MATTHEW 15
15
Ajar so Tayung-babuk
(Mrk 7.1-13)
1Komŭnŭ kada daya Pharisee ngga gurū gurū Ukum-adat Jahudi mandŭg so Jerusalem ka siken Ayŭh, 2“Mani bara murid Mai nyibireu ajar tayung-babuk ta? Ngara dŭh mbe tunda atur adat sibayuh ngara man!”
3Jesus nam, “Ka mani angān nyibireu pinyipesan Tapa ka tunda ajar adŭp ngan? 4#Pyh 20.12, 21.17; Lev 20.9; Dit 5.16 Tapa nang, ‘Stabi di sindŭ sama ngan,’ ka ‘Daya adi mangu sindŭ sama-i dŭh siŭn dŭh dog ukum kabŭs.’ 5Pak angān ngajar: Kambŭi daya nang di sindŭ sama-i, ‘Kayuh adi aku patut pakai ngga turung sindŭ ngga sama, mbŭh aku jugan ka Tapa,’ 6ka daya anŭ dŭhsah stabi di sama-i.#15.6 sama-i; kada rapi-surat adi bŭkŭn nang: sama-i bait kah sindŭ-i. Simŭnŭ inŭh angān dŭh piduri pinyipesan Tapa, ramŭn an tunda ajar adŭp ngan. 7Angān pingadong! Mbŭh raru batur-i Isaiah kan ayŭh minyu-binabi pasar angān!
8 #
Isa 29.13
‘Bara daya ati, Tapa nang, kibās
Aku ngga baba-i,
pak atin-i sawŭ jo so Aku.
9Mating guna ngara nyambah Aku,
sabab ngara ngajar atur manusia
bada-i mun ukum ukum-adat Ku!’ ”
Kayuh adi Kinais Daya
(Mrk 7.14-23)
10Komŭnŭ Jesus bagan bara daya bagŭ ka adŭp-I ka nang di ngara, “Dingah ka mirati meh! 11Dŭh-i kayuh adi mŭrŭt baba adi kinais daya; pak kayuh adi ruah so baba, anŭ inŭh adi kinais daya.”
12Komŭnŭ bara murid tudu Ayŭh ka nang, “Puan Mai, bara Pharisee naman pinganang Mai anŭ?”
13“Barang tŭngŭn kayuh adi Sama Ku adi di shorga dŭh purun re dog dimbut,” nam Jesus. 14#Luk 6.39 “Dŭhnyah piduri ngara! Ngara anŭ pinguru adi karak yŭn bara adi karak; kan ndi naan daya karak kayak ndi naan daya karak, soduwŭh-i re rabu darŭm parit.”
15Peter minyu, nang-i, “Kidaan rati pinganang anŭ di kieh.”
16Jesus nang di ngara, “Angān ati bara pinunda Ku pak angān mbŭh dŭh mbŭh so daya bŭkŭn, dŭh mirati kayuh. 17Dŭh kah angān mirati? Kayuh adi mŭrŭt baba daya radus ka tain daya ka komŭnŭ kayuh anŭ ruah so pŭrŭng-i. 18#Mat 12.34 Pak kayuh adi ruah so baba daya mandŭg so atin-i, ka kayuh ati inŭh adi kinais daya. 19Amai so atin daya mandŭg pikir-kira adi arap adi bada ayŭh siŭ daya, tanggah, ka ndai barang masam pingandai kais; mirupak, kadong, ka napŭ daya. 20Kayuh kayuh anŭ inŭh adi bada daya kais. Pak man dŭh mbe nunda ka atur adi ngara nang, dŭh-i bada daya kais.”
Pinyabah Ndi naan Dayung Canaan
(Mrk 7.24-30)
21Jesus bu so nŭ ka matak ka tarun tana sindŭk kupo kupo Tyre ngga Sidon. 22Ndi naan dayung daya Canaan adi rŭŭ di tarun anŭ mandŭg tudu Jesus. “Anak David!” ayŭh bagan. “Masi di aku, Tuan! Anak dayung ku dog mŭrŭt umot ka mbŭh raru sangsara-i.”
23Pak Jesus dŭh nang ani ani di ayŭh. Bara murid-I tudu Ayŭh ka mite, “Pibu ayŭh! Ayŭh tunda ata buang bidudu adŭ!”
24Jesus nang di dayung anŭ, “Aku dog pait adŭ-i yŭn daya Israel adi keya ka biri adi manyap.”
25Dingah sakanŭ, dayung anŭ nyindŭk Jesus ka sidikang di kaja-I. “Turung aku, Tuan!” ayŭh nang.
26Jesus nam, “Dŭh-i patut nŭŭh tambit pinguman anak-sŭ ka taran-i ka kasong.”
27“Anŭ sawŭ, Tuan,” dayung anŭ nam, “pak kasong man gŭh rapuh tadŭh pinguman adi rabu so mija tuan-i.”
28Jadi Jesus nam ayŭh, “Kuu dayung adi raru sabah di Aku! Kayuh adi kuu raan re dog ndai yŭn mu.” Ka di jam anŭ gŭh anak dayung-i bua.
Jesus Pibua bagŭ Daya
29Jesus bu so nŭ ka panu kadŭg bŭngŭn Danu Galilee. Ayŭh maad sandah ka guru. 30Bara daya bagŭ mandŭg tudu Ayŭh, taban daya adi bajang, adi karak, adi kipang, adi dŭh pandai minyu, ka bagŭ daya adi birandam adi bŭkŭn, adi ngara na di kaja Jesus; ka Ayŭh pibua ngara. 31Daya mbŭh inga inga buang bipikir kan ngara kiris daya adi dŭh pandai minyu dapŭd minyu, adi kipang bua, adi bajang dapŭd panu, ka adi karak dapŭd kiris; ka ngara meh muji Tapa daya Israel.
Jesus Paan Pat Ribu naan Daya
(Mrk 8.1-10)
32Jesus bagan bara murid-I da tudu adŭp-I ka nang, “Aku masi kiris bara daya ati, sabab ngara mbŭh taruh andu ngga Aku digiti ka madin ngara mbŭh dŭh biyŭn kayuh man. Aku dŭh an bada ngara bu dŭh man, sibia-i ngara mijŭp di aran.”
33Bara murid siken ayŭh, “So ki ata re dapŭd sukup pinguman di tarun tana-pajam ati ngga paan bara daya ati?”
34“Kudu baru ruti angān biyŭn?” Jesus siken.
“Ju baru,” ngara nam, “ka agi nisŭ iken adi anŭk.”
35Jadi Jesus bada bara daya guru di tana. 36Komŭnŭ Ayŭh tambit ju baru ruti samŭn iken anŭ, nggen trima kaseh di Tapa, mire-i, ka nggen-i di bara murid; ka bara murid nggen-i di daya. 37Sopŭrŭg ngara man ka mbŭh bisoh. Komŭnŭ bara murid sun ka ngisi ju bakur puno ngga tadŭh tadŭh ruti ka iken anŭ. 38Kiang bara dari adi man agi pat ribu naan, dŭh ngitong bara dayung ngga anak-anya.
39Ko anŭ Jesus bada daya mari, ka adŭp-I mŭrŭt arud, ka matak ka tarun tana Magadan.
Currently Selected:
MATTHEW 15: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
MATTHEW 15
15
Ajar so Tayung-babuk
(Mrk 7.1-13)
1Komŭnŭ kada daya Pharisee ngga gurū gurū Ukum-adat Jahudi mandŭg so Jerusalem ka siken Ayŭh, 2“Mani bara murid Mai nyibireu ajar tayung-babuk ta? Ngara dŭh mbe tunda atur adat sibayuh ngara man!”
3Jesus nam, “Ka mani angān nyibireu pinyipesan Tapa ka tunda ajar adŭp ngan? 4#Pyh 20.12, 21.17; Lev 20.9; Dit 5.16 Tapa nang, ‘Stabi di sindŭ sama ngan,’ ka ‘Daya adi mangu sindŭ sama-i dŭh siŭn dŭh dog ukum kabŭs.’ 5Pak angān ngajar: Kambŭi daya nang di sindŭ sama-i, ‘Kayuh adi aku patut pakai ngga turung sindŭ ngga sama, mbŭh aku jugan ka Tapa,’ 6ka daya anŭ dŭhsah stabi di sama-i.#15.6 sama-i; kada rapi-surat adi bŭkŭn nang: sama-i bait kah sindŭ-i. Simŭnŭ inŭh angān dŭh piduri pinyipesan Tapa, ramŭn an tunda ajar adŭp ngan. 7Angān pingadong! Mbŭh raru batur-i Isaiah kan ayŭh minyu-binabi pasar angān!
8 #
Isa 29.13
‘Bara daya ati, Tapa nang, kibās
Aku ngga baba-i,
pak atin-i sawŭ jo so Aku.
9Mating guna ngara nyambah Aku,
sabab ngara ngajar atur manusia
bada-i mun ukum ukum-adat Ku!’ ”
Kayuh adi Kinais Daya
(Mrk 7.14-23)
10Komŭnŭ Jesus bagan bara daya bagŭ ka adŭp-I ka nang di ngara, “Dingah ka mirati meh! 11Dŭh-i kayuh adi mŭrŭt baba adi kinais daya; pak kayuh adi ruah so baba, anŭ inŭh adi kinais daya.”
12Komŭnŭ bara murid tudu Ayŭh ka nang, “Puan Mai, bara Pharisee naman pinganang Mai anŭ?”
13“Barang tŭngŭn kayuh adi Sama Ku adi di shorga dŭh purun re dog dimbut,” nam Jesus. 14#Luk 6.39 “Dŭhnyah piduri ngara! Ngara anŭ pinguru adi karak yŭn bara adi karak; kan ndi naan daya karak kayak ndi naan daya karak, soduwŭh-i re rabu darŭm parit.”
15Peter minyu, nang-i, “Kidaan rati pinganang anŭ di kieh.”
16Jesus nang di ngara, “Angān ati bara pinunda Ku pak angān mbŭh dŭh mbŭh so daya bŭkŭn, dŭh mirati kayuh. 17Dŭh kah angān mirati? Kayuh adi mŭrŭt baba daya radus ka tain daya ka komŭnŭ kayuh anŭ ruah so pŭrŭng-i. 18#Mat 12.34 Pak kayuh adi ruah so baba daya mandŭg so atin-i, ka kayuh ati inŭh adi kinais daya. 19Amai so atin daya mandŭg pikir-kira adi arap adi bada ayŭh siŭ daya, tanggah, ka ndai barang masam pingandai kais; mirupak, kadong, ka napŭ daya. 20Kayuh kayuh anŭ inŭh adi bada daya kais. Pak man dŭh mbe nunda ka atur adi ngara nang, dŭh-i bada daya kais.”
Pinyabah Ndi naan Dayung Canaan
(Mrk 7.24-30)
21Jesus bu so nŭ ka matak ka tarun tana sindŭk kupo kupo Tyre ngga Sidon. 22Ndi naan dayung daya Canaan adi rŭŭ di tarun anŭ mandŭg tudu Jesus. “Anak David!” ayŭh bagan. “Masi di aku, Tuan! Anak dayung ku dog mŭrŭt umot ka mbŭh raru sangsara-i.”
23Pak Jesus dŭh nang ani ani di ayŭh. Bara murid-I tudu Ayŭh ka mite, “Pibu ayŭh! Ayŭh tunda ata buang bidudu adŭ!”
24Jesus nang di dayung anŭ, “Aku dog pait adŭ-i yŭn daya Israel adi keya ka biri adi manyap.”
25Dingah sakanŭ, dayung anŭ nyindŭk Jesus ka sidikang di kaja-I. “Turung aku, Tuan!” ayŭh nang.
26Jesus nam, “Dŭh-i patut nŭŭh tambit pinguman anak-sŭ ka taran-i ka kasong.”
27“Anŭ sawŭ, Tuan,” dayung anŭ nam, “pak kasong man gŭh rapuh tadŭh pinguman adi rabu so mija tuan-i.”
28Jadi Jesus nam ayŭh, “Kuu dayung adi raru sabah di Aku! Kayuh adi kuu raan re dog ndai yŭn mu.” Ka di jam anŭ gŭh anak dayung-i bua.
Jesus Pibua bagŭ Daya
29Jesus bu so nŭ ka panu kadŭg bŭngŭn Danu Galilee. Ayŭh maad sandah ka guru. 30Bara daya bagŭ mandŭg tudu Ayŭh, taban daya adi bajang, adi karak, adi kipang, adi dŭh pandai minyu, ka bagŭ daya adi birandam adi bŭkŭn, adi ngara na di kaja Jesus; ka Ayŭh pibua ngara. 31Daya mbŭh inga inga buang bipikir kan ngara kiris daya adi dŭh pandai minyu dapŭd minyu, adi kipang bua, adi bajang dapŭd panu, ka adi karak dapŭd kiris; ka ngara meh muji Tapa daya Israel.
Jesus Paan Pat Ribu naan Daya
(Mrk 8.1-10)
32Jesus bagan bara murid-I da tudu adŭp-I ka nang, “Aku masi kiris bara daya ati, sabab ngara mbŭh taruh andu ngga Aku digiti ka madin ngara mbŭh dŭh biyŭn kayuh man. Aku dŭh an bada ngara bu dŭh man, sibia-i ngara mijŭp di aran.”
33Bara murid siken ayŭh, “So ki ata re dapŭd sukup pinguman di tarun tana-pajam ati ngga paan bara daya ati?”
34“Kudu baru ruti angān biyŭn?” Jesus siken.
“Ju baru,” ngara nam, “ka agi nisŭ iken adi anŭk.”
35Jadi Jesus bada bara daya guru di tana. 36Komŭnŭ Ayŭh tambit ju baru ruti samŭn iken anŭ, nggen trima kaseh di Tapa, mire-i, ka nggen-i di bara murid; ka bara murid nggen-i di daya. 37Sopŭrŭg ngara man ka mbŭh bisoh. Komŭnŭ bara murid sun ka ngisi ju bakur puno ngga tadŭh tadŭh ruti ka iken anŭ. 38Kiang bara dari adi man agi pat ribu naan, dŭh ngitong bara dayung ngga anak-anya.
39Ko anŭ Jesus bada daya mari, ka adŭp-I mŭrŭt arud, ka matak ka tarun tana Magadan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.