Lom 1
1
Bitéŋíti
1Yaŋɔ́ Bóol, ɛ ŋa mɛ́ banɔ́ ɔ́ɔ́ŋɛ́na nufule eenu ; ya mɛ́ŋa munyiɔnɔ mu *Yésus *Kilís. *Bandɔ́mɛsɛ́ ŋa mɛ lɔ́tɔ́, yɔ́ mɛ tɔ́ma *ɔɔcɔ u ɛndɔ́ma o okohúlinyi baacɔ yááyɛ́ Ambányɛ yɛ́ Ɛsɔ́ma. 2Buáyá u ŋaá bɛ́tánɛ́ná baacɔ Ambányɛ yɛ́ Ɛsɔ́ma eéyé eé nyuúté nyɛ́ bááyɛ́ *behémúnyi bɛsana, bó yiíyi ɔ́ɔ́ŋɔ́kɔ a Ciɔɔ́ŋɛ́ e Cifúúménénú noómi. 3-4Ambányɛ yɛ́ Ɛsɔ́ma eéyé ŋo tóŋínyi asana yí uuyé Ɔɔ́nɔ́, Yésus Kilís, uusú Otéŋí a Waáŋá. A aháŋá na baacɔ, bé ŋeé wuúci bíéné a hɛnyɛ́nɔ́ hí Otéŋí *Táfit. A aháŋá ne Elilé, Bandɔ́mɛsɛ́ ŋeé wuúci télímínyí uuyé Ɔɔ́nɔ́ a makɛ́nda me *Efúúménénú yí Elilé e nyiheenyi enyí u ŋeé wuúci héényi e biwéewé.#1.4 Bɔ́mɔtɛ́ ŋa bɔ́ lɔ́kɔ́ma : « Bandɔ́mɛsɛ́ ŋeé wuúci télímínyi uuyé Ɔɔ́nɔ́ e nyilimíné nyí Mesíi ». 5E elime ci uusú Otéŋí a Waáŋá, Bandɔ́mɛsɛ́ ŋeé mi tóŋínyí yááyɛ́ yaála yí nuubo, yɔ́ mɛ lɔtɔ uuyé ɔɔcɔ u ɛndɔ́ma o okohúlinyi mɔnɔŋɔ me etémbí mekime yááyɛ́ Ambányɛ yɛ́ Ɛsɔ́ma ananyía bé wuúci lumítékíníne, bé wuúci lɔ́kɔ́mákɛ́na. Aáná bé ké bú nyémiki Yésus Kilís. 6Banɔ́ tɔ́na, nua nɔ́ŋa ɔ ɔmbana ú baacɔ eébé ebé Yésus Kilís ŋɔɔ́ lɔ́ŋɔ́kɔ́. 7Ɛ́ɛhɛ́ ɛ ŋá mɛ́ banɔ́ ɔ́ɔ́ŋɛ́na nufule eenu, banɔ́ bekime abá nua nɔ́ŋa o *Lóom ; nua nɔ́ŋa baacɔ bá ɔtɛ́má bá Bandɔ́mɛsɛ́. Wuúci u ŋaá banɔ́ lɔ́ŋɔ́kɔ́ anyía nuánɔ́ bámɔ́kɔ́na bááyɛ́. Na ciasɔ́ Síkíne Bandɔ́mɛsɛ́ ne uusú Otéŋí a Waáŋá Yésus Kilís bá banɔ́ sayábákɛ́na, bá banɔ́ iínjíékíne mbuumu ɛ ɛtɛ́má noómi.
