BBƐ 28
28
Bóol áŋa i iisí ci Malɛtɛ
1Ɛ́makɛ́la túásɔ́ nɔ́hɔ́kɔ aáná tɛ́ka ne imbéŋé, baacɔ bé iisí ŋa bɔ́ basɔ́ láana anyía bɔ́ ŋɔɔ́ lɔ́ŋɔ iisí eécí anyía Malɛtɛ. 2Baacɔ eébé ŋa bɔ́ basɔ́ káhá bɔmbányɛ bɔmbányɛ. A asana ayɛ́ nɔbɔ́lá ŋeé túmé ɔnaa, nyiike kɛlaka buéŋí, bá ŋa bɔ́ aábánáká yaandándá yí oocó, bá ŋá basɔ́ lɔ́ŋɔ́kɔ basɔ́ bekime ɔ ɔkɔwáásába. 3Bóol ŋé hiíte acáká yɛ́ tɔŋasɛ ɔ ɔháya o oocó ; e ekúlú eéyé ɛhɛ́nyɛ ŋaá hámá a tɔŋasɛ eétú ɛ́cɛ ɔbála ú oocó meé wuúci tímbie, nyɛnɔ́ma Bóol eényí ɔ ɔɔbɔ́. 4Ɛ́makɛ́la baacɔ bé iisí ábɔ́ lɛ́ca anyía ciɔ́hɔ ma bɛ́lábɛ́na Bóol ɔ ɔɔbɔ́, bé ŋé túme ɔlaanana báyɛ : « Ɔɔcɔ ooci áŋa taaká taaká muɔ́nɔ baacɔ, na nyɛnɔhɔkɔ nyí owé ú menyífé aá nuɔmɔ́, Bandɔ́mɛsɛ́ ci imbífúne ti ómó lumitine anyía wé líhéke tɔ́na. »
5Mbá Bóol ŋe yíkílíte ɔɔbɔ́, ciɔ́hɔ ŋá kuá o oocó noómi, wuúci ta ɔlɔ́kɔ́ma ɔkála buúse bukime. 6Baacɔ a bɔ́mɔtɛ́ ŋa bɔ́ bá bábɔ́ bɛ́tátáka anyía Bóol yɔ́ cɔba o onuteke, ta anyía yɔ́ cɔba ɔ ɔkua hí aáhá, wé wé. Mbá ɛŋakɛlá bábɔ́ tátáka buéŋí, bá tɛ́ lɛca anyía Bóol ŋa lɔ́kɔ́ma ɔkála a wúmɔtɛ́, bá ŋá hɛ́ŋɛ́na ɔtáŋa ; bé ŋe túme ɔkɔɔna báyɛ « Háá, wáŋa bandɔ́mɛsɛ́ a cɛmɔtɛ́ ! »
7Mutéŋínyi iisí eécí ŋaá bá ne bikéti bɛ́ ɔmɛsɛ́ aáhá hoóhi ; nyíáyɛ́ nyiínyi ŋaá bá ɛ́cɛ Bubilios. U ŋaá basɔ́ káha e úúyé ooki bɔmbányɛ, túɔ́ fíanaka hɔ́á mɔɔ́sɛ́ matátɔ́. 8Síkíne ci Bubilios ŋaá bá fianɛna, u kɔnɔkɔ ne nyiike na tɔɔna tɔ́ manɔ́ŋɔ́. Aáná Bóol ŋa cɔ́bá ná taatá oócí, u ŋá bɛ́cɔ́kɔ́lɔ́kɛ́na Bandɔ́mɛsɛ́, u ŋé wuúci tála aabá a aatɔ́, nyi wuúci eéŋúnyísi eényí. 9E elime eécí, bɔkɔnɔ́kɔ́nɔ bé etémbí bé iisí eécí ŋe bú túmé ɔfaaya né Bóol, u beébe eéŋúnyísíki tɔ́na. 10Aáná baacɔ bé iisí eébé ŋa bɔ́ bá bábɔ́ basɔ́ kékéke buéŋí, beébe na nukasa ne nuubo. Ahɛ́ buɔ́sɛ́ bɔ́ nyíásɔ́ nyɛhatɔna ŋa kaáhámá, bá ŋa bɔ́ basɔ́ iínjíékíné bɛnyɛ́ma bikime a bɛ́ ŋaá bá bɛ́ á basɔ́ bɛ́ámbákɛ́na e úúsú ɔkanda.
