MATTHEW 21
21
Jesus Mŭrŭt Jerusalem ngga Bragah
(Mrk 11.1-11; Luk 19.28-40; Jhn 12.12-19)
1Darŭm Jesus ngga bara murid-I panu nuju Jerusalem, ngara mandŭg ka Bethphage di Sandah Kanā. So nŭ Jesus pait duwŭh naan murid-I da panu diŭ 2ngga pinganang sakati: “Di ka anak kupo ajeh adi di jawin ngan, ka diginŭ angān re rasu dapŭd kaldi dog nyirunggo ngapid anak-i. Kuka sirunggo-i ka taban soduwŭh-i ka Aku. 3Ka kambŭi agi daya nang ani ani, kidaan di ayŭh, ‘Tuhan#21.3 Tuhan; puan kah: Daya adi dapu-i. biguna dieh’; ka nganŭ ayŭh re bada angān taban soduwŭh-i.”
4Ayŭh simŭnŭ ngga bada bitŭtŭk kayuh adi nabi ko nang:
5 #
Zec 9.9
“Kidaan di Kupo Zion,
Tingga, Raja mu mandŭg ka kuu!
Ayŭh pirapat adŭp-I ka nunggang kaldi
ngga anak kaldi.”
6Jadi murid murid anŭ di ka ndai kayuh adi Jesus bada ngara ndai: 7ngara taban kaldi ngga anak-i, na jipo ngara di tunduh soduwŭh-i, ka Jesus maad ka tunduh-i. 8Bara daya bagŭ mamad jipo ngara di aran atan adi bŭkŭn di kapŭg daan daan kayuh ka tipan-i di aran. 9#Maz 118.25, 26 Bara daya bagŭ adi panu di jawin Jesus ngga adi panu di punok piguru nyirais nang, “Puji ka Anak David! Tapa nyiberkat Ayŭh adi mandŭg ngga adŭn Tuhan! Puji ka Tapa!”
10Kan Jesus mŭrŭt Jerusalem, sopŭrŭg daya di kupo anŭ guga. “Asi daya anŭ?” ngara siken.
11“Ayŭh anŭ Jesus, nabi so Nazareth di Galilee,” bara daya nam.
Jesus Di ka Ramin Tuhan
(Mrk 11.15-19; Luk 19.45-48; Jhn 2.13-22)
12Jesus di mŭrŭt Ramin Tuhan ka pibu sopŭrŭg daya adi bijua ka adi miris kayuh diginŭ. Ayŭh kureb mija mija ngara adi tukang nyambi duit samŭn baku baku ngara adi jua manuk asang, 13#Isa 56.7; Jer 7.11 ka-I nang di ngara, “Mbŭh dog nuris di Surat-kudus Tapa nang, ‘Ramin-Ku re dog kadŭn ramin simayang.’ Pak angān bada-i jadi tarun yŭn pirupak bisukan!”
14Daya adi karak ngga adi kipang mandŭg tudu Ayŭh di Ramin Tuhan, ka Ayŭh pibua ngara. 15Pingubak pingubak imam ngga gurū gurū Ukum-adat Jahudi jadi baji kan ngara kiris pingandai bās-I ka bara anak-anya nyirais darŭm Ramin Tuhan nang, “Puji ka Anak David!”
16 #
Maz 8.3
Jadi ngara siken Jesus, “Dingah Mu kah kayuh nang ngara?”
“Taŭn Ku dingah,” nam Jesus. “Mating kah angān basa pinganang Surat-kudus ati? ‘Angān mbŭh ngajar anak-anya ngga sipira da jugan puji adi sukup kana.’ ”
17Jesus bu tingge ngara ka ruah so kupo di ka Bethany, di yŭn-I nyirŭmŭn.
Jesus Mangu Tŭngŭn Ara
(Mrk 11.12-14, 20-24)
18Darŭm-I panu pari ka kupo awar isan isan andu jawa ndi, Jesus sibŭrŭk. 19Ayŭh kiris ndi tŭngŭn ara di bŭngŭn aran ka di tudu-i, pak mating buwa dieh adŭ-i dudu dawŭn. Jadi Ayŭh nang di tŭngŭn ara anŭ, “Kuu dŭh re tia buān!” Di jam anŭ gŭh tŭngŭn ara anŭ rayu.
