Tùntúmə́ bé 1
1
Yezu pɔ nyí ń tùntúmə́ bé ne bə̀ bə̀ dɛ̃̌ Eshirhə náàcɛ̀nɛ́
1-2Cofyil, à zɔ̀m kɔn dɛ̀bɛ́ gakó Yezu wɛ̀rhɛ́ ǹdə́ dɛ̀bɛ́ gakó ń cèrhè lyì bí ni kùr-ju yi ní, kɔn mʼe yí dɛ̃ rɛ́ tɛ̀bɛ́ Yi kwè mò n vò Arəzana w mɔ́ yò, à sɛ́bɛ́ rɛ́ nã́yéé ré à kɛ̃ mɔ́ wẽ́. Ń byili ń zɔ̀mà nɛ́ tùntúmə́ bé ń cír mó ne ǹdə́ Eshirhə náàcɛ̀nɛ́ ŋwɔ̀nɔ́, fòró n zɛ̃̀ n vò Arəzana wa. 3Wɔ́ bə̀myɛ́ nɛ ń byili ń cìn ń cu mú kwã nɛ́, n wɛ̀rhɛ́ wẽ̀ nánzhəzhɔ̌ n ce bə lwar pamparɛ̃ɛ̃ bə̀ ń ŋwɛ́nɛ́, tə́tɔ̀ná tɛ̀nɛ́ yé. Ń lyí bi dwã shə́-èna, sə ń zɔ̀m Yi pyɛ̀lɛ̀ rɛ́ yò ǹdə́ bɛ.
4Dɛ̃ rə̀dù, ń yà ń nə́ ń tó be ń jí kùjú, n zɛ̃̀ n pə bɛ nyí n wɔ̀: “Mɛ̃na Zhərəzalɛm nɛ́, á dɛ̃̀ kɔn dɛ́ dɛ̀bɛ́ à Da bwəl rə̀ nyí mú, dɛ̀bɛ́ à byili ába mó. 5Zhã wɔ́ nɛ̃̌ ń yà ń mə́ ń pɛ nɛ̃̌-shɔ, sə nyɔ̀nɔ̀ ǹdə́ dwã màngɛlɛ́, wɔ́ Eshirhə náàcɛ̀nɛ́ wẽ́ ámyɛ̌ bʼâ zwẽ nɛ̃̌-shɔ nɛ́.”
Yi kwè Yezu n vò Arəzana wa
6Dɛ̃ rə̀dù, Yezu ǹdə́ ń tùntúmə́ bé yʼà jě dwã yó. Bə zɛ̃̀ bə bwə̀rh mò bə wɔ̀: “Cinu, wɔ́ èlâsɛ̃´ ǹ bʼâ zwẽ Esərayɛl lyì bí cɔ w ń pə bɛ bə̀ cìn-cìnú?”
7N wɔ̀ bɛ: “Rə̀myɛ́ yi rí ǹdə́ rə̀ dɛ̃ rɛ́ lwar mɔ́ də̀ ámyɛ̌ yé yé. Wɔ́ à Da ǹdə́ ń sə̀pwà jàn ń cír rə̀myɛ́ n cĩ́. 8Sə Eshirhə náàcɛ̀nɛ́ gə tú è só á yó w yi ní, á mʼâ nə jàn, sə á mʼâ yə̀ à zhə̀n-cínnə Zhərəzalɛm nɛ́, ǹdə́ Zhide ǹdə́ Samarɛ tənèsé púlə́púlə́ wə, kɔn mʼe yí lũ w cə-yala gakó.”
9Ń gə́ tú n zɔ̀m n zhɛ̀, Yi kwè mò ń la dɛ̃̌ ǹdə́ bə̀ gwẽ̌ zhǐ bə̀ nʼê nyǐ mu. Ébɔ̃ círhí mu, bə̀ kʼê bə mɔ nɛ yé.
10Lyì bə̀lyè bə̀ yʼà zù gã̀-pwẽ̀ bə̀ bə lyí bi, ǹdə́ bə̀ gwẽ̌ zhǐ bə̀ nʼê nyǐ ń jàà wà. 11Lyì bí wɔ̀ bɛ: “Gəlile lyì, byè yil á zhǐ á nʼá nyǐ dɛ̃̌ èta? Yezu mɔ̀bɔ́ Yi kwè ń la Arəzana w mɔ́, ń mà n ká n bə̀ èta, ǹdə á gə́ nə mɔ ń la nɛ́.”