Bóol ma kaáháma o Lóom
11Tú ŋe sú límékíne hɔ́á iílí ɛ́tátɔ́. Tu ŋé súéte eé sitíme a cɛ́mɔtɛ́ cɛ Alɛkɛsandilí, ci ŋe húlíki ekúlú yí buume hɔ́á a nyɛtálɛ́mɛ́na sitíme a nyɛ́mɔtɛ́ nyí ekéti yí iisí eéyé, bɔ́ lɔ́ŋɔ́kɔ sitíme eécí anyía « Nyɛhása nyɛ́ bɛbandɔ́mɛsɛ́ ».#28.11 Na Kasitɔɔl ne Bólús ŋa bɔ́ bá bɛbandɔ́mɛsɛ́ bífendí o olumitinine ú Bakɛlɛ́k ; bekendi sitíme ŋa bɔ́ bá bébú ciíci hiítéke háyɛ bíábɔ́ bɛbandɔ́mɛsɛ́ e bí ŋeé beébe tétényi. 12Ayɛ́ sitíme eécí ŋa tálɛ́mɛ́ná a bálɛ́ka ci Siláákus,#28.12 Bálɛ́ka a cɛáŋá ci iisí ci Silisí, hoóhi na ɔháma kilomɛ́ta 130 na Malɛtɛ. túɔ́ fíanaka hɔ́á mɔɔ́sɛ́ mekimekime matátɔ́. 13Ahɛ́ tu ŋa sɔ́ hátɔ́na hɔ́á, túɔ́ kándaka cɛ asálá cɛ asálá, tu ŋga hámá a bálɛ́ka ci Lékio. Ɔ ɔyá ɔyá, ehúne yɛ́ bulɔɔ́lɔ ŋé túme ohúne. Ɛ́ɛhɛ́ tu ŋga sɔ́ hámá a Búsɔl e elime cɛ mɔɔ́sɛ́ méfendí ma ɔkanda. 14A bálɛ́ka eécí, tu ŋa sɔ́ kuána báásɔ́ benyíinyí bé olumitinine ; bá ŋá basɔ́ báta anyía túé limékíne ne beébe mɔɔ́sɛ́ metíndétú nɔ́mɔ. Aáná tu ŋa sɔ́ kandáka ɔ ɔkɔɔ́háma o *Lóom. 15Háyɛ báásɔ́ benyíinyí bé olumitinine bé Lóom ŋa bɔ́ lɔ́kɔ́má anyía tu ŋga sɔ́ hámɔ́kɔ́na, bá ŋa bɔ́ fáákɔ́na ɔ ɔkɔɔ́ basɔ́ tátá ne eé Nyionyí nyí Abíyus na aá haála ahá bá ŋaá bá bɔ́ lɔ́ŋɔ́kɔ báyɛ « Meébe me Bekenyí Matátɔ́ ». Ɛ́makɛ́la Bóol é beébe lɛca, u ŋé iínjíé Bandɔ́mɛsɛ́ bitéŋíti ; makɛ́nda ŋé wuúci faáyɛ́na ɔ ɔtɛ́má. 16Ɛŋakɛlá tú ka sɔ́ háma o Lóom, betéŋí bá hɔ́á ŋé lumítíne anyía Bóol é limékíne eé ciíbe náányia, mbá ta híáná, ecénji ɔ́mɔtɛ́ wuúci tétényíki.
