Lom 4
4
Hibílícínyínyí hɛ́ na Abɛ́laham na Táfit
1Buamɛ, ánɔ bɛ́táá asana a yɛ́ ŋaá hámɛ́ná ciasɔ́ sɔ́kɔ́nɔ́ *Abɛ́laham. Aátɛ́ u ŋaá hɔ́má na Bandɔ́mɛsɛ́ e ? #4.1 Nyɛkɔ́ŋɔ́na nyí etémbí : « Aátɛ́ u ŋaá hɔ́ma a nyɛbá nyɛ́ ɔɔcɔ e ? » 2Mbɔ́kɔ Bandɔ́mɛsɛ́ ŋa kɛ́lá anyía wá bá atálɛ́mánánɔ́ yɛ́ ɔɔcɔ eeyé eé buúse anyía bíáyɛ́ bɛmbányɛ bí mekilíkínyí, keyé u ŋɔɔ́ bɔ́ŋɔ ohónyí wú obílémbíki wuúci bɛ́muátá. Mbá u tɛ á bá wu obílémbíki eé buúse bɔ́ Bandɔ́mɛsɛ́. 3Yááŋa anyía Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : « Abɛ́laham ŋaá háyá mɔŋɔlɛ́ ná Bandɔ́mɛsɛ́, ɛ́ɛhɛ́ Bandɔ́mɛsɛ́ ŋeé wuúci hiíte háyɛ atálɛ́mánánɔ́ yɛ́ ɔɔcɔ eeyé eé buúse. »#Sɛn 15.6 4Tu ŋe sú menyi bɔmbányɛ anyía ɔɔcɔ okime ewú bé hiíte e buólí naŋa wɔɔ́ nyiɔkɔ anyía bé wuúci namáka ; tɛ́ cáŋa bú wuúci ɔ́ɔ́lɔ bé ŋeé wuúci ɔ́ɔ́lɔ, mbá bé ŋeé wuúci nama e eelue yí búáyɛ́ buólí. 5Mbá, mbɔ́kɔ ɔɔcɔ ŋaá háya bɔ́ háya mɔŋɔlɛ́ ná Bandɔ́mɛsɛ́, wuúci u ŋa kɛ́la anyía bakɛla maabɛ́ á bámɔ́kɔ́na bɛtálɛ́mánánɔ́ bɛ́ baacɔ eeyé eé buúse, ɔɔcɔ oócí tɛ fanɛ́na a bíáyɛ́ bɛmbányɛ bí mekilíkínyí, Bandɔ́mɛsɛ́ kéé hiite úúyé olumitinine háyɛ ɔtálɛ́mánánɔ́ eeyé eé buúse. 6A asana eéyé Otéŋí Táfit ŋoó tóŋgínyí anyía ɔɔcɔ awɔ́ Bandɔ́mɛsɛ́ é híite háyɛ atálɛ́mánánɔ́ yɛ́ ɔɔcɔ eeyé eé buúse ta ɔfanɛna mekilíkínyí áŋa ne obíléne. 7U ŋaá kɔ́ɔ́na ɔsɛ : « Obíléne ná baacɔ abá Bandɔ́mɛsɛ́ ŋa nyɛ́anɛnɛna cáábɔ́ anana, u bɛ́hɔ́yáka máábɔ́ maabɛ́ ; 8ɔɔcɔ okime awɔ́ Bandɔ́mɛsɛ́ tɛ ŋáá fanɛna maabɛ́ áŋa ne obíléne. »#Maŋ 32.1-2
9Ɔ́kɔ, obíléne oócí káá lɛ́caka hú basɔ́ *Besuif a babɛ́ácákánɔ́ bímuócí e ? Eéʼeé, ú ŋa lɛca tɔ́na benduéndue. Tú ma sɔ́ kɔɔna anyía Bandɔ́mɛsɛ́ ŋeé hiíte Abɛ́laham háyɛ atálɛ́mánánɔ́ yɛ́ ɔɔcɔ eeyé eé buúse e uúyé olumitinine. 10Nyíényí asana eéyé ŋaá bɛ́kɛ́láka e ? Yɛ́ ŋaá bɛ́kɛ́láka ɛ́cɛ Abɛ́laham maá bɛ́áca ayɛ́ʼ, ɛ́cɛ wá yánáŋa iindú e ? U tɛ ɔ́mɔ́ bá ɔbɛ́ácánɔ́, mbá u ŋaá bá wá yánáŋa iindú. 