Bóol ŋo tóŋínyi anyía u ŋeé léne belumitinine bé Lóom
8Ɛ ŋa mɛ́ caŋa o wiínjie Bandɔ́mɛsɛ́ bitéŋíti e elime ci Yésus *Kilís a yáánɔ́ asana aá banɔ́ bekime, anyía bá ŋa bɛ́sɔ́mɔ úúnú olumitinine ɔ ɔmɛsɛ́ okime. 9Yááŋa anyía ɛ ŋaá mɛ bɛ́cɔ́kɔ́lɛ́na Bandɔ́mɛsɛ́ a yáánɔ́ asana ekúlú ekime eyí i ŋe mí wuúci bɛ́cɔ́kɔ́lɛ́na. Bandɔ́mɛsɛ́ áŋa uumi ɔmbasɔ́mbásɔ a asana eéyé. Wuúci ɛ ŋa mɛ́ nyiɔnɔ na ɔtɛ́má okime buólí bú ohulikinyi baacɔ Ambányɛ yɛ́ Ɛsɔ́ma yɛ́ asana yí uuyé Ɔɔ́nɔ́. 10Ɛ ŋaá mɛ bɛ́cɔ́kɔ́lɛ́na Bandɔ́mɛsɛ́ aáná, ɛ tɛ tɔmbɔ, anyía wé mi iínjíe ohónyí aámbáya wú ɔfaaya ɔ ɔkɔɔ́ banɔ́ lɛ́ca, mbɔ́kɔ u ŋéé lénéke. 11Yááŋa anyía ya mɛ́ŋa na ɛcaná ciéŋí ɔ ɔhɔla anyía yámɛ́ faáya ɔ ɔkɔɔ́ banɔ́ lɛ́ca, anyía yámɛ banɔ́ iínjíé nyiínjie a nyɛ́mɔtɛ́ nyí Elilé a nyɛ́áŋa nyí okíndísíki úúnú olumitinine. 12Ɛ ŋa mɛ́ aamba ɔkɔɔna yáaŋa anyía túésú kíndísíkínyínyi o olumitinine ɔ́mɔtɛ́ awɔ́ u maá basɔ́ láta basɔ́ bekime.
13Baláamɛ, ɛ ŋa mɛ́ banɔ́ láana anyía ya mɛ́ŋa ɔwaámbákánɔ́ bikúlú biéŋí ohónyí wú ɔfaaya ɔ ɔkɔɔ́ banɔ́ lɛca, anyía búámɛ buólí a lɛcána tɔ́na náánɔ́ háyɛ bú ŋa lɛcakana ɔ mɔnɔŋɔ me etémbí ; mbá, ɔ ɔkɔɔ́háma aámbáya ohónyí tɛ ŋá lɛ́cána. 14Bandɔ́mɛsɛ́ u ŋeé mi túéhínyi buólí eébú, ɛ́ɛhɛ́ ya mɛ́ŋa oweékínyínyi anyía yémi hulíkínyi baacɔ bekime bá ɔmɛsɛ́ Ambányɛ yɛ́ Ɛsɔ́ma ; ta *Bakɛlɛ́k, te becikécíke, te bemenyi bɔkɔ, te be-ti-menyí bɔkɔ. 15Yaátɛ́ asana ya mɛ́ŋa na ɛcaná ciéŋí cɛ ɔfaaya náánɔ́ ɔ ɔkɔɔ́ banɔ́ húlinyi tɔ́na Ambányɛ yɛ́ Ɛsɔ́ma eéyé, banɔ́ eebe ebé nu ŋe nú líhe o *Lóom.
Makɛ́nda ma Ambányɛ yɛ́ Ɛsɔ́ma
16Yááŋa anyía ɛ tɛ ŋá mɛ lɔ́kɔ́ma aatɔ́ ɔlama ekúlú eyí i ŋe mí hulinyi baacɔ Ambányɛ yɛ́ Ɛsɔ́ma. Ne Yiíyi Bandɔ́mɛsɛ́ ŋó tóŋínyi maayɛ́ makɛ́nda o onohiki baacɔ a bá ŋa bɔ́ háya mɔŋɔlɛ́ né Yésus *Kilís : Eé buúsebuúse né *Besuif, e elime eécí na baacɔ a bá tɛ ábɔ́ bá Besuif. 17Aáná yí ŋo tóŋínyi anyána Bandɔ́mɛsɛ́ ŋa kɛ́la anyía ɔɔcɔ á bá atálɛ́mánánɔ́ yɛ́ ɔɔcɔ eeyé eé buúse hú ɔ mɔŋɔlɛ́ amá u ŋaá háya nááyá. Aáná yááŋa yɔɔ́ŋɔ́kɔ́nɔ́ a Ciɔɔ́ŋɛ́ cɛ́ Bandɔ́mɛsɛ́ anyía : « Ɔɔcɔ okime awɔ́ u ŋaá háya mɔŋɔlɛ́ ná Bandɔ́mɛsɛ́, Bandɔ́mɛsɛ́ ŋa kɛla anyía wá bá atálɛ́mánánɔ́ yɛ́ ɔɔcɔ eeyé eé buúse ; wuúci u kéé líhéke taaká ci olíhe. »#1.17 Aba 2.4. Nyɛkɔ́ŋɔ́na nyí etémbí : « Atálɛ́mánánɔ́ yɛ́ ɔɔcɔ ekime eé buúse bɔ́ Bandɔ́mɛsɛ́ kéé líhéke ɔ mɔŋɔlɛ́ amá u ŋaá háya nááyá ».