20Bara murid kiris ka mbŭh inga inga. “Simuki tŭngŭn ara anŭ rikas raru rayu?” ngara siken.
21 #
Mat 17.20; 1Co 13.2 Jesus nam, “Puan meh, kambŭi angān batur batur sabah di Tapa, angān re tungang ndai kayuh adi Aku ndai di tŭngŭn ara ati. Ka dŭh-i anŭ adŭ, pak angān re rabis tungang nang di sandah ati, ‘Makat ka taran adŭp mu ka rawŭt,’ ka-i re sawŭ taran adŭp-i. 22Kan angān bidua ka sabah Tapa re ndai nanyam pimite ngan, Tapa taŭn re ndai-i.”
Pinyiken pasar ani Hak Jesus
(Mrk 11.27-33; Luk 20.1-8)
23Jesus pari ka Ramin Tuhan; ka darŭm Ayŭh ngajar, pingubak pingubak imam ngga bara nyamba bangsa Jahudi mandŭg tudu Ayŭh ka siken, “Ani hak Mu ndai kayuh kayuh ati? Asi nggen di Kuu hak ngga ndai-i?”
24Jesus nam ngara, “Aku an siken di angān ndi pinyiken, ka kambŭi angān nggen di Aku pinyinam ngan, Aku re kidaan di angān ani hak Ku ndai kayuh kayuh ati. 25So ki hak John baptisa daya: so Tapa kah so manusia?”
Ngara piguru bikarit dupan adŭp-i, “Ani re ta nang? Kambŭi ata nang, ‘So Tapa,’ Ayŭh re nang di ata, ‘Mani meh, garang, angān dŭh sabah John?’ 26Pak kambŭi ata nang, ‘So manusia,’ ata taru ani re daya ndai, sabab ngara sopŭrŭg mbŭh tatu sabah nang John inŭh nabi.” 27Jadi ngara nam Jesus, “Kieh dŭh puan.”
Ka-I nang di ngara, “Dŭh gŭh Aku re kidaan di angān ani hak Ku ndai kayuh kayuh ati.
Upama Duwŭh naan Anak Dari
28“Ani di pikir ngan? Agi ndi sidah, ndi naan daya adi biyŭn duwŭh madis anak dari. Ayŭh tudu sianŭ adi pinuai ka nang, ‘Nak, di nyiraja di teya anggor andu ati.’ 29‘Abah ku,’ ayŭh nam, pak ripas anŭ ayŭh nukar pikir-i ka matak. 30Komŭnŭ sama anŭ tudu anak-i anŭ ndi ka nang sakanŭ gŭh. ‘Sa-i, ma,’ ayŭh nam, pak ayŭh dŭh di. 31Aki ndi so ngara duwŭh adi ndai pinyibada sama-i?”
“Adi pinuai,” ngara nam.
Jadi Jesus nang di ngara, “Aku kidaan di angān: daya pinsuke ngga dayung sundar re kinyam Pinyipritah Tapa rabis diŭ so angān. 32#Luk 3.12, 7.29-30 Amai John Pembaptisa ko mandŭg ka angān, kiren di angān aran adi batur, ka angān dŭh an sabah ayŭh; pak daya pinsuke ngga dayung sundar sabah ayŭh. Adŭp ngan kiris ngara ndai simŭnŭ, dŭh gŭh angān ripas anŭ ngubah pikir ngan ka sabah ayŭh.
Upama Pinyewa Teya di Teya Anggor
(Mrk 12.1-12; Luk 20.9-19)
33 #
Isa 5.1-2
“Dingah upama ati ndi dinge,” Jesus nang. “Agi ndi sidah, daya adi dapu tana ndai teya anggor, muwang-i, kareh rubang yŭn mŭ anggor, ka pijog sirangga. Komŭnŭ ayŭh nyewa teya anggor anŭ di pinyewa teya ka adŭp-i di nami. 34Kan-i mbŭh tika adi ngga daya sun buwa anggor, ayŭh pait urun urun-i ka yŭn bara pinyewa teya an kambat jangi utung so buwa buwa adi dog sun. 35Bara pinyewa teya anŭ nakap urun urun-i, mukong ndi naan, siŭ sianŭ ndi, ka manjan ngga batuh adi bŭkŭn. 36Daya anŭ pait dinge urun urun adi bŭkŭn, rabis bagŭ so ngara adi diŭ, ka bara pinyewa teya ndai simŭnŭ gŭh di tunduh ngara. 37Sikasŭn-i ayŭh pait anak adŭp-i ka ngara. ‘Tatu ngara re stabi di anak ku,’ ayŭh nang. 38Pak kan bara pinyewa teya kiris anak-i anŭ, ngara nang dupan adŭp-i, ‘Siati inŭh anak daya adi dapu teya anggor. Ja, ata siŭ ayŭh, ka tambit rata-i!’ 39Jadi ngara nakap ayŭh, taran ayŭh ka sapa teya anggor, ka siŭ ayŭh.
