BBƐ 4
4
Hitúlé a hiáŋá hí Besuif ŋe kélísi ne Bíel na Sáaŋ
1Ne *beluli nyiínjie bé *Besuif a bɔ́mɔtɛ́,#4.1 Cɛ́mɔtɛ́ Ciɔɔ́ŋɛ́ cɛ́ buáyá áŋa na « Ne beluli nyiínjie a baáŋá bé Besuif… » ne mutéŋínyi bicénji bí Ciíbe cɛ Bandɔ́mɛsɛ́,#4.1 Mu ŋaá bá ɔɔcɔ u nyiínyi, wuúci u ŋaá bá wáa látáka mululi nyiínjie a muáŋá. na Basatusiɛ́ŋ a bɔ́mɔtɛ́ ŋa ka bɔ́ hámá ekúlú eyí ne Bíel na Sáaŋ ŋaá bá bá bɔ́ánáŋa o oweékúnyi baacɔ bá bunɔŋɔ, 2bó líŋe ekúlú ayɛ́ bá ŋa bɔ́ kuána ne Bíel na Sáaŋ o oweékúnyi baacɔ bá bunɔŋɔ anyía Yésus ma háanyua e biwéewé, bú bíhémbúléke anyía biwéewé áŋa bɛ́ ɔhaanyuaka. 3Yaátɛ́ asana bé ŋe bú beébe hátɛ́ákɛ́na, bé ŋé beébe fɔkɛna ɔ ɔkɔɔ́háma ɔ ɔyá ɔyá, anyía buɔ́sɛ́ ŋaá bá bú meé súéte.#4.3 Nanyiɔ́fɔ́ bɔkɔ bú injéŋí ínyíse, bá ŋaá bá bé me kúéyíki bihenyi ; aáná nyɛkála nyikime a nyɛ́ ŋaá bá nyɛ́ ɔkɛla anyía ɔɔcɔ é wé ŋa nyɛmána nyɛ́ ɔbɛ́kɛ́láka nabuɔ́sɛ́, tɛ́ cáŋa nebutúé. 4Mbá ta híáná, baacɔ beéŋí bá nyɛkɔca a bá ŋa bɔ́ lɔ́kɔ́máká Bɛsana bɛ́ Bandɔ́mɛsɛ́ ŋa bɔ́ hákɛ́na mɔŋɔlɛ́ né Yésus ; aáná ɔmbana ú belumitinine ŋa kaáháma hoóhi tɔ́sɛ́na cɛ́ baacɔ ɛ́táánɔ.
5Ɔ ɔyá ɔyá aná, ne betéŋínyi Besuif, na *baáŋá bé Besuif, ne *beékúnyi bikotí ŋa bɔ́ bɛ́bándákáná haála hɔ́mɔtɛ́ eé Yelúsalɛm ; 6*mutéŋínyi beluli nyiínjie a muáŋá Ane ŋaá bá hɔ́á,#4.6 Boloomɛ́ŋ ŋa bɔ́ aáŋía Ane ; ta híáná, bunɔŋɔ bú Besuif ŋaá bá búa cɔbaka ne buúse o o wuúci hiite háyɛ mululi nyiínjie a muáŋá. Ɔnɔ́mɛ u ɔɔ́nɔ́, Kayífe, ú ŋaá bá e nyilimíné eényí. na Kayífe, na Sáaŋ, na Alɛkɛsándɛlɛ, na baacɔ bekime bé etémbí bé ciíbe cɛ baacɔ ci mutéŋínyi beluli nyiínjie. 