BBƐ 24
24
Besuif ma bɔ́ sɔ́mɛ́na Bóol ná Kɔ́mɛ́na Félis
1E elime cɛ mɔɔ́sɛ́ matáánɔ, *mutéŋínyi beluli nyiínjie a muáŋá *Ananías ŋgaá hámá a Sɛsalɛ́ɛ ɔlɔŋɔ na *baáŋá bé *Besuif a bɔ́mɔtɛ́ na mukamɛna *bikotí a mumɔtɛ́, nyiínyi ɛ́cɛ Tɛlɛtíile. Bá ŋa bɔ́ cɔ́bá ɔ ɔkɔɔsɔ́mɛ́na Bóol ná Kɔ́mɛ́na Félis. 2Kɔ́mɛ́na ŋɔɔ́ lɔ́ŋɛ́tá Bóol ; Tɛlɛtíile ŋé túme o otúme Bóol tɔkɔma ɔsɛ : « Ambányɛ yɛ́ Kɔ́mɛ́na Félis, na yɔ́ɔ́wɔ ambányɛ yí nyikendisi yɛ́ bunɔŋɔ na bɛɔ́sɔɔ́sɔ bɛ́ nyɛtákɛ́na nyɛ́ bɛsana abɛ́ ɔ ŋɔɔ́ tákɛ́na a asana na búásɔ́ bɔmbányɛ a bunɔŋɔ eebu ŋaá basɔ́ iinjie mbuumu. 3Tu ŋa sɔ́ káha ekúlú ekime ne obíléne bɛsana eébí bikime a bɛhaála bikime, tu o wiínjíékíne bitéŋíti buéŋí. 4Kɔ́mɛ́na, ɛ tɛ ŋá mɛ́ aamba ɔ kuɔŋɔ́ yébi na ɔtáŋa weéŋí, ɛ ŋa mɛ́ ɔ bɛ́cɔ́kɔ́lɛ́na yáaŋa anyía ɔ bɛ́fɔ́ŋɔ́lɛ́ta eetú ɔ́ɔ lɔ́kɔ́ma asana eeye bɔmbányɛ e hikéti hí ekúlú. 5Tua sɔ́ŋa balɛcánɔ́ anyía baabá eeye áŋa taaká cɛ hɛlɔkɔ, háyɛ wáŋa mutéŋínyi hitúlé hɛ́ baacɔ hɛ́ *Násalɛt,#24.5 Fanáka Mat 2.23. ɛ́ɛhɛ́ u ŋe héléne etuŋulinyi ɛ ɛkatɛ́katɛ́ ci Besuif bekime bá ɔmɛsɛ́. 6U ŋá sɛ́ wá bɛ́káná ɔcaŋɛna okotí yí ofúúméne yɛ́ ciasɔ́ *Ciíbe cɛ Bandɔ́mɛsɛ́. Yaátɛ́ asana tú me sú wuúci hatɛna. [Tu ŋá sɔ́ bá anyía túésú wuúci kélísíki háyɛ bíásɔ́ bikotí ŋo tóŋínyi. 7Asana ɔ́mɔtɛ́, mutéŋínyi bicénji a muáŋá Lisiás ŋaá fááya, yɔ́ basɔ́ bákáláka ɔɔcɔ ooci. 8Mbá musɛ baacɔ a bá bɔ́ŋa na asana ne wuúci á faáya oówe eé buúse.] Mbɔ́kɔ o ŋoó bícónyíki ɔɔcɔ ooci, ɔ ŋɔɔ́ cɔba ɔ ɔlɛca, kuɔŋɔ́ bɛ́muátá, anyía tɔkɔma etú tu ŋe sú wuúci túme áŋa taaká. » 9Besuif ŋe bú oónyísíkínyí tɔkɔma eétú, bɔ́ kɔɔna báyɛ bɛsana eébí áŋa híáná taaká.