40“Jadi kan daya adi dapu teya anggor anŭ mandŭg, ani re-i ndai di bara pinyewa teya anŭ?” Jesus siken.
41“Ayŭh manŭn re siŭ bara adi ginaka anŭ,” ngara nam, “ka nyewa teya anggor anŭ di pinyewa teya adi bŭkŭn, adi re nggen jangi utung so buwa buwa adi dog sun di tipuh sun buwa.”
42 #
Maz 118.22-23
Jesus nang di ngara, “Mating kah angān basa kayuh adi nang Surat-kudus?
‘Batuh adi tukang ramin taran
mbŭh jadi anŭ adi siabo biguna.
Ati mbŭh pingandai Tuhan;
mbŭh raru sangŭn-i di batŭh ta!’
43Jesus nang dinge, “Puan meh! Hak kinyam Pinyipritah Tapa re dog tambit so angān, ka dog nggen di daya adi piruah buwa nanyam ka pinyiraan Tapa.” [ 44Asi asi adi rabu di tunduh batuh anŭ re asur; ka kambŭi batuh anŭ rabu nyatŭk daya, daya anŭ re randŭk jadi dabu.]#21.44 Agi kada rapi-surat dŭh nambah ayat ati (tingga Luk 20.18).
45Pingubak pingubak imam ngga bara daya Pharisee dingah upama Jesus ka puan Ayŭh minyu pasar ngara, 46jadi ngara suba an nakap Ayŭh. Pak ngara taru bara daya bagŭ, adi mbŭh nyirundeng Jesus nabi.
Currently Selected:
MATTHEW 21: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
MATTHEW 21
21
Jesus Mŭrŭt Jerusalem ngga Bragah
(Mrk 11.1-11; Luk 19.28-40; Jhn 12.12-19)
1Darŭm Jesus ngga bara murid-I panu nuju Jerusalem, ngara mandŭg ka Bethphage di Sandah Kanā. So nŭ Jesus pait duwŭh naan murid-I da panu diŭ 2ngga pinganang sakati: “Di ka anak kupo ajeh adi di jawin ngan, ka diginŭ angān re rasu dapŭd kaldi dog nyirunggo ngapid anak-i. Kuka sirunggo-i ka taban soduwŭh-i ka Aku. 3Ka kambŭi agi daya nang ani ani, kidaan di ayŭh, ‘Tuhan#21.3 Tuhan; puan kah: Daya adi dapu-i. biguna dieh’; ka nganŭ ayŭh re bada angān taban soduwŭh-i.”
4Ayŭh simŭnŭ ngga bada bitŭtŭk kayuh adi nabi ko nang:
5 #
Zec 9.9
“Kidaan di Kupo Zion,
Tingga, Raja mu mandŭg ka kuu!
Ayŭh pirapat adŭp-I ka nunggang kaldi
ngga anak kaldi.”
6Jadi murid murid anŭ di ka ndai kayuh adi Jesus bada ngara ndai: 7ngara taban kaldi ngga anak-i, na jipo ngara di tunduh soduwŭh-i, ka Jesus maad ka tunduh-i. 8Bara daya bagŭ mamad jipo ngara di aran atan adi bŭkŭn di kapŭg daan daan kayuh ka tipan-i di aran. 9#Maz 118.25, 26 Bara daya bagŭ adi panu di jawin Jesus ngga adi panu di punok piguru nyirais nang, “Puji ka Anak David! Tapa nyiberkat Ayŭh adi mandŭg ngga adŭn Tuhan! Puji ka Tapa!”
10Kan Jesus mŭrŭt Jerusalem, sopŭrŭg daya di kupo anŭ guga. “Asi daya anŭ?” ngara siken.
11“Ayŭh anŭ Jesus, nabi so Nazareth di Galilee,” bara daya nam.