Nyɛkua nyɛ́ baacɔ eé buúse bɔ́ Bandɔ́mɛsɛ́
18Yááŋa anyía Bandɔ́mɛsɛ́ ɔ Ɔmuaná noómi ŋo lóbisinyi baacɔ anyía bá ŋa bɔ́ kɛ́la bɛɛbɛ́ bɛ́ bɛsana, bé tí wuúci kéke. Yáábɔ́ aabɛ́ yɛ́ nyɛbɛ́kɛ́lɛ́na ŋeé húé ciayɛ́ taaká, 19yiíyi anyía bé ŋe bú ményi nyɛbá nyɛ́ Bandɔ́mɛsɛ́, anyía u ŋeé beébe nyiínyi tóŋínyi bɔmbányɛ bɔmbányɛ. 20Yááŋa anyía, o otúme e nyiketi nyɛ́ na ɔmɛsɛ́ na ɔmuaná, bɛnyɛ́ma bikime ebí u ŋeé kétíki ŋo tóŋínyi baacɔ na maayɛ́ makɛ́nda me ekúlú ekime na nyíáyɛ́ nyɛbá, yiíyi anyía bé tí ŋé bú wuúci lɛca. Ɛ́ɛhɛ́ ohónyí wú ɔnyɛanɛnɛna ɔɔcɔ tɛ á bá. 21Ta ayɛ́ bé ŋe bú ményi Bandɔ́mɛsɛ́, bé me bú kine ne o wuúci iínjie nuúmi ne o wuúci iínjie bitéŋíti e bí e wuúci nyɛmana ; mbá cííbú ibíkéti cɛ́ buála me beébe nenisiki ; cííbú ɛbɛ́táá cí etémbí ne etémbí me beébe kuusiki ibíne. 22Bé ŋe bú bíbééti ɔbá ne injiŋé, yiíyi anyía bá bɔ́ŋa bɛála. 23Na anyía bébú nyémíki buáŋá bɔ́ Bandɔ́mɛsɛ́, wuúci Indiwé, bé ŋe bú nyémi bɛbɔ́kɔ́bɔ́kɔ ; bɛ́ hɔ́áka na baacɔ e bé ŋe bú wé, ne tunonyí, na ɛnyama, na mɔɔ́hɔ.
24Yaátɛ́ asana Bandɔ́mɛsɛ́ mé beébe bɛ́yúátaka anyía bábɔ́ kɛ́laka bɛɛbɛ́ bɛ́ bɛsana e bí ŋeé beébe hámɛ́na ɛ ɛtɛ́má ; aáná bé ŋe bú tífíle cííbú cɛɛ́tɔ beébe ne beébe na bɛsana bikime bɛ́ aatɔ́ ɔlama. 25Bá má bɔ́ nyɛ́anaka taaká cɛ́ bɛsana a cɛ́ ŋa lɛ́ca Bandɔ́mɛsɛ́, bɔ́ látáka bɛfala. Bé ŋe bú nyemi bɛnyɛ́ma abɛ́ Bandɔ́mɛsɛ́ ŋeé kétíki, bé biíbi nyiɔkɛna, na anyía bébú nyemíki Ooci ewú u ŋeé biíbi ketíki bikime ! Wuúci bímuócí bá á nyɛmána bé onyemiki. *Híáná yááŋa !
