Lom 13
13
Nyɛlɔ́kɔ́mɛ́na anyɛ́ bá nyɛmána ɔlɔ́kɔ́mákɛ́na ambala
1Ɔɔcɔ okime ŋá nyɛmána wu ɔlɔ́kɔ́mákɛ́na ambala ; yááŋa anyíaʼo, butéŋí tɛ á bá, ta búmɔtɛ́, e bú ti ómó húle ná Bandɔ́mɛsɛ́. Aáná, wuúci u ŋe télímínyi metéŋí eeme a maáŋa hɔ́á. 2Yaátɛ́ asana benuusi butéŋí ŋe bú nuusi nyɛtákɛ́na nyɛ́ bɛsana nyɛ́ Bandɔ́mɛsɛ́. Benuusi butéŋí eébú ké bú bísúékíne beébe bɛ́muátá bɔ́nɔ́sɛa cɛ Bandɔ́mɛsɛ́. 3Yááŋa anyíaʼo, baŋána bábɔ́ nyɛmana bé olíkíméke ambala ; tɛ́ cáŋa baacɔ a bá ŋa bɔ́ kɛla bɛmbányɛ bɛ́ bɛsana. Ɔ́kɔ, ɔ tɛ ŋɔ́ɔ waamba o búle líkíme ambala e ? Búle kɛla aná bɛmbányɛ bɛ́ bɛsana anyía ambala óo lembiki. 4Yááŋa anyía ambala ŋɔ nyiɔnɔ Bandɔ́mɛsɛ́ buólí ɔ ɔ kuɔŋɔ́ ɔɔ́lɔ ɔkɛla bɛmbányɛ bɛ́ bɛsana ; asana ɔ́mɔtɛ́, mbɔ́kɔ ɔ ŋɔɔ́ kɛla bɛɛbɛ́ bɛ́ bɛsana, ɔ ŋɔ́ɔ nyɛmana wu o yiíyi líkíméke. Yááŋa anyía tɛ́ cáŋa e etémbí ambala áŋa na makɛ́nda ma ɔbɔ́nɔ́síaka baacɔ;#13.4 Nɔkɛlɛ́k áŋa na « na nɔsala nɔ́ ɔhána ». mbá yɛ́ ŋɔ nyíɔnɔ Bandɔ́mɛsɛ́ buólí o otóŋínyi hilóbi hɛ́ Bandɔ́mɛsɛ́ ná mɔkɛla bɛɛbɛ́ bɛ́ bɛsana. 5Yaátɛ́ asana, yááŋa ambányɛ anyía ɔɔcɔ á lɔ́kɔ́mákɛ́na ambala, tɛ́ cáŋa hú asana ne hilóbi hɛ́ Bandɔ́mɛsɛ́. Mbá u ŋá nyɛmana wu ɔlɔ́kɔ́mákɛ́na ambala, u menyukune e hííyé hɛcɔɔ́cɔ́ hɛ́ ɔtɛ́má noómi anyía aáná wá nyɛmana wu ɔkɛlaka.
6Yaátɛ́ asana tɔ́na nu ŋa nɔ́ ɔɔ́ndɔ́ bitéési,#13.6 Bekilísíten e bé ŋe bú húle o olumitinine ú Besuif ŋa bɔ́ bá bé obítúmbúkúnyi ɔwɔɔ́ndɔ etéési ne butéŋí e bú tɛ ŋáá látɛ́na Bandɔ́mɛsɛ́ (fanáka Mat 22. 17). anyía betúé etéési ŋa bɔ́ nyíɔnɔ Bandɔ́mɛsɛ́ háyɛ yɛ́ ŋaá bɛ́amba. 7Ánɔ iínjíékine aná ná ɔɔcɔ okime bɔkɔ bukime abɔ́ núánɔ́ nyɛmana nú o wuúci iínjíékíne : Etéési né *betúé etéési, bɛɛfá né behiite bɛɛfá. Énu kékéke baacɔ abá núánɔ́ nyɛmana nú ɔlɔ́kɔ́mákɛ́na.
