ƐFƐSUSI DIMA 1
1
1Man Pɔla n sɔbri gbaŋŋu wa n‑tiri ya. Mani n nyɛ Yisa Kirisita Masiiya tuumu, Naawunni wurilim zugu. N sɔbri n‑tiri yarima, Naawunni niriba, yaseeba ban bɛ Ɛfɛsusi tiŋŋa n‑niŋi Kirisita Yisa yɛdda. 2Ti Ba Naawunni ni ti Dugma Yisa Kirisita nin ti ti ya piinisuma, ni sufudoaa zaa.
3Pɛ'abu bɛ ni n‑ti Naawunni, sɔ ŋɔn nyɛ ti Dugma Yisa Kirisita Ba la: ŋɔn Naawunni tiri ti u bunsuma zaa an yi u Sii maa saani arizana puuni na, tirim ŋɔn bɛ Yisa saani maa zugu. 4U daa yiisi ti ni, n‑niŋi ti u maŋtoori dina pɔi, ka naayi naam duniya wa. U daa yiisi ti lala, ni ti ti leebi u dina, m‑bɛ kasi, ka laa n‑ka taalli u saani. U wurilim zugu 5ka u daa pun daŋŋi n‑niŋi din nin kyɛ ka ti leebi u biisi, Yisa Masiiya zugu, ka di dɔli la u yuubu maa ŋɔn boori seem la. 6Lala zugu ka pɛ'abu zaa sum la ni ŋɔna, ŋɔn daa zaŋŋi u gyirima piini n‑ti ti la zugu, ka daa niŋi lala u Bii maa saani, dama u wuri la u Bii maa pam. 7Ŋɔn Naawunni biwuttigu puuni ka ti mari fa-m‑basi u ziim la zugu; tumbeeri kyɛ-m‑pɛŋŋi ka ti mara, ka di zaa nyɛ la Naawunni piiniseaa tin bu sum ni ka la, ka u ti ti. 8Halli u daa ti ti lala piini maa zaa, ka laa n‑ti ti bamsim ni miilinsi zaa. 9U daa laa n‑wulisi u yuubu yɛla m‑paasi, nti kyɛ ka ti baŋŋi a yɛlisɔ'ara zaŋŋi n‑kyaŋŋi u beesisuŋŋu la. Yɛla wa zaa ka u daŋŋi n‑zaŋŋi n‑dɔlisi Kirisita, 10ka daa maali anŋɔ zaa siri, ni a ti naayi tum n‑naai. Lala nin niŋi, a saha yi ti paai la. Ka laa m‑maali siri, ni arizana ni tingbaŋŋu buna zaa ti la'am taaba, ka Yisa naayi su a zaa fukumsi. 11Tɔ: ŋɔn Yisa saani ka ba daa yiisi ti gba, hoo Naawunni ŋɔn daa pun zaali di seem la. Dama u maanni la bunseelikam ni di dɔli u sufu yuubu ŋɔn boori seem. 12Ka di nin kyɛ ka tirima nin leebi hoo pɛ'abu ni gyirima n‑ti u - tirim ban daŋŋi m‑mari tama Kirisita saani la. 13Ka yarima gba daa wum yɛlimaŋni yɛttɔ'a, Naawunni yɛligu tuliginsim lahabasuŋŋu la. Ka yan daa niŋi yɛdda la, ya daa deaai Naawunni Sii Kasi la hoo daalimni din wulisiri, ni, Yisa su ya yɛla. Halli Naawunni daa pun basi noori, ni, u nin niŋi lala. 14Lala Sii Kasi maa bɛ la ti saani n‑wulisiri, ni, u nin kyɛ ka ti di faari; ni, u nin kyɛ ka ba yɔ ti samni n‑fa ti m‑basi; ni, u nin kyɛ ka ti yɛla kyɛ ka pɛ'abu bɛ ni n‑tiri Naawunni.