26Buátɛ́ bɔkɔ Bandɔ́mɛsɛ́ meé beébe bɛ́yúataka anyía bábɔ́ kɛlaka bɛɛbɛ́ bɛ́ bɛsana bɛ́ aatɔ́ ɔlama e bí ŋeé beébe hámɛ́na ɛ ɛtɛ́má. Báábɔ́ beénjú tɛ ŋa háná ebú límine na banɔ́mɔcɔ́ háyɛ Bandɔ́mɛsɛ́ ŋeé kétíki, mbá bé ŋe bú límenenene. 27Híáná banɔ́mɔcɔ́ tɔ́na tɛ ŋa háná abɔ́ fiananana beénjú háyɛ Bandɔ́mɛsɛ́ ŋeé kétíki, mbá ɔfiananana bɔsɔ́ɔ́kɔ́ banɔ́mɔcɔ́, wuúci ú ŋeé beébe hámɛ́na ɛ ɛtɛ́má buéŋí. Bá ŋa bɔ́ kɛla bɛsana bɛ́ aatɔ́ ɔlama beébe ne beébe. Biíbi bí ŋeé beébe héléníne bɛnamá abɛ́ á nyɛmana na bɔɔbɛ́ abɔ́ bá ŋa bɔ́ kɛ́la. 28A asana ayɛ́ baacɔ eébé ti ŋé bú léne omenyinyi na Bandɔ́mɛsɛ́, ɛ́ɛhɛ́ ú meé beébe bɛ́yúataka anyía bábɔ́ látákɛ́na ne cííbú ɛbɛ́táá cí etémbí ne etémbí, bá kɛ́laka tɔ́na bɛsana abɛ́ bá tɛ́ ɔmɔ́ bɔ́ nyɛmana bá ɔkɛlaka. 29Bá bɔ́ŋa ne bibébékénú bɛ́ ɛtɛ́má, bí mo nyíóyóko na bɛɛbɛ́ bɛ́ bɛsana hú mbiɔ́kɛ ! Bá ŋa bɔ́ áákɛ́na bɔsɔ́ɔ́kɔ́, beébe na nyɛŋána ; bá bɔ́ŋa na bɛɔtɛ, bá ɔ́ɔ́nɔ́kɔ bɔsɔ́ɔ́kɔ́, bé lénéke ɛsáká ; beébe ne menjiŋé a bɛɛtɔ́, ne tusiŋítí tɔ́ ɔnyíákɛ́na bɔsɔ́ɔ́kɔ́ ; bá ŋa bɔ́ sɔ́mbɛ́na bɔsɔ́ɔ́kɔ́ bɛsana, 30bé ŋe bú óóto bɔsɔ́ɔ́kɔ́ ; bé líŋekine Bandɔ́mɛsɛ́, beébe ne tuféne. Bá bɔ́ŋa na bumálá, bé bíbéétíki tɔ́na. Bá bɔ́ŋa ekúlú ekime hoóhi na ɔkɛla bɔɔbɛ́ ; bá ŋa bɔ́ kɛ́lɛna bíábɔ́ bibíényi aatɔ́ ɔnata. 31Bá tɛ abɔ́ bá na bɛɛtɔ́. Ɔɔcɔ tɛ á bá wu ɔháya mɔŋɔlɛ́ náábɔ́ ; bé ti ŋe bú léne bɔsɔ́ɔ́kɔ́, bá tɛ bɛ́cáma ɔɔcɔ mahana. 32Ta ayɛ́ bé ŋe bú ményi bɔmbányɛ anyía Bandɔ́mɛsɛ́ ŋaá kɔɔna anyía baacɔ a bá ŋa bɔ́ kɛla anamánamá cá bɛɛbɛ́ bɛ́ bɛsana eécé ŋá bɔ́ nyɛmana bé owéékúne, bá ŋa bɔ́ cɔba hú ne buúse o o biíbi kɛla. Tɛ́ cáŋa ɔmanɔ́ oócí : Ekúlú ayɛ́ bá ŋa bɔ́ lɛ́ca baacɔ bé etémbí ábɔ́ kɛlaka bɛɛbɛ́ bɛ́ bɛsana, bé ŋe bú beébe lémbi anyía bá cɔbáka ne buúse ɔ ɔkɛla híáná.
