, papia ki nituumawmasane ka kingi guruthungane sukubu; ku kai wasukubu ku umawmase lri makakaai kiverevere pwa ki wakelrakelrakelrabe kadrareeange adringi ka talamalamane ki nitudilrungane. Lu kidremedreme numi yakai ku twaumase ku lri maka palribulu naiane kalrabuthu ki alrimali amia numi?”
16Ku Saderake, Misake, Abidenigu la tubalre, “Talialalai, kai nai lri maka ngipapasikai kawriva. 17Ku sukusukubu nai ka Twaumase alaiyasi dulru palribulu naiane pakidaili ki madrareange ka apwi ka talamalamane ki nitudilrungane si pukusu, lri tara palribulu naiane#3.17 “alaiyasi ... lri tara palribulu naiane” ku wahunyake madu iya kai “alaiyasi ka patengane nai kai sukubu ki twaumasesu si kwidra cegecegesu ku kingi ka samiamiange, kwidra sukusukubu nai ka Twaumase lri palribulu naiane pakidaili ki madrareareange ka apwi ki talamalamane ki ladilrungu, lai lri palribulu naiane pakidaili ki pukusu, kwi lasu lri tara piya kikai”.. 18Talialalai, adravane kai palribulu naiane, kai nai lri sukubu ki twaumasesu lutumane, lai kai nai lri papia ki cegecegesu ka nituumawmasane ka kingi sukubu.”
Ku tatulru ka talrailragi ki Daniele kiasaibange si lri kipapacai
19Ku Nibukadenezere ka talialalai sa kilalranga, akabalrithi ku lringau, si papia ki Saderake, Misake, si Abidenigu tubeebelre kalisi. Ku talialalai la drekase ki maecebe aru twapwi pakadrareange ka madrareareeangenga lribate ku drareangane ki tapiapiane lu twapwi, 20Ku talialalai la drekase ki tagagagaarangenga ka kwapingi si malra kai ki tatulru kerenge, si verevere pwa ki talamalamane ki nitudilrungane ka apwi. 21Ku lakwapingi la kerenge kai ki tatulru ka umawmase, si verevere liniane pwadringi. Sakamani kwidra kikai tatulru madeemele ku tasilaimadhane, sia sapakadriadringane, pakabelenge ku sapakabelebelengane ku laimai, la sitalrupunu. 22Ngwalai ku tapakilringavane drekase ki talialalai, kwini talamalamane ki nitudilrungane madrareange turamuru, ku mwa latadre kelrabe ku apwi walama papacai kudra ki marasiakai kaungu ku drekase ka lakwapingi. 23Sakamani kwidra, ku Saderake, Misake, si Abidenigu kikekerengeana, mwa adringi ki madrareange ka apwi.
24Ala kirimu, ku talialalai ka Nibukadenezere ngituluku si ituku, la kivaga ki laabelenge, “Kai ka tatulru ku kerengeta, si verevere pwa adringi ki talamalamane ki nitudilrungane ka madrareange ka apwi?”
Kwi lalasu la tubalre, “Unu, talialalai!”
25Ku talialalai la kivaga, “Anau drele ka tasupate ka umawmase yakai ki apwi dadadavace masasawlriwlriwlri? Ka lalasu kadrwa ku kiakerenge makanaelre, laka kadrwa ku natikiyanenga ku takuculwane, si kavai mwasakasupate ka umawmase lu drelane mia ki twaumase#3.25 “twaumase” ku wahunyake madu “sasiakawlu belenge” iya..”
Kwi tatulru kiapulatadre si aru kituabelenge
26Kwi Nibukadenezere la katwase aru dethe kwini ki madralrangedrange ka lrawlrawdru ki talamalamane ki nitudilrungane, ala akwadrau tawtau, “Saderake! Misake! Abidenigu! Ka lasasiakawlu ki Abebeelengenga ka Twaumase, bwala mulatadra!” Kwi lalasu la makakaai twalai ki apwi kainganai. 27Kwini lasutu, lasiwciu, lamwasaka drusa ki siwciu, si drumane ka latabebelenge ki kunkwane la yelrelre makanaelre si ngithalringulu drele kai ki tatulru ka umawmase. Kwi lalasu laka kadrwa ku takuculwane; ku isiu la kai kuleseme, ku laimai kai kwatulrau, ku kinawmasane kadrwa ku tasanguebelrane.
28Ku talialalai la iya kai, “Ku Twaumase ki Saderake, Misake, si Abidenigu ani kidrengedrengere! Siakawlu ki sasiakawlu belenge kainganai palribulu ki masalru satalu iniane ka sasiakawluini. Kwi lalasu walreme pacai ku niake si baebalre ku drekaseli, la kai mubangalre guruthungane sukubu ki sanaka twaumase; kai lalasu savaeva sukubu ki Twaumase lini.
29“Kaiasasane lri drekasaku: Adravane ka swa inu ka kuni, ka swa inu ka zuku, ka arakaikai ku vaga ki sumanemane, sanaka twalilisi ki Twaumase ki Saderake, Misake, Abidenigu, lri kingetele ku alrima si drapale makanaelre, ku daaneini lri atawlrakavane; asi lwiyane kadrwa ku drumane ku twaumase ku lri dulru pia kikai palribulu.”
30Ku talialalai la parwa belenge ki tatulru ka Saderake, Misake, Abidenigu, ikai ki swa Babilunia ka siu arwa abelenge ku taetalane.
© The Bible Society in Taiwan, 2017
All rights reserved
© 臺灣聖經公會版權所有，2017