BBƐ 21
21
Ɔkanda ú Bóol eé Yelúsalɛm
1Ahɛ́ tú ŋa sɔ́ aálɔ́náná ne belumitinine bá Ɛfɛ́ɛsɛ, tu ŋge sú óófókíne eé sitíme, tu ŋé súéte o osúéte e Kós. Ɔ ɔyá ɔyá, tú ŋgaá hámá e Lóote. Hɔ́á tu ŋa sɔ́ hátɔ́na o osúéte a Batala. 2Tu ŋa sɔ́ kuána sitíme hɔ́á ci é súétéke e Fenisí ; aáná tu ŋe sú ciíci oofíne, túó súéte. 3Tú ŋgá háma hoóhi ne Síbele ; cɛ ŋaá bá cɛá lɛ́cakana kuɔŋɔ́ eé sitíme noómi. Tu ŋá hɔlɛ́na a aháŋá yɛ́ bulɔɔ́lɔ yí ekéti yí iisí eéyé, túó súéte eé Silíi. Tú ŋga tálɛ́mɛ́na e Tíil anyía bé súúnyíki malamɔ́. 4Tu ŋa sɔ́ kuána belumitinine hɔ́á, túo límekine ne beébe sɔ́ndɛ ikimekime. *Efúúménénú yí Elilé ŋeé beébe bɛ́nyɔ́ŋɛ́na anyía bá sáŋɔ́nɛ́na Bóol ɔcɔba eé Yelúsalɛm. 5Mbá ɛŋakɛlá túésú límékíne sɔ́ndɛ ikimekime, tu ŋá sɔ́mbɔ́tɔ́na cɔbá ne buúse e úúsú ɔkanda aá nuɔmɔ́. Belumitinine eébé ŋga bɔ́ basɔ́ síke hí a nyɛháma nyɛ́ bálɛ́ka, na báábɔ́ beénjú na báábɔ́ baáná. Tu ŋe sú túméké eŋéndu ɔ ɔmɛsɛ́ a maabána ma nuɔmɔ́, tuɔ́ bɛ́cɔ́kɔ́lɔ́kɛ́na Bandɔ́mɛsɛ́. 6E elime eécí, tu ŋe sú beébe bíósíkínyí, tu ŋó oofókíne eé sitíme, mbá beébe bá ŋa bɔ́ hálɔ́mɔ́kɔ́ná e cííbú iiki.
7Ahɛ́ tú ŋa sɔ́ hátɔ́ná e Tíil túɔ́ kɔɔ́háma a Tolemáyis,#21.7 Hɛ́nánɔ Sɛŋ Sáaŋ cɛ Ako. úúsú ɔkanda ú nuɔmɔ́ ŋá maná. Hɔ́á tu ŋe sú téŋítí báásɔ́ benyíinyí bé olumitinine, túó límine ne beébe buɔ́sɛ́ búmɔtɛ́.
8Ɔ ɔyá ɔyá, tu ŋa sɔ́ hátɔ́na tuɔ́ cɔ́ba a Sɛsalɛ́ɛ.#21.8 Nyɛtálɛ́mɛ́na sitíme nyí Yuté ; hɔ́á kɔ́mɛ́na cí butéŋí bú Lóom ŋaá bá cié límekine. Sɛsalɛ́ɛ ŋaá bá a aháŋá yɛ́ bulɔɔ́lɔ yɛ́ bálɛ́ka ci Tolemáyis, e kilomɛ́ta 56. Aáhá tu ŋe sú oofíne eé ciíbe cɛ ɔɔcɔ a wɔmɔtɛ́ nyiínyi ɛ́cɛ Fílib, mɔkɔɔna ɛsɔ́ma.#21.8 Fanáka 6.5 ; 8.5. U ŋaá bá tɔ́na ɔɔcɔ u ɔlɔŋɔ ú bétíndétú nɔ́mɔ bɛ́ baacɔ abá bá ŋaá táfáká eé Yelúsalɛm. Tu ŋé limékíne nááyá. 9U ŋaá bá na baáná bényíse e beénjú, beyukékénú, e bé ti ŋe bú ményí banɔ́mɔcɔ́ ; bé hémúkúnyi Bɛsana bɛ́ Bandɔ́mɛsɛ́. 10Tu ŋa sɔ́ bá tú ma sɔ́ kɛla ɔmbana ú mɔɔ́sɛ́ weéŋí hɔ́á, ekúlú eyí *muhémúnyi bɛsana mɔ Bandɔ́mɛsɛ́ a mumɔtɛ́, nyiínyi ɛ́cɛ Akabus, ŋa kaáhámá, weé húlúkúne eé Yuté. 11Ahɛ́ u ŋgá basɔ́ bɛ́látá, u ŋé hiite kandá ci Bóol, u ŋá bɛ́ɔ́tɔ́kɔ́kɔ na aabá na akɔlɔ́, mbá ɔsɛ : « Ánɔ lɔ́kɔ́ma ɔtáŋa ú Efúúménénú yí Elilé ooci : Híáná *Besuif ká bɔ́ ɔɔ́tɔ́kɔ́kɔ eé Yelúsalɛm ɔɔcɔ a wáŋa na kandá eeci, bó wuúci fiimbie né be-ti-menyí Bandɔ́mɛsɛ́. »