15-16Dinŋɔ zugu man gba bu kyɛ pɛ'abu ya zugu, man ŋɔn daa wum, ni, ya niŋi ti Dugma Yisa yɛdda sahanseaa la, halli ni zuna. Ka n laa n‑wum yan wuri Naawunni niriba zaa seem la. Dinzugu n puusiri Naawunni n‑tiri ya saha kam, ka teaari ya yɛla n wunsusigu ni. 17Ti Ba Gyirima Zaa Daana! - Naawunni n nyɛ u n‑ti ti Dugma Yisa Kirisita; ti mun susiri u, ni, u tim ya u Siiya, ka u wulisi ya yɛm ka kasigi u yɛlitibsa n‑ti ya, ka kyɛ ka ya maali m‑baŋŋi u yɛla m‑paasi. 18Ka n laa n‑susiri, ni, ya sufu nin nya ninneesim ka ya baŋŋi tama seaa zugu ŋɔn booli ya la, ka ya laa m‑baŋŋi ya faari ŋɔn ya zoaai seem m‑mari gyirima la, n‑tiri yaseeba ban nyɛ ŋɔn Naawunni dina maa. 19M‑paasi, ya nin baŋŋi u yiiko ŋɔn kpeem seem halli n‑ti yakki, n‑tiri tiseeba ban niŋi u yɛdda la. 20U lala yiiko wa ka u daa zaŋŋi n‑tumni tunkpeema n‑tiri Kirisita, ka neaai u kum ni. Ka daa laa n‑zaŋŋi u n‑ziili ŋɔn Naawunni nudirigu zizii maa ni, arizana naam gyirima puuni. 21Ka di gaari naam zaa, ni yiiko zaa, ni kpamma ni gɔmnanti zaa fukumsi marigu. Yuseaa ka ni ka ba putti sɔ n‑gaari ŋɔn Yisa yuuri; ka di pa la beesigu kanŋɔ ni kɔkɔa, amaa ni kan na ya kyɛ na la ni gba. 22Naawunni siri zaŋŋi bunseelikam n‑niŋi ŋɔn Yisa napɔna ni, ni u ti noora; ka yiisi u, ni u leebi zuguraana nti su yɛttɔ'a zaa fukumsi n‑ti baseeba ban la'am n‑dɔli Naawunni la. 23Ba lala la'aŋŋu maa nyɛ la u ningbiŋŋu; ŋɔn Yisa paali la seelikam, ya'ari kam, ka u niriba la'aŋŋu maa puuni ka u bɛ ni, ka paali ka zaa.
Currently Selected:
ƐFƐSUSI DIMA 1: maw
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
ƐFƐSUSI DIMA 1
1
1Man Pɔla n sɔbri gbaŋŋu wa n‑tiri ya. Mani n nyɛ Yisa Kirisita Masiiya tuumu, Naawunni wurilim zugu. N sɔbri n‑tiri yarima, Naawunni niriba, yaseeba ban bɛ Ɛfɛsusi tiŋŋa n‑niŋi Kirisita Yisa yɛdda. 2Ti Ba Naawunni ni ti Dugma Yisa Kirisita nin ti ti ya piinisuma, ni sufudoaa zaa.
3Pɛ'abu bɛ ni n‑ti Naawunni, sɔ ŋɔn nyɛ ti Dugma Yisa Kirisita Ba la: ŋɔn Naawunni tiri ti u bunsuma zaa an yi u Sii maa saani arizana puuni na, tirim ŋɔn bɛ Yisa saani maa zugu. 4U daa yiisi ti ni, n‑niŋi ti u maŋtoori dina pɔi, ka naayi naam duniya wa. U daa yiisi ti lala, ni ti ti leebi u dina, m‑bɛ kasi, ka laa n‑ka taalli u saani. U wurilim zugu 5ka u daa pun daŋŋi n‑niŋi din nin kyɛ ka ti leebi u biisi, Yisa Masiiya zugu, ka di dɔli la u yuubu maa ŋɔn boori seem la. 6Lala zugu ka pɛ'abu zaa sum la ni ŋɔna, ŋɔn daa zaŋŋi u gyirima piini n‑ti ti la zugu, ka daa niŋi lala u Bii maa saani, dama u wuri la u Bii maa pam. 7Ŋɔn Naawunni biwuttigu puuni ka ti mari fa-m‑basi u ziim la zugu; tumbeeri kyɛ-m‑pɛŋŋi ka ti mara, ka di zaa nyɛ la Naawunni piiniseaa tin bu sum ni ka la, ka u ti ti. 