Tùntúmə́ bé cír Macaasɛ bə cĩ́ Zhidə jàà wà
12Rə̀myɛ́ yó, tùntúmə́ bé kʼa shí pyɔ̀ w bə̀ nʼê byẽ̀ bə̀ Olyivyə́r pyɔ̀ mɔ́ yó bə só tɛ̃´ bə vò Zhərəzalɛm. Pyɔ̀ w òmyɛ́ ǹdə́ Zhərəzalɛm bə nyɛ ǹdə́ dwã yé. Kɔn bʼa myɛrhɛ ǹdə coló òdù ta. 13Bə̀ gə́ yúwə́, bə vò dɛ̃̌-yó jì y bə̀ nʼê gùlí dwã è wẽ́ twéé twéé mó wə. È yʼà wɔ́ Pyɛɛrɛ ǹdə́ Zhã ǹdə́ Zhakɛ, ǹdə́ Andərɛ ǹdə́ Shilipu, ǹdə́ Tɔma ǹdə́ Bətələmyi ǹdə́ Məco, ǹdə́ Aləfɛ byǐ Zhakɛ ǹdə́ yə̀wâl cìnə́ bé gùlú w lò mə̀dù ń yíl Shəmɔ,#1.13 “Yə̀wâl cìnə́ bé gùlú wə́” yʼà wɔ́ Zhwifubá lyì bí bə̀ yʼà nʼê yâl bə jì Orɔm lyì bí ǹdə́ jàn bə̀ nyə́ né yilə. Bə̀ tʼâ yâl sə dwí dõ bʼe cɔ̀ bə̀ nyə́ né yé. e súlí Zhakɛ byǐ Zhidə. 14Bə̀myɛ́ ǹdə́ kana jàlà, ǹdə́ Yezu ná, ǹdə́ Yezu da-byâ bɛ́ yʼà wɛ̀rhɛ́ wu òdù bə̀ nʼê gùlí dwã bə̀ ce Yi twéé twéé.
15Dɛ̃ rə̀dù, lyì bí byɛ̀bɛ́ bə̀ yʼà zù Yezu Kristə mó yʼà tú dwã yó; bə̀ yʼà yú lyì zɔ̌m ǹdə́ shí-èlyè. Pyɛɛrɛ zɛ̃̀ n zhì bə̀ gakó yé né n wɔ̀ bɛ: 16“Da-byâ, bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə̀ Dəvyidi yà ń dámâ n zɔ̀m kɔn rə̀dù Zhidə shò-kwã nɛ́. Wɔ́ nyɔ́ɔ́ bə̀ kɔn dɛ́ rə̀myɛ́ mɔ́ pyǐrh. Wɔ́ Zhidə mó ńmyɛ̌ ń zə lyì bí n bə̀ bə zə Yezu mú. 17Ń yà ń ŋwɛ́nɛ́ nə́ wẽ́ ń nə́ ń tó nə́ba ń twĩ̀ tum dí Cinu co nə́ jɔ̃̀ w mɔ́.”
( 18Ń zə wársɛ́ shɛ̀bɛ́ bə̀ kwɛ̃̌ mɔ n zɛ̃̀ n mə n twĩ̀ ń lwɛlɛ rɛ́ mɔ́ n vò n mə n yə̀ cɛ. Sə ń tu tɛ̃´ cɛ y èmyɛ́ wẽ́, ń pwǐ y lá, ń lyuuré gakó sàrh rə̀ pyě tɛ̃´. 19Zhərəzalɛm lyì bí gakó nyɛ̀ɛ̀ yò w òmyɛ́. Wɔ́ rə̀myɛ́ è ce, bə̀ co cɛ y èmyɛ́ yil ǹdə́ bə̀ lũ zɔ̀mà nɛ́ bə̀ Akɛlədama. Rə̀ kùr wɔ́: “Jal cɛ”.)
20“E jà bə̀ yʼà kɛ̃ Nwíísí sɛ́bɛ́ rɛ́ wẽ́ bə wɔ̀:
‘Ń kɛ̀lɛ́ y kùr bʼa jé;
lò lò tá ń la gàà jǒm kə́dò yé.’