12Ayɛ́ tú ŋa sɔ́ lɔ́kɔ́má aáná, na basɔ́ na báásɔ́ benyíinyí bé olumitinine bá Sɛsalɛ́ɛ tu ŋa sɔ́ bɛ́cɔ́kɔ́lɔ́kɛ́na Bóol na bɛlɛlá e eése anyía u ti túné súéte. 13Mbá Bóol ɔsɛ : « Anyíatɛ́ nu ŋa nɔ́ lɛ́la, nu aambaka o mi kesi e ? A náámɛʼo, i ŋe mí lumitine tɛ́ cáŋa hú anyía bá mɛ ɔɔ́tɔ́kɔ́kɔ ne tukolí, mbá anyía yémi wé hɔ́á eé Yelúsalɛm a asana yí Yésus Otéŋí a Waáŋá. » 14Ahɛ́ u ŋaá yákáná aáná, tu ŋé wuúci nyɛána, tɔsɛ : « Bɛsana á bɛ́kɛ́láka háyɛ Otéŋí a Waáŋá ŋeé léne. »
15Ɛ́makɛ́la túásɔ́ kɛ́lá nyɛnamá nyɛ́ ɔmbana ú mɔɔ́sɛ́ a Sɛsalɛ́ɛ, tu ŋá bɛ́tábɔ́nákɛ́na ɔkanda wú osúéte eé Yelúsalɛm. 16Belumitinine ɔ bɔ́mɔtɛ́ bá Sɛsalɛ́ɛ ŋa ka bɔ́ basɔ́ síké o ooki ú Náásɔŋ ɔɔcɔ u Síbele, mulumitinine a mumɔtɛ́ mu buáyá. Nááyá tu ŋa sɔ́ nyɛ́mána tú olímekine.
Ne Bóol na Sáak ma bɔ́ ɔɔ́ndɛ́mánána eé Yelúsalɛm
17A nyíásɔ́ nyɛkaáháma nyí Yelúsalɛm, báásɔ́ benyíinyí bé olumitinine ŋa bɔ́ basɔ́ káhá ne obíléne. 18Ɔ ɔyá ɔyá, tu ŋá sɔ cɔba ɔlɔŋɔ ne Bóol o ooki ú Sáak.#21.18 Fanáka nyihembule nyí 12.17 ; fanáka tɔ́na 15.13. Bekendisi belumitinine bekime ŋa ka bɔ́ bɛ́bándákána tɔ́na hɔ́á. 19Bóol ŋé beébe téŋíti. E elime eécí, u ŋé beébe bíkétíkínyi bɛsana bikime, ɔ́mɔtɛ́ ɔ́mɔtɛ́, abɛ́ Bandɔ́mɛsɛ́ ŋaa kɛ́láká ɛ ɛkatɛ́katɛ́ cɛ baacɔ a bá tɛ ábɔ́ bá *Besuif e buólí abɔ́ u ŋɔɔ́ nyiɔ́kɔ hɔ́á. 20Ɛ́makɛ́la bábɔ́ lɔ́kɔ́máka bɛsana eébí, nyiínjie Bandɔ́mɛsɛ́ nuúmi eényí, mbá báyɛ né Bóol : « Onyíinyí, ɔ ŋɔɔ́ lɛca ɔmbana ú tɔ́sɛ́na ú Besuif awɔ́ ú ma háya mɔŋɔlɛ́ né Yésus e ? Bé me bú bíínjie na makɛ́nda ɔ ɔlátɛ́na *bikotí bí *Moyís. 21Yiíyi anyía bá bɔ́ŋa balɔ́kɔ́mákánɔ́ báyɛ o ŋoó weékúnyi Besuif bá nɔháatɛ́ anyía bá tɛ́ háná látɛ́na bikotí eébí, bé ti túné aacá báábɔ́ baáná, bá tɛ látɛ́na abɛ́kɛ́lɛ́na cé cííbú síkíne. 