Currently Selected:
Lom 1: lem
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Lom 1
1
Bitéŋíti
1Yaŋɔ́ Bóol, ɛ ŋa mɛ́ banɔ́ ɔ́ɔ́ŋɛ́na nufule eenu ; ya mɛ́ŋa munyiɔnɔ mu *Yésus *Kilís. *Bandɔ́mɛsɛ́ ŋa mɛ lɔ́tɔ́, yɔ́ mɛ tɔ́ma *ɔɔcɔ u ɛndɔ́ma o okohúlinyi baacɔ yááyɛ́ Ambányɛ yɛ́ Ɛsɔ́ma. 2Buáyá u ŋaá bɛ́tánɛ́ná baacɔ Ambányɛ yɛ́ Ɛsɔ́ma eéyé eé nyuúté nyɛ́ bááyɛ́ *behémúnyi bɛsana, bó yiíyi ɔ́ɔ́ŋɔ́kɔ a Ciɔɔ́ŋɛ́ e Cifúúménénú noómi. 3-4Ambányɛ yɛ́ Ɛsɔ́ma eéyé ŋo tóŋínyi asana yí uuyé Ɔɔ́nɔ́, Yésus Kilís, uusú Otéŋí a Waáŋá. A aháŋá na baacɔ, bé ŋeé wuúci bíéné a hɛnyɛ́nɔ́ hí Otéŋí *Táfit. A aháŋá ne Elilé, Bandɔ́mɛsɛ́ ŋeé wuúci télímínyí uuyé Ɔɔ́nɔ́ a makɛ́nda me *Efúúménénú yí Elilé e nyiheenyi enyí u ŋeé wuúci héényi e biwéewé.#1.4 Bɔ́mɔtɛ́ ŋa bɔ́ lɔ́kɔ́ma : « Bandɔ́mɛsɛ́ ŋeé wuúci télímínyi uuyé Ɔɔ́nɔ́ e nyilimíné nyí Mesíi ». 5E elime ci uusú Otéŋí a Waáŋá, Bandɔ́mɛsɛ́ ŋeé mi tóŋínyí yááyɛ́ yaála yí nuubo, yɔ́ mɛ lɔtɔ uuyé ɔɔcɔ u ɛndɔ́ma o okohúlinyi mɔnɔŋɔ me etémbí mekime yááyɛ́ Ambányɛ yɛ́ Ɛsɔ́ma ananyía bé wuúci lumítékíníne, bé wuúci lɔ́kɔ́mákɛ́na. Aáná bé ké bú nyémiki Yésus Kilís. 6Banɔ́ tɔ́na, nua nɔ́ŋa ɔ ɔmbana ú baacɔ eébé ebé Yésus Kilís ŋɔɔ́ lɔ́ŋɔ́kɔ́. 7Ɛ́ɛhɛ́ ɛ ŋá mɛ́ banɔ́ ɔ́ɔ́ŋɛ́na nufule eenu, banɔ́ bekime abá nua nɔ́ŋa o *Lóom ; nua nɔ́ŋa baacɔ bá ɔtɛ́má bá Bandɔ́mɛsɛ́. Wuúci u ŋaá banɔ́ lɔ́ŋɔ́kɔ́ anyía nuánɔ́ bámɔ́kɔ́na bááyɛ́. Na ciasɔ́ Síkíne Bandɔ́mɛsɛ́ ne uusú Otéŋí a Waáŋá Yésus Kilís bá banɔ́ sayábákɛ́na, bá banɔ́ iínjíékíne mbuumu ɛ ɛtɛ́má noómi.