Bóol ŋeé húlinyi baacɔ bé Lóom Ambányɛ yɛ́ Ɛsɔ́ma
17E elime ci mɔɔ́sɛ́ matátɔ́, Bóol ŋɔɔ́ lɔ́ŋɔ́kɔ́ *baáŋá bé *Besuif bé *Lóom. Ɛ́makɛ́la bábɔ́ bɛ́bándákána, mbá ɔsɛ : « Ba-ɔɔ́nɔ́ u baabá, ta yɛ́ cáŋa á bá anyía ɛ tɛ ɔ́mɔ́ kɛ́lɛna baacɔ bá búásɔ́ bunɔŋɔ ɛndɔ́kɔ́, ta ɔnɔkɔ nyɛbɛ́kɛ́lɛ́na a nyɛ́mɔtɛ́ nyí cíísú sɔ́kɔ́nɔ́, bá ŋaá mɛ hatɛ́na eé Yelúsalɛm, bó mí fiimbie né Boloomɛ́ŋ. 18Ɛ́makɛ́la Boloomɛ́ŋ ébú mi bícónyíki, beébe ta ɔlɛca hɛkɔma a hɛ́ á mɛ hatɛna ahɛ́ bá bɔ́ŋa bá ɔ mɛ ɔ́ɔ́nɔ e hiíhi. Bá ŋa sɛ́ bábɔ́ mɛ nyɛána ; 19asana ɔ́mɔtɛ́, Besuif ŋa bɔ́ bɛ́kɛ́ŋɛ́lɛ́ána. Buátɛ́ bɔkɔ ɛ ŋaá mɛ bá oweékínyínyi anyía yémí hulisi yáámɛ asana ná Sɛsáal. Ɛ tɛ ámɛ bá na nyɛbɛ́táá a nyɛ́mɔtɛ́ anyía yámɛ sɔ́mɛ́na baacɔ bá búámɛ bunɔŋɔ. 20Ya mɛ́ŋa ɔ banɔ́ lɔ́ŋɔ́kɔ́nɔ́ aaha anyía yámɛ́ banɔ́ laakɛ́na anyía macanja amá ya mɛ́ŋa eé meéme áŋa a asana ayɛ́ ya mɛ́ŋa ɔháyánɔ́ mɔŋɔlɛ́ né *Mesíi, nááyá tɔ́na *Islayɛ́l o meéme háyánɔ́. »
21Mbá báyɛ nááyá : « Tu tɛ asɔ́ bá ne nufule a númɔtɛ́ e nú ŋeé húle eé Yuté, nú táŋáka yɔ́ɔ́wɔ asana ; ta ɔɔ́nɔ́ u baabá wuúsu a wɔmɔtɛ́ tɛ ŋgaá hámá aáhá u húlúkúne hɔ́á, yɔ́ basɔ́ bíkétíkínyi asana a yɛ́mɔtɛ́, bá cámbaka nyiɔ́wɔ nyiínyi. 22Tu ŋa sɔ́ áamba ɔlɔ́kɔ́ma ɔ nyiɔ́wɔ nyuúté aátɛ́ kuɔŋɔ́ bɛ́muátá ɔ ŋɔɔ́ bɛ́táá. Yááŋa anyía tu ŋe sú ményi anyía haála hekime baacɔ ŋe bú núúsi ɔlɔŋɔ ooci. »
23Bá ŋá bɔ́ tánáná ɛndána ci etémbí ne Bóol. A buɔ́sɛ́ eébú, bá ŋa bɔ́ fáákɔ́na ɔmbana weéŋí ɔ ɔhɔla e úúyé ooki. O otúme nɔɔ́nɔyá ɔ ɔkɔɔ́háma nanyiɔ́fɔ́, Bóol ŋeé beébe hulíkínyi asana yí *Butéŋí bɔ́ Bandɔ́mɛsɛ́, u óónyísíkínyi ne *bikotí bí *Moyís ne tufule tú *behémúnyi bɛsana bá Bandɔ́mɛsɛ́, anyía wá bɛ́káná o beébe tóŋínyi anyía asana yí Yésus áŋa taaká. 