22Aáháʼo, túá kɛlá anyána e ? Bá ŋa bɔ́ cɔba o omenyi tɛ́ka ne efule anyía ɔ́ mɔ kɔ́ɔ́ faaya aaha. 23Buátɛ́ bɔkɔ ɔ́ɔ nyɛmána wu ɔkɛlaka háyɛ túɔ́ cɔba ɔ ɔ kuɔŋɔ́ láakɛna. Yááŋa anyía tua sɔ́ŋa na baacɔ bényíse aaha a bá bɔ́ŋa ne nyisúŋe enyí bé ŋe bú súŋíné Bandɔ́mɛsɛ́. 24Cɔbá ɔlɔŋɔ ne beébe o okobífúúmínyi, mbá e lumitine owiínjie bɛkɔtɔ́ a bɛ́ ŋa bɛ́ámba anyía bé beébe kutéke bɛɛtɔ́.#21.24 Fanáka nyihembule nyí 18.18. Mbɔ́kɔ ɔ ŋɔ́ɔ kɛláka aáná, baacɔ bekime ké bú menyi anyía bɛsana bikime abɛ́ bɔ́ ŋɔ yɔ́ɔ táŋɛ́na áŋa bɛfala. Bɔ́ lɛ́ca anyía kuɔŋɔ́ bɛ́muátá ɔ ŋɔɔ́ látɛ́na bikotí bí Moyís háyɛ yɛ́ ŋaá bɛ́ámba. 25A aháŋá na baacɔ a bá tɛ ábɔ́ bá Besuif, bó lumitekinine, tu ŋé sú beébe ɔ́ɔ́ŋɔ́kɛ́na nufule o o beébe óókísi cáásɔ́ esúŋe. Cááŋa anyía bé bíkíílíéke na ɔnyíá ɛnyama acɛ́ bá sɔ́mbákɛ́na e esíéké ; bá tɛ́ nyíá manɔ́ŋɔ́ ta ɛnyama acɛ́ bɔ́ tɛ ɔ́mɔ́ sɛ́kɛta ; bó bíkékényi ɛnjɔkɔ́nɔ́nɔ. »#21.25 Fanáka nyihembule nyí 15.20.
26Ɔ ɔyá ɔyá, Bóol ŋá cɔbá ɔlɔŋɔ na baacɔ eébé bényíse o okobífúúmínyi ; u ŋo yóófíne eé *Ciíbe cɛ Bandɔ́mɛsɛ́ anyía waá laána *beluli nyiínjie ne nyíényí bé ké bú iínjiekine bɛkɔtɔ́ bɛ́ ɔɔcɔ okime eé beébe ne ekúlú ayɛ́ mɔɔ́sɛ́ me obífúúmínyi káá mána.
Bá ma hátɛna Bóol eé Ciíbe cɛ Bandɔ́mɛsɛ́
27Ekúlú ayɛ́ mɔɔ́sɛ́ metíndétú nɔ́mɔ me obífúúmínyi ŋaá bá ma yáaŋa hoóhi na ɔmana, *Besuif bé ekéti yí iisí yɛ́ Asi ŋga bɔ́ kuána Bóol eé *Ciíbe cɛ Bandɔ́mɛsɛ́ noómi ; bé ŋé oosíkínyi baacɔ anyía bá lɔ́kɔ́mána, mbá Besuif é wuúci hátɛ́na. 28Bɔ́ bɔ́mɔkɔ buáŋá, báyɛ : « Ánɔ basɔ́ ɔ́ɔ́lɔ, banɔ́ baacɔ bé *Islayɛ́l ! Ícíoci, ɔɔcɔ awɔ́ u náŋa u húle á táŋgɛ́na na bunɔŋɔ bú Islayɛ́l, ne *bikotí bí *Moyís ne Efúúménénú yí Ciíbe eeye áyá ! Ánɔ lɛca aámbáya : Ú mo yóofikinyi ta *Bakɛlɛ́k eé Ciíbe cɛ Bandɔ́mɛsɛ́ anyía wé ciíci hákɛ́na mɔnyɔ́kɔ́lɔ́. » 29(Yááŋa anyía bá ŋa cáŋa abɔ́ lɛ́caka Tolofime#21.29 Fanáka 20.4. ɔɔcɔ u Ɛfɛ́ɛsɛ a bálɛ́ka, bébú kéndikinyi ne Bóol. Ɛ́ɛhɛ́ bé ŋe bú kétí anyía ú meé wuúci oofinyi tɔ́na eé Ciíbe cɛ Bandɔ́mɛsɛ́ noómi.)