Jesus Di ka Ramin Tuhan
(Mrk 11.15-19; Luk 19.45-48; Jhn 2.13-22)
12Jesus di mŭrŭt Ramin Tuhan ka pibu sopŭrŭg daya adi bijua ka adi miris kayuh diginŭ. Ayŭh kureb mija mija ngara adi tukang nyambi duit samŭn baku baku ngara adi jua manuk asang, 13#Isa 56.7; Jer 7.11 ka-I nang di ngara, “Mbŭh dog nuris di Surat-kudus Tapa nang, ‘Ramin-Ku re dog kadŭn ramin simayang.’ Pak angān bada-i jadi tarun yŭn pirupak bisukan!”
14Daya adi karak ngga adi kipang mandŭg tudu Ayŭh di Ramin Tuhan, ka Ayŭh pibua ngara. 15Pingubak pingubak imam ngga gurū gurū Ukum-adat Jahudi jadi baji kan ngara kiris pingandai bās-I ka bara anak-anya nyirais darŭm Ramin Tuhan nang, “Puji ka Anak David!”
16 #
Maz 8.3
Jadi ngara siken Jesus, “Dingah Mu kah kayuh nang ngara?”
“Taŭn Ku dingah,” nam Jesus. “Mating kah angān basa pinganang Surat-kudus ati? ‘Angān mbŭh ngajar anak-anya ngga sipira da jugan puji adi sukup kana.’ ”
17Jesus bu tingge ngara ka ruah so kupo di ka Bethany, di yŭn-I nyirŭmŭn.
Jesus Mangu Tŭngŭn Ara
(Mrk 11.12-14, 20-24)
18Darŭm-I panu pari ka kupo awar isan isan andu jawa ndi, Jesus sibŭrŭk. 19Ayŭh kiris ndi tŭngŭn ara di bŭngŭn aran ka di tudu-i, pak mating buwa dieh adŭ-i dudu dawŭn. Jadi Ayŭh nang di tŭngŭn ara anŭ, “Kuu dŭh re tia buān!” Di jam anŭ gŭh tŭngŭn ara anŭ rayu.
20Bara murid kiris ka mbŭh inga inga. “Simuki tŭngŭn ara anŭ rikas raru rayu?” ngara siken.
21 #
Mat 17.20; 1Co 13.2 Jesus nam, “Puan meh, kambŭi angān batur batur sabah di Tapa, angān re tungang ndai kayuh adi Aku ndai di tŭngŭn ara ati. Ka dŭh-i anŭ adŭ, pak angān re rabis tungang nang di sandah ati, ‘Makat ka taran adŭp mu ka rawŭt,’ ka-i re sawŭ taran adŭp-i. 22Kan angān bidua ka sabah Tapa re ndai nanyam pimite ngan, Tapa taŭn re ndai-i.”
Pinyiken pasar ani Hak Jesus
(Mrk 11.27-33; Luk 20.1-8)
23Jesus pari ka Ramin Tuhan; ka darŭm Ayŭh ngajar, pingubak pingubak imam ngga bara nyamba bangsa Jahudi mandŭg tudu Ayŭh ka siken, “Ani hak Mu ndai kayuh kayuh ati? Asi nggen di Kuu hak ngga ndai-i?”
24Jesus nam ngara, “Aku an siken di angān ndi pinyiken, ka kambŭi angān nggen di Aku pinyinam ngan, Aku re kidaan di angān ani hak Ku ndai kayuh kayuh ati. 25So ki hak John baptisa daya: so Tapa kah so manusia?”
Ngara piguru bikarit dupan adŭp-i, “Ani re ta nang? Kambŭi ata nang, ‘So Tapa,’ Ayŭh re nang di ata, ‘Mani meh, garang, angān dŭh sabah John?’ 26Pak kambŭi ata nang, ‘So manusia,’ ata taru ani re daya ndai, sabab ngara sopŭrŭg mbŭh tatu sabah nang John inŭh nabi.” 27Jadi ngara nam Jesus, “Kieh dŭh puan.”
Ka-I nang di ngara, “Dŭh gŭh Aku re kidaan di angān ani hak Ku ndai kayuh kayuh ati.