7Bé ŋeé héléné ne Bíel na Sáaŋ, bé ŋé beébe télímínyi aabɔ́ ɛ ɛkatɛ́katɛ́ ; ɔɔcɔ ɔmɔtɛ́ u Hitúlé ŋé beébe bata ɔsɛ : « A makɛ́nda ma háányɛ́ ta anyía eé nyiínyi nyɛ́ aányɛ́ nua nɔ́ŋa nu eéŋúnyísínyi ɔɔcɔ ooci e ? » 8*Efúúménénú yí Elilé ŋeé nyíóyó ɔ ɔtɛ́má ú Bíel hú mbiɔ́kɛ ; aáná u ŋaa bɛ́kámá ɔsɛ : « Na banɔ́, betéŋí bá bunɔŋɔ, na banɔ́, baáŋá bé *Islayɛ́l, 9ayɛ́ nu ŋa nɔ́ basɔ́ bícónyi hɛ́nánɔ a asana na bɔmbányɛ abɔ́ tú ma sɔ́ kɛ́la asákála eeye, nú basɔ́ bátaka tɔ́na anyána yɛ́áŋa yááŋɔ́núánɔ́, 10na banɔ́ bekime, na bunɔŋɔ bukime bú Islayɛ́l áyá, énu menyí bɔmbányɛ anyía ɔɔcɔ ooci awɔ́ ú ma tálɛ́mɛ́na eénú eé buúse áŋa ɔmbányɛ aáyá a cɛɛ́tɔ a makɛ́nda me nyiínyi nyí Yésus *Kilís, ɔɔcɔ u *Násalɛt. Wuúci otóocí nu ŋa nɔ́ aátákɛ́ná ɔ ɔmbásá, u ŋé wé. Mbá, Bandɔ́mɛsɛ́ yó wuúci heenyi e biwéewé. 11Yésus áŋa ooci awɔ́ Ciɔɔ́ŋɛ́ ŋé nyíóyísínyi cɛ́sɛ : “Nyɛndányɛ́ enyí betúme ciíbe ŋe bú oombóko, nyiínyi nyɛ́ ma bɛ́cáŋa nyɛndányɛ́ a nyɛ́ ma bɛ́túáhɛ́na ciíbe.”#Maŋ 118.22 12Yaátɛ́ asana ɛ ŋa mɛ́ banɔ́ láana anyía hú Yésus bímuócí wáŋa na makɛ́nda ma ɔ banɔ́ nóhi, anyía Bandɔ́mɛsɛ́ ŋeé wuúci iínjíé ná baacɔ ; buátɛ́ bɔkɔ ɔɔcɔ u etémbí tɛ á bá aaha ɔ ɔmɛsɛ́ ooci a wáŋa wu ɔ basɔ́ nóhíki. »
13Baacɔ bé Hitúlé a hiáŋá ŋe bú kéké buéŋí, anyía bá ŋa bɔ́ lɛ́cá anyía ne Bíel na Sáaŋ ŋa bɔ́ bá bébú beébe bɛ́kámáka, bé ti líkíme, bá lɛca tɔ́na anyía bá ŋa bɔ́ bá baacɔ a bá tɛ ɔ́mɔ bɔ́ kɛ́la sukúlu ; nyíábɔ́ nyimenyi eényí anyía baacɔ eébé ŋa bɔ́ bá buáyá ɔ ɔlɔŋɔ ú Yésus. 14Ɔɔcɔ awɔ́ u ŋa yaáŋɔ́núá ŋaá bá tálɛ́mɛ́na hoóhi ne beébe, buátɛ́ bɔkɔ bɔ́ tɛ ɔ́mɔ bɔ́ bá na bɔkɔ bú obíhélúmúnyi baacɔ bá ɛndɔ́ma. 15Baacɔ bé Hitúlé báyɛ bá cáŋa beébe hémúnyi a nɔháatɛ́, mbá bé síké abɔ́ aákɔ́nákɛ́na asana beébe ne beébe. 16Bé ŋé túme ɔbɛ́báta báyɛ : « Anyána túɔ́ cɔba ɔ ɔkɛla na baacɔ eebe e, anyía bá bɔ́ŋa bakɛlákánɔ́ yaandándá yí *ekéki yí hibílícínyínyí eéyé ayɛ́ baacɔ bekime bé Yelúsalɛm ŋe bú menyi ; tú tɛ asɔ́ bá tú ɔsáŋɔ́na anyía beébe bébú yiíyi kɛlaka. 17Mbá anyía baacɔ beéŋí tɛ cɔba ne buúse ɔ ɔlɔ́kɔ́ma asana eéyé, túé beébe koti anyía bá tɛ háná bíkétínyi ɔɔcɔ asana, bá cámbáka nyiínyi nyí Yésus. »
