ƐFƐSUSI DIMA 5
5
1Dizugu ya kyɛ ka ya beebu ma'asiri la Naawunni ŋɔn bɛ seem la, dama u wuri ya hoo u biisi, ka biwuttigu kam ma'asiri la u ba. 2Ya kyɛ ka ya beesigu zaa kur nyɛ la wurilim, hoo Kirisita ŋɔn daa wuri ti ka zaŋŋi u maŋŋa m‑maali n‑tisi Naawunni, nti kyɛ ka ŋɔn Naawunni daa wum u sara wa nya'asim. 3Amaa yan di kyɛ ka zina bɛ ya ni, bee da'ari tuma bee zinyuu - halli yan di kyɛ ka ba tɔ'asiri m‑boonni anŋɔ taabu yuya ya saani, dama anŋɔ bu sumni Naawunni niriba. 4Ya yɛttɔ'a muna - yan di kyɛ ka gyɛrilim bɛ a ni, bee yɛttɔ'abarima, bee deenyɔya - anŋɔ zaa gba bu sumsi ya, amaa pɛ'abu ni puusigu yɛla ka ya yɛtta. 5Ya baŋŋma dinŋɔa: zinyuu daana n nyɛ sɔ ŋɔn gyeemni la buga, ka ŋɔna ni zina nira ni da'ari tuntumna - ba sɔkam ku la'am n‑di faari n‑kpɛ Naawunni naam ni, din nyɛ Kirisita dinni la.
6Tɔ: ka dinŋɔna yan di kyɛ ka sɔsɔ zaŋŋi u yɛttɔ'ayɔya n‑yɔmsi ya; dama lala zugu ka Naawunni sufuyisigri paari ban bu wumni u noori la. 7Dinzugu yan di la'amni lala niriba saani. 8Dama ya daa bɛ la zibsim ni saha din gaari la, amaa pampaŋŋɔ ya yi bɛ la ti Dugma neesim ni. Ya kyɛ ka ya beesigu nyɛ la neesim dima dinni. 9Neesim din bɛ ya ni zugu, ya tumni la din veela, ka din mari la yɛlimaŋni ka tu la. 10Ka ya booma m‑baŋŋi din pɛligri ti Dugma sufu. 11Yan di kyɛ ka ya la'am banŋɔ saani n‑tumni din taasiri zibsim yɛliyɔya na la, amaa ya yiisim tuma wa paalu ni n‑wulisi a beeri ŋɔn bɛ seem. 12Dama tunseesi niriba wa ŋɔn sɔ'ari n‑tumni la muna - halli sɔ yi tɔ'asi a yɛla, di nyɛ la vi. 13Amaa seelli zaa neesim ŋɔn neaai n‑niŋi maa bɛ la paalu ni, 14dama neesim n kyɛ ka ti nyari seelikam. Dizugu ka ba yɛtti, ni#:-
“Nyin gɔgbisira wa, doaama!
Neaam kum ni!
- Ka Kirisita nin ti neaai na n‑ti i.”
15Anŋɔ zaa zugu, ya baŋŋma yan bɛ seem suŋŋasuŋŋa; di tumni gyɛrilim, amaa ka ya tumni yɛm tuma. 16Zuna muna - dabsibeeri saha nla, ka dizugu yan zaŋŋma ya saha zaa n‑niŋni suŋŋa. 17Dizugu yan di leebi gyɛra, amaa ya baŋŋma ti Dugma ŋɔn boori seem maa ka tumni lala. 18Yan di nyuuri daam m‑bugra, dama galagala yɛla nŋɔa, amaa ya kyɛ ka Naawunni Siiya paali ya. 19Ya yuumni n‑tɔ'asiri n‑tiri taaba - Naawunni Litaafi la yuuma, ni pɛ'abu yuuma, ni yuunseesi Naawunni Siiya ŋɔn wulisi ya maa ka ya yuumna; ya sufu ni ka ya yuumni lala n‑tiri ti Dugma. 20Naawunni nyɛ la ti Ba; ya puusim u ‘taari’ bunseelikam zugu, ni sahakam, ti Dugma Yisa Kirisita Masiiya yuuri ni.
21Ya tim Kirisita gyirima, ka wumni n‑tiri taaba#:-
22Pɔ'aba, ya wumni n‑tiri ya siridima kpaaŋŋu la, hoo yan wum n‑ti ti Dugma seem. 23Kirisita bɛ la u niriba saani hoo zugu ŋɔn bɛ ningbiŋŋu saani seem la, ka u nyɛ la ningbiŋŋu maa tuligra: lala ka doowa n nyɛ hoo zugu n‑ti u pɔ'a. 24Hoo u niriba ŋɔn wumni n‑ti Kirisita seem, lala ka di sumsi ni pɔ'aba gba wumni n‑ti ba siridima seelikam puuni.
25Ya dɔppa muna - ya wuri ya pɔ'aba hoo Kirisita ŋɔn daa wuri u niriba seem, n‑zaŋŋi u maŋŋa n‑tisi ba zugu. 26U daa niŋi lala ni u ti kyɛ ka ba leebi Naawunni niriba kasikasi, ka su ba koom m‑peaai ba, yɛligu maa zugu. 27Yaasa, u daa niŋi lala ni u ti zaŋŋi ba n‑ti u maŋŋa: ba nyɛ la hoo u maŋtoori pɔ'a, pɔ'aveelli ŋɔn ka lasim, bee da'ari, bee lala yɛlibeoo zaa, nti bɛ u dinni ka ka galiŋŋu. 28Lala gba ka di sum ni dɔppa wuri ba toori pɔ'aba, hoo ba mammaŋŋa ningbina. Ŋɔnkam wuri u pɔ'a wuri la u maŋŋa. 29Ya bu nya? - sɔ n ka ni n‑yaai u mammaŋŋa ningbiŋŋu: ay! - ba yi lee m‑mari ka la suŋŋa, hoo Kirisita ŋɔn mari u niriba suŋŋa seem la. 30Dama tirima, u niriba maa, nyɛ la u ningbiŋŋu tuga, ni ka ya'a. 31Ni, “Dinŋɔ zugu ka doo nin kyɛ u ba, ni u ma, ka di pɔ'a ka ba la'am m‑bɛ ni kaman bunni yinni.” 32Dinŋɔ baŋŋni tɔ ni; man mun yɛtti, ni, di wulisiri la Kirisita ni u niriba yɛla, ni, ba nyɛ la bunni yinni. 33Amaa yarim gba, see ka ya sɔkam zaa wuri u pɔ'a hoo ŋɔn wuri u mammaŋŋa seem la, ka u pɔ'a maa mun nin ti u sira gyirima.
Currently Selected:
ƐFƐSUSI DIMA 5: maw
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
ƐFƐSUSI DIMA 5
5
1Dizugu ya kyɛ ka ya beebu ma'asiri la Naawunni ŋɔn bɛ seem la, dama u wuri ya hoo u biisi, ka biwuttigu kam ma'asiri la u ba. 2Ya kyɛ ka ya beesigu zaa kur nyɛ la wurilim, hoo Kirisita ŋɔn daa wuri ti ka zaŋŋi u maŋŋa m‑maali n‑tisi Naawunni, nti kyɛ ka ŋɔn Naawunni daa wum u sara wa nya'asim. 3Amaa yan di kyɛ ka zina bɛ ya ni, bee da'ari tuma bee zinyuu - halli yan di kyɛ ka ba tɔ'asiri m‑boonni anŋɔ taabu yuya ya saani, dama anŋɔ bu sumni Naawunni niriba. 4Ya yɛttɔ'a muna - yan di kyɛ ka gyɛrilim bɛ a ni, bee yɛttɔ'abarima, bee deenyɔya - anŋɔ zaa gba bu sumsi ya, amaa pɛ'abu ni puusigu yɛla ka ya yɛtta. 5Ya baŋŋma dinŋɔa: zinyuu daana n nyɛ sɔ ŋɔn gyeemni la buga, ka ŋɔna ni zina nira ni da'ari tuntumna - ba sɔkam ku la'am n‑di faari n‑kpɛ Naawunni naam ni, din nyɛ Kirisita dinni la.
6Tɔ: ka dinŋɔna yan di kyɛ ka sɔsɔ zaŋŋi u yɛttɔ'ayɔya n‑yɔmsi ya; dama lala zugu ka Naawunni sufuyisigri paari ban bu wumni u noori la. 7Dinzugu yan di la'amni lala niriba saani. 8Dama ya daa bɛ la zibsim ni saha din gaari la, amaa pampaŋŋɔ ya yi bɛ la ti Dugma neesim ni. Ya kyɛ ka ya beesigu nyɛ la neesim dima dinni. 9Neesim din bɛ ya ni zugu, ya tumni la din veela, ka din mari la yɛlimaŋni ka tu la. 10Ka ya booma m‑baŋŋi din pɛligri ti Dugma sufu. 11Yan di kyɛ ka ya la'am banŋɔ saani n‑tumni din taasiri zibsim yɛliyɔya na la, amaa ya yiisim tuma wa paalu ni n‑wulisi a beeri ŋɔn bɛ seem. 12Dama tunseesi niriba wa ŋɔn sɔ'ari n‑tumni la muna - halli sɔ yi tɔ'asi a yɛla, di nyɛ la vi. 13Amaa seelli zaa neesim ŋɔn neaai n‑niŋi maa bɛ la paalu ni, 14dama neesim n kyɛ ka ti nyari seelikam. Dizugu ka ba yɛtti, ni#:-
“Nyin gɔgbisira wa, doaama!