30Etuŋulinyi ŋaá kúá a bálɛ́ka ikime, baacɔ húle hámɔ́kɔ́na bɛháŋá bikime. Bá ŋga mɛɔ́mɛ́na Bóol eé Ciíbe cɛ Bandɔ́mɛsɛ́ noómi, bé ŋé wuúci hámánána, bé ŋé kueyíki o okueyiki bihenyi. 31Bá ŋaá bá bábɔ́ áambaka o wuúci ɔ́ɔ́nɔ, ekúlú eyí mutéŋínyi bicénji a muáŋá ŋa kaá lɔ́kɔ́má anyía etuŋulinyi á yáaŋa akuánɔ́ a bálɛ́ka ci Yelúsalɛm ikime. 32Hú aá yaátɛ́ ekúlú mu ŋá bándáka ne betéŋínyi bicénji e betíkítíki ne bicénji bɛ́muátá, mu ŋé beébe cɔbána na ɔtɛ́tá a bɛhaála bí etuŋulinyi. Ahɛ́ baacɔ ŋa bɔ́ lɛ́cá mutéŋínyi bicénji a muáŋá ɔlɔŋɔ ne bicénji, bá ŋá nyɛ́ana olúkúte Bóol. 33Aáná mutéŋínyi bicénji a muáŋá ŋeé bíkósíti né Bóol, mu ŋé iínjíé makɛ́nda ma ɔmɛ́ɔ́mɛ́na Bóol, bé wuúci ɔɔ́tɔ́kɔ́kɔ bɔmbányɛ na macanja méfendí ; e elime eécí, mu ŋá batá baacɔ mɔsɛ : « Aányɛ́ ooci wáŋa e ? Aátɛ́ ú ma kɛ́laka e ? »
34Baacɔ bé etúte ŋe bú muúmu bɛ́kámáka náányíá náányia, bá aánjáláka a nyɛnamá anyɛ́ mu tɛ ɔ́mɔ́ bá mu ɔlɔ́kɔ́ma ta bɔkɔ. Ɛ́makɛ́la mutéŋínyi bicénji a muáŋá á lɛca etuŋulinyi eéyé aáná, mu ŋá kɛla anyía bé ke kuéyínyi Bóol a hɛkáká a hiáŋá noómi.#21.34 Elóot a waáŋá ŋaá fálɛ́fáka yaandándá yɛ́ hɛkáká hí bicénji, nyiínyi ɛ́cɛ Antónia e hibéŋú hɛ́ a aháŋá yɛ́ bulɔɔ́lɔ yɛ́ nyɛfianɛna nyɛ́ ɔɔ́cɔ́ nyí Ciíbe cɛ Bandɔ́mɛsɛ́ ; hɔ́á bicénji bí butéŋí bú Lóom ŋaá bá bíé limekine. 35Aáná bicénji ŋe bú hííte Bóol, bé ŋé wuúci súéténe, bá ŋga hámá a bɛbáátɛ́ná bɛ́ hɛkáká a hiáŋá ; aáhá bá ŋa nyɛmána bá ɔbɛ́túáhɛ́na bɔ bɛ́túáhɛ́na Bóol anyía bɔsɛsɛ bú etúte yɛ́ baacɔ. 36Yááŋa anyía baacɔ bekime ŋa bɔ́ bá bébú wuúci látákɛ́ná, bá aánjáláka, báyɛ : « Túé wuúci ɔ́ɔ́nɔ́, túé wuúci ɔ́ɔ́nɔ́ ! »
Nyɛkála nyí Bóol
37Ekúlú ayɛ́ bá ŋa sɛ́ bé ke yóófónóno Bóol a hɛkáká a hiáŋá, u ŋá batá mutéŋínyi bicénji a muáŋá ɔsɛ : « Ya mɛ́ŋa wu ɔtáŋɛ́ta e ? » Mbá mutéŋínyi bicénji a muáŋá mɔsɛ nááyá : « Háá ! O ŋoó menyi ɔtáŋa nɔkɛlɛ́k e ? 