18Ɛ́ɛhɛ́ bé ŋe bú beébe oofínyi, bé ŋé beébe kotí buúse bukime báyɛ : « Tu tɛ háná lɔ́kɔ́ma nu húúnéke eété, ta anyía nu eékúnyíki baacɔ e nyiínyi eényí. »
19Ta híáná, ne Bíel na Sáaŋ ŋa bɔ́ bɛ́káma báyɛ : « Ánɔ lɛcá banɔ́ bɛ́muátá mbɔ́kɔ yááŋa atálɛ́mánánɔ́ eé buúse bɔ́ Bandɔ́mɛsɛ́ anyía túásɔ́ banɔ́ lɔ́kɔ́mákɛ́na ɔ ɔhɔla Bandɔ́mɛsɛ́. 20Tu tɛ asɔ́ bá tú okine obíkétínyi baacɔ bɛsana abɛ́ tú ŋa sɔ́ lɛ́caka, túɔ́ lɔ́kɔ́máka tɔ́na. » 21Báábɔ́ bekélísi bɛsana ŋa háná ébú beébe sásáka, báyɛ : « Nu ká nɔ́ lɛca mbɔ́kɔ nu ŋá nɔ́ cɔ́ba ne buúse o ohúli asana eéyé. » Aáná bé ŋe bú beébe nyɛána anyía bé súéte, ɛ́cɛ bá ma bɔ́ áaŋa hɛkɔma hí o beébe súbékíne, ananyía bunɔŋɔ bukime ŋaá bá búé yiínjíékíne Bandɔ́mɛsɛ́ nuúmi e *ekéki yɛ́ asana a yɛ́ ŋaá bɛ́kɛ́láká. 22Ɔɔcɔ ooci awɔ́ u ŋa yaáŋɔ́núá ekéki yɛ́ nyɛáŋɔ́nua ŋaá bá ɛ́cɛ ú ma hɔ́la tuɔŋɔ etíne éfendí.
Belumitinine Yésus ŋa bɔ́ bɛ́cɔ́kɔ́lɛ́na Bandɔ́mɛsɛ́
23Ɛ́makɛ́la bá nyɛána ne Bíel na Sáaŋ, bá ŋga bɔ́ kuána báábɔ́ benyíinyí ; bé ŋé beébe bíkétíkínyi bɛsana bikime ebí ne betéŋínyi *beluli nyiínjie na *baáŋá bé *Besuif ŋe bú beébe kotí ɔkɛla. 24Ɛ́makɛ́la belumitinine ábɔ́ lɔ́kɔ́máka bɛsana eébí bikime, bé ŋé túme ɔbɛ́cɔ́kɔ́lɛ́na Bandɔ́mɛsɛ́ okelú ɔ́mɔtɛ́, báyɛ : « Síkíne cɛ makɛ́nda mekime, kuɔŋɔ́ o ŋoó ketiki na ɔmɛsɛ́ na ɔmuaná, na nuɔmɔ́ nɔ́ makɛ́lɛ́, na bɛnyɛ́ma bikime a bɛ́áŋa noómi ; 25kuɔŋɔ́ ɔ ŋɔɔ́ kɛ́lá anyía ciasɔ́ sɔ́kɔ́nɔ́ Táfit, muɔwɔ munyiɔnɔ, á táŋɛ́ta a makɛ́nda me *Efúúménénú yí Elilé, ekúlú ayɛ́ mu ŋaá bɛ́báta mɔsɛ :
“Anyíatɛ́ mɔnɔŋɔ ma baacɔ ŋe bíyúkúle na bumálá e ?
Anyíatɛ́ mɔnɔŋɔ ma baacɔ ŋaá bánda tutɔkɛ tú etémbí ne etémbí e ?