Neaam kum ni!
- Ka Kirisita nin ti neaai na n‑ti i.”
15Anŋɔ zaa zugu, ya baŋŋma yan bɛ seem suŋŋasuŋŋa; di tumni gyɛrilim, amaa ka ya tumni yɛm tuma. 16Zuna muna - dabsibeeri saha nla, ka dizugu yan zaŋŋma ya saha zaa n‑niŋni suŋŋa. 17Dizugu yan di leebi gyɛra, amaa ya baŋŋma ti Dugma ŋɔn boori seem maa ka tumni lala. 18Yan di nyuuri daam m‑bugra, dama galagala yɛla nŋɔa, amaa ya kyɛ ka Naawunni Siiya paali ya. 19Ya yuumni n‑tɔ'asiri n‑tiri taaba - Naawunni Litaafi la yuuma, ni pɛ'abu yuuma, ni yuunseesi Naawunni Siiya ŋɔn wulisi ya maa ka ya yuumna; ya sufu ni ka ya yuumni lala n‑tiri ti Dugma. 20Naawunni nyɛ la ti Ba; ya puusim u ‘taari’ bunseelikam zugu, ni sahakam, ti Dugma Yisa Kirisita Masiiya yuuri ni.
21Ya tim Kirisita gyirima, ka wumni n‑tiri taaba#:-
22Pɔ'aba, ya wumni n‑tiri ya siridima kpaaŋŋu la, hoo yan wum n‑ti ti Dugma seem. 23Kirisita bɛ la u niriba saani hoo zugu ŋɔn bɛ ningbiŋŋu saani seem la, ka u nyɛ la ningbiŋŋu maa tuligra: lala ka doowa n nyɛ hoo zugu n‑ti u pɔ'a. 24Hoo u niriba ŋɔn wumni n‑ti Kirisita seem, lala ka di sumsi ni pɔ'aba gba wumni n‑ti ba siridima seelikam puuni.
25Ya dɔppa muna - ya wuri ya pɔ'aba hoo Kirisita ŋɔn daa wuri u niriba seem, n‑zaŋŋi u maŋŋa n‑tisi ba zugu. 26U daa niŋi lala ni u ti kyɛ ka ba leebi Naawunni niriba kasikasi, ka su ba koom m‑peaai ba, yɛligu maa zugu. 27Yaasa, u daa niŋi lala ni u ti zaŋŋi ba n‑ti u maŋŋa: ba nyɛ la hoo u maŋtoori pɔ'a, pɔ'aveelli ŋɔn ka lasim, bee da'ari, bee lala yɛlibeoo zaa, nti bɛ u dinni ka ka galiŋŋu. 28Lala gba ka di sum ni dɔppa wuri ba toori pɔ'aba, hoo ba mammaŋŋa ningbina. Ŋɔnkam wuri u pɔ'a wuri la u maŋŋa. 29Ya bu nya? - sɔ n ka ni n‑yaai u mammaŋŋa ningbiŋŋu: ay! - ba yi lee m‑mari ka la suŋŋa, hoo Kirisita ŋɔn mari u niriba suŋŋa seem la. 30Dama tirima, u niriba maa, nyɛ la u ningbiŋŋu tuga, ni ka ya'a. 31Ni, “Dinŋɔ zugu ka doo nin kyɛ u ba, ni u ma, ka di pɔ'a ka ba la'am m‑bɛ ni kaman bunni yinni.” 32Dinŋɔ baŋŋni tɔ ni; man mun yɛtti, ni, di wulisiri la Kirisita ni u niriba yɛla, ni, ba nyɛ la bunni yinni. 33Amaa yarim gba, see ka ya sɔkam zaa wuri u pɔ'a hoo ŋɔn wuri u mammaŋŋa seem la, ka u pɔ'a maa mun nin ti u sira gyirima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.