Bóol ŋo tóŋínyi anyía u ŋeé léne belumitinine bé Lóom
8Ɛ ŋa mɛ́ caŋa o wiínjie Bandɔ́mɛsɛ́ bitéŋíti e elime ci Yésus *Kilís a yáánɔ́ asana aá banɔ́ bekime, anyía bá ŋa bɛ́sɔ́mɔ úúnú olumitinine ɔ ɔmɛsɛ́ okime. 9Yááŋa anyía ɛ ŋaá mɛ bɛ́cɔ́kɔ́lɛ́na Bandɔ́mɛsɛ́ a yáánɔ́ asana ekúlú ekime eyí i ŋe mí wuúci bɛ́cɔ́kɔ́lɛ́na. Bandɔ́mɛsɛ́ áŋa uumi ɔmbasɔ́mbásɔ a asana eéyé. Wuúci ɛ ŋa mɛ́ nyiɔnɔ na ɔtɛ́má okime buólí bú ohulikinyi baacɔ Ambányɛ yɛ́ Ɛsɔ́ma yɛ́ asana yí uuyé Ɔɔ́nɔ́. 10Ɛ ŋaá mɛ bɛ́cɔ́kɔ́lɛ́na Bandɔ́mɛsɛ́ aáná, ɛ tɛ tɔmbɔ, anyía wé mi iínjíe ohónyí aámbáya wú ɔfaaya ɔ ɔkɔɔ́ banɔ́ lɛ́ca, mbɔ́kɔ u ŋéé lénéke. 11Yááŋa anyía ya mɛ́ŋa na ɛcaná ciéŋí ɔ ɔhɔla anyía yámɛ́ faáya ɔ ɔkɔɔ́ banɔ́ lɛ́ca, anyía yámɛ banɔ́ iínjíé nyiínjie a nyɛ́mɔtɛ́ nyí Elilé a nyɛ́áŋa nyí okíndísíki úúnú olumitinine. 12Ɛ ŋa mɛ́ aamba ɔkɔɔna yáaŋa anyía túésú kíndísíkínyínyi o olumitinine ɔ́mɔtɛ́ awɔ́ u maá basɔ́ láta basɔ́ bekime.
13Baláamɛ, ɛ ŋa mɛ́ banɔ́ láana anyía ya mɛ́ŋa ɔwaámbákánɔ́ bikúlú biéŋí ohónyí wú ɔfaaya ɔ ɔkɔɔ́ banɔ́ lɛca, anyía búámɛ buólí a lɛcána tɔ́na náánɔ́ háyɛ bú ŋa lɛcakana ɔ mɔnɔŋɔ me etémbí ; mbá, ɔ ɔkɔɔ́háma aámbáya ohónyí tɛ ŋá lɛ́cána. 14Bandɔ́mɛsɛ́ u ŋeé mi túéhínyi buólí eébú, ɛ́ɛhɛ́ ya mɛ́ŋa oweékínyínyi anyía yémi hulíkínyi baacɔ bekime bá ɔmɛsɛ́ Ambányɛ yɛ́ Ɛsɔ́ma ; ta *Bakɛlɛ́k, te becikécíke, te bemenyi bɔkɔ, te be-ti-menyí bɔkɔ. 15Yaátɛ́ asana ya mɛ́ŋa na ɛcaná ciéŋí cɛ ɔfaaya náánɔ́ ɔ ɔkɔɔ́ banɔ́ húlinyi tɔ́na Ambányɛ yɛ́ Ɛsɔ́ma eéyé, banɔ́ eebe ebé nu ŋe nú líhe o *Lóom.
Makɛ́nda ma Ambányɛ yɛ́ Ɛsɔ́ma
16Yááŋa anyía ɛ tɛ ŋá mɛ lɔ́kɔ́ma aatɔ́ ɔlama ekúlú eyí i ŋe mí hulinyi baacɔ Ambányɛ yɛ́ Ɛsɔ́ma. Ne Yiíyi Bandɔ́mɛsɛ́ ŋó tóŋínyi maayɛ́ makɛ́nda o onohiki baacɔ a bá ŋa bɔ́ háya mɔŋɔlɛ́ né Yésus *Kilís : Eé buúsebuúse né *Besuif, e elime eécí na baacɔ a bá tɛ ábɔ́ bá Besuif. 17Aáná yí ŋo tóŋínyi anyána Bandɔ́mɛsɛ́ ŋa kɛ́la anyía ɔɔcɔ á bá atálɛ́mánánɔ́ yɛ́ ɔɔcɔ eeyé eé buúse hú ɔ mɔŋɔlɛ́ amá u ŋaá háya nááyá. Aáná yááŋa yɔɔ́ŋɔ́kɔ́nɔ́ a Ciɔɔ́ŋɛ́ cɛ́ Bandɔ́mɛsɛ́ anyía : « Ɔɔcɔ okime awɔ́ u ŋaá háya mɔŋɔlɛ́ ná Bandɔ́mɛsɛ́, Bandɔ́mɛsɛ́ ŋa kɛla anyía wá bá atálɛ́mánánɔ́ yɛ́ ɔɔcɔ eeyé eé buúse ; wuúci u kéé líhéke taaká ci olíhe. »#1.17 Aba 2.4. Nyɛkɔ́ŋɔ́na nyí etémbí : « Atálɛ́mánánɔ́ yɛ́ ɔɔcɔ ekime eé buúse bɔ́ Bandɔ́mɛsɛ́ kéé líhéke ɔ mɔŋɔlɛ́ amá u ŋaá háya nááyá ».
