Jɔn 1
1
1Ne gɔc gɔce kaŋ ke Wɛt ee tɔ, ku Wɛt ee tɔ ke Nhialic, ku Wɛt ee ye Nhialic. 2Yenekee tɔ kene Nhialic ne gɔc gɔce kaŋ. 3Yenekee cak kaŋ kedhia: ku te cene yen, e ke te cin ke ci cak ne ka ci ke cak. 4Piir e tɔ ne eyic; ku piir yeneka ye ɣɛɛr de ran. 5Ku ɣɛɛr ee ya ruɛr tecol, ku kaci cuɔl ye piŋ. 6Raan e tuɔc ne Nhialic, ran cɔl Jɔn. 7Yenekee dulek, bi kɔc ya lɛk ɣɛɛr, bi kɔc kedhia bik ya gam ne yen. 8Ku kacie yen e ye ɣɛre, ee bɔ bi kɔc bi ya lɛk ɣɛre. 9Yeneke ɣɛɛr yic, ɣɛɛr ye raan mer ebɛn, ran ye bɛn ne piny nom. 10Ee tɔ ne piny nom, ku yenekee cak piny, ku kakuc piny. 11Ee bɔ enɔŋ kɔcke, go kɔcke cuɔk lor. 12Kɔc kedhia ye yen loor, ayeke yiɛn riɛr bik ya wɛɛt ke Nhialic, kek kɔc ye rinke gam: 13kɔc eke cike dhieth ne riɛm, ku ne piɔn de riiŋ, ku ne piɔn de raan, ake dhieth ne Nhialic. 14Go Wɛt ya riŋ, ku ceŋ ne wɔyic (goku nuɔmde ŋem, nuɔm de Wantoŋ e bɔbei enɔŋ Wun), ci thiaŋ ne athiɛi ku yic. 15Jɔn ee ye duleŋde, ku ye coot, jiɛm, Ye yekene, yenekee yan jam, Ya yen man bi a kuany cok ee ye tɔ tueŋ ne anom: yenekee tɔ ɣɔn ŋuɔt an wei. 16Ke ci ye thiɔŋ acuk lom wɔdhia, ku athiɛi ne athiɛi. 17Looŋ ake ci yiɛn Mothe, ku athiɛi ku yic kaa bɛn kene Yecu Kritho. 18Acin ran ci Nhialic kan ŋem; Wantoŋden e bɔbei, tɔ ne Wun yɔu, yenekee nyuth e kɔc.
19Lek de Jɔn eke, ɣɔn toce Judai ke Jeruthalem tit ku Lebii bik lɔ thiec, Ya yeŋa? 20Go lɔ gam, ku ci jai; gɛm, Ye an cie Kritho. 21Goki thiec, Ya yeŋo? Ye Elija? Go jam, Ye an cie yen. Goki ya, Ye nebi? Go dhuk, Ye aa. 22Goki thiec, Ya yeŋa? buk wel dhuɔk kɔc ke tuc wɔ. Ye rɔt cɔk yeŋa? 23Go jam, Ye an e ror de toŋ ye coot roor, Ye cakka dhol de Bɛnydit lacith, ci luɛl de nebi Yithaya. 24Ku keekɔcke aake tucike ne Parithai. 25Ku berki thiec yookki, Ya yeŋo yin kɔc baptith, ke yin cie Kritho, ku ci ye Elija, ku ci ye nebi? 26Go Jɔn ke gam jiɛm, Ye an ye kɔc baptith ne piu: ku tok akac ne weciɛl yic, toŋ kuɔcka; 27yeneka biɔth ɣa, ku an ce piath, a ɣan ce cou de war de ecok dak. 28Keekake kake loike ne Bethani ne Jordan lɔŋti, te ye Jɔn kɔc baptith.