11Abɛ́laham ŋaá bá wá yánáŋa iindú ekúlú ayɛ́ Bandɔ́mɛsɛ́ ŋeé wuúci hiite háyɛ atálɛ́mánánɔ́ yɛ́ ɔɔcɔ eeyé eé buúse, ananyía u ŋeé lumitíníne. E elime, Bandɔ́mɛsɛ́ ŋeé wuúci laana anyía wá bɛ́áca. Ɔbɛ́áca oócí ŋaá bá hibílícínyínyí e hí ŋo tóŋínyi anyía wáŋa atálɛ́mánánɔ́ yɛ́ ɔɔcɔ eé buúse bɔ́ Bandɔ́mɛsɛ́. Yaátɛ́ asana Abɛ́laham áŋa sɔ́kɔ́nɔ́ cɛ baháya mɔŋɔlɛ́ ná Bandɔ́mɛsɛ́ bekime, te beébe iindú. Beébe eébé Bandɔ́mɛsɛ́ ŋeé hiite tɔ́na háyɛ bɛtálɛ́mánánɔ́ bɛ́ baacɔ eeyé eé buúse. 12Abɛ́laham áŋa tɔ́na sɔ́kɔ́nɔ́ cɛ babɛ́ácákánɔ́ ; mbá bá ŋa bɔ́ nyɛmána bá ɔlátákɛ́na nyíáyɛ́ nyɛkɛla, bó lumitinine háyɛ wuúci u ŋeé lúmítínine ɛ́cɛ wa yánáŋa iindú.
13Yááŋa anyía Bandɔ́mɛsɛ́ ŋaá bɛ́tánɛ́na na Abɛ́laham na maayɛ́ mɔɔnɔ́ anyía u kéé beébe iínjíé ɔmɛsɛ́. U ti ómoó wuúci bɛ́tánɛ́na aáná anyía u ŋaá látákɛ́na *bikotí, mbá anyía u ŋaá háya mɔŋɔlɛ́ nááyá, yɔ́ bɛ́cáŋa atálɛ́mánánɔ́ yɛ́ ɔɔcɔ eeyé eé buúse. 14Mbɔ́kɔ yá bámɔ́kɔ́na anyía Bandɔ́mɛsɛ́ ŋe yiínjie bɛnyɛ́ma abɛ́ u ŋaá bɛ́tánɛ́na baacɔ hú eebe a bá ŋa bɔ́ látɛ́na bikotí,#4.14 Nyɛkɔ́ŋɔ́na nyí etémbí : « …hú eebe a bá bɔ́ŋa e butéŋí bú bikotí » keyé olumitinine tɛ́ ŋɔ́ yɔɔ́lɔ ta bɔkɔ, ɛndána tɔ́na tɛ́ka buúse bukime. 15Yááŋa aáná ananyía ɔ-tɛ-látɛ́na bikotí ŋaá kɛla anyía hilóbi é tímbie Bandɔ́mɛsɛ́. Mbá anyána ɔɔcɔ áŋa wu ɔnɔkɔkɔ bikotí, mbɔ́kɔ bikotí tɛ á bá bitélímíkínyínyi e ?
16Yaátɛ́ asana Bandɔ́mɛsɛ́ ŋá bɛ́tánɛ́na bɛnyɛ́ma a baháya mɔŋɔlɛ́ nááyá o otóŋínyi yááyɛ́ yaála yí nuubo e etémbí ne etémbí. Yááŋa eé buúse bɔ́ bɔnyɛ Abɛ́laham bukimekime, ɛ́cɛ anyía u ti ŋé yiínjie bɛnyɛ́ma abɛ́ u ŋaá bɛ́tánɛ́ná baacɔ hú a balátɛ́na bikotí mbá tɔ́na á baháya mɔŋɔlɛ́ nááyá bekime háyɛ Abɛ́laham. Yááŋa anyía Abɛ́laham áŋa ciasɔ́ síkíne cɛ basɔ́ bekime. 17Háyɛ yááŋa yɔɔ́ŋɔ́kɔ́nɔ́, Bandɔ́mɛsɛ́ ŋaá laána Abɛ́laham ɔsɛ : « I ŋo mí o télímínyi síkíne cɛ mɔnɔŋɔ mɔnɔŋɔ. »#Sɛn 17.5 Wáŋa ciasɔ́ síkíne eé buúse bɔ́ Bandɔ́mɛsɛ́#4.17 Nyɛkɔ́ŋɔ́na nyí etémbí : « Wáŋa otélímínyínyi eé buúse bɔ́ Bandɔ́mɛsɛ́… » anyía u ŋaá háya mɔŋɔlɛ́ nááyá. Bandɔ́mɛsɛ́ oócí u ŋeé