24Aáná baacɔ a bɔ́mɔtɛ́ ŋe bú lúmítíníne anyía bɛsana abɛ́ u ŋaá bá waá kɔ́ɔnaka áŋa taaká ; ta híáná, a bɔ́mɔtɛ́ súŋginyi. 25Ekúlú ayɛ́ bá ŋa bɔ́ bá bá búáŋa ɔ ɔwaálɔ́nána, beébe tɛ́ka na ɔlɔ́kɔ́mána, mbá Bóol ɔsɛ : « *Efúúménénú yí Elilé ŋaá kɔ́ɔnaka taaká, ekúlú ayɛ́ yɛ́ ŋaá bá yɛ́a táŋáka né cíínú sɔ́kɔ́nɔ́ eé nyuúté nyí *muhémúnyi bɛsana *Ɛsayí. 26Yááŋa anyía yɛ́ ŋaá kɔɔna yɛ́sɛ :
“Ká ká laakɛ́na baacɔ bá bunɔŋɔ eébú asɛ : Nu ká nɔ́ lɔ́kɔ́máka, mbá nu tɛ hɔla ɔlɔ́kɔ́ma bɔmbányɛ ; nu ká nɔ́ lɛ́caka, mbá nu tɛ hɔla ɔlɛca bɔmbányɛ.
27Yááŋa anyía baacɔ eébé ma bɔ́ sɔ́lɛ́tɛ́na ɛtɛ́má, bɔ́ bɛ́cúáka eetú. Bé me bú bínyímékíne anyía bá tɛ lɛcana na cáábɔ́ eése, bá tɛ lɔ́kɔ́mána na cáábɔ́ eetú, bá tɛ́ bɛ́háya asana ɛ ɛtɛ́má noómi ; keyé bá ká bɔ́ bɛ́kɔ́ŋɔ́nákɛ́na ɛtɛ́má anyía yémi beébe eéŋúnyísíki.”#Ɛsa 6.9-10
Aáná Bandɔ́mɛsɛ́ ŋaá kɔ́ɔ́na. 28Yaátɛ́ asana énu menyí bɔmbányɛ aná : Bandɔ́mɛsɛ́ áŋa ɔtɔ́mɛ́nánɔ́ baacɔ a bá tɛ ábɔ́ bá Besuif ɛsɔ́ma, ciíci cɛ́ ŋa lɛ́ca nyinohi anyɛ́ Bandɔ́mɛsɛ́ ŋé nohi baacɔ. Beébe eébé bé ké bú ciíci lɔ́kɔ́máka, bó lúmitekinine. » 29[Ɔ ɔtáŋa ú Bóol oócí, Besuif ŋa bɔ́ aálɔ́nákáná, bé súŋgunyinyi na makɛ́nda.]
30Bóol ŋeé límékine tuɔŋɔ tukimekime túfendí eé ciíbe ecí u ŋeé léndí, u káháka bɔmbányɛ baacɔ bekime a bá ŋa bɔ́ bá bábɔ́ fáakɔna o okoó wuúci lɛca. 31U ŋaá bá weé húlikinyi baacɔ bekime asana yí Butéŋí bɔ́ Bandɔ́mɛsɛ́ ; bɛsana eébí ŋaá bá bɛ́ a lɛ́caka Otéŋí a Waáŋá Yésus *Kilís. U ŋaá bá weé beébe eékúnyíki bɛsana háyɛ u ŋaá bá weé lénéke na mɔŋɔlɛ́ mekime, tɛ́ka ne muuyé a mumɔtɛ́.