26Betéŋí bá ɔmɛsɛ́ ma bɔ́ támba biité,
bá ma bɔ́ bɛ́látána
anyía bébú núúsíki ne Otéŋí a Waáŋá na ciayɛ́ Mesíi.”#Maŋ 2.1-2
27Yááŋa taaká anyía ne *Elóot na Bɔŋs Bílat ŋa bɔ́ látána ne bekenyí na tɔnyɛ́nɔ́ tú *Islayɛ́l bá bálɛ́ka eécí anyía bébú núúsíki Yésus a wáŋa muɔwɔ Munyiɔnɔ e mufúúménénú, muúmu ɔ́ ŋɔɔ́ lɔtɔ́. 28Bá bɔ́ŋa benyióyísínyínyi bɛsana bikime abɛ́ ɔ́ ŋɔɔ́ caŋácáŋa ɔsɔ́mbɔ́tɔ́na buáyá na ɔɔ́wɔ a makɛ́nda ne oówo e nyiléne anyía bɛ́ káá bɛ́kɛ́láka. 29Mbá aámbáya, Otéŋí Bandɔ́mɛsɛ́, ɔ́ɔ lɛca háyɛ bá ŋa bɔ́ basɔ́ sáŋɛna ; cɔ́kɔ́lɛ, óo wiínjíé bɔ́ɔ́wɔ bɔnyiɔnɔ makɛ́nda me ohulikinyi baacɔ bíɔ́wɔ bɛsana tɛ́ka ne bulíkílíki ɔ ɔtɛ́má. 30Ɔ́ɔ basɔ́ iínjíé mɔɔwɔ makɛ́nda anyía túésú eéŋúnyísíki baacɔ ɛkɔnɔ, tu kɛlaka tɔ́na ne bikéki bí tubílícínyínyí ne bikémése bɛ́ bɛsana a makɛ́nda me Yésus, muɔwɔ Munyiɔnɔ e mufúúménénú. »
31Ɛ́makɛ́la bábɔ́ mána ɔbɛ́cɔ́kɔ́lɛ́na Bandɔ́mɛsɛ́, haála ahá bá ŋa bɔ́ bá babɛ́bándákánɔ́ ŋeé bínyíétínyi ; Efúúménénú yí Elilé ŋo nyióyó hú mbiɔ́kɛ e cííbú ɛtɛ́má, beébe bekime. Nyíábɔ́ nyitúme eényí o húle húlinyi baacɔ Bɛsana bɛ́ Bandɔ́mɛsɛ́ na mɔŋɔlɛ́ ɔ ɔtɛ́má, bé ti líkíme.
Belumitinine Yésus ŋa bɔ́ aafana nyíábɔ́ nyɛbɔ́ŋɔ
32Ɔlɔŋɔ ú belumitinine ŋaá bá na ɔtɛ́má ɔ́mɔtɛ́ ne nyibíkéti nyɛ́mɔtɛ́ ; ta ɔɔcɔ eé beébe ŋaá bá u tɛ á kɔ́ɔ́na anyía nyíáyɛ́ nyɛbɔ́ŋɔ áŋa nyí wuúci bímuócí. Mbá ɔɔcɔ okime eé beébe ŋaá bá wa yáafakana nyíáyɛ́ nyɛbɔ́ŋɔ na bɔsɔ́ɔ́kɔ́. 33Baacɔ bá ɛndɔ́ma ŋa bɔ́ bá bébú húlikinyi baacɔ na makɛ́nda meéŋí anyía Yésus ŋaá háanyua e biwéewé. Bandɔ́mɛsɛ́ ŋaá bá waá sáyabakɛna buéŋí belumitinine bekime. 34Ta bɔkɔ a búmɔtɛ́ ŋaá bá bú tɛ á bɛ́ámbɛ́na ɔɔcɔ aabɔ́ ɛ ɛkatɛ́katɛ́. Yááŋa anyía baacɔ a bá ŋa bɔ́ bá ne bisíéné ne meébe ŋa bɔ́ bá bébú túéke bɛnyɛ́ma eébí, bé hélékénené mɔɔnyɛ́, 35bé meéme iínjíékíne ná baacɔ bá ɛndɔ́ma anyía bá ááfákɛ́na belumitinine bekime, ɔɔcɔ okime yó hiíte ɔmbana awɔ́ á nyɛmána ne wuúci a bɛsana e bí ŋeé wuúci bɛ́ámbɛ́na.
36Híáná ɔɔcɔ a wɔmɔtɛ́ ŋa kɛ́la, nyíáyɛ́ nyiínyi ŋaá bá anyía Yɔ́sɛb. Baacɔ bá ɛndɔ́ma ŋe bú wuúci lɔ́á ɔtáŋɛ́na anyía *Baanábas ɛ́cɛ anyía « Mukíndísi baacɔ ɛtɛ́má » ; u ŋaá bá u *bɔnyɛ Léfi, u ŋeé bíbíéné i iisí ci Síbele.#4.36 Besuif beéŋí ŋa bɔ́ bá bébú limekine hɔ́á a aháŋá yɛ́ nyɛháma nyɛ́ ɔɔ́cɔ́ yɛ́ nuɔmɔ́ nú Metitelanɛ́ o otúme e ekúlú yɛ́ bɔnyɛ Makabɛ́ɛ. 37Ɔɔcɔ oócí ŋaá bá na yááyɛ́ esíéné, u ŋé yiíyi túé, u ŋé ke iínjíé baacɔ bá ɛndɔ́ma mɔɔnyɛ́.