Ɔɔcɔ ŋá nyɛmana wu olénéke bɔsɔ́ɔ́kɔ́
8Ta ɔɔcɔ tɛ banɔ́ bata buhíné a búmɔtɛ́, ɛ́ tɛ ŋáa bá hú buhíné búmɔtɛ́ ; buúbu búáŋa nulénéne. Ánɔ cɔba ne buúse o o búle léne bɔsɔ́ɔ́kɔ́, anyía ɔɔcɔ ewú u ŋe léne bɔsɔ́ɔ́kɔ́ ŋa látɛ́na *bikotí bikime bɔmbányɛ bɔmbányɛ. 9Yááŋa anyía bikotí eebi : Atɛ kandáka tusɔmɔ, atɛ ɔ́ɔ́nɔ ɔɔcɔ, eti éébe, atɛ áákɛ́na bɔkɔ bɔ́ ɔɔcɔ,#13.9 Nyh 20.13-15, 17 ; Tet 5.17-19, 21 ne eebi bí etémbí a bɛ́mɔtɛ́ bikime, bíáŋa bisúŋékénú o okotí eeye ɔ́mɔtɛ́ : Lénéke sɔ́ɔ́kɔ́ háyɛ o ŋoó léne ciɔwɔ cɛɛ́tɔ cɛ bɛ́muátá.#Lef 19.18 10Ɔɔcɔ okime ewú u ŋe léne sɔ́ɔ́kɔ́ ti ŋéé wuúci kɛla aabɛ́ yɛ́ asana. Oléne sɔ́ɔ́kɔ́ áŋa aná ɔlátɛ́na bikotí bikime bɔmbányɛ bɔmbányɛ.
11Nu ŋe nú menyi bɔmbányɛ bikúlú ebí tú ŋe sú líhe aámbáya, nɔtɛ hɛ́táka hiiné. Yááŋa anyía nyɛkɔmba a yáaŋa hoóhi na basɔ́ aámbáya ɔ ɔhɔla ekúlú eyí tu ŋe sú túmé olumitinine. 12Ánɔ lɛcá ! Ibíne a yáaŋa ɔ ɔmanɔkɔna, ɔyá yɔ́ cɔba ɔ ɔyá. Túá bɛ́yúátáka aná bɛsana bikime a bɛ́ ŋa bɛ́kɛ́la i ibíne, túé hiitéke meléfényí mekime me eese. 13Túé líhéke ambányɛ yí olíhe yɛ́ nabuɔ́sɛ́ háyɛ yɛ́ ŋaá bɛ́amba, i iŋetí cɛ bakanda e eese noómi. Tuti híólóko meluku, tɔtɛ kɛláka bɛsana bɛ́ mɔnyɔ́kɔ́lɔ́, ta ɛnjɔkɔ́nɔ́nɔ, ta ɔsáá ɛsáká, ta ɔwaákɛ́na bɔkɔ bɔ́ ɔɔcɔ. 14Énu hiíte Otéŋí a Waáŋá Yésus aá cɛɛ́tɔ háyɛ buléfényi ; nɔtɛ bɛ́nyɛ́ána anyía bɛsana bí imehú á banɔ́ hámɔ́kɔ́na ɛ ɛtɛ́má noómi.
Currently Selected:
Lom 13: lem
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Lom 13
13
Nyɛlɔ́kɔ́mɛ́na anyɛ́ bá nyɛmána ɔlɔ́kɔ́mákɛ́na ambala
1Ɔɔcɔ okime ŋá nyɛmána wu ɔlɔ́kɔ́mákɛ́na ambala ; yááŋa anyíaʼo, butéŋí tɛ á bá, ta búmɔtɛ́, e bú ti ómó húle ná Bandɔ́mɛsɛ́. Aáná, wuúci u ŋe télímínyi metéŋí eeme a maáŋa hɔ́á. 2Yaátɛ́ asana benuusi butéŋí ŋe bú nuusi nyɛtákɛ́na nyɛ́ bɛsana nyɛ́ Bandɔ́mɛsɛ́. Benuusi butéŋí eébú ké bú bísúékíne beébe bɛ́muátá bɔ́nɔ́sɛa cɛ Bandɔ́mɛsɛ́. 3Yááŋa anyíaʼo, baŋána bábɔ́ nyɛmana bé olíkíméke ambala ; tɛ́ cáŋa baacɔ a bá ŋa bɔ́ kɛla bɛmbányɛ bɛ́ bɛsana. Ɔ́kɔ, ɔ tɛ ŋɔ́ɔ waamba o búle líkíme ambala e ? Búle kɛla aná bɛmbányɛ bɛ́ bɛsana anyía ambala óo lembiki. 4Yááŋa anyía ambala ŋɔ nyiɔnɔ Bandɔ́mɛsɛ́ buólí ɔ ɔ kuɔŋɔ́ ɔɔ́lɔ ɔkɛla bɛmbányɛ bɛ́ bɛsana ; asana ɔ́mɔtɛ́, mbɔ́kɔ ɔ ŋɔɔ́ kɛla bɛɛbɛ́ bɛ́ bɛsana, ɔ ŋɔ́ɔ nyɛmana wu o yiíyi líkíméke. Yááŋa anyía tɛ́ cáŋa e etémbí ambala áŋa na makɛ́nda ma ɔbɔ́nɔ́síaka baacɔ;#13.4 Nɔkɛlɛ́k áŋa na « na nɔsala nɔ́ ɔhána ». mbá yɛ́ ŋɔ nyíɔnɔ Bandɔ́mɛsɛ́ buólí o otóŋínyi hilóbi hɛ́ Bandɔ́mɛsɛ́ ná mɔkɛla bɛɛbɛ́ bɛ́ bɛsana. 5Yaátɛ́ asana, yááŋa ambányɛ anyía ɔɔcɔ á lɔ́kɔ́mákɛ́na ambala, tɛ́ cáŋa hú asana ne hilóbi hɛ́ Bandɔ́mɛsɛ́. Mbá u ŋá nyɛmana wu ɔlɔ́kɔ́mákɛ́na ambala, u menyukune e hííyé hɛcɔɔ́cɔ́ hɛ́ ɔtɛ́má noómi anyía aáná wá nyɛmana wu ɔkɛlaka.