Currently Selected:
BBƐ 28: lem
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
BBƐ 28
28
Bóol áŋa i iisí ci Malɛtɛ
1Ɛ́makɛ́la túásɔ́ nɔ́hɔ́kɔ aáná tɛ́ka ne imbéŋé, baacɔ bé iisí ŋa bɔ́ basɔ́ láana anyía bɔ́ ŋɔɔ́ lɔ́ŋɔ iisí eécí anyía Malɛtɛ. 2Baacɔ eébé ŋa bɔ́ basɔ́ káhá bɔmbányɛ bɔmbányɛ. A asana ayɛ́ nɔbɔ́lá ŋeé túmé ɔnaa, nyiike kɛlaka buéŋí, bá ŋa bɔ́ aábánáká yaandándá yí oocó, bá ŋá basɔ́ lɔ́ŋɔ́kɔ basɔ́ bekime ɔ ɔkɔwáásába. 3Bóol ŋé hiíte acáká yɛ́ tɔŋasɛ ɔ ɔháya o oocó ; e ekúlú eéyé ɛhɛ́nyɛ ŋaá hámá a tɔŋasɛ eétú ɛ́cɛ ɔbála ú oocó meé wuúci tímbie, nyɛnɔ́ma Bóol eényí ɔ ɔɔbɔ́. 4Ɛ́makɛ́la baacɔ bé iisí ábɔ́ lɛ́ca anyía ciɔ́hɔ ma bɛ́lábɛ́na Bóol ɔ ɔɔbɔ́, bé ŋé túme ɔlaanana báyɛ : « Ɔɔcɔ ooci áŋa taaká taaká muɔ́nɔ baacɔ, na nyɛnɔhɔkɔ nyí owé ú menyífé aá nuɔmɔ́, Bandɔ́mɛsɛ́ ci imbífúne ti ómó lumitine anyía wé líhéke tɔ́na. »
5Mbá Bóol ŋe yíkílíte ɔɔbɔ́, ciɔ́hɔ ŋá kuá o oocó noómi, wuúci ta ɔlɔ́kɔ́ma ɔkála buúse bukime. 6Baacɔ a bɔ́mɔtɛ́ ŋa bɔ́ bá bábɔ́ bɛ́tátáka anyía Bóol yɔ́ cɔba o onuteke, ta anyía yɔ́ cɔba ɔ ɔkua hí aáhá, wé wé. Mbá ɛŋakɛlá bábɔ́ tátáka buéŋí, bá tɛ́ lɛca anyía Bóol ŋa lɔ́kɔ́ma ɔkála a wúmɔtɛ́, bá ŋá hɛ́ŋɛ́na ɔtáŋa ; bé ŋe túme ɔkɔɔna báyɛ « Háá, wáŋa bandɔ́mɛsɛ́ a cɛmɔtɛ́ ! »
7Mutéŋínyi iisí eécí ŋaá bá ne bikéti bɛ́ ɔmɛsɛ́ aáhá hoóhi ; nyíáyɛ́ nyiínyi ŋaá bá ɛ́cɛ Bubilios. U ŋaá basɔ́ káha e úúyé ooki bɔmbányɛ, túɔ́ fíanaka hɔ́á mɔɔ́sɛ́ matátɔ́. 8Síkíne ci Bubilios ŋaá bá fianɛna, u kɔnɔkɔ ne nyiike na tɔɔna tɔ́ manɔ́ŋɔ́. Aáná Bóol ŋa cɔ́bá ná taatá oócí, u ŋá bɛ́cɔ́kɔ́lɔ́kɛ́na Bandɔ́mɛsɛ́, u ŋé wuúci tála aabá a aatɔ́, nyi wuúci eéŋúnyísi eényí. 9E elime eécí, bɔkɔnɔ́kɔ́nɔ bé etémbí bé iisí eécí ŋe bú túmé ɔfaaya né Bóol, u beébe eéŋúnyísíki tɔ́na. 10Aáná baacɔ bé iisí eébé ŋa bɔ́ bá bábɔ́ basɔ́ kékéke buéŋí, beébe na nukasa ne nuubo. Ahɛ́ buɔ́sɛ́ bɔ́ nyíásɔ́ nyɛhatɔna ŋa kaáhámá, bá ŋa bɔ́ basɔ́ iínjíékíné bɛnyɛ́ma bikime a bɛ́ ŋaá bá bɛ́ á basɔ́ bɛ́ámbákɛ́na e úúsú ɔkanda.