Currently Selected:
BBƐ 4: lem
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
BBƐ 4
4
Hitúlé a hiáŋá hí Besuif ŋe kélísi ne Bíel na Sáaŋ
1Ne *beluli nyiínjie bé *Besuif a bɔ́mɔtɛ́,#4.1 Cɛ́mɔtɛ́ Ciɔɔ́ŋɛ́ cɛ́ buáyá áŋa na « Ne beluli nyiínjie a baáŋá bé Besuif… » ne mutéŋínyi bicénji bí Ciíbe cɛ Bandɔ́mɛsɛ́,#4.1 Mu ŋaá bá ɔɔcɔ u nyiínyi, wuúci u ŋaá bá wáa látáka mululi nyiínjie a muáŋá. na Basatusiɛ́ŋ a bɔ́mɔtɛ́ ŋa ka bɔ́ hámá ekúlú eyí ne Bíel na Sáaŋ ŋaá bá bá bɔ́ánáŋa o oweékúnyi baacɔ bá bunɔŋɔ, 2bó líŋe ekúlú ayɛ́ bá ŋa bɔ́ kuána ne Bíel na Sáaŋ o oweékúnyi baacɔ bá bunɔŋɔ anyía Yésus ma háanyua e biwéewé, bú bíhémbúléke anyía biwéewé áŋa bɛ́ ɔhaanyuaka. 3Yaátɛ́ asana bé ŋe bú beébe hátɛ́ákɛ́na, bé ŋé beébe fɔkɛna ɔ ɔkɔɔ́háma ɔ ɔyá ɔyá, anyía buɔ́sɛ́ ŋaá bá bú meé súéte.#4.3 Nanyiɔ́fɔ́ bɔkɔ bú injéŋí ínyíse, bá ŋaá bá bé me kúéyíki bihenyi ; aáná nyɛkála nyikime a nyɛ́ ŋaá bá nyɛ́ ɔkɛla anyía ɔɔcɔ é wé ŋa nyɛmána nyɛ́ ɔbɛ́kɛ́láka nabuɔ́sɛ́, tɛ́ cáŋa nebutúé. 4Mbá ta híáná, baacɔ beéŋí bá nyɛkɔca a bá ŋa bɔ́ lɔ́kɔ́máká Bɛsana bɛ́ Bandɔ́mɛsɛ́ ŋa bɔ́ hákɛ́na mɔŋɔlɛ́ né Yésus ; aáná ɔmbana ú belumitinine ŋa kaáháma hoóhi tɔ́sɛ́na cɛ́ baacɔ ɛ́táánɔ.
5Ɔ ɔyá ɔyá aná, ne betéŋínyi Besuif, na *baáŋá bé Besuif, ne *beékúnyi bikotí ŋa bɔ́ bɛ́bándákáná haála hɔ́mɔtɛ́ eé Yelúsalɛm ; 6*mutéŋínyi beluli nyiínjie a muáŋá Ane ŋaá bá hɔ́á,#4.6 Boloomɛ́ŋ ŋa bɔ́ aáŋía Ane ; ta híáná, bunɔŋɔ bú Besuif ŋaá bá búa cɔbaka ne buúse o o wuúci hiite háyɛ mululi nyiínjie a muáŋá. Ɔnɔ́mɛ u ɔɔ́nɔ́, Kayífe, ú ŋaá bá e nyilimíné eényí. na Kayífe, na Sáaŋ, na Alɛkɛsándɛlɛ, na baacɔ bekime bé etémbí bé ciíbe cɛ baacɔ ci mutéŋínyi beluli nyiínjie. 