héényútúne baacɔ e biwéewé, u bɔtáka bɛnyɛ́ma a bɛ́ tɛ ɔ́mɔ bá. 18Abɛ́laham ŋaá háyá mɔŋɔlɛ́ ná Bandɔ́mɛsɛ́ buéŋí ɔ ɔhɔla, ta yɛ́ cáŋa á bá anyía u tɛ ɔ́mɔ́ háná bá ne ohónyí wú ɔmɛnaka mɔŋɔlɛ́ ma ɔbɔ́ŋɔ ɔɔ́nɔ́. Aáná Abɛ́laham a yáaŋa síkíne cɛ mɔnɔŋɔ mɔnɔŋɔ, háyɛ Bandɔ́mɛsɛ́ ŋeé wuúci bɛ́tánɛ́ná eyí u ŋeé wuúci laana ɔsɛ : « Bɔ́ɔ́wɔ baáná ké bú tékéke. »#Sɛn 17.5 19Abɛ́laham ŋaá bá wa yáaŋa na tuɔŋɔ hoóhi etíne atáánɔ, u menyukune anyía wa yáaŋa olunénú, wuúci hoóhi ne owé ; u menyukune tɔ́na anyía oónyí Sáala áŋa ahúátá. Mbá ta híáná, úúyé olumitinine te oyémbunue te butíkítíki.#4.19 Nyɛkɔ́ŋɔ́na a nyɛ́mɔtɛ́ : « …béfendí eébé ŋa bɔ́ bámɔ́kɔ́nɛ́na hoóhi ne owé ». 20Na anyía wé suŋúnyíki ɔbɛ́tánɛ́na awɔ́ Bandɔ́mɛsɛ́ ŋeé wuúci bɛ́tánɛ́ná o wuúci íínjie ɔɔ́nɔ́, u ŋo yoónyísínyí bu oónyísínyi úúyé olumitinine, u wuúci iínjíékíne nuúmi.#4.20 Nyɛkɔ́ŋɔ́na a nyɛ́mɔtɛ́ : « …u ŋo yoónyísínyi úúyé olumitinine e nyimenyitúne nyɛ́ buáŋá bɔ́ Bandɔ́mɛsɛ́ ». 21U menyukune bɔmbányɛ bɔmbányɛ anyía Bandɔ́mɛsɛ́ áŋa na makɛ́nda me onyíóyísínyi bɔkɔ ebú u ŋeé wuúci bɛ́tánɛ́ná. 22Yaátɛ́ asana Bandɔ́mɛsɛ́ ŋeé hííte Abɛ́laham háyɛ atálɛ́mánánɔ́ yɛ́ ɔɔcɔ eeyé eé buúse anyía u ŋaá háyá mɔŋɔlɛ́ nááyá.#Sɛn 15.6 23Nyɛɔ́ŋɔ a nyɛ́áŋa nyɛɔ́ŋɔ́kɔ́nɔ́ anyía « Bandɔ́mɛsɛ́ ŋeé hííte Abɛ́laham háyɛ atálɛ́mánánɔ́ yɛ́ ɔɔcɔ eeyé eé buúse » tɛ á bá hú a asana yɛ́ Abɛ́laham bímuócí. 24Nyɛ́áŋa tɔ́na a yáásɔ́ asana, ananyía tu ŋa sɔ́ háya mɔŋɔlɛ́ ná Bandɔ́mɛsɛ́ ; wuúci u ŋeé héényi Yésus, uusú Otéŋí a Waáŋá, e biwéewé. U káá basɔ́ híite tɔ́na háyɛ bɛtálɛ́mánánɔ́ bɛ́ baacɔ eeyé eé buúse. 25Wuúci oócí Bandɔ́mɛsɛ́ ŋe lumitine anyía baacɔ ébú wuúci ɔ́ɔ́nɔ́ anyía máásɔ́ maabɛ́, mbá u ŋeé wuúci heényi e biwéewé anyía wá kɛlá anyía túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse.#4.25 Nyɛkɔ́ŋɔ́na a nyɛ́mɔtɛ́ : « …mbá u ŋeé wuúci héényi e biwéewé a asana ayɛ́ u ŋo nyíóyísínyi buólí a bɔ́ ŋa kɛla anyía túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse ».
