2 KORINTO BATII 13
13
Paulo Laka Korinto Batii Lɛyɛntɛle.
1Nle mmle ninle ditiɛfa kɔwa ni ɔkyɛ lee nɛ. Bɛɛkpana di Kɔkpana Klekle Kukũ kamɛ alɛ, nse otii owo lɛyɔ ɔlaa di owo nɔɔ suoto yi, “Dikpe nii batii banyɔ ee batiɛ leyila ɔlaa nwu nkpo kamaa, beebuɛ alɛ, ɔlaa nwu nte nkpo, fiɛ baalo otii wɔ niɛbla ni okpile nwu nkpo lɛpɔɔ.” 2Obe wɔ lawa ni ɔkyɛ lee lɛnyɔɔfa yi, lasĩ ɔlaa lata batii ba bamuu niabla ni okpile saa ku batii bamba. Nunua nsinnaa ni di ɔkyɛ lee yi, kokple nsĩ ɔlaa nta ma nlɛ, nse lekple lɛwa yi, namasĩ ma ɔnanfi kootoko. 3Di obe wɔ biomiɛ bilɛ biotofo nse nwaako Kristo ninkofe di suoto nii ankakatɛ anta ye ni oso yi, bibanya lɛsaa le biomiɛ nii. Dilabayɔɔ dita ye nse Yaa lɛnanfi ye kootoko. Bibanya kafɔɔ bilɛ nwaako akpe osie kaamɛ lee. 4Kuntɛ Yesu ditawɛ osie di obe wɔ baakaasa nwɔ ni koowoso suoto yi, Yaa layɔ osie nɔɔ aatakatɛsa nwɔ kuukpi kamɛ. Nkpo okle di awo ba niɛbla ni onwii ku Kristo bunaa osie nɛ. Kafɔɔ bukpe Yaa osie alɛ buabla lɛsaa le dikpe nii buɔbla ni kaamɛ lee.
5Aye bamu bibuo di suoto lee kamɛ binyu, nse bisi di ofũ onu nwu nkpo kamɛ. Bieye bilɛ Yesu Kristo nsi ye kaamɛ? Biye ni! Diediki biebuo di suoto lee kamɛ bienyu, biɛnya bilɛ bíewo. 6Lefũ lenu nlɛ, bibanya bilɛ awo yi, buowo. 7Buotikiti Yaa lekoto bulɛ aklee ye alɛ bilaabla lɛsaa kpile kuonwii. Diele alɛ buɔkaalɛ nle mmle alɛ buayɔ muntuo bulɛ buowo ni di batɔkyɛntɛ ɔkpɛ wɔ mmle kamɛ oso. Kafɔɔ buɔkaalɛ nle mmle, ta mmle okle biabla ni lɛsaa biene kuntɛ diotuo fɛ, buololaa ɔkpɛ loo bubla. 8Diekye bulaafuo ɔtaka oyila di nwaako ɔlaa nwu nkpo suoto di osuku kuonwii suoto, kafɔɔ mmle buabla kuakyɛ ni sitũ lete buɔbla. 9Suoto nnyɔɔ wo nse ofũ onu lee kɔwɛ osie diɛbla fɛ awo buɔwa kasɔ di suoto loo osie kamɛ ta aye oso. Nkpo oso buɔpɛ ɔlaa munta Yaa bulɛ, biamuɔ minkyɛ sitũ minwo nimu nɛ. 10Nle mmle oso kɔkpana kukũ ko mmle nkyesee ye di obe wɔ nnaa ni di ɔkyɛ lee nɛ, mmle okle nse lɛwa lɛbabuo ɔkyɛ lee yi, ninamananfi ye ni kootoko di osie wɔ di Saate lɛtɛɛ ni kanya. Ɔta ɛɛtɛɛ osie nwu nkpo alɛ kayɔ nkyakaako ofũ onu lee kummuɔ kunkyakaa, diele alɛ kata kunwa kasɔ.
11Nunua, babiloo, kayɛntɛ nii yi, bilolaabisiɛ nwaa. Bieklee ofũ onu osie kanya alɛ biamuɔ minwo niimu. Biɛkyɔɔ ɔka wɔ kɔka ye ni atoko di kukũ ko mmle kamɛ. Bibla onwii, biesiɛ di atoko ɔkyɛ ole kamɛ. Yaa wɔ nimbɔmbɔ ni batii, anta ni atoko ɔkyɛ ole asiɛko ye.
12Bisɛɛsa bawo di Yaa lɛbɔmbɔ kamɛ fɛ mmle diesiɛko ni.
13Yaa bafũbanutɛ bamuu alɛ, bɔɔsɛɛsa ye biene biene.
14Saate Yesu Kristo sibualɛ ku Yaa lɛbɔmbɔ, ku Ninwuna Klekle onwii ɔbla, disiɛko bamuu lee.