Bóol eé buúse bú Félis
10Aáná kɔ́mɛ́na ŋeé késítínyí Bóol anyía wá táŋáka, mbá Bóol ɔsɛ : « I ŋe mí menyi anyía tuɔŋɔ ma hɔ́laka tuéŋí etú o ŋoó kélísi bɛsana bɛ́ baacɔ aaha aasɔ́ a bunɔŋɔ ; yaátɛ́ asana ya mɛ́ŋa na mɔŋɔlɛ́ meéŋí ɔ ɔtɛ́má ekúlú ayɛ́ ɛ ŋaá mɛ bɛ́kála oówe eé buúse. 11Ɔ ɔ́ŋa wu ɔbataka baacɔ a bɔ́mɔtɛ́ asana ayɛ́ ɛ ŋaá mɛ táŋa, yááŋa anyía mɔɔ́sɛ́ tɛ ŋa hɔ́la mɔɔ́hátá ne méfendí amá ɛ ŋgaá mɛ hámá e Yelúsalɛm o okonyémi Bandɔ́mɛsɛ́ aá ciayɛ́ Ciíbe. 12Ayɛ́ ɛ ŋgaá mɛ hámá, ta ɔɔcɔ ta ɔmɔtɛ́ tɛ ɔ́mɔ mɛ kuanɛna buɔ́sɛ́ yemí suŋgunyinyi na baacɔ, ta anyía yemí oosikinyi baacɔ e etuŋulinyi eé *Ciíbe cɛ Bandɔ́mɛsɛ́, mbá ta *andaŋía yɛ́ ɔbɛ́cɔ́kɔ́lɛ́na a yɛ́mɔtɛ́, ta aá haála a hɔ́mɔtɛ́ há bálɛ́ka. 13Ba-mɛ-sɔ́mɛ́na eebe aámbáya tɛ abɔ́ bá ta na hɛkɔma a hɛ́mɔtɛ́ ahɛ́ bá bɔ́ŋa bé o mi túme. 14Asana eyí i ŋe mí menyi ayɛ́ ya mɛ́ŋa wu ɔ kuɔŋɔ́ laana áŋa anyía, ɛ ŋa mɛ́ látɛ́na yɔɔ́sɔɔ́sɔ yí ohónyí eyí beébe bé ŋe bú bíkéti anyía yɛ́ tɛ á bá atálɛ́mánánɔ́. Ɛ ŋa mɛ́ nyiɔnɔ Bandɔ́mɛsɛ́ buólí, wuúci cíísú sɔ́kɔ́nɔ́ ŋaá bá cíé nyémiki. I ŋe mí lumitinine tɔ́na bɛsana bikime a bɛ́áŋa bɛɔ́ŋɔ́kɔ́nɔ́ ne e tufule tú *bikotí ne e tufule tú *behémúnyi bɛsana bá Bandɔ́mɛsɛ́. 15Ya mɛ́ŋa ɔháyánɔ́ mɔŋɔlɛ́ eeme ná Bandɔ́mɛsɛ́ háyɛ beébe tɔ́na bá ma bɔ́ háya : Maáŋa anyía baacɔ bekime, ta bɛtálɛ́mánánɔ́, te eebe a bá tɛ abɔ́ bá bɛtálɛ́mánánɔ́, ká bɔ́ háanyuaka e biwéewé. 16Yaátɛ́ asana í meé mi bíínjie bikúlú bikime anyía híími hɛcɔɔ́cɔ́ hɛ́ ɔtɛ́má tɛ́ mɛ kákálɛ́na ne eé buúse bɔ́ Bandɔ́mɛsɛ́ ne eé buúse bɔ́ baacɔ.
17I ŋe mí hulíki ɔmbana ú tuɔŋɔ weéŋí, míɔ kɔ hálɔ́mɔ́na eé Yelúsalɛm. Ɛ ŋgaá mɛ hálámánáná na bɛnyɛ́ma bɛ́ ɔwaafakɛna baacɔ bá mahana bá búámɛ bunɔŋɔ ne bitúké bɛ́ ɔsɔ́mbákɛ́na Bandɔ́mɛsɛ́ *bɛbɛ́sámbá. 18A asana eéyé ɛ ŋaá mɛ bá eé Ciíbe cɛ Bandɔ́mɛsɛ́, yémi kuenyikinyi okotí yí obífúúmínyi. Nyɛkɔca nyɛ́ baacɔ tɛ ɔ́mɔ bá aámɛ a maabána, mbá te etuŋulinyi a yɛ́mɔtɛ́. 19Bɔ́mɔtɛ́ *Besuif bé ekéti yí iisí yɛ́ Asi ŋa bɔ́ bá hɔ́á, keyé beébe bá ŋa bɔ́ bá bó mi héléne aaha oówe eé buúse, mbɔ́kɔ bábɔ́ bá na hɛkɔma a hɛ́mɔtɛ́ hí o mi túme. 20Mbɔ́kɔ ɛ tɛ á bá aáná, baacɔ eebe óo bíkétíkínyi bɔmbányɛ asana a yaabɛ́ ayɛ́ bá ŋa bɔ́ mɛ kákálɛ́na, ekúlú eyí bé ŋe bú mi télímínyi a nyɛkála eé buúse bú Hitúlé a hiáŋá, 21ɛ tɛ ŋáa bá hú buhúnyi eebu abɔ́ ɛ ŋa mɛ́ kɔɔna aabɔ́ ɛ ɛkatɛ́katɛ́ okelú ɔ ɔmuaná ɛsɛ́ : Tɛ́ka asana ayɛ́ ya mɛ́ŋa aáhá a nyɛkála eenú eé buúse hɛ́nánɔ áŋa anyía i ŋe mí lumitinine nyɛhaanyua nyí biwéewé e ? »
22Félis ŋaá bá weé ményukune bɔmbányɛ bɔmbányɛ bɛsana biéŋí a asana ne ohónyí ú Otéŋí a Waáŋá ; aáná u ŋeé hélúmúnyi nyɛkála ne elime, u ŋé beébe laána ɔsɛ : « Ánɔ cɔbá, i ké mi kélísíki yáánɔ́ asana buɔ́sɛ́ bú etémbí, ekúlú eyí Lisiás, mutéŋínyi bicénji a muáŋá, káá fáaya. » 23Nyɛlaana mutéŋínyi bicénji e mutíkítíki eényí anyía mué ke hélúmúnyi Bóol eé ciíbe cɛ ɛcaná, bé tí menyí wuúci fáláka e nyitétényi, bé tí leké bíáyɛ́ bikendinyi o búle wuúci ɔ́ɔ́lɔ.
Bóol eé buúse bú ne Félis ne Túlúsile
24Ahɛ́ ɔmbana ú mɔɔ́sɛ́ a wɔ́mɔtɛ́ ŋa hɔ́la, Félis ŋaá fááya ɔlɔŋɔ ne oónyí Túlúsile, itónyi ci *Besuif.#24.24 Wáŋa ekuke yɛ́ ɔɔ́nɔ́ e woónjú u Elóot Akílíba I. U ŋɔɔ́ tɔ́nɔ́ ne otéŋí u bunɔŋɔ bɔ́ Ɛmɛ́sɛ, Félis ŋeé wuúci húnyisi. U ŋá kɔɔ́na anyía bé wuúci lɔ́ŋɛ́tɛ́na Bóol. Bɔ́ ŋɔ́ lɔ́ŋɛ́ta, Bóol ŋé wuúci bíkétíkínyi asana a yɛ́ ŋá lɛca mɔŋɔlɛ́ amá ɔɔcɔ ŋaá háya né Yésus Kilís. 25Mbá ekúlú eyí Bóol ŋeé túmé obíkéti na anyána ɔɔcɔ á nyɛ́mana wu ɔkandaka ɔtálɛ́mánánɔ́ eé buúse bɔ́ Bandɔ́mɛsɛ́, yɔ́ bámɛ́na wɔɔ́nɛ́nánɔ́ ɔ ɔtɛ́má noómi, u tɛ kɛla bɛsana a bɛɛbɛ́, na anyána Bandɔ́mɛsɛ́ káá sɔ́mbɔ́tɔ́kɔ́nɛ́na baacɔ bɛsana, bulíkílíki ŋá hatɛ́na Félis, mbá ɔsɛ né Bóol : « Aámbáya kakána hálɔ́mɔ́na, ɛ ká mɛ́ ɔ lɔ́ŋɛ́ta ɛ́mɔtɛ́ ekúlú. » 26U ŋaá bá waá mɛ́naka mɔŋɔlɛ́, u ketiki anyía Bóol áŋa wu o wuúci iínjie mɔɔnyɛ́ ; yaátɛ́ asana u ŋaá bá weé wuúci lɔ́ŋɔ́kɔ bikúlú bikúlú anyía bábɔ́ aásánáka.
27Ɛ́makɛ́la tuɔŋɔ túfendí á hɔ́la, bá ŋá tɔ́ma kɔ́mɛ́na ci etémbí, Bɔlɔsíus Fɛsitus, e nyilimíné nyí Félis. Félis ŋaá bá wa yáambaka anyía Besuif eé wuúci bílénékíne, ɛ́ɛhɛ́ u ŋaá nyɛana Bóol eé ciíbe cɛ ɛcaná.
Currently Selected:
BBƐ 24: lem
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
BBƐ 24
24
Besuif ma bɔ́ sɔ́mɛ́na Bóol ná Kɔ́mɛ́na Félis
1E elime cɛ mɔɔ́sɛ́ matáánɔ, *mutéŋínyi beluli nyiínjie a muáŋá *Ananías ŋgaá hámá a Sɛsalɛ́ɛ ɔlɔŋɔ na *baáŋá bé *Besuif a bɔ́mɔtɛ́ na mukamɛna *bikotí a mumɔtɛ́, nyiínyi ɛ́cɛ Tɛlɛtíile. Bá ŋa bɔ́ cɔ́bá ɔ ɔkɔɔsɔ́mɛ́na Bóol ná Kɔ́mɛ́na Félis. 2Kɔ́mɛ́na ŋɔɔ́ lɔ́ŋɛ́tá Bóol ; Tɛlɛtíile ŋé túme o otúme Bóol tɔkɔma ɔsɛ : « Ambányɛ yɛ́ Kɔ́mɛ́na Félis, na yɔ́ɔ́wɔ ambányɛ yí nyikendisi yɛ́ bunɔŋɔ na bɛɔ́sɔɔ́sɔ bɛ́ nyɛtákɛ́na nyɛ́ bɛsana abɛ́ ɔ ŋɔɔ́ tákɛ́na a asana na búásɔ́ bɔmbányɛ a bunɔŋɔ eebu ŋaá basɔ́ iinjie mbuumu. 3Tu ŋa sɔ́ káha ekúlú ekime ne obíléne bɛsana eébí bikime a bɛhaála bikime, tu o wiínjíékíne bitéŋíti buéŋí. 4Kɔ́mɛ́na, ɛ tɛ ŋá mɛ́ aamba ɔ kuɔŋɔ́ yébi na ɔtáŋa weéŋí, ɛ ŋa mɛ́ ɔ bɛ́cɔ́kɔ́lɛ́na yáaŋa anyía ɔ bɛ́fɔ́ŋɔ́lɛ́ta eetú ɔ́ɔ lɔ́kɔ́ma asana eeye bɔmbányɛ e hikéti hí ekúlú. 5Tua sɔ́ŋa balɛcánɔ́ anyía baabá eeye áŋa taaká cɛ hɛlɔkɔ, háyɛ wáŋa mutéŋínyi hitúlé hɛ́ baacɔ hɛ́ *Násalɛt,#24.5 Fanáka Mat 2.23. ɛ́ɛhɛ́ u ŋe héléne etuŋulinyi ɛ ɛkatɛ́katɛ́ ci Besuif bekime bá ɔmɛsɛ́. 6U ŋá sɛ́ wá bɛ́káná ɔcaŋɛna okotí yí ofúúméne yɛ́ ciasɔ́ *Ciíbe cɛ Bandɔ́mɛsɛ́. Yaátɛ́ asana tú me sú wuúci hatɛna. [Tu ŋá sɔ́ bá anyía túésú wuúci kélísíki háyɛ bíásɔ́ bikotí ŋo tóŋínyi. 7Asana ɔ́mɔtɛ́, mutéŋínyi bicénji a muáŋá Lisiás ŋaá fááya, yɔ́ basɔ́ bákáláka ɔɔcɔ ooci. 8Mbá musɛ baacɔ a bá bɔ́ŋa na asana ne wuúci á faáya oówe eé buúse.] Mbɔ́kɔ o ŋoó bícónyíki ɔɔcɔ ooci, ɔ ŋɔɔ́ cɔba ɔ ɔlɛca, kuɔŋɔ́ bɛ́muátá, anyía tɔkɔma etú tu ŋe sú wuúci túme áŋa taaká. » 9Besuif ŋe bú oónyísíkínyí tɔkɔma eétú, bɔ́ kɔɔna báyɛ bɛsana eébí áŋa híáná taaká.
Bóol eé buúse bú Félis
10Aáná kɔ́mɛ́na ŋeé késítínyí Bóol anyía wá táŋáka, mbá Bóol ɔsɛ : « I ŋe mí menyi anyía tuɔŋɔ ma hɔ́laka tuéŋí etú o ŋoó kélísi bɛsana bɛ́ baacɔ aaha aasɔ́ a bunɔŋɔ ; yaátɛ́ asana ya mɛ́ŋa na mɔŋɔlɛ́ meéŋí ɔ ɔtɛ́má ekúlú ayɛ́ ɛ ŋaá mɛ bɛ́kála oówe eé buúse. 11Ɔ ɔ́ŋa wu ɔbataka baacɔ a bɔ́mɔtɛ́ asana ayɛ́ ɛ ŋaá mɛ táŋa, yááŋa anyía mɔɔ́sɛ́ tɛ ŋa hɔ́la mɔɔ́hátá ne méfendí amá ɛ ŋgaá mɛ hámá e Yelúsalɛm o okonyémi Bandɔ́mɛsɛ́ aá ciayɛ́ Ciíbe. 12Ayɛ́ ɛ ŋgaá mɛ hámá, ta ɔɔcɔ ta ɔmɔtɛ́ tɛ ɔ́mɔ mɛ kuanɛna buɔ́sɛ́ yemí suŋgunyinyi na baacɔ, ta anyía yemí oosikinyi baacɔ e etuŋulinyi eé *Ciíbe cɛ Bandɔ́mɛsɛ́, mbá ta *andaŋía yɛ́ ɔbɛ́cɔ́kɔ́lɛ́na a yɛ́mɔtɛ́, ta aá haála a hɔ́mɔtɛ́ há bálɛ́ka. 13Ba-mɛ-sɔ́mɛ́na eebe aámbáya tɛ abɔ́ bá ta na hɛkɔma a hɛ́mɔtɛ́ ahɛ́ bá bɔ́ŋa bé o mi túme. 14Asana eyí i ŋe mí menyi ayɛ́ ya mɛ́ŋa wu ɔ kuɔŋɔ́ laana áŋa anyía, ɛ ŋa mɛ́ látɛ́na yɔɔ́sɔɔ́sɔ yí ohónyí eyí beébe bé ŋe bú bíkéti anyía yɛ́ tɛ á bá atálɛ́mánánɔ́. Ɛ ŋa mɛ́ nyiɔnɔ Bandɔ́mɛsɛ́ buólí, wuúci cíísú sɔ́kɔ́nɔ́ ŋaá bá cíé nyémiki. I ŋe mí lumitinine tɔ́na bɛsana bikime a bɛ́áŋa bɛɔ́ŋɔ́kɔ́nɔ́ ne e tufule tú *bikotí ne e tufule tú *behémúnyi bɛsana bá Bandɔ́mɛsɛ́. 15Ya mɛ́ŋa ɔháyánɔ́ mɔŋɔlɛ́ eeme ná Bandɔ́mɛsɛ́ háyɛ beébe tɔ́na bá ma bɔ́ háya : Maáŋa anyía baacɔ bekime, ta bɛtálɛ́mánánɔ́, te eebe a bá tɛ abɔ́ bá bɛtálɛ́mánánɔ́, ká bɔ́ háanyuaka e biwéewé. 16Yaátɛ́ asana í meé mi bíínjie bikúlú bikime anyía híími hɛcɔɔ́cɔ́ hɛ́ ɔtɛ́má tɛ́ mɛ kákálɛ́na ne eé buúse bɔ́ Bandɔ́mɛsɛ́ ne eé buúse bɔ́ baacɔ.