Bóol ma kaáháma o Lóom
11Tú ŋe sú límékíne hɔ́á iílí ɛ́tátɔ́. Tu ŋé súéte eé sitíme a cɛ́mɔtɛ́ cɛ Alɛkɛsandilí, ci ŋe húlíki ekúlú yí buume hɔ́á a nyɛtálɛ́mɛ́na sitíme a nyɛ́mɔtɛ́ nyí ekéti yí iisí eéyé, bɔ́ lɔ́ŋɔ́kɔ sitíme eécí anyía « Nyɛhása nyɛ́ bɛbandɔ́mɛsɛ́ ».#28.11 Na Kasitɔɔl ne Bólús ŋa bɔ́ bá bɛbandɔ́mɛsɛ́ bífendí o olumitinine ú Bakɛlɛ́k ; bekendi sitíme ŋa bɔ́ bá bébú ciíci hiítéke háyɛ bíábɔ́ bɛbandɔ́mɛsɛ́ e bí ŋeé beébe tétényi. 12Ayɛ́ sitíme eécí ŋa tálɛ́mɛ́ná a bálɛ́ka ci Siláákus,#28.12 Bálɛ́ka a cɛáŋá ci iisí ci Silisí, hoóhi na ɔháma kilomɛ́ta 130 na Malɛtɛ. túɔ́ fíanaka hɔ́á mɔɔ́sɛ́ mekimekime matátɔ́. 13Ahɛ́ tu ŋa sɔ́ hátɔ́na hɔ́á, túɔ́ kándaka cɛ asálá cɛ asálá, tu ŋga hámá a bálɛ́ka ci Lékio. Ɔ ɔyá ɔyá, ehúne yɛ́ bulɔɔ́lɔ ŋé túme ohúne. Ɛ́ɛhɛ́ tu ŋga sɔ́ hámá a Búsɔl e elime cɛ mɔɔ́sɛ́ méfendí ma ɔkanda. 14A bálɛ́ka eécí, tu ŋa sɔ́ kuána báásɔ́ benyíinyí bé olumitinine ; bá ŋá basɔ́ báta anyía túé limékíne ne beébe mɔɔ́sɛ́ metíndétú nɔ́mɔ. Aáná tu ŋa sɔ́ kandáka ɔ ɔkɔɔ́háma o *Lóom. 15Háyɛ báásɔ́ benyíinyí bé olumitinine bé Lóom ŋa bɔ́ lɔ́kɔ́má anyía tu ŋga sɔ́ hámɔ́kɔ́na, bá ŋa bɔ́ fáákɔ́na ɔ ɔkɔɔ́ basɔ́ tátá ne eé Nyionyí nyí Abíyus na aá haála ahá bá ŋaá bá bɔ́ lɔ́ŋɔ́kɔ báyɛ « Meébe me Bekenyí Matátɔ́ ». Ɛ́makɛ́la Bóol é beébe lɛca, u ŋé iínjíé Bandɔ́mɛsɛ́ bitéŋíti ; makɛ́nda ŋé wuúci faáyɛ́na ɔ ɔtɛ́má. 16Ɛŋakɛlá tú ka sɔ́ háma o Lóom, betéŋí bá hɔ́á ŋé lumítíne anyía Bóol é limékíne eé ciíbe náányia, mbá ta híáná, ecénji ɔ́mɔtɛ́ wuúci tétényíki.