7Bé ŋeé héléné ne Bíel na Sáaŋ, bé ŋé beébe télímínyi aabɔ́ ɛ ɛkatɛ́katɛ́ ; ɔɔcɔ ɔmɔtɛ́ u Hitúlé ŋé beébe bata ɔsɛ : « A makɛ́nda ma háányɛ́ ta anyía eé nyiínyi nyɛ́ aányɛ́ nua nɔ́ŋa nu eéŋúnyísínyi ɔɔcɔ ooci e ? » 8*Efúúménénú yí Elilé ŋeé nyíóyó ɔ ɔtɛ́má ú Bíel hú mbiɔ́kɛ ; aáná u ŋaa bɛ́kámá ɔsɛ : « Na banɔ́, betéŋí bá bunɔŋɔ, na banɔ́, baáŋá bé *Islayɛ́l, 9ayɛ́ nu ŋa nɔ́ basɔ́ bícónyi hɛ́nánɔ a asana na bɔmbányɛ abɔ́ tú ma sɔ́ kɛ́la asákála eeye, nú basɔ́ bátaka tɔ́na anyána yɛ́áŋa yááŋɔ́núánɔ́, 10na banɔ́ bekime, na bunɔŋɔ bukime bú Islayɛ́l áyá, énu menyí bɔmbányɛ anyía ɔɔcɔ ooci awɔ́ ú ma tálɛ́mɛ́na eénú eé buúse áŋa ɔmbányɛ aáyá a cɛɛ́tɔ a makɛ́nda me nyiínyi nyí Yésus *Kilís, ɔɔcɔ u *Násalɛt. Wuúci otóocí nu ŋa nɔ́ aátákɛ́ná ɔ ɔmbásá, u ŋé wé. Mbá, Bandɔ́mɛsɛ́ yó wuúci heenyi e biwéewé. 11Yésus áŋa ooci awɔ́ Ciɔɔ́ŋɛ́ ŋé nyíóyísínyi cɛ́sɛ : “Nyɛndányɛ́ enyí betúme ciíbe ŋe bú oombóko, nyiínyi nyɛ́ ma bɛ́cáŋa nyɛndányɛ́ a nyɛ́ ma bɛ́túáhɛ́na ciíbe.”#Maŋ 118.22 12Yaátɛ́ asana ɛ ŋa mɛ́ banɔ́ láana anyía hú Yésus bímuócí wáŋa na makɛ́nda ma ɔ banɔ́ nóhi, anyía Bandɔ́mɛsɛ́ ŋeé wuúci iínjíé ná baacɔ ; buátɛ́ bɔkɔ ɔɔcɔ u etémbí tɛ á bá aaha ɔ ɔmɛsɛ́ ooci a wáŋa wu ɔ basɔ́ nóhíki. »
13Baacɔ bé Hitúlé a hiáŋá ŋe bú kéké buéŋí, anyía bá ŋa bɔ́ lɛ́cá anyía ne Bíel na Sáaŋ ŋa bɔ́ bá bébú beébe bɛ́kámáka, bé ti líkíme, bá lɛca tɔ́na anyía bá ŋa bɔ́ bá baacɔ a bá tɛ ɔ́mɔ bɔ́ kɛ́la sukúlu ; nyíábɔ́ nyimenyi eényí anyía baacɔ eébé ŋa bɔ́ bá buáyá ɔ ɔlɔŋɔ ú Yésus. 14Ɔɔcɔ awɔ́ u ŋa yaáŋɔ́núá ŋaá bá tálɛ́mɛ́na hoóhi ne beébe, buátɛ́ bɔkɔ bɔ́ tɛ ɔ́mɔ bɔ́ bá na bɔkɔ bú obíhélúmúnyi baacɔ bá ɛndɔ́ma. 15Baacɔ bé Hitúlé báyɛ bá cáŋa beébe hémúnyi a nɔháatɛ́, mbá bé síké abɔ́ aákɔ́nákɛ́na asana beébe ne beébe. 16Bé ŋé túme ɔbɛ́báta báyɛ : « Anyána túɔ́ cɔba ɔ ɔkɛla na baacɔ eebe e, anyía bá bɔ́ŋa bakɛlákánɔ́ yaandándá yí *ekéki yí hibílícínyínyí eéyé ayɛ́ baacɔ bekime bé Yelúsalɛm ŋe bú menyi ; tú tɛ asɔ́ bá tú ɔsáŋɔ́na anyía beébe bébú yiíyi kɛlaka. 17Mbá anyía baacɔ beéŋí tɛ cɔba ne buúse ɔ ɔlɔ́kɔ́ma asana eéyé, túé beébe koti anyía bá tɛ háná bíkétínyi ɔɔcɔ asana, bá cámbáka nyiínyi nyí Yésus. »