Currently Selected:
Lom 4: lem
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Lom 4
4
Hibílícínyínyí hɛ́ na Abɛ́laham na Táfit
1Buamɛ, ánɔ bɛ́táá asana a yɛ́ ŋaá hámɛ́ná ciasɔ́ sɔ́kɔ́nɔ́ *Abɛ́laham. Aátɛ́ u ŋaá hɔ́má na Bandɔ́mɛsɛ́ e ? #4.1 Nyɛkɔ́ŋɔ́na nyí etémbí : « Aátɛ́ u ŋaá hɔ́ma a nyɛbá nyɛ́ ɔɔcɔ e ? » 2Mbɔ́kɔ Bandɔ́mɛsɛ́ ŋa kɛ́lá anyía wá bá atálɛ́mánánɔ́ yɛ́ ɔɔcɔ eeyé eé buúse anyía bíáyɛ́ bɛmbányɛ bí mekilíkínyí, keyé u ŋɔɔ́ bɔ́ŋɔ ohónyí wú obílémbíki wuúci bɛ́muátá. Mbá u tɛ á bá wu obílémbíki eé buúse bɔ́ Bandɔ́mɛsɛ́. 3Yááŋa anyía Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : « Abɛ́laham ŋaá háyá mɔŋɔlɛ́ ná Bandɔ́mɛsɛ́, ɛ́ɛhɛ́ Bandɔ́mɛsɛ́ ŋeé wuúci hiíte háyɛ atálɛ́mánánɔ́ yɛ́ ɔɔcɔ eeyé eé buúse. »#Sɛn 15.6 4Tu ŋe sú menyi bɔmbányɛ anyía ɔɔcɔ okime ewú bé hiíte e buólí naŋa wɔɔ́ nyiɔkɔ anyía bé wuúci namáka ; tɛ́ cáŋa bú wuúci ɔ́ɔ́lɔ bé ŋeé wuúci ɔ́ɔ́lɔ, mbá bé ŋeé wuúci nama e eelue yí búáyɛ́ buólí. 5Mbá, mbɔ́kɔ ɔɔcɔ ŋaá háya bɔ́ háya mɔŋɔlɛ́ ná Bandɔ́mɛsɛ́, wuúci u ŋa kɛ́la anyía bakɛla maabɛ́ á bámɔ́kɔ́na bɛtálɛ́mánánɔ́ bɛ́ baacɔ eeyé eé buúse, ɔɔcɔ oócí tɛ fanɛ́na a bíáyɛ́ bɛmbányɛ bí mekilíkínyí, Bandɔ́mɛsɛ́ kéé hiite úúyé olumitinine háyɛ ɔtálɛ́mánánɔ́ eeyé eé buúse. 6A asana eéyé Otéŋí Táfit ŋoó tóŋgínyí anyía ɔɔcɔ awɔ́ Bandɔ́mɛsɛ́ é híite háyɛ atálɛ́mánánɔ́ yɛ́ ɔɔcɔ eeyé eé buúse ta ɔfanɛna mekilíkínyí áŋa ne obíléne. 7U ŋaá kɔ́ɔ́na ɔsɛ : « Obíléne ná baacɔ abá Bandɔ́mɛsɛ́ ŋa nyɛ́anɛnɛna cáábɔ́ anana, u bɛ́hɔ́yáka máábɔ́ maabɛ́ ; 8ɔɔcɔ okime awɔ́ Bandɔ́mɛsɛ́ tɛ ŋáá fanɛna maabɛ́ áŋa ne obíléne. »#Maŋ 32.1-2
9Ɔ́kɔ, obíléne oócí káá lɛ́caka hú basɔ́ *Besuif a babɛ́ácákánɔ́ bímuócí e ? Eéʼeé, ú ŋa lɛca tɔ́na benduéndue. Tú ma sɔ́ kɔɔna anyía Bandɔ́mɛsɛ́ ŋeé hiíte Abɛ́laham háyɛ atálɛ́mánánɔ́ yɛ́ ɔɔcɔ eeyé eé buúse e uúyé olumitinine. 10Nyíényí asana eéyé ŋaá bɛ́kɛ́láka e ? Yɛ́ ŋaá bɛ́kɛ́láka ɛ́cɛ Abɛ́laham maá bɛ́áca ayɛ́ʼ, ɛ́cɛ wá yánáŋa iindú e ? U tɛ ɔ́mɔ́ bá ɔbɛ́ácánɔ́, mbá u ŋaá bá wá yánáŋa iindú. 