17I ŋe mí hulíki ɔmbana ú tuɔŋɔ weéŋí, míɔ kɔ hálɔ́mɔ́na eé Yelúsalɛm. Ɛ ŋgaá mɛ hálámánáná na bɛnyɛ́ma bɛ́ ɔwaafakɛna baacɔ bá mahana bá búámɛ bunɔŋɔ ne bitúké bɛ́ ɔsɔ́mbákɛ́na Bandɔ́mɛsɛ́ *bɛbɛ́sámbá. 18A asana eéyé ɛ ŋaá mɛ bá eé Ciíbe cɛ Bandɔ́mɛsɛ́, yémi kuenyikinyi okotí yí obífúúmínyi. Nyɛkɔca nyɛ́ baacɔ tɛ ɔ́mɔ bá aámɛ a maabána, mbá te etuŋulinyi a yɛ́mɔtɛ́. 19Bɔ́mɔtɛ́ *Besuif bé ekéti yí iisí yɛ́ Asi ŋa bɔ́ bá hɔ́á, keyé beébe bá ŋa bɔ́ bá bó mi héléne aaha oówe eé buúse, mbɔ́kɔ bábɔ́ bá na hɛkɔma a hɛ́mɔtɛ́ hí o mi túme. 20Mbɔ́kɔ ɛ tɛ á bá aáná, baacɔ eebe óo bíkétíkínyi bɔmbányɛ asana a yaabɛ́ ayɛ́ bá ŋa bɔ́ mɛ kákálɛ́na, ekúlú eyí bé ŋe bú mi télímínyi a nyɛkála eé buúse bú Hitúlé a hiáŋá, 21ɛ tɛ ŋáa bá hú buhúnyi eebu abɔ́ ɛ ŋa mɛ́ kɔɔna aabɔ́ ɛ ɛkatɛ́katɛ́ okelú ɔ ɔmuaná ɛsɛ́ : Tɛ́ka asana ayɛ́ ya mɛ́ŋa aáhá a nyɛkála eenú eé buúse hɛ́nánɔ áŋa anyía i ŋe mí lumitinine nyɛhaanyua nyí biwéewé e ? »
22Félis ŋaá bá weé ményukune bɔmbányɛ bɔmbányɛ bɛsana biéŋí a asana ne ohónyí ú Otéŋí a Waáŋá ; aáná u ŋeé hélúmúnyi nyɛkála ne elime, u ŋé beébe laána ɔsɛ : « Ánɔ cɔbá, i ké mi kélísíki yáánɔ́ asana buɔ́sɛ́ bú etémbí, ekúlú eyí Lisiás, mutéŋínyi bicénji a muáŋá, káá fáaya. » 23Nyɛlaana mutéŋínyi bicénji e mutíkítíki eényí anyía mué ke hélúmúnyi Bóol eé ciíbe cɛ ɛcaná, bé tí menyí wuúci fáláka e nyitétényi, bé tí leké bíáyɛ́ bikendinyi o búle wuúci ɔ́ɔ́lɔ.
Bóol eé buúse bú ne Félis ne Túlúsile
24Ahɛ́ ɔmbana ú mɔɔ́sɛ́ a wɔ́mɔtɛ́ ŋa hɔ́la, Félis ŋaá fááya ɔlɔŋɔ ne oónyí Túlúsile, itónyi ci *Besuif.#24.24 Wáŋa ekuke yɛ́ ɔɔ́nɔ́ e woónjú u Elóot Akílíba I. U ŋɔɔ́ tɔ́nɔ́ ne otéŋí u bunɔŋɔ bɔ́ Ɛmɛ́sɛ, Félis ŋeé wuúci húnyisi. U ŋá kɔɔ́na anyía bé wuúci lɔ́ŋɛ́tɛ́na Bóol. Bɔ́ ŋɔ́ lɔ́ŋɛ́ta, Bóol ŋé wuúci bíkétíkínyi asana a yɛ́ ŋá lɛca mɔŋɔlɛ́ amá ɔɔcɔ ŋaá háya né Yésus Kilís. 25Mbá ekúlú eyí Bóol ŋeé túmé obíkéti na anyána ɔɔcɔ á nyɛ́mana wu ɔkandaka ɔtálɛ́mánánɔ́ eé buúse bɔ́ Bandɔ́mɛsɛ́, yɔ́ bámɛ́na wɔɔ́nɛ́nánɔ́ ɔ ɔtɛ́má noómi, u tɛ kɛla bɛsana a bɛɛbɛ́, na anyána Bandɔ́mɛsɛ́ káá sɔ́mbɔ́tɔ́kɔ́nɛ́na baacɔ bɛsana, bulíkílíki ŋá hatɛ́na Félis, mbá ɔsɛ né Bóol : « Aámbáya kakána hálɔ́mɔ́na, ɛ ká mɛ́ ɔ lɔ́ŋɛ́ta ɛ́mɔtɛ́ ekúlú. » 26U ŋaá bá waá mɛ́naka mɔŋɔlɛ́, u ketiki anyía Bóol áŋa wu o wuúci iínjie mɔɔnyɛ́ ; yaátɛ́ asana u ŋaá bá weé wuúci lɔ́ŋɔ́kɔ bikúlú bikúlú anyía bábɔ́ aásánáka.
27Ɛ́makɛ́la tuɔŋɔ túfendí á hɔ́la, bá ŋá tɔ́ma kɔ́mɛ́na ci etémbí, Bɔlɔsíus Fɛsitus, e nyilimíné nyí Félis. Félis ŋaá bá wa yáambaka anyía Besuif eé wuúci bílénékíne, ɛ́ɛhɛ́ u ŋaá nyɛana Bóol eé ciíbe cɛ ɛcaná.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.