Nyɛkua nyɛ́ baacɔ eé buúse bɔ́ Bandɔ́mɛsɛ́
18Yááŋa anyía Bandɔ́mɛsɛ́ ɔ Ɔmuaná noómi ŋo lóbisinyi baacɔ anyía bá ŋa bɔ́ kɛ́la bɛɛbɛ́ bɛ́ bɛsana, bé tí wuúci kéke. Yáábɔ́ aabɛ́ yɛ́ nyɛbɛ́kɛ́lɛ́na ŋeé húé ciayɛ́ taaká, 19yiíyi anyía bé ŋe bú ményi nyɛbá nyɛ́ Bandɔ́mɛsɛ́, anyía u ŋeé beébe nyiínyi tóŋínyi bɔmbányɛ bɔmbányɛ. 20Yááŋa anyía, o otúme e nyiketi nyɛ́ na ɔmɛsɛ́ na ɔmuaná, bɛnyɛ́ma bikime ebí u ŋeé kétíki ŋo tóŋínyi baacɔ na maayɛ́ makɛ́nda me ekúlú ekime na nyíáyɛ́ nyɛbá, yiíyi anyía bé tí ŋé bú wuúci lɛca. Ɛ́ɛhɛ́ ohónyí wú ɔnyɛanɛnɛna ɔɔcɔ tɛ á bá. 21Ta ayɛ́ bé ŋe bú ményi Bandɔ́mɛsɛ́, bé me bú kine ne o wuúci iínjie nuúmi ne o wuúci iínjie bitéŋíti e bí e wuúci nyɛmana ; mbá cííbú ibíkéti cɛ́ buála me beébe nenisiki ; cííbú ɛbɛ́táá cí etémbí ne etémbí me beébe kuusiki ibíne. 22Bé ŋe bú bíbééti ɔbá ne injiŋé, yiíyi anyía bá bɔ́ŋa bɛála. 23Na anyía bébú nyémíki buáŋá bɔ́ Bandɔ́mɛsɛ́, wuúci Indiwé, bé ŋe bú nyémi bɛbɔ́kɔ́bɔ́kɔ ; bɛ́ hɔ́áka na baacɔ e bé ŋe bú wé, ne tunonyí, na ɛnyama, na mɔɔ́hɔ.
24Yaátɛ́ asana Bandɔ́mɛsɛ́ mé beébe bɛ́yúátaka anyía bábɔ́ kɛ́laka bɛɛbɛ́ bɛ́ bɛsana e bí ŋeé beébe hámɛ́na ɛ ɛtɛ́má ; aáná bé ŋe bú tífíle cííbú cɛɛ́tɔ beébe ne beébe na bɛsana bikime bɛ́ aatɔ́ ɔlama. 25Bá má bɔ́ nyɛ́anaka taaká cɛ́ bɛsana a cɛ́ ŋa lɛ́ca Bandɔ́mɛsɛ́, bɔ́ látáka bɛfala. Bé ŋe bú nyemi bɛnyɛ́ma abɛ́ Bandɔ́mɛsɛ́ ŋeé kétíki, bé biíbi nyiɔkɛna, na anyía bébú nyemíki Ooci ewú u ŋeé biíbi ketíki bikime ! Wuúci bímuócí bá á nyɛmána bé onyemiki. *Híáná yááŋa !