6Yaátɛ́ asana tɔ́na nu ŋa nɔ́ ɔɔ́ndɔ́ bitéési,#13.6 Bekilísíten e bé ŋe bú húle o olumitinine ú Besuif ŋa bɔ́ bá bé obítúmbúkúnyi ɔwɔɔ́ndɔ etéési ne butéŋí e bú tɛ ŋáá látɛ́na Bandɔ́mɛsɛ́ (fanáka Mat 22. 17). anyía betúé etéési ŋa bɔ́ nyíɔnɔ Bandɔ́mɛsɛ́ háyɛ yɛ́ ŋaá bɛ́amba. 7Ánɔ iínjíékine aná ná ɔɔcɔ okime bɔkɔ bukime abɔ́ núánɔ́ nyɛmana nú o wuúci iínjíékíne : Etéési né *betúé etéési, bɛɛfá né behiite bɛɛfá. Énu kékéke baacɔ abá núánɔ́ nyɛmana nú ɔlɔ́kɔ́mákɛ́na.
Ɔɔcɔ ŋá nyɛmana wu olénéke bɔsɔ́ɔ́kɔ́
8Ta ɔɔcɔ tɛ banɔ́ bata buhíné a búmɔtɛ́, ɛ́ tɛ ŋáa bá hú buhíné búmɔtɛ́ ; buúbu búáŋa nulénéne. Ánɔ cɔba ne buúse o o búle léne bɔsɔ́ɔ́kɔ́, anyía ɔɔcɔ ewú u ŋe léne bɔsɔ́ɔ́kɔ́ ŋa látɛ́na *bikotí bikime bɔmbányɛ bɔmbányɛ. 9Yááŋa anyía bikotí eebi : Atɛ kandáka tusɔmɔ, atɛ ɔ́ɔ́nɔ ɔɔcɔ, eti éébe, atɛ áákɛ́na bɔkɔ bɔ́ ɔɔcɔ,#13.9 Nyh 20.13-15, 17 ; Tet 5.17-19, 21 ne eebi bí etémbí a bɛ́mɔtɛ́ bikime, bíáŋa bisúŋékénú o okotí eeye ɔ́mɔtɛ́ : Lénéke sɔ́ɔ́kɔ́ háyɛ o ŋoó léne ciɔwɔ cɛɛ́tɔ cɛ bɛ́muátá.#Lef 19.18 10Ɔɔcɔ okime ewú u ŋe léne sɔ́ɔ́kɔ́ ti ŋéé wuúci kɛla aabɛ́ yɛ́ asana. Oléne sɔ́ɔ́kɔ́ áŋa aná ɔlátɛ́na bikotí bikime bɔmbányɛ bɔmbányɛ.
11Nu ŋe nú menyi bɔmbányɛ bikúlú ebí tú ŋe sú líhe aámbáya, nɔtɛ hɛ́táka hiiné. Yááŋa anyía nyɛkɔmba a yáaŋa hoóhi na basɔ́ aámbáya ɔ ɔhɔla ekúlú eyí tu ŋe sú túmé olumitinine. 12Ánɔ lɛcá ! Ibíne a yáaŋa ɔ ɔmanɔkɔna, ɔyá yɔ́ cɔba ɔ ɔyá. Túá bɛ́yúátáka aná bɛsana bikime a bɛ́ ŋa bɛ́kɛ́la i ibíne, túé hiitéke meléfényí mekime me eese. 13Túé líhéke ambányɛ yí olíhe yɛ́ nabuɔ́sɛ́ háyɛ yɛ́ ŋaá bɛ́amba, i iŋetí cɛ bakanda e eese noómi. Tuti híólóko meluku, tɔtɛ kɛláka bɛsana bɛ́ mɔnyɔ́kɔ́lɔ́, ta ɛnjɔkɔ́nɔ́nɔ, ta ɔsáá ɛsáká, ta ɔwaákɛ́na bɔkɔ bɔ́ ɔɔcɔ. 14Énu hiíte Otéŋí a Waáŋá Yésus aá cɛɛ́tɔ háyɛ buléfényi ; nɔtɛ bɛ́nyɛ́ána anyía bɛsana bí imehú á banɔ́ hámɔ́kɔ́na ɛ ɛtɛ́má noómi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.