11Abɛ́laham ŋaá bá wá yánáŋa iindú ekúlú ayɛ́ Bandɔ́mɛsɛ́ ŋeé wuúci hiite háyɛ atálɛ́mánánɔ́ yɛ́ ɔɔcɔ eeyé eé buúse, ananyía u ŋeé lumitíníne. E elime, Bandɔ́mɛsɛ́ ŋeé wuúci laana anyía wá bɛ́áca. Ɔbɛ́áca oócí ŋaá bá hibílícínyínyí e hí ŋo tóŋínyi anyía wáŋa atálɛ́mánánɔ́ yɛ́ ɔɔcɔ eé buúse bɔ́ Bandɔ́mɛsɛ́. Yaátɛ́ asana Abɛ́laham áŋa sɔ́kɔ́nɔ́ cɛ baháya mɔŋɔlɛ́ ná Bandɔ́mɛsɛ́ bekime, te beébe iindú. Beébe eébé Bandɔ́mɛsɛ́ ŋeé hiite tɔ́na háyɛ bɛtálɛ́mánánɔ́ bɛ́ baacɔ eeyé eé buúse. 12Abɛ́laham áŋa tɔ́na sɔ́kɔ́nɔ́ cɛ babɛ́ácákánɔ́ ; mbá bá ŋa bɔ́ nyɛmána bá ɔlátákɛ́na nyíáyɛ́ nyɛkɛla, bó lumitinine háyɛ wuúci u ŋeé lúmítínine ɛ́cɛ wa yánáŋa iindú.
13Yááŋa anyía Bandɔ́mɛsɛ́ ŋaá bɛ́tánɛ́na na Abɛ́laham na maayɛ́ mɔɔnɔ́ anyía u kéé beébe iínjíé ɔmɛsɛ́. U ti ómoó wuúci bɛ́tánɛ́na aáná anyía u ŋaá látákɛ́na *bikotí, mbá anyía u ŋaá háya mɔŋɔlɛ́ nááyá, yɔ́ bɛ́cáŋa atálɛ́mánánɔ́ yɛ́ ɔɔcɔ eeyé eé buúse. 14Mbɔ́kɔ yá bámɔ́kɔ́na anyía Bandɔ́mɛsɛ́ ŋe yiínjie bɛnyɛ́ma abɛ́ u ŋaá bɛ́tánɛ́na baacɔ hú eebe a bá ŋa bɔ́ látɛ́na bikotí,#4.14 Nyɛkɔ́ŋɔ́na nyí etémbí : « …hú eebe a bá bɔ́ŋa e butéŋí bú bikotí » keyé olumitinine tɛ́ ŋɔ́ yɔɔ́lɔ ta bɔkɔ, ɛndána tɔ́na tɛ́ka buúse bukime. 15Yááŋa aáná ananyía ɔ-tɛ-látɛ́na bikotí ŋaá kɛla anyía hilóbi é tímbie Bandɔ́mɛsɛ́. Mbá anyána ɔɔcɔ áŋa wu ɔnɔkɔkɔ bikotí, mbɔ́kɔ bikotí tɛ á bá bitélímíkínyínyi e ?
16Yaátɛ́ asana Bandɔ́mɛsɛ́ ŋá bɛ́tánɛ́na bɛnyɛ́ma a baháya mɔŋɔlɛ́ nááyá o otóŋínyi yááyɛ́ yaála yí nuubo e etémbí ne etémbí. Yááŋa eé buúse bɔ́ bɔnyɛ Abɛ́laham bukimekime, ɛ́cɛ anyía u ti ŋé yiínjie bɛnyɛ́ma abɛ́ u ŋaá bɛ́tánɛ́ná baacɔ hú a balátɛ́na bikotí mbá tɔ́na á baháya mɔŋɔlɛ́ nááyá bekime háyɛ Abɛ́laham. Yááŋa anyía Abɛ́laham áŋa ciasɔ́ síkíne cɛ basɔ́ bekime. 17Háyɛ yááŋa yɔɔ́ŋɔ́kɔ́nɔ́, Bandɔ́mɛsɛ́ ŋaá laána Abɛ́laham ɔsɛ : « I ŋo mí o télímínyi síkíne cɛ mɔnɔŋɔ mɔnɔŋɔ. »#Sɛn 17.5 Wáŋa ciasɔ́ síkíne eé buúse bɔ́ Bandɔ́mɛsɛ́#4.17 Nyɛkɔ́ŋɔ́na nyí etémbí : « Wáŋa otélímínyínyi eé buúse bɔ́ Bandɔ́mɛsɛ́… » anyía u ŋaá háya mɔŋɔlɛ́ nááyá. Bandɔ́mɛsɛ́ oócí u ŋeé héényútúne