2 Kɔrɛ̃tɛ 2
2
1Wɔ́ rə̀myɛ́ è ce, à gu à wẽ́ à kʼâ yə̀ á sõ tó, mùnì ga à bə̀kʼa zhìlì á wun ni kə́dò yé. 2Àmyɛ́ gə zhìlì á wun ni, wɔ́ mɔ̌ ń mà n pɛ̃ wu-nyɔ̃̀? Wɔ́ ámyɛ̌ byɛ̀bɛ́ à zhìlì á wun ni mú á yʼâ mə̂ sʼá pɛ̃ wu-nyɔ̃̀. 3Wɔ́ rə̀myɛ́ è ce, à byili ába sɛ́bɛ́ rɛ́ tɛ̀bɛ́ à jɛ̀rɛ̀ a kɛ̃ a pə ába mɔ́ wẽ́, bə̀ nyǐ à tʼâ yâl a bə̀ á sõ mùnì byɛ̀bɛ́ bə̀ yʼà mə̂ sə bə pɛ̃ wu-nyɔ̃̀ mɔ́ wun bə̀kʼa zhìlì yé. Zhə̀nà, à yě pamparɛ̃ɛ̃ bʼà wu gə nyɛ̀, ámyɛ wun bʼa yə̀ nyɛ̀n. 4Zhə̀nà, wɔ́ wu-zhìlù nánfɔ̀lɔ̀ ǹdə́ yə́-nàná à mʼa kɛ̃ sɛ́bɛ́ rɛ́ rə̀myɛ́, sʼe jà à yə̀ rɛ kɛ̃ à la mʼa zhìlì á wun ni yé. À kɛ̃ dɛ a pə ába mùnì á lwar bʼà só ába dɛ̃´dɛ̃´.
Pwəə nə́ ń cící Kɔrɛ̃tɛ lyì bí bə̀ bə̀ mə̂ sə bə pə mɔ̀bɔ́ ń dó mó sǔbri
5Lò mó mɔ̀bɔ́ ń ce wu-zhìlù w ŋwɛ́nɛ́ mɔ́, è də̀ à dúdú wu ni ń zhìlì yé. Wɔ́ á gakó. Sə à tʼâ yâl a wɔ̀ bə̀ wɔ́ á gakó á wun zhìlì yé. Wɔ́ á jàlà wun nə̀ zhìlì. 6Sə lyì nánzhəzhɔ̌ gə́ pɔ mɔ còrhò-tum mú, rə̀myɛ dúdú já. 7Rə̀myɛ́ ce, á mə̂ sʼá pɔ̃ sