MATTHEW 11
11
Pinyisung so John Pembaptisa
(Luk 7.18-35)
1Kan Jesus muko nakit pesan simŭng-duwŭh naan murid-I sakanŭ, Ayŭh bu so nŭ ka di ngajar di kupo kupo adi sindŭk arong anŭ.
2Kan John Pembaptisa, darŭm jer, dingah pasar kayuh adi Kristus ndai, ayŭh pait kada murid-i ka yŭn-I. 3“Kidaan di kieh,” ngara siken Jesus, “Kaam kah sianŭ adi re mandŭg nanyam ka janji Tapa, kambŭi dŭh patut kah kieh kajŭn adi bŭkŭn?”
4Jesus nam, “Panu pari ka kidaan di John sigara kayuh adi angān ko kiris ka dingah: 5#Isa 35.5-6, 61.1 daya karak dapŭd kiris, daya bajang dapŭd panu, ngara adi naman andam kurit adi bisā mbŭh dog pibisig,#11.5 DOG PIBISIG: Tingga 8.2. daya bangam dapŭd dingah, daya kabŭs dog pakat, ka Agah Kana mbŭh dog nyuse di daya sirata. 6Munki masam sanang inŭh ngara adi dŭh kurang sabah di Aku!”
7Atan bara murid John bu, Jesus minyu pasar ayŭh di bara daya bagŭ: “Di andu angān matak ka yŭn John di tarun tana-pajam, ani anŭ adi angān an tingga? Dawŭn kupai miringe dog poh sabak? 8Angān matak an tingga ani? Daya nēn piraka grua? Daya adi nēn piraka grua rŭŭ di istana! 9Kidaan di Aku, angān matak an tingga ani? Nabi? Taŭn sawŭ, pak angān kiris sianŭ adi rabis bās so nabi. 10#Mal 3.1 Amai pasar John inŭh Surat-kudus nang: ‘Tapa nang, Aku re pait pinyisung Ku diŭ so Kuu da sidia aran yŭn Mu.’ 11Puan meh! Gi-mating daya darŭm ong ati re rabis bās so John Pembaptisa. Pak sianŭ adi siabo sŭ di dupan ngara adi kinyam Pinyipritah Tapa#11.11 Pinyipritah Tapa; anŭ inŭh so tigŭrŭ bang piminyu: Pritah shorga. agi bās dŭ so John. 12#Luk 16.16 So andu John nyuse ajar-i ndŭg andu ati Pinyipritah Tapa mbŭh dog nyerang,#11.12 mbŭh dog nyerang; puan kah: mbŭh mandŭg darŭm bigagar. ka daya ganas suba an nguasa-i ngga gaya adi kasar. 13Ndŭg jaman John sopŭrŭg nabi ka Ukum-adat Moses minyu pasar Pinyipritah anŭ; 14#Mal 4.5; Mat 17.10-13; Mrk 9.11-13 ka kambŭi angān an sabah pinganang ngara, John inŭh Elijah, adi ko dog ninjau pimandŭg-i. 15Dingah garang, kambŭi angān biyŭn kajit!
16“Ani meh bisa Ku ngga awing daya di jaman ati? Ngara keya ka anak-anya adi guru di arong passar. Agi kada-i nang di dingan-i, 17‘Kieh main ragu sawan yŭn ngan, pak angān dŭh an bitanda! Kieh nang ragu puās, pak angān dŭh an muās!’ 18Kan John mandŭg, ayŭh bipusa ka dŭh nok wain, ka sopŭrŭg daya nang, ‘Ayŭh pirumot!’ 19Kan Anak Manusia mandŭg, Ayŭh man nok, ka sopŭrŭg daya nang, ‘Tingga daya ati! Ayŭh daya pirusong ka pimabuk, bidingan ngga daya pinsuke ka daya adi dog tirawan!’ Pinyibijak Tapa, sunggu mŭnŭ, taŭn tatŭng sawŭ darŭm kraja pingandai daya adi trima pinyibijak anŭ.”
Kupo kupo adi dŭh sabah
(Luk 10.13-15)
20Daya adi di kupo di yŭn Jesus ko ndai bagŭ pingandai-nginga dŭh an marik pimudip ngara pari ka Tapa; jadi Jesus nyarah kupo kupo anŭ. 21#Isa 23.1-18; Ezk 26.1—28.26; Jol 3.4-8; Amo 1.9-10; Zec 9.2-4 “Mbŭh raru payah-i re di kuu, Chorazin! Mbŭh raru payah-i gŭh di kuu, Bethsaida! Kambŭi pingandai-nginga adi ko dog ndai di kuu dog ndai di Tyre ngga Sidon, mbŭh tui daya diginŭ pakai banang guni buang ngabu apŭk di adŭp-i, ngga kiren adŭp-i mbŭh marik pimudip-i pari ka Tapa! 22Puan meh! Di Andu Bisara Tapa re masi dŭ di daya di Tyre ngga di Sidon so di angān! 23#Isa 14.13-15; Tib 19.24-28 Ka kuu, Capernaum! Agi kuu an katuh adŭp mu ka shorga? Kuu re dog taran ka neraka! Kambŭi pingandai-nginga adi ko dog ndai di kuu dog ndai di Sodom, Sodom gibabŭ agi ndŭg andu ati! 24#Mat 10.15; Luk 10.12 Puan meh! Di Andu Bisara Tapa re masi dŭ di Sodom so di angān!”
Mandŭg ka Aku so Jera Ngan
(Luk 10.21-22)
25Di tika anŭ Jesus nang, “Sama, Kaam adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar-pandai kayuh adi Kaam sukan so ngara adi bijak buang pitar-pandai. 26Sawŭ, Sama, anŭ inŭh nanyam ka pinyiraan Mai.
27 #
Jhn 3.35, 1.18, 10.15 “Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.
28“Mandŭg ka Aku, sopŭrŭg ngan adi mbŭh jera da pinyirabis bat, ka Aku re pirupas angān so bat-i. 29#Jer 6.16 Tunda pritah Ku ka trima ajar Ku, amai Aku ati duduh buang tŭkŭn darŭm roh; Aku re piranyah angān. 30Amai pritah adi Aku nggen di angān sanang dog nurut ka pinyirabis adi Aku nggen sanang dog kabis.”
Currently Selected:
MATTHEW 11: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
MATTHEW 11
11
Pinyisung so John Pembaptisa
(Luk 7.18-35)
1Kan Jesus muko nakit pesan simŭng-duwŭh naan murid-I sakanŭ, Ayŭh bu so nŭ ka di ngajar di kupo kupo adi sindŭk arong anŭ.
2Kan John Pembaptisa, darŭm jer, dingah pasar kayuh adi Kristus ndai, ayŭh pait kada murid-i ka yŭn-I. 3“Kidaan di kieh,” ngara siken Jesus, “Kaam kah sianŭ adi re mandŭg nanyam ka janji Tapa, kambŭi dŭh patut kah kieh kajŭn adi bŭkŭn?”
4Jesus nam, “Panu pari ka kidaan di John sigara kayuh adi angān ko kiris ka dingah: 5#Isa 35.5-6, 61.1 daya karak dapŭd kiris, daya bajang dapŭd panu, ngara adi naman andam kurit adi bisā mbŭh dog pibisig,#11.5 DOG PIBISIG: Tingga 8.2. daya bangam dapŭd dingah, daya kabŭs dog pakat, ka Agah Kana mbŭh dog nyuse di daya sirata. 6Munki masam sanang inŭh ngara adi dŭh kurang sabah di Aku!”
7Atan bara murid John bu, Jesus minyu pasar ayŭh di bara daya bagŭ: “Di andu angān matak ka yŭn John di tarun tana-pajam, ani anŭ adi angān an tingga? Dawŭn kupai miringe dog poh sabak? 8Angān matak an tingga ani? Daya nēn piraka grua? Daya adi nēn piraka grua rŭŭ di istana! 9Kidaan di Aku, angān matak an tingga ani? Nabi? Taŭn sawŭ, pak angān kiris sianŭ adi rabis bās so nabi. 10#Mal 3.1 Amai pasar John inŭh Surat-kudus nang: ‘Tapa nang, Aku re pait pinyisung Ku diŭ so Kuu da sidia aran yŭn Mu.’ 11Puan meh! Gi-mating daya darŭm ong ati re rabis bās so John Pembaptisa. Pak sianŭ adi siabo sŭ di dupan ngara adi kinyam Pinyipritah Tapa#11.11 Pinyipritah Tapa; anŭ inŭh so tigŭrŭ bang piminyu: Pritah shorga. agi bās dŭ so John. 12#Luk 16.16 So andu John nyuse ajar-i ndŭg andu ati Pinyipritah Tapa mbŭh dog nyerang,#11.12 mbŭh dog nyerang; puan kah: mbŭh mandŭg darŭm bigagar. ka daya ganas suba an nguasa-i ngga gaya adi kasar. 13Ndŭg jaman John sopŭrŭg nabi ka Ukum-adat Moses minyu pasar Pinyipritah anŭ; 14#Mal 4.5; Mat 17.10-13; Mrk 9.11-13 ka kambŭi angān an sabah pinganang ngara, John inŭh Elijah, adi ko dog ninjau pimandŭg-i. 15Dingah garang, kambŭi angān biyŭn kajit!
16“Ani meh bisa Ku ngga awing daya di jaman ati? Ngara keya ka anak-anya adi guru di arong passar. Agi kada-i nang di dingan-i, 17‘Kieh main ragu sawan yŭn ngan, pak angān dŭh an bitanda! Kieh nang ragu puās, pak angān dŭh an muās!’ 18Kan John mandŭg, ayŭh bipusa ka dŭh nok wain, ka sopŭrŭg daya nang, ‘Ayŭh pirumot!’ 19Kan Anak Manusia mandŭg, Ayŭh man nok, ka sopŭrŭg daya nang, ‘Tingga daya ati! Ayŭh daya pirusong ka pimabuk, bidingan ngga daya pinsuke ka daya adi dog tirawan!’ Pinyibijak Tapa, sunggu mŭnŭ, taŭn tatŭng sawŭ darŭm kraja pingandai daya adi trima pinyibijak anŭ.”
Kupo kupo adi dŭh sabah
(Luk 10.13-15)
20Daya adi di kupo di yŭn Jesus ko ndai bagŭ pingandai-nginga dŭh an marik pimudip ngara pari ka Tapa; jadi Jesus nyarah kupo kupo anŭ. 21#Isa 23.1-18; Ezk 26.1—28.26; Jol 3.4-8; Amo 1.9-10; Zec 9.2-4 “Mbŭh raru payah-i re di kuu, Chorazin! Mbŭh raru payah-i gŭh di kuu, Bethsaida! Kambŭi pingandai-nginga adi ko dog ndai di kuu dog ndai di Tyre ngga Sidon, mbŭh tui daya diginŭ pakai banang guni buang ngabu apŭk di adŭp-i, ngga kiren adŭp-i mbŭh marik pimudip-i pari ka Tapa! 22Puan meh! Di Andu Bisara Tapa re masi dŭ di daya di Tyre ngga di Sidon so di angān! 23#Isa 14.13-15; Tib 19.24-28 Ka kuu, Capernaum! Agi kuu an katuh adŭp mu ka shorga? Kuu re dog taran ka neraka! Kambŭi pingandai-nginga adi ko dog ndai di kuu dog ndai di Sodom, Sodom gibabŭ agi ndŭg andu ati! 24#Mat 10.15; Luk 10.12 Puan meh! Di Andu Bisara Tapa re masi dŭ di Sodom so di angān!”
Mandŭg ka Aku so Jera Ngan
(Luk 10.21-22)
25Di tika anŭ Jesus nang, “Sama, Kaam adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar-pandai kayuh adi Kaam sukan so ngara adi bijak buang pitar-pandai. 26Sawŭ, Sama, anŭ inŭh nanyam ka pinyiraan Mai.
27 #
Jhn 3.35, 1.18, 10.15 “Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.
28“Mandŭg ka Aku, sopŭrŭg ngan adi mbŭh jera da pinyirabis bat, ka Aku re pirupas angān so bat-i. 29#Jer 6.16 Tunda pritah Ku ka trima ajar Ku, amai Aku ati duduh buang tŭkŭn darŭm roh; Aku re piranyah angān. 30Amai pritah adi Aku nggen di angān sanang dog nurut ka pinyirabis adi Aku nggen sanang dog kabis.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.