Bə̀ kɛ̃ rə̀ jàà dõ myɛ wẽ́ bə wɔ̀:
‘Sə lò dõ mà n zhì ń jàà wà.’ ”
21-22Pyɛɛrɛ súlí n wɔ̀: “È gə́ wɔ́ èta, kɔn wɔ́ nyɔ́ɔ́ bə̀ lò dõ zwí nə́ wẽ́, n tó nə́ba n yə̀ Yezu bùrhù mú zhə̀n-cínnə. Lyì ŋwɛ́nɛ́ bə̀ yʼà nʼê tó nə́ba Cinu Yezu gə́ yà ń gwẽ̌ ŋwɛ́nɛ́, nə́myɛ̌ ǹdə́ ńmyɛ̌ nʼé tó dwã nə́ zhə̀l cɛmɛ nɛ́ wa, Zhã gə́ pɔ mɔ nɛ̃̌-shɔ mɔ́ yi ní, kɔn mʼe yí Yi gə́ kwè mò n vò Arəzana w mɔ́; nə́ bʼâ cír bə̀myɛ́ mə̀dù.”
23Bə vùr lyì bə̀lyè. È yʼà wɔ́ Zhozefu mú mɔ̀bɔ́ bə̀ nʼê byẽ̀ bə̀ Barsabaasɛ mɔ́, ń yà ń zhe yil dõ bə̀ nʼê byẽ̀ bə̀ Zhusətuusi; sə ń dõ mó yà ń yíl Macaasɛ. 24Bə̀ gakó zɛ̃̀ bə tó dwã bə lwə̀l Yi bə wɔ̀: “Cinu, ǹmyɛ́ ǹ yě lò gakó wu. Byili nə́ba mɔ̀bɔ́ ǹ cír byɛ̀bɛ́ bə̀lyè y wẽ́ 25bə̀ ń yál tùntúm n zhì Zhidə jàà y wa, n twĩ̀ tum dí tɛ̀bɛ́ Zhidə zhǐr n yẽ̌ n vò ń sə̀pwà jàà y w mɔ́.”
26Bə zɛ̃̀ bə tə́ tántɛ́ɛ́ bə̀ la mʼe cír mə̀dù, sə tántɛ́ɛ́ y zɔ Macaasɛ. Wɔ́ ńmyɛ̌ bə̀ ce ń zù tùntúmə́ bé shí ǹdə́ mə̀dù y wẽ́.
Currently Selected:
Tùntúmə́ bé 1: lee
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.
Tùntúmə́ bé 1
1
Yezu pɔ nyí ń tùntúmə́ bé ne bə̀ bə̀ dɛ̃̌ Eshirhə náàcɛ̀nɛ́
1-2Cofyil, à zɔ̀m kɔn dɛ̀bɛ́ gakó Yezu wɛ̀rhɛ́ ǹdə́ dɛ̀bɛ́ gakó ń cèrhè lyì bí ni kùr-ju yi ní, kɔn mʼe yí dɛ̃ rɛ́ tɛ̀bɛ́ Yi kwè mò n vò Arəzana w mɔ́ yò, à sɛ́bɛ́ rɛ́ nã́yéé ré à kɛ̃ mɔ́ wẽ́. Ń byili ń zɔ̀mà nɛ́ tùntúmə́ bé ń cír mó ne ǹdə́ Eshirhə náàcɛ̀nɛ́ ŋwɔ̀nɔ́, fòró n zɛ̃̀ n vò Arəzana wa. 3Wɔ́ bə̀myɛ́ nɛ ń byili ń cìn ń cu mú kwã nɛ́, n wɛ̀rhɛ́ wẽ̀ nánzhəzhɔ̌ n ce bə lwar pamparɛ̃ɛ̃ bə̀ ń ŋwɛ́nɛ́, tə́tɔ̀ná tɛ̀nɛ́ yé. Ń lyí bi dwã shə́-èna, sə ń zɔ̀m Yi pyɛ̀lɛ̀ rɛ́ yò ǹdə́ bɛ.
4Dɛ̃ rə̀dù, ń yà ń nə́ ń tó be ń jí kùjú, n zɛ̃̀ n pə bɛ nyí n wɔ̀: “Mɛ̃na Zhərəzalɛm nɛ́, á dɛ̃̀ kɔn dɛ́ dɛ̀bɛ́ à Da bwəl rə̀ nyí mú, dɛ̀bɛ́ à byili ába mó. 5Zhã wɔ́ nɛ̃̌ ń yà ń mə́ ń pɛ nɛ̃̌-shɔ, sə nyɔ̀nɔ̀ ǹdə́ dwã màngɛlɛ́, wɔ́ Eshirhə náàcɛ̀nɛ́ wẽ́ ámyɛ̌ bʼâ zwẽ nɛ̃̌-shɔ nɛ́.”