18Ɛ́ɛhɛ́ bé ŋe bú beébe oofínyi, bé ŋé beébe kotí buúse bukime báyɛ : « Tu tɛ háná lɔ́kɔ́ma nu húúnéke eété, ta anyía nu eékúnyíki baacɔ e nyiínyi eényí. »
19Ta híáná, ne Bíel na Sáaŋ ŋa bɔ́ bɛ́káma báyɛ : « Ánɔ lɛcá banɔ́ bɛ́muátá mbɔ́kɔ yááŋa atálɛ́mánánɔ́ eé buúse bɔ́ Bandɔ́mɛsɛ́ anyía túásɔ́ banɔ́ lɔ́kɔ́mákɛ́na ɔ ɔhɔla Bandɔ́mɛsɛ́. 20Tu tɛ asɔ́ bá tú okine obíkétínyi baacɔ bɛsana abɛ́ tú ŋa sɔ́ lɛ́caka, túɔ́ lɔ́kɔ́máka tɔ́na. » 21Báábɔ́ bekélísi bɛsana ŋa háná ébú beébe sásáka, báyɛ : « Nu ká nɔ́ lɛca mbɔ́kɔ nu ŋá nɔ́ cɔ́ba ne buúse o ohúli asana eéyé. » Aáná bé ŋe bú beébe nyɛána anyía bé súéte, ɛ́cɛ bá ma bɔ́ áaŋa hɛkɔma hí o beébe súbékíne, ananyía bunɔŋɔ bukime ŋaá bá búé yiínjíékíne Bandɔ́mɛsɛ́ nuúmi e *ekéki yɛ́ asana a yɛ́ ŋaá bɛ́kɛ́láká. 22Ɔɔcɔ ooci awɔ́ u ŋa yaáŋɔ́núá ekéki yɛ́ nyɛáŋɔ́nua ŋaá bá ɛ́cɛ ú ma hɔ́la tuɔŋɔ etíne éfendí.
Belumitinine Yésus ŋa bɔ́ bɛ́cɔ́kɔ́lɛ́na Bandɔ́mɛsɛ́
23Ɛ́makɛ́la bá nyɛána ne Bíel na Sáaŋ, bá ŋga bɔ́ kuána báábɔ́ benyíinyí ; bé ŋé beébe bíkétíkínyi bɛsana bikime ebí ne betéŋínyi *beluli nyiínjie na *baáŋá bé *Besuif ŋe bú beébe kotí ɔkɛla. 24Ɛ́makɛ́la belumitinine ábɔ́ lɔ́kɔ́máka bɛsana eébí bikime, bé ŋé túme ɔbɛ́cɔ́kɔ́lɛ́na Bandɔ́mɛsɛ́ okelú ɔ́mɔtɛ́, báyɛ : « Síkíne cɛ makɛ́nda mekime, kuɔŋɔ́ o ŋoó ketiki na ɔmɛsɛ́ na ɔmuaná, na nuɔmɔ́ nɔ́ makɛ́lɛ́, na bɛnyɛ́ma bikime a bɛ́áŋa noómi ; 25kuɔŋɔ́ ɔ ŋɔɔ́ kɛ́lá anyía ciasɔ́ sɔ́kɔ́nɔ́ Táfit, muɔwɔ munyiɔnɔ, á táŋɛ́ta a makɛ́nda me *Efúúménénú yí Elilé, ekúlú ayɛ́ mu ŋaá bɛ́báta mɔsɛ :
“Anyíatɛ́ mɔnɔŋɔ ma baacɔ ŋe bíyúkúle na bumálá e ?
Anyíatɛ́ mɔnɔŋɔ ma baacɔ ŋaá bánda tutɔkɛ tú etémbí ne etémbí e ?