38Ɛ́cɛ anyía ɔ ŋɔɔ́ waamba ɔkɔɔna asɛ ɔ tɛ ɔ́ bá ɔɔcɔ u *Esíbit ooci ewú ú mé yóósíkínyi baacɔ e etuŋulinyi hí aaha hí aaha, yó súéténe tɔ́sɛ́na ínyíse cí bicónjólóŋó bɛ́ baacɔ i iisí cɛ ɔsɛ́bɛ́á e ? » 39Bóol ɔsɛ : « Eéʼeé, buaka ! Yaŋɔ́, ya mɛ́ŋa ɔɔcɔ u *Besuif. I ŋeé mi bíbíéne a bálɛ́ka cɛ Táas, e ekéti yí iisí yí Silisí. Ya mɛ́ŋa yeéti yɛ́ yaandándá yɛ́ bálɛ́ka ayɛ́ baacɔ tɛ ŋá bɔ́ nána. Cɔ́kɔ́lɛ, lumítíne anyía yámɛ táŋáka na baacɔ bá bunɔŋɔ. » 40Aáná mutéŋínyi bicénji a muáŋá ŋeé lúmítíne. Bóol ŋá tálɛ́mɛ́na ɛndánáka a bɛbáátɛ́ná bɛ́ hɛkáká a hiáŋá, u ŋá nandɔ́na na ɔɔbɔ́. Baacɔ ŋé lésíkínyi mbuumu, u ŋé túme ɔtáŋa náábɔ́ ne *nuebélé ɔsɛ :
Currently Selected:
BBƐ 21: lem
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
BBƐ 21
21
Ɔkanda ú Bóol eé Yelúsalɛm
1Ahɛ́ tú ŋa sɔ́ aálɔ́náná ne belumitinine bá Ɛfɛ́ɛsɛ, tu ŋge sú óófókíne eé sitíme, tu ŋé súéte o osúéte e Kós. Ɔ ɔyá ɔyá, tú ŋgaá hámá e Lóote. Hɔ́á tu ŋa sɔ́ hátɔ́na o osúéte a Batala. 2Tu ŋa sɔ́ kuána sitíme hɔ́á ci é súétéke e Fenisí ; aáná tu ŋe sú ciíci oofíne, túó súéte. 3Tú ŋgá háma hoóhi ne Síbele ; cɛ ŋaá bá cɛá lɛ́cakana kuɔŋɔ́ eé sitíme noómi. Tu ŋá hɔlɛ́na a aháŋá yɛ́ bulɔɔ́lɔ yí ekéti yí iisí eéyé, túó súéte eé Silíi. Tú ŋga tálɛ́mɛ́na e Tíil anyía bé súúnyíki malamɔ́. 4Tu ŋa sɔ́ kuána belumitinine hɔ́á, túo límekine ne beébe sɔ́ndɛ ikimekime. *Efúúménénú yí Elilé ŋeé beébe bɛ́nyɔ́ŋɛ́na anyía bá sáŋɔ́nɛ́na Bóol ɔcɔba eé Yelúsalɛm. 5Mbá ɛŋakɛlá túésú límékíne sɔ́ndɛ ikimekime, tu ŋá sɔ́mbɔ́tɔ́na cɔbá ne buúse e úúsú ɔkanda aá nuɔmɔ́. Belumitinine eébé ŋga bɔ́ basɔ́ síke hí a nyɛháma nyɛ́ bálɛ́ka, na báábɔ́ beénjú na báábɔ́ baáná. Tu ŋe sú túméké eŋéndu ɔ ɔmɛsɛ́ a maabána ma nuɔmɔ́, tuɔ́ bɛ́cɔ́kɔ́lɔ́kɛ́na Bandɔ́mɛsɛ́. 6E elime eécí, tu ŋe sú beébe bíósíkínyí, tu ŋó oofókíne eé sitíme, mbá beébe bá ŋa bɔ́ hálɔ́mɔ́kɔ́ná e cííbú iiki.
7Ahɛ́ tú ŋa sɔ́ hátɔ́ná e Tíil túɔ́ kɔɔ́háma a Tolemáyis,#21.7 Hɛ́nánɔ Sɛŋ Sáaŋ cɛ Ako. úúsú ɔkanda ú nuɔmɔ́ ŋá maná. Hɔ́á tu ŋe sú téŋítí báásɔ́ benyíinyí bé olumitinine, túó límine ne beébe buɔ́sɛ́ búmɔtɛ́.
8Ɔ ɔyá ɔyá, tu ŋa sɔ́ hátɔ́na tuɔ́ cɔ́ba a Sɛsalɛ́ɛ.#21.8 Nyɛtálɛ́mɛ́na sitíme nyí Yuté ; hɔ́á kɔ́mɛ́na cí butéŋí bú Lóom ŋaá bá cié límekine. Sɛsalɛ́ɛ ŋaá bá a aháŋá yɛ́ bulɔɔ́lɔ yɛ́ bálɛ́ka ci Tolemáyis, e kilomɛ́ta 56. Aáhá tu ŋe sú oofíne eé ciíbe cɛ ɔɔcɔ a wɔmɔtɛ́ nyiínyi ɛ́cɛ Fílib, mɔkɔɔna ɛsɔ́ma.#21.8 Fanáka 6.5 ; 8.5. U ŋaá bá tɔ́na ɔɔcɔ u ɔlɔŋɔ ú bétíndétú nɔ́mɔ bɛ́ baacɔ abá bá ŋaá táfáká eé Yelúsalɛm. Tu ŋé limékíne nááyá. 