26Buátɛ́ bɔkɔ Bandɔ́mɛsɛ́ meé beébe bɛ́yúataka anyía bábɔ́ kɛlaka bɛɛbɛ́ bɛ́ bɛsana bɛ́ aatɔ́ ɔlama e bí ŋeé beébe hámɛ́na ɛ ɛtɛ́má. Báábɔ́ beénjú tɛ ŋa háná ebú límine na banɔ́mɔcɔ́ háyɛ Bandɔ́mɛsɛ́ ŋeé kétíki, mbá bé ŋe bú límenenene. 27Híáná banɔ́mɔcɔ́ tɔ́na tɛ ŋa háná abɔ́ fiananana beénjú háyɛ Bandɔ́mɛsɛ́ ŋeé kétíki, mbá ɔfiananana bɔsɔ́ɔ́kɔ́ banɔ́mɔcɔ́, wuúci ú ŋeé beébe hámɛ́na ɛ ɛtɛ́má buéŋí. Bá ŋa bɔ́ kɛla bɛsana bɛ́ aatɔ́ ɔlama beébe ne beébe. Biíbi bí ŋeé beébe héléníne bɛnamá abɛ́ á nyɛmana na bɔɔbɛ́ abɔ́ bá ŋa bɔ́ kɛ́la. 28A asana ayɛ́ baacɔ eébé ti ŋé bú léne omenyinyi na Bandɔ́mɛsɛ́, ɛ́ɛhɛ́ ú meé beébe bɛ́yúataka anyía bábɔ́ látákɛ́na ne cííbú ɛbɛ́táá cí etémbí ne etémbí, bá kɛ́laka tɔ́na bɛsana abɛ́ bá tɛ́ ɔmɔ́ bɔ́ nyɛmana bá ɔkɛlaka. 29Bá bɔ́ŋa ne bibébékénú bɛ́ ɛtɛ́má, bí mo nyíóyóko na bɛɛbɛ́ bɛ́ bɛsana hú mbiɔ́kɛ ! Bá ŋa bɔ́ áákɛ́na bɔsɔ́ɔ́kɔ́, beébe na nyɛŋána ; bá bɔ́ŋa na bɛɔtɛ, bá ɔ́ɔ́nɔ́kɔ bɔsɔ́ɔ́kɔ́, bé lénéke ɛsáká ; beébe ne menjiŋé a bɛɛtɔ́, ne tusiŋítí tɔ́ ɔnyíákɛ́na bɔsɔ́ɔ́kɔ́ ; bá ŋa bɔ́ sɔ́mbɛ́na bɔsɔ́ɔ́kɔ́ bɛsana, 30bé ŋe bú óóto bɔsɔ́ɔ́kɔ́ ; bé líŋekine Bandɔ́mɛsɛ́, beébe ne tuféne. Bá bɔ́ŋa na bumálá, bé bíbéétíki tɔ́na. Bá bɔ́ŋa ekúlú ekime hoóhi na ɔkɛla bɔɔbɛ́ ; bá ŋa bɔ́ kɛ́lɛna bíábɔ́ bibíényi aatɔ́ ɔnata. 31Bá tɛ abɔ́ bá na bɛɛtɔ́. Ɔɔcɔ tɛ á bá wu ɔháya mɔŋɔlɛ́ náábɔ́ ; bé ti ŋe bú léne bɔsɔ́ɔ́kɔ́, bá tɛ bɛ́cáma ɔɔcɔ mahana. 32Ta ayɛ́ bé ŋe bú ményi bɔmbányɛ anyía Bandɔ́mɛsɛ́ ŋaá kɔɔna anyía baacɔ a bá ŋa bɔ́ kɛla anamánamá cá bɛɛbɛ́ bɛ́ bɛsana eécé ŋá bɔ́ nyɛmana bé owéékúne, bá ŋa bɔ́ cɔba hú ne buúse o o biíbi kɛla. Tɛ́ cáŋa ɔmanɔ́ oócí : Ekúlú ayɛ́ bá ŋa bɔ́ lɛ́ca baacɔ bé etémbí ábɔ́ kɛlaka bɛɛbɛ́ bɛ́ bɛsana, bé ŋe bú beébe lémbi anyía bá cɔbáka ne buúse ɔ ɔkɛla híáná.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.