26Betéŋí bá ɔmɛsɛ́ ma bɔ́ támba biité,
bá ma bɔ́ bɛ́látána
anyía bébú núúsíki ne Otéŋí a Waáŋá na ciayɛ́ Mesíi.”#Maŋ 2.1-2
27Yááŋa taaká anyía ne *Elóot na Bɔŋs Bílat ŋa bɔ́ látána ne bekenyí na tɔnyɛ́nɔ́ tú *Islayɛ́l bá bálɛ́ka eécí anyía bébú núúsíki Yésus a wáŋa muɔwɔ Munyiɔnɔ e mufúúménénú, muúmu ɔ́ ŋɔɔ́ lɔtɔ́. 28Bá bɔ́ŋa benyióyísínyínyi bɛsana bikime abɛ́ ɔ́ ŋɔɔ́ caŋácáŋa ɔsɔ́mbɔ́tɔ́na buáyá na ɔɔ́wɔ a makɛ́nda ne oówo e nyiléne anyía bɛ́ káá bɛ́kɛ́láka. 29Mbá aámbáya, Otéŋí Bandɔ́mɛsɛ́, ɔ́ɔ lɛca háyɛ bá ŋa bɔ́ basɔ́ sáŋɛna ; cɔ́kɔ́lɛ, óo wiínjíé bɔ́ɔ́wɔ bɔnyiɔnɔ makɛ́nda me ohulikinyi baacɔ bíɔ́wɔ bɛsana tɛ́ka ne bulíkílíki ɔ ɔtɛ́má. 30Ɔ́ɔ basɔ́ iínjíé mɔɔwɔ makɛ́nda anyía túésú eéŋúnyísíki baacɔ ɛkɔnɔ, tu kɛlaka tɔ́na ne bikéki bí tubílícínyínyí ne bikémése bɛ́ bɛsana a makɛ́nda me Yésus, muɔwɔ Munyiɔnɔ e mufúúménénú. »
31Ɛ́makɛ́la bábɔ́ mána ɔbɛ́cɔ́kɔ́lɛ́na Bandɔ́mɛsɛ́, haála ahá bá ŋa bɔ́ bá babɛ́bándákánɔ́ ŋeé bínyíétínyi ; Efúúménénú yí Elilé ŋo nyióyó hú mbiɔ́kɛ e cííbú ɛtɛ́má, beébe bekime. Nyíábɔ́ nyitúme eényí o húle húlinyi baacɔ Bɛsana bɛ́ Bandɔ́mɛsɛ́ na mɔŋɔlɛ́ ɔ ɔtɛ́má, bé ti líkíme.
Belumitinine Yésus ŋa bɔ́ aafana nyíábɔ́ nyɛbɔ́ŋɔ
32Ɔlɔŋɔ ú belumitinine ŋaá bá na ɔtɛ́má ɔ́mɔtɛ́ ne nyibíkéti nyɛ́mɔtɛ́ ; ta ɔɔcɔ eé beébe ŋaá bá u tɛ á kɔ́ɔ́na anyía nyíáyɛ́ nyɛbɔ́ŋɔ áŋa nyí wuúci bímuócí. Mbá ɔɔcɔ okime eé beébe ŋaá bá wa yáafakana nyíáyɛ́ nyɛbɔ́ŋɔ na bɔsɔ́ɔ́kɔ́. 33Baacɔ bá ɛndɔ́ma ŋa bɔ́ bá bébú húlikinyi baacɔ na makɛ́nda meéŋí anyía Yésus ŋaá háanyua e biwéewé. Bandɔ́mɛsɛ́ ŋaá bá waá sáyabakɛna buéŋí belumitinine bekime. 34Ta bɔkɔ a búmɔtɛ́ ŋaá bá bú tɛ á bɛ́ámbɛ́na ɔɔcɔ aabɔ́ ɛ ɛkatɛ́katɛ́. Yááŋa anyía baacɔ a bá ŋa bɔ́ bá ne bisíéné ne meébe ŋa bɔ́ bá bébú túéke bɛnyɛ́ma eébí, bé hélékénené mɔɔnyɛ́, 35bé meéme iínjíékíne ná baacɔ bá ɛndɔ́ma anyía bá ááfákɛ́na belumitinine bekime, ɔɔcɔ okime yó hiíte ɔmbana awɔ́ á nyɛmána ne wuúci a bɛsana e bí ŋeé wuúci bɛ́ámbɛ́na.
36Híáná ɔɔcɔ a wɔmɔtɛ́ ŋa kɛ́la, nyíáyɛ́ nyiínyi ŋaá bá anyía Yɔ́sɛb. Baacɔ bá ɛndɔ́ma ŋe bú wuúci lɔ́á ɔtáŋɛ́na anyía *Baanábas ɛ́cɛ anyía « Mukíndísi baacɔ ɛtɛ́má » ; u ŋaá bá u *bɔnyɛ Léfi, u ŋeé bíbíéné i iisí ci Síbele.#4.36 Besuif beéŋí ŋa bɔ́ bá bébú limekine hɔ́á a aháŋá yɛ́ nyɛháma nyɛ́ ɔɔ́cɔ́ yɛ́ nuɔmɔ́ nú Metitelanɛ́ o otúme e ekúlú yɛ́ bɔnyɛ Makabɛ́ɛ. 37Ɔɔcɔ oócí ŋaá bá na yááyɛ́ esíéné, u ŋé yiíyi túé, u ŋé ke iínjíé baacɔ bá ɛndɔ́ma mɔɔnyɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.