Yi kwè Yezu n vò Arəzana wa
6Dɛ̃ rə̀dù, Yezu ǹdə́ ń tùntúmə́ bé yʼà jě dwã yó. Bə zɛ̃̀ bə bwə̀rh mò bə wɔ̀: “Cinu, wɔ́ èlâsɛ̃´ ǹ bʼâ zwẽ Esərayɛl lyì bí cɔ w ń pə bɛ bə̀ cìn-cìnú?”
7N wɔ̀ bɛ: “Rə̀myɛ́ yi rí ǹdə́ rə̀ dɛ̃ rɛ́ lwar mɔ́ də̀ ámyɛ̌ yé yé. Wɔ́ à Da ǹdə́ ń sə̀pwà jàn ń cír rə̀myɛ́ n cĩ́. 8Sə Eshirhə náàcɛ̀nɛ́ gə tú è só á yó w yi ní, á mʼâ nə jàn, sə á mʼâ yə̀ à zhə̀n-cínnə Zhərəzalɛm nɛ́, ǹdə́ Zhide ǹdə́ Samarɛ tənèsé púlə́púlə́ wə, kɔn mʼe yí lũ w cə-yala gakó.”
9Ń gə́ tú n zɔ̀m n zhɛ̀, Yi kwè mò ń la dɛ̃̌ ǹdə́ bə̀ gwẽ̌ zhǐ bə̀ nʼê nyǐ mu. Ébɔ̃ círhí mu, bə̀ kʼê bə mɔ nɛ yé.
10Lyì bə̀lyè bə̀ yʼà zù gã̀-pwẽ̀ bə̀ bə lyí bi, ǹdə́ bə̀ gwẽ̌ zhǐ bə̀ nʼê nyǐ ń jàà wà. 11Lyì bí wɔ̀ bɛ: “Gəlile lyì, byè yil á zhǐ á nʼá nyǐ dɛ̃̌ èta? Yezu mɔ̀bɔ́ Yi kwè ń la Arəzana w mɔ́, ń mà n ká n bə̀ èta, ǹdə á gə́ nə mɔ ń la nɛ́.”
Tùntúmə́ bé cír Macaasɛ bə cĩ́ Zhidə jàà wà
12Rə̀myɛ́ yó, tùntúmə́ bé kʼa shí pyɔ̀ w bə̀ nʼê byẽ̀ bə̀ Olyivyə́r pyɔ̀ mɔ́ yó bə só tɛ̃´ bə vò Zhərəzalɛm. Pyɔ̀ w òmyɛ́ ǹdə́ Zhərəzalɛm bə nyɛ ǹdə́ dwã yé. Kɔn bʼa myɛrhɛ ǹdə coló òdù ta. 13Bə̀ gə́ yúwə́, bə vò dɛ̃̌-yó jì y bə̀ nʼê gùlí dwã è wẽ́ twéé twéé mó wə. È yʼà wɔ́ Pyɛɛrɛ ǹdə́ Zhã ǹdə́ Zhakɛ, ǹdə́ Andərɛ ǹdə́ Shilipu, ǹdə́ Tɔma ǹdə́ Bətələmyi ǹdə́ Məco, ǹdə́ Aləfɛ byǐ Zhakɛ ǹdə́ yə̀wâl cìnə́ bé gùlú w lò mə̀dù ń yíl Shəmɔ,#1.13 “Yə̀wâl cìnə́ bé gùlú wə́” yʼà wɔ́ Zhwifubá lyì bí bə̀ yʼà nʼê yâl bə jì Orɔm lyì bí ǹdə́ jàn bə̀ nyə́ né yilə. Bə̀ tʼâ yâl sə dwí dõ bʼe cɔ̀ bə̀ nyə́ né yé. e súlí Zhakɛ byǐ Zhidə. 14Bə̀myɛ́ ǹdə́ kana jàlà, ǹdə́ Yezu ná, ǹdə́ Yezu da-byâ bɛ́ yʼà wɛ̀rhɛ́ wu òdù bə̀ nʼê gùlí dwã bə̀ ce Yi twéé twéé.