Currently Selected:
2 KORINTO BATII 13: snw
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
2 KORINTO BATII 13
13
Paulo Laka Korinto Batii Lɛyɛntɛle.
1Nle mmle ninle ditiɛfa kɔwa ni ɔkyɛ lee nɛ. Bɛɛkpana di Kɔkpana Klekle Kukũ kamɛ alɛ, nse otii owo lɛyɔ ɔlaa di owo nɔɔ suoto yi, “Dikpe nii batii banyɔ ee batiɛ leyila ɔlaa nwu nkpo kamaa, beebuɛ alɛ, ɔlaa nwu nte nkpo, fiɛ baalo otii wɔ niɛbla ni okpile nwu nkpo lɛpɔɔ.” 2Obe wɔ lawa ni ɔkyɛ lee lɛnyɔɔfa yi, lasĩ ɔlaa lata batii ba bamuu niabla ni okpile saa ku batii bamba. Nunua nsinnaa ni di ɔkyɛ lee yi, kokple nsĩ ɔlaa nta ma nlɛ, nse lekple lɛwa yi, namasĩ ma ɔnanfi kootoko. 3Di obe wɔ biomiɛ bilɛ biotofo nse nwaako Kristo ninkofe di suoto nii ankakatɛ anta ye ni oso yi, bibanya lɛsaa le biomiɛ nii. Dilabayɔɔ dita ye nse Yaa lɛnanfi ye kootoko. Bibanya kafɔɔ bilɛ nwaako akpe osie kaamɛ lee. 4Kuntɛ Yesu ditawɛ osie di obe wɔ baakaasa nwɔ ni koowoso suoto yi, Yaa layɔ osie nɔɔ aatakatɛsa nwɔ kuukpi kamɛ. Nkpo okle di awo ba niɛbla ni onwii ku Kristo bunaa osie nɛ. Kafɔɔ bukpe Yaa osie alɛ buabla lɛsaa le dikpe nii buɔbla ni kaamɛ lee.
5Aye bamu bibuo di suoto lee kamɛ binyu, nse bisi di ofũ onu nwu nkpo kamɛ. Bieye bilɛ Yesu Kristo nsi ye kaamɛ? Biye ni! Diediki biebuo di suoto lee kamɛ bienyu, biɛnya bilɛ bíewo. 6Lefũ lenu nlɛ, bibanya bilɛ awo yi, buowo. 7Buotikiti Yaa lekoto bulɛ aklee ye alɛ bilaabla lɛsaa kpile kuonwii. Diele alɛ buɔkaalɛ nle mmle alɛ buayɔ muntuo bulɛ buowo ni di batɔkyɛntɛ ɔkpɛ wɔ mmle kamɛ oso. Kafɔɔ buɔkaalɛ nle mmle, ta mmle okle biabla ni lɛsaa biene kuntɛ diotuo fɛ, buololaa ɔkpɛ loo bubla. 8Diekye bulaafuo ɔtaka oyila di nwaako ɔlaa nwu nkpo suoto di osuku kuonwii suoto, kafɔɔ mmle buabla kuakyɛ ni sitũ lete buɔbla. 9Suoto nnyɔɔ wo nse ofũ onu lee kɔwɛ osie diɛbla fɛ awo buɔwa kasɔ di suoto loo osie kamɛ ta aye oso. Nkpo oso buɔpɛ ɔlaa munta Yaa bulɛ, biamuɔ minkyɛ sitũ minwo nimu nɛ. 10Nle mmle oso kɔkpana kukũ ko mmle nkyesee ye di obe wɔ nnaa ni di ɔkyɛ lee nɛ, mmle okle nse lɛwa lɛbabuo ɔkyɛ lee yi, ninamananfi ye ni kootoko di osie wɔ di Saate lɛtɛɛ ni kanya. Ɔta ɛɛtɛɛ osie nwu nkpo alɛ kayɔ nkyakaako ofũ onu lee kummuɔ kunkyakaa, diele alɛ kata kunwa kasɔ.
11Nunua, babiloo, kayɛntɛ nii yi, bilolaabisiɛ nwaa. Bieklee ofũ onu osie kanya alɛ biamuɔ minwo niimu. Biɛkyɔɔ ɔka wɔ kɔka ye ni atoko di kukũ ko mmle kamɛ. Bibla onwii, biesiɛ di atoko ɔkyɛ ole kamɛ. Yaa wɔ nimbɔmbɔ ni batii, anta ni atoko ɔkyɛ ole asiɛko ye.
12Bisɛɛsa bawo di Yaa lɛbɔmbɔ kamɛ fɛ mmle diesiɛko ni.
13Yaa bafũbanutɛ bamuu alɛ, bɔɔsɛɛsa ye biene biene.
14Saate Yesu Kristo sibualɛ ku Yaa lɛbɔmbɔ, ku Ninwuna Klekle onwii ɔbla, disiɛko bamuu lee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.