9U ŋaá bá na baáná bényíse e beénjú, beyukékénú, e bé ti ŋe bú ményí banɔ́mɔcɔ́ ; bé hémúkúnyi Bɛsana bɛ́ Bandɔ́mɛsɛ́. 10Tu ŋa sɔ́ bá tú ma sɔ́ kɛla ɔmbana ú mɔɔ́sɛ́ weéŋí hɔ́á, ekúlú eyí *muhémúnyi bɛsana mɔ Bandɔ́mɛsɛ́ a mumɔtɛ́, nyiínyi ɛ́cɛ Akabus, ŋa kaáhámá, weé húlúkúne eé Yuté. 11Ahɛ́ u ŋgá basɔ́ bɛ́látá, u ŋé hiite kandá ci Bóol, u ŋá bɛ́ɔ́tɔ́kɔ́kɔ na aabá na akɔlɔ́, mbá ɔsɛ : « Ánɔ lɔ́kɔ́ma ɔtáŋa ú Efúúménénú yí Elilé ooci : Híáná *Besuif ká bɔ́ ɔɔ́tɔ́kɔ́kɔ eé Yelúsalɛm ɔɔcɔ a wáŋa na kandá eeci, bó wuúci fiimbie né be-ti-menyí Bandɔ́mɛsɛ́. »
12Ayɛ́ tú ŋa sɔ́ lɔ́kɔ́má aáná, na basɔ́ na báásɔ́ benyíinyí bé olumitinine bá Sɛsalɛ́ɛ tu ŋa sɔ́ bɛ́cɔ́kɔ́lɔ́kɛ́na Bóol na bɛlɛlá e eése anyía u ti túné súéte. 13Mbá Bóol ɔsɛ : « Anyíatɛ́ nu ŋa nɔ́ lɛ́la, nu aambaka o mi kesi e ? A náámɛʼo, i ŋe mí lumitine tɛ́ cáŋa hú anyía bá mɛ ɔɔ́tɔ́kɔ́kɔ ne tukolí, mbá anyía yémi wé hɔ́á eé Yelúsalɛm a asana yí Yésus Otéŋí a Waáŋá. » 14Ahɛ́ u ŋaá yákáná aáná, tu ŋé wuúci nyɛána, tɔsɛ : « Bɛsana á bɛ́kɛ́láka háyɛ Otéŋí a Waáŋá ŋeé léne. »
15Ɛ́makɛ́la túásɔ́ kɛ́lá nyɛnamá nyɛ́ ɔmbana ú mɔɔ́sɛ́ a Sɛsalɛ́ɛ, tu ŋá bɛ́tábɔ́nákɛ́na ɔkanda wú osúéte eé Yelúsalɛm. 16Belumitinine ɔ bɔ́mɔtɛ́ bá Sɛsalɛ́ɛ ŋa ka bɔ́ basɔ́ síké o ooki ú Náásɔŋ ɔɔcɔ u Síbele, mulumitinine a mumɔtɛ́ mu buáyá. Nááyá tu ŋa sɔ́ nyɛ́mána tú olímekine.
Ne Bóol na Sáak ma bɔ́ ɔɔ́ndɛ́mánána eé Yelúsalɛm
17A nyíásɔ́ nyɛkaáháma nyí Yelúsalɛm, báásɔ́ benyíinyí bé olumitinine ŋa bɔ́ basɔ́ káhá ne obíléne. 18Ɔ ɔyá ɔyá, tu ŋá sɔ cɔba ɔlɔŋɔ ne Bóol o ooki ú Sáak.#21.18 Fanáka nyihembule nyí 12.17 ; fanáka tɔ́na 15.13. Bekendisi belumitinine bekime ŋa ka bɔ́ bɛ́bándákána tɔ́na hɔ́á. 19Bóol ŋé beébe téŋíti. E elime eécí, u ŋé beébe bíkétíkínyi bɛsana bikime, ɔ́mɔtɛ́ ɔ́mɔtɛ́, abɛ́ Bandɔ́mɛsɛ́ ŋaa kɛ́láká ɛ ɛkatɛ́katɛ́ cɛ baacɔ a bá tɛ ábɔ́ bá *Besuif e buólí abɔ́ u ŋɔɔ́ nyiɔ́kɔ hɔ́á. 20Ɛ́makɛ́la bábɔ́ lɔ́kɔ́máka bɛsana eébí, nyiínjie Bandɔ́mɛsɛ́ nuúmi eényí, mbá báyɛ né Bóol : « Onyíinyí, ɔ ŋɔɔ́ lɛca ɔmbana ú tɔ́sɛ́na ú Besuif awɔ́ ú ma háya mɔŋɔlɛ́ né Yésus e ? Bé me bú bíínjie na makɛ́nda ɔ ɔlátɛ́na *bikotí bí *Moyís. 