Bóol ŋeé húlinyi baacɔ bé Lóom Ambányɛ yɛ́ Ɛsɔ́ma
17E elime ci mɔɔ́sɛ́ matátɔ́, Bóol ŋɔɔ́ lɔ́ŋɔ́kɔ́ *baáŋá bé *Besuif bé *Lóom. Ɛ́makɛ́la bábɔ́ bɛ́bándákána, mbá ɔsɛ : « Ba-ɔɔ́nɔ́ u baabá, ta yɛ́ cáŋa á bá anyía ɛ tɛ ɔ́mɔ́ kɛ́lɛna baacɔ bá búásɔ́ bunɔŋɔ ɛndɔ́kɔ́, ta ɔnɔkɔ nyɛbɛ́kɛ́lɛ́na a nyɛ́mɔtɛ́ nyí cíísú sɔ́kɔ́nɔ́, bá ŋaá mɛ hatɛ́na eé Yelúsalɛm, bó mí fiimbie né Boloomɛ́ŋ. 18Ɛ́makɛ́la Boloomɛ́ŋ ébú mi bícónyíki, beébe ta ɔlɛca hɛkɔma a hɛ́ á mɛ hatɛna ahɛ́ bá bɔ́ŋa bá ɔ mɛ ɔ́ɔ́nɔ e hiíhi. Bá ŋa sɛ́ bábɔ́ mɛ nyɛána ; 19asana ɔ́mɔtɛ́, Besuif ŋa bɔ́ bɛ́kɛ́ŋɛ́lɛ́ána. Buátɛ́ bɔkɔ ɛ ŋaá mɛ bá oweékínyínyi anyía yémí hulisi yáámɛ asana ná Sɛsáal. Ɛ tɛ ámɛ bá na nyɛbɛ́táá a nyɛ́mɔtɛ́ anyía yámɛ sɔ́mɛ́na baacɔ bá búámɛ bunɔŋɔ. 20Ya mɛ́ŋa ɔ banɔ́ lɔ́ŋɔ́kɔ́nɔ́ aaha anyía yámɛ́ banɔ́ laakɛ́na anyía macanja amá ya mɛ́ŋa eé meéme áŋa a asana ayɛ́ ya mɛ́ŋa ɔháyánɔ́ mɔŋɔlɛ́ né *Mesíi, nááyá tɔ́na *Islayɛ́l o meéme háyánɔ́. »
21Mbá báyɛ nááyá : « Tu tɛ asɔ́ bá ne nufule a númɔtɛ́ e nú ŋeé húle eé Yuté, nú táŋáka yɔ́ɔ́wɔ asana ; ta ɔɔ́nɔ́ u baabá wuúsu a wɔmɔtɛ́ tɛ ŋgaá hámá aáhá u húlúkúne hɔ́á, yɔ́ basɔ́ bíkétíkínyi asana a yɛ́mɔtɛ́, bá cámbaka nyiɔ́wɔ nyiínyi. 22Tu ŋa sɔ́ áamba ɔlɔ́kɔ́ma ɔ nyiɔ́wɔ nyuúté aátɛ́ kuɔŋɔ́ bɛ́muátá ɔ ŋɔɔ́ bɛ́táá. Yááŋa anyía tu ŋe sú ményi anyía haála hekime baacɔ ŋe bú núúsi ɔlɔŋɔ ooci. »
23Bá ŋá bɔ́ tánáná ɛndána ci etémbí ne Bóol. A buɔ́sɛ́ eébú, bá ŋa bɔ́ fáákɔ́na ɔmbana weéŋí ɔ ɔhɔla e úúyé ooki. O otúme nɔɔ́nɔyá ɔ ɔkɔɔ́háma nanyiɔ́fɔ́, Bóol ŋeé beébe hulíkínyi asana yí *Butéŋí bɔ́ Bandɔ́mɛsɛ́, u óónyísíkínyi ne *bikotí bí *Moyís ne tufule tú *behémúnyi bɛsana bá Bandɔ́mɛsɛ́, anyía wá bɛ́káná o beébe tóŋínyi anyía asana yí Yésus áŋa taaká. 