29Ɣɔn ne miakne go Jɔn Yecu ŋem ne bɔ enɔŋ en, ku jiɛm, Ye ŋɛmka Nyɔŋ de Nhialic ye karɛc ke kɔc ke piny nom nyaai. 30Yekene, yenekee yan jam, Ya raan abɔ ne acok, ran man e ye tɔ tueŋ ne anom: yenekee tɔ ɣɔn ŋuɔt an wei. 31Ku kee kuɔc; ku nyuth bene ye nyuɔth Yithrael yenekee cɔk ɣɛn bɔ ke an ye kɔc baptith ne piu. 32Go Jɔn lɛk kɔc, jiɛm, Ye an ci Jɔndit ŋem ne bɔ piny Nhial ne cit guɔp kure; ku ye ceŋ ne enom. 33Ku kee kuɔc: ku yen man ci ɣa tuɔc ba kɔc bi ya baptith ne piu ee ci a yɔɔk, Ye ran bin Jɔŋdit ŋem ne nyuc ne enom ku ye ceŋ ne enom, yeneka bi kɔc ya baptith ne Jɔŋdiit Lajik. 34Guɔ ŋem, ku ya kɔc lɛk ya yekene kee Wen de Nhialic.
35Ku ber Jɔn kɔɔc ɣɔn miak kene kɔcpiocke keerou: 36ku ŋem Yecu ke cath, ku jiɛm, Ye ŋɛmka Nyɔŋ de Nhialic. 37Go kɔcpiocke keerou goki piŋ ke jam, goki Yecu kuany cok. 38Go Yecu rɔt wel, ku ŋem ke e ke kuany yecok, go ke thiec, Ye ŋo karka? Goki yɔɔk, Ya Rabi, (te luele yen e thoŋda, Ya Dupioc,) ye ceŋ teno? 39Go ke yɔɔk, Ye bak ŋɛmka. Goki lɔ ŋemki te yen ceŋ; ku tɔki kene yen ne ekole: ke ci ya thaa de thiɛr. 40Ran toŋ de kɔc keerou e piŋ Jɔn ke jam, ku kuɛny cok, ee ye Andereya, manhe de Thimon Petero. 41Go manhe Thimon kan yok, ku yook, Ye wɔ ci Mathia yok (te luele yen e thoŋda, ke ye Kritho). 42Ku bii enɔŋ Yecu. Go Yecu ŋem, ku jiɛm, Ye yin Thimon wen de Jɔn; yin bi cɔɔl Kepath (te luele yen e thoŋda, ke ye Petero).
43Ana ye kol dɛ ke Yecu nɔŋ piɔu lɔ Galili, go Pilip yok, ku yook, Ye ye ɣa kuany cok. 44Pilip ee ye ran de Bethaida, pan de Andereya ku Petero. 45Go Pilip Nathaniɛl yok, ku yook, Ye kacuk yok ye ran ci gɔɔr ne Mothe ne looŋ yic, ku nebii, ya Yecu de Nadhareth, wen de Jothep. 46Go Nathaniɛl jam, Ye leu kepiath bɛn bei ne Nadhareth? Go Pilip yɔɔk, Ye bar ŋem. 47Go Yecu Nathaniɛl ŋem ke bɔ enɔŋ en, ku jiɛm ne yen, Ye ŋɛmka ran de Yithrael, ran cin adhuɔm! 48Go Nathaniɛl jam, Ye ne yin nyic an teno? Go Yecu gam, ku yook, Ye ɣɔn ŋote Pilip ke ken yi cɔɔl, ɣɔn tɔ yin ne ŋap liel, yenekee ŋɛm an yin. 49Go Nathaniɛl gam, ku yook, Ye Rabi, yin ye Wen de Nhialic; ku yin ye Meleŋ de Yithrael. 50Go Yecu gam, ku yook, Ye gam jam can jam ya yin ee ca ŋem ne ŋap liel? yin bi kadit ŋem ne ekene. 51Go yɔɔk, Ye yin ya yɔɔk neyic, Ya yin bi Nhial ŋem ne ci liepic, ku malaikai ke Nhialic ye lɔ nhial ku biki piny ne Wen de raan nom.
Currently Selected:
Jɔn 1: LEKJOT
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1940, 2017
Learn More About Lek Jot de Jecu Kritho 1940