15Dɛ̃ rə̀dù, lyì bí byɛ̀bɛ́ bə̀ yʼà zù Yezu Kristə mó yʼà tú dwã yó; bə̀ yʼà yú lyì zɔ̌m ǹdə́ shí-èlyè. Pyɛɛrɛ zɛ̃̀ n zhì bə̀ gakó yé né n wɔ̀ bɛ: 16“Da-byâ, bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə̀ Dəvyidi yà ń dámâ n zɔ̀m kɔn rə̀dù Zhidə shò-kwã nɛ́. Wɔ́ nyɔ́ɔ́ bə̀ kɔn dɛ́ rə̀myɛ́ mɔ́ pyǐrh. Wɔ́ Zhidə mó ńmyɛ̌ ń zə lyì bí n bə̀ bə zə Yezu mú. 17Ń yà ń ŋwɛ́nɛ́ nə́ wẽ́ ń nə́ ń tó nə́ba ń twĩ̀ tum dí Cinu co nə́ jɔ̃̀ w mɔ́.”
( 18Ń zə wársɛ́ shɛ̀bɛ́ bə̀ kwɛ̃̌ mɔ n zɛ̃̀ n mə n twĩ̀ ń lwɛlɛ rɛ́ mɔ́ n vò n mə n yə̀ cɛ. Sə ń tu tɛ̃´ cɛ y èmyɛ́ wẽ́, ń pwǐ y lá, ń lyuuré gakó sàrh rə̀ pyě tɛ̃´. 19Zhərəzalɛm lyì bí gakó nyɛ̀ɛ̀ yò w òmyɛ́. Wɔ́ rə̀myɛ́ è ce, bə̀ co cɛ y èmyɛ́ yil ǹdə́ bə̀ lũ zɔ̀mà nɛ́ bə̀ Akɛlədama. Rə̀ kùr wɔ́: “Jal cɛ”.)
20“E jà bə̀ yʼà kɛ̃ Nwíísí sɛ́bɛ́ rɛ́ wẽ́ bə wɔ̀:
‘Ń kɛ̀lɛ́ y kùr bʼa jé;
lò lò tá ń la gàà jǒm kə́dò yé.’
Bə̀ kɛ̃ rə̀ jàà dõ myɛ wẽ́ bə wɔ̀:
‘Sə lò dõ mà n zhì ń jàà wà.’ ”
21-22Pyɛɛrɛ súlí n wɔ̀: “È gə́ wɔ́ èta, kɔn wɔ́ nyɔ́ɔ́ bə̀ lò dõ zwí nə́ wẽ́, n tó nə́ba n yə̀ Yezu bùrhù mú zhə̀n-cínnə. Lyì ŋwɛ́nɛ́ bə̀ yʼà nʼê tó nə́ba Cinu Yezu gə́ yà ń gwẽ̌ ŋwɛ́nɛ́, nə́myɛ̌ ǹdə́ ńmyɛ̌ nʼé tó dwã nə́ zhə̀l cɛmɛ nɛ́ wa, Zhã gə́ pɔ mɔ nɛ̃̌-shɔ mɔ́ yi ní, kɔn mʼe yí Yi gə́ kwè mò n vò Arəzana w mɔ́; nə́ bʼâ cír bə̀myɛ́ mə̀dù.”
23Bə vùr lyì bə̀lyè. È yʼà wɔ́ Zhozefu mú mɔ̀bɔ́ bə̀ nʼê byẽ̀ bə̀ Barsabaasɛ mɔ́, ń yà ń zhe yil dõ bə̀ nʼê byẽ̀ bə̀ Zhusətuusi; sə ń dõ mó yà ń yíl Macaasɛ. 24Bə̀ gakó zɛ̃̀ bə tó dwã bə lwə̀l Yi bə wɔ̀: “Cinu, ǹmyɛ́ ǹ yě lò gakó wu. Byili nə́ba mɔ̀bɔ́ ǹ cír byɛ̀bɛ́ bə̀lyè y wẽ́ 25bə̀ ń yál tùntúm n zhì Zhidə jàà y wa, n twĩ̀ tum dí tɛ̀bɛ́ Zhidə zhǐr n yẽ̌ n vò ń sə̀pwà jàà y w mɔ́.”
26Bə zɛ̃̀ bə tə́ tántɛ́ɛ́ bə̀ la mʼe cír mə̀dù, sə tántɛ́ɛ́ y zɔ Macaasɛ. Wɔ́ ńmyɛ̌ bə̀ ce ń zù tùntúmə́ bé shí ǹdə́ mə̀dù y wẽ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.