24Aáná baacɔ a bɔ́mɔtɛ́ ŋe bú lúmítíníne anyía bɛsana abɛ́ u ŋaá bá waá kɔ́ɔnaka áŋa taaká ; ta híáná, a bɔ́mɔtɛ́ súŋginyi. 25Ekúlú ayɛ́ bá ŋa bɔ́ bá bá búáŋa ɔ ɔwaálɔ́nána, beébe tɛ́ka na ɔlɔ́kɔ́mána, mbá Bóol ɔsɛ : « *Efúúménénú yí Elilé ŋaá kɔ́ɔnaka taaká, ekúlú ayɛ́ yɛ́ ŋaá bá yɛ́a táŋáka né cíínú sɔ́kɔ́nɔ́ eé nyuúté nyí *muhémúnyi bɛsana *Ɛsayí. 26Yááŋa anyía yɛ́ ŋaá kɔɔna yɛ́sɛ :
“Ká ká laakɛ́na baacɔ bá bunɔŋɔ eébú asɛ : Nu ká nɔ́ lɔ́kɔ́máka, mbá nu tɛ hɔla ɔlɔ́kɔ́ma bɔmbányɛ ; nu ká nɔ́ lɛ́caka, mbá nu tɛ hɔla ɔlɛca bɔmbányɛ.
27Yááŋa anyía baacɔ eébé ma bɔ́ sɔ́lɛ́tɛ́na ɛtɛ́má, bɔ́ bɛ́cúáka eetú. Bé me bú bínyímékíne anyía bá tɛ lɛcana na cáábɔ́ eése, bá tɛ lɔ́kɔ́mána na cáábɔ́ eetú, bá tɛ́ bɛ́háya asana ɛ ɛtɛ́má noómi ; keyé bá ká bɔ́ bɛ́kɔ́ŋɔ́nákɛ́na ɛtɛ́má anyía yémi beébe eéŋúnyísíki.”#Ɛsa 6.9-10
Aáná Bandɔ́mɛsɛ́ ŋaá kɔ́ɔ́na. 28Yaátɛ́ asana énu menyí bɔmbányɛ aná : Bandɔ́mɛsɛ́ áŋa ɔtɔ́mɛ́nánɔ́ baacɔ a bá tɛ ábɔ́ bá Besuif ɛsɔ́ma, ciíci cɛ́ ŋa lɛ́ca nyinohi anyɛ́ Bandɔ́mɛsɛ́ ŋé nohi baacɔ. Beébe eébé bé ké bú ciíci lɔ́kɔ́máka, bó lúmitekinine. » 29[Ɔ ɔtáŋa ú Bóol oócí, Besuif ŋa bɔ́ aálɔ́nákáná, bé súŋgunyinyi na makɛ́nda.]
30Bóol ŋeé límékine tuɔŋɔ tukimekime túfendí eé ciíbe ecí u ŋeé léndí, u káháka bɔmbányɛ baacɔ bekime a bá ŋa bɔ́ bá bábɔ́ fáakɔna o okoó wuúci lɛca. 31U ŋaá bá weé húlikinyi baacɔ bekime asana yí Butéŋí bɔ́ Bandɔ́mɛsɛ́ ; bɛsana eébí ŋaá bá bɛ́ a lɛ́caka Otéŋí a Waáŋá Yésus *Kilís. U ŋaá bá weé beébe eékúnyíki bɛsana háyɛ u ŋaá bá weé lénéke na mɔŋɔlɛ́ mekime, tɛ́ka ne muuyé a mumɔtɛ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.