21Yiíyi anyía bá bɔ́ŋa balɔ́kɔ́mákánɔ́ báyɛ o ŋoó weékúnyi Besuif bá nɔháatɛ́ anyía bá tɛ́ háná látɛ́na bikotí eébí, bé ti túné aacá báábɔ́ baáná, bá tɛ látɛ́na abɛ́kɛ́lɛ́na cé cííbú síkíne. 22Aáháʼo, túá kɛlá anyána e ? Bá ŋa bɔ́ cɔba o omenyi tɛ́ka ne efule anyía ɔ́ mɔ kɔ́ɔ́ faaya aaha. 23Buátɛ́ bɔkɔ ɔ́ɔ nyɛmána wu ɔkɛlaka háyɛ túɔ́ cɔba ɔ ɔ kuɔŋɔ́ láakɛna. Yááŋa anyía tua sɔ́ŋa na baacɔ bényíse aaha a bá bɔ́ŋa ne nyisúŋe enyí bé ŋe bú súŋíné Bandɔ́mɛsɛ́. 24Cɔbá ɔlɔŋɔ ne beébe o okobífúúmínyi, mbá e lumitine owiínjie bɛkɔtɔ́ a bɛ́ ŋa bɛ́ámba anyía bé beébe kutéke bɛɛtɔ́.#21.24 Fanáka nyihembule nyí 18.18. Mbɔ́kɔ ɔ ŋɔ́ɔ kɛláka aáná, baacɔ bekime ké bú menyi anyía bɛsana bikime abɛ́ bɔ́ ŋɔ yɔ́ɔ táŋɛ́na áŋa bɛfala. Bɔ́ lɛ́ca anyía kuɔŋɔ́ bɛ́muátá ɔ ŋɔɔ́ látɛ́na bikotí bí Moyís háyɛ yɛ́ ŋaá bɛ́ámba. 25A aháŋá na baacɔ a bá tɛ ábɔ́ bá Besuif, bó lumitekinine, tu ŋé sú beébe ɔ́ɔ́ŋɔ́kɛ́na nufule o o beébe óókísi cáásɔ́ esúŋe. Cááŋa anyía bé bíkíílíéke na ɔnyíá ɛnyama acɛ́ bá sɔ́mbákɛ́na e esíéké ; bá tɛ́ nyíá manɔ́ŋɔ́ ta ɛnyama acɛ́ bɔ́ tɛ ɔ́mɔ́ sɛ́kɛta ; bó bíkékényi ɛnjɔkɔ́nɔ́nɔ. »#21.25 Fanáka nyihembule nyí 15.20.
26Ɔ ɔyá ɔyá, Bóol ŋá cɔbá ɔlɔŋɔ na baacɔ eébé bényíse o okobífúúmínyi ; u ŋo yóófíne eé *Ciíbe cɛ Bandɔ́mɛsɛ́ anyía waá laána *beluli nyiínjie ne nyíényí bé ké bú iínjiekine bɛkɔtɔ́ bɛ́ ɔɔcɔ okime eé beébe ne ekúlú ayɛ́ mɔɔ́sɛ́ me obífúúmínyi káá mána.
Bá ma hátɛna Bóol eé Ciíbe cɛ Bandɔ́mɛsɛ́
27Ekúlú ayɛ́ mɔɔ́sɛ́ metíndétú nɔ́mɔ me obífúúmínyi ŋaá bá ma yáaŋa hoóhi na ɔmana, *Besuif bé ekéti yí iisí yɛ́ Asi ŋga bɔ́ kuána Bóol eé *Ciíbe cɛ Bandɔ́mɛsɛ́ noómi ; bé ŋé oosíkínyi baacɔ anyía bá lɔ́kɔ́mána, mbá Besuif é wuúci hátɛ́na. 28Bɔ́ bɔ́mɔkɔ buáŋá, báyɛ : « Ánɔ basɔ́ ɔ́ɔ́lɔ, banɔ́ baacɔ bé *Islayɛ́l ! Ícíoci, ɔɔcɔ awɔ́ u náŋa u húle á táŋgɛ́na na bunɔŋɔ bú Islayɛ́l, ne *bikotí bí *Moyís ne Efúúménénú yí Ciíbe eeye áyá ! Ánɔ lɛca aámbáya : Ú mo yóofikinyi ta *Bakɛlɛ́k eé Ciíbe cɛ Bandɔ́mɛsɛ́ anyía wé ciíci hákɛ́na mɔnyɔ́kɔ́lɔ́. » 29(Yááŋa anyía bá ŋa cáŋa abɔ́ lɛ́caka Tolofime#21.29 Fanáka 20.4. ɔɔcɔ u Ɛfɛ́ɛsɛ a bálɛ́ka, bébú kéndikinyi ne Bóol. Ɛ́ɛhɛ́ bé ŋe bú kétí anyía ú meé wuúci oofinyi tɔ́na eé Ciíbe cɛ Bandɔ́mɛsɛ́ noómi.)