baacɔ e biwéewé, u bɔtáka bɛnyɛ́ma a bɛ́ tɛ ɔ́mɔ bá. 18Abɛ́laham ŋaá háyá mɔŋɔlɛ́ ná Bandɔ́mɛsɛ́ buéŋí ɔ ɔhɔla, ta yɛ́ cáŋa á bá anyía u tɛ ɔ́mɔ́ háná bá ne ohónyí wú ɔmɛnaka mɔŋɔlɛ́ ma ɔbɔ́ŋɔ ɔɔ́nɔ́. Aáná Abɛ́laham a yáaŋa síkíne cɛ mɔnɔŋɔ mɔnɔŋɔ, háyɛ Bandɔ́mɛsɛ́ ŋeé wuúci bɛ́tánɛ́ná eyí u ŋeé wuúci laana ɔsɛ : « Bɔ́ɔ́wɔ baáná ké bú tékéke. »#Sɛn 17.5 19Abɛ́laham ŋaá bá wa yáaŋa na tuɔŋɔ hoóhi etíne atáánɔ, u menyukune anyía wa yáaŋa olunénú, wuúci hoóhi ne owé ; u menyukune tɔ́na anyía oónyí Sáala áŋa ahúátá. Mbá ta híáná, úúyé olumitinine te oyémbunue te butíkítíki.#4.19 Nyɛkɔ́ŋɔ́na a nyɛ́mɔtɛ́ : « …béfendí eébé ŋa bɔ́ bámɔ́kɔ́nɛ́na hoóhi ne owé ». 20Na anyía wé suŋúnyíki ɔbɛ́tánɛ́na awɔ́ Bandɔ́mɛsɛ́ ŋeé wuúci bɛ́tánɛ́ná o wuúci íínjie ɔɔ́nɔ́, u ŋo yoónyísínyí bu oónyísínyi úúyé olumitinine, u wuúci iínjíékíne nuúmi.#4.20 Nyɛkɔ́ŋɔ́na a nyɛ́mɔtɛ́ : « …u ŋo yoónyísínyi úúyé olumitinine e nyimenyitúne nyɛ́ buáŋá bɔ́ Bandɔ́mɛsɛ́ ». 21U menyukune bɔmbányɛ bɔmbányɛ anyía Bandɔ́mɛsɛ́ áŋa na makɛ́nda me onyíóyísínyi bɔkɔ ebú u ŋeé wuúci bɛ́tánɛ́ná. 22Yaátɛ́ asana Bandɔ́mɛsɛ́ ŋeé hííte Abɛ́laham háyɛ atálɛ́mánánɔ́ yɛ́ ɔɔcɔ eeyé eé buúse anyía u ŋaá háyá mɔŋɔlɛ́ nááyá.#Sɛn 15.6 23Nyɛɔ́ŋɔ a nyɛ́áŋa nyɛɔ́ŋɔ́kɔ́nɔ́ anyía « Bandɔ́mɛsɛ́ ŋeé hííte Abɛ́laham háyɛ atálɛ́mánánɔ́ yɛ́ ɔɔcɔ eeyé eé buúse » tɛ á bá hú a asana yɛ́ Abɛ́laham bímuócí. 24Nyɛ́áŋa tɔ́na a yáásɔ́ asana, ananyía tu ŋa sɔ́ háya mɔŋɔlɛ́ ná Bandɔ́mɛsɛ́ ; wuúci u ŋeé héényi Yésus, uusú Otéŋí a Waáŋá, e biwéewé. U káá basɔ́ híite tɔ́na háyɛ bɛtálɛ́mánánɔ́ bɛ́ baacɔ eeyé eé buúse. 25Wuúci oócí Bandɔ́mɛsɛ́ ŋe lumitine anyía baacɔ ébú wuúci ɔ́ɔ́nɔ́ anyía máásɔ́ maabɛ́, mbá u ŋeé wuúci heényi e biwéewé anyía wá kɛlá anyía túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse.#4.25 Nyɛkɔ́ŋɔ́na a nyɛ́mɔtɛ́ : « …mbá u ŋeé wuúci héényi e biwéewé a asana ayɛ́ u ŋo nyíóyísínyi buólí a bɔ́ ŋa kɛla anyía túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse ».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.