8Halli u daa ti ti lala piini maa zaa, ka laa n‑ti ti bamsim ni miilinsi zaa. 9U daa laa n‑wulisi u yuubu yɛla m‑paasi, nti kyɛ ka ti baŋŋi a yɛlisɔ'ara zaŋŋi n‑kyaŋŋi u beesisuŋŋu la. Yɛla wa zaa ka u daŋŋi n‑zaŋŋi n‑dɔlisi Kirisita, 10ka daa maali anŋɔ zaa siri, ni a ti naayi tum n‑naai. Lala nin niŋi, a saha yi ti paai la. Ka laa m‑maali siri, ni arizana ni tingbaŋŋu buna zaa ti la'am taaba, ka Yisa naayi su a zaa fukumsi. 11Tɔ: ŋɔn Yisa saani ka ba daa yiisi ti gba, hoo Naawunni ŋɔn daa pun zaali di seem la. Dama u maanni la bunseelikam ni di dɔli u sufu yuubu ŋɔn boori seem. 12Ka di nin kyɛ ka tirima nin leebi hoo pɛ'abu ni gyirima n‑ti u - tirim ban daŋŋi m‑mari tama Kirisita saani la. 13Ka yarima gba daa wum yɛlimaŋni yɛttɔ'a, Naawunni yɛligu tuliginsim lahabasuŋŋu la. Ka yan daa niŋi yɛdda la, ya daa deaai Naawunni Sii Kasi la hoo daalimni din wulisiri, ni, Yisa su ya yɛla. Halli Naawunni daa pun basi noori, ni, u nin niŋi lala. 14Lala Sii Kasi maa bɛ la ti saani n‑wulisiri, ni, u nin kyɛ ka ti di faari; ni, u nin kyɛ ka ba yɔ ti samni n‑fa ti m‑basi; ni, u nin kyɛ ka ti yɛla kyɛ ka pɛ'abu bɛ ni n‑tiri Naawunni.
15-16Dinŋɔ zugu man gba bu kyɛ pɛ'abu ya zugu, man ŋɔn daa wum, ni, ya niŋi ti Dugma Yisa yɛdda sahanseaa la, halli ni zuna. Ka n laa n‑wum yan wuri Naawunni niriba zaa seem la. Dinzugu n puusiri Naawunni n‑tiri ya saha kam, ka teaari ya yɛla n wunsusigu ni. 17Ti Ba Gyirima Zaa Daana! - Naawunni n nyɛ u n‑ti ti Dugma Yisa Kirisita; ti mun susiri u, ni, u tim ya u Siiya, ka u wulisi ya yɛm ka kasigi u yɛlitibsa n‑ti ya, ka kyɛ ka ya maali m‑baŋŋi u yɛla m‑paasi. 18Ka n laa n‑susiri, ni, ya sufu nin nya ninneesim ka ya baŋŋi tama seaa zugu ŋɔn booli ya la, ka ya laa m‑baŋŋi ya faari ŋɔn ya zoaai seem m‑mari gyirima la, n‑tiri yaseeba ban nyɛ ŋɔn Naawunni dina maa. 19M‑paasi, ya nin baŋŋi u yiiko ŋɔn kpeem seem halli n‑ti yakki, n‑tiri tiseeba ban niŋi u yɛdda la. 20U lala yiiko wa ka u daa zaŋŋi n‑tumni tunkpeema n‑tiri Kirisita, ka neaai u kum ni. Ka daa laa n‑zaŋŋi u n‑ziili ŋɔn Naawunni nudirigu zizii maa ni, arizana naam gyirima puuni. 21Ka di gaari naam zaa, ni yiiko zaa, ni kpamma ni gɔmnanti zaa fukumsi marigu. Yuseaa ka ni ka ba putti sɔ n‑gaari ŋɔn Yisa yuuri; ka di pa la beesigu kanŋɔ ni kɔkɔa, amaa ni kan na ya kyɛ na la ni gba. 22Naawunni siri zaŋŋi bunseelikam n‑niŋi ŋɔn Yisa napɔna ni, ni u ti noora; ka yiisi u, ni u leebi zuguraana nti su yɛttɔ'a zaa fukumsi n‑ti baseeba ban la'am n‑dɔli Naawunni la. 23Ba lala la'aŋŋu maa nyɛ la u ningbiŋŋu; ŋɔn Yisa paali la seelikam, ya'ari kam, ka u niriba la'aŋŋu maa puuni ka u bɛ ni, ka paali ka zaa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.