30Etuŋulinyi ŋaá kúá a bálɛ́ka ikime, baacɔ húle hámɔ́kɔ́na bɛháŋá bikime. Bá ŋga mɛɔ́mɛ́na Bóol eé Ciíbe cɛ Bandɔ́mɛsɛ́ noómi, bé ŋé wuúci hámánána, bé ŋé kueyíki o okueyiki bihenyi. 31Bá ŋaá bá bábɔ́ áambaka o wuúci ɔ́ɔ́nɔ, ekúlú eyí mutéŋínyi bicénji a muáŋá ŋa kaá lɔ́kɔ́má anyía etuŋulinyi á yáaŋa akuánɔ́ a bálɛ́ka ci Yelúsalɛm ikime. 32Hú aá yaátɛ́ ekúlú mu ŋá bándáka ne betéŋínyi bicénji e betíkítíki ne bicénji bɛ́muátá, mu ŋé beébe cɔbána na ɔtɛ́tá a bɛhaála bí etuŋulinyi. Ahɛ́ baacɔ ŋa bɔ́ lɛ́cá mutéŋínyi bicénji a muáŋá ɔlɔŋɔ ne bicénji, bá ŋá nyɛ́ana olúkúte Bóol. 33Aáná mutéŋínyi bicénji a muáŋá ŋeé bíkósíti né Bóol, mu ŋé iínjíé makɛ́nda ma ɔmɛ́ɔ́mɛ́na Bóol, bé wuúci ɔɔ́tɔ́kɔ́kɔ bɔmbányɛ na macanja méfendí ; e elime eécí, mu ŋá batá baacɔ mɔsɛ : « Aányɛ́ ooci wáŋa e ? Aátɛ́ ú ma kɛ́laka e ? »
34Baacɔ bé etúte ŋe bú muúmu bɛ́kámáka náányíá náányia, bá aánjáláka a nyɛnamá anyɛ́ mu tɛ ɔ́mɔ́ bá mu ɔlɔ́kɔ́ma ta bɔkɔ. Ɛ́makɛ́la mutéŋínyi bicénji a muáŋá á lɛca etuŋulinyi eéyé aáná, mu ŋá kɛla anyía bé ke kuéyínyi Bóol a hɛkáká a hiáŋá noómi.#21.34 Elóot a waáŋá ŋaá fálɛ́fáka yaandándá yɛ́ hɛkáká hí bicénji, nyiínyi ɛ́cɛ Antónia e hibéŋú hɛ́ a aháŋá yɛ́ bulɔɔ́lɔ yɛ́ nyɛfianɛna nyɛ́ ɔɔ́cɔ́ nyí Ciíbe cɛ Bandɔ́mɛsɛ́ ; hɔ́á bicénji bí butéŋí bú Lóom ŋaá bá bíé limekine. 35Aáná bicénji ŋe bú hííte Bóol, bé ŋé wuúci súéténe, bá ŋga hámá a bɛbáátɛ́ná bɛ́ hɛkáká a hiáŋá ; aáhá bá ŋa nyɛmána bá ɔbɛ́túáhɛ́na bɔ bɛ́túáhɛ́na Bóol anyía bɔsɛsɛ bú etúte yɛ́ baacɔ. 36Yááŋa anyía baacɔ bekime ŋa bɔ́ bá bébú wuúci látákɛ́ná, bá aánjáláka, báyɛ : « Túé wuúci ɔ́ɔ́nɔ́, túé wuúci ɔ́ɔ́nɔ́ ! »
Nyɛkála nyí Bóol
37Ekúlú ayɛ́ bá ŋa sɛ́ bé ke yóófónóno Bóol a hɛkáká a hiáŋá, u ŋá batá mutéŋínyi bicénji a muáŋá ɔsɛ : « Ya mɛ́ŋa wu ɔtáŋɛ́ta e ? » Mbá mutéŋínyi bicénji a muáŋá mɔsɛ nááyá : « Háá ! O ŋoó menyi ɔtáŋa nɔkɛlɛ́k e ? 38Ɛ́cɛ anyía ɔ ŋɔɔ́ waamba ɔkɔɔna asɛ ɔ tɛ ɔ́ bá ɔɔcɔ u *Esíbit ooci ewú ú mé yóósíkínyi baacɔ e etuŋulinyi hí aaha hí aaha, yó súéténe tɔ́sɛ́na ínyíse cí bicónjólóŋó bɛ́ baacɔ i iisí cɛ ɔsɛ́bɛ́á e ? » 39Bóol ɔsɛ : « Eéʼeé, buaka ! Yaŋɔ́, ya mɛ́ŋa ɔɔcɔ u *Besuif. I ŋeé mi bíbíéne a bálɛ́ka cɛ Táas, e ekéti yí iisí yí Silisí. Ya mɛ́ŋa yeéti yɛ́ yaandándá yɛ́ bálɛ́ka ayɛ́ baacɔ tɛ ŋá bɔ́ nána. Cɔ́kɔ́lɛ, lumítíne anyía yámɛ táŋáka na baacɔ bá bunɔŋɔ. » 40Aáná mutéŋínyi bicénji a muáŋá ŋeé lúmítíne. Bóol ŋá tálɛ́mɛ́na ɛndánáka a bɛbáátɛ́ná bɛ́ hɛkáká a hiáŋá, u ŋá nandɔ́na na ɔɔbɔ́. Baacɔ ŋé lésíkínyi mbuumu, u ŋé túme ɔtáŋa náábɔ́ ne *nuebélé ɔsɛ :
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.