Upama Duwŭh naan Anak Dari
28“Ani di pikir ngan? Agi ndi sidah, ndi naan daya adi biyŭn duwŭh madis anak dari. Ayŭh tudu sianŭ adi pinuai ka nang, ‘Nak, di nyiraja di teya anggor andu ati.’ 29‘Abah ku,’ ayŭh nam, pak ripas anŭ ayŭh nukar pikir-i ka matak. 30Komŭnŭ sama anŭ tudu anak-i anŭ ndi ka nang sakanŭ gŭh. ‘Sa-i, ma,’ ayŭh nam, pak ayŭh dŭh di. 31Aki ndi so ngara duwŭh adi ndai pinyibada sama-i?”
“Adi pinuai,” ngara nam.
Jadi Jesus nang di ngara, “Aku kidaan di angān: daya pinsuke ngga dayung sundar re kinyam Pinyipritah Tapa rabis diŭ so angān. 32#Luk 3.12, 7.29-30 Amai John Pembaptisa ko mandŭg ka angān, kiren di angān aran adi batur, ka angān dŭh an sabah ayŭh; pak daya pinsuke ngga dayung sundar sabah ayŭh. Adŭp ngan kiris ngara ndai simŭnŭ, dŭh gŭh angān ripas anŭ ngubah pikir ngan ka sabah ayŭh.
Upama Pinyewa Teya di Teya Anggor
(Mrk 12.1-12; Luk 20.9-19)
33 #
Isa 5.1-2
“Dingah upama ati ndi dinge,” Jesus nang. “Agi ndi sidah, daya adi dapu tana ndai teya anggor, muwang-i, kareh rubang yŭn mŭ anggor, ka pijog sirangga. Komŭnŭ ayŭh nyewa teya anggor anŭ di pinyewa teya ka adŭp-i di nami. 34Kan-i mbŭh tika adi ngga daya sun buwa anggor, ayŭh pait urun urun-i ka yŭn bara pinyewa teya an kambat jangi utung so buwa buwa adi dog sun. 35Bara pinyewa teya anŭ nakap urun urun-i, mukong ndi naan, siŭ sianŭ ndi, ka manjan ngga batuh adi bŭkŭn. 36Daya anŭ pait dinge urun urun adi bŭkŭn, rabis bagŭ so ngara adi diŭ, ka bara pinyewa teya ndai simŭnŭ gŭh di tunduh ngara. 37Sikasŭn-i ayŭh pait anak adŭp-i ka ngara. ‘Tatu ngara re stabi di anak ku,’ ayŭh nang. 38Pak kan bara pinyewa teya kiris anak-i anŭ, ngara nang dupan adŭp-i, ‘Siati inŭh anak daya adi dapu teya anggor. Ja, ata siŭ ayŭh, ka tambit rata-i!’ 39Jadi ngara nakap ayŭh, taran ayŭh ka sapa teya anggor, ka siŭ ayŭh.
40“Jadi kan daya adi dapu teya anggor anŭ mandŭg, ani re-i ndai di bara pinyewa teya anŭ?” Jesus siken.
41“Ayŭh manŭn re siŭ bara adi ginaka anŭ,” ngara nam, “ka nyewa teya anggor anŭ di pinyewa teya adi bŭkŭn, adi re nggen jangi utung so buwa buwa adi dog sun di tipuh sun buwa.”
42 #
Maz 118.22-23
Jesus nang di ngara, “Mating kah angān basa kayuh adi nang Surat-kudus?
‘Batuh adi tukang ramin taran
mbŭh jadi anŭ adi siabo biguna.
Ati mbŭh pingandai Tuhan;
mbŭh raru sangŭn-i di batŭh ta!’
43Jesus nang dinge, “Puan meh! Hak kinyam Pinyipritah Tapa re dog tambit so angān, ka dog nggen di daya adi piruah buwa nanyam ka pinyiraan Tapa.” [ 44Asi asi adi rabu di tunduh batuh anŭ re asur; ka kambŭi batuh anŭ rabu nyatŭk daya, daya anŭ re randŭk jadi dabu.]#21.44 Agi kada rapi-surat dŭh nambah ayat ati (tingga Luk 20.18).
45Pingubak pingubak imam ngga bara daya Pharisee dingah upama Jesus ka puan Ayŭh minyu pasar ngara, 46jadi ngara suba an nakap Ayŭh. Pak ngara taru bara daya bagŭ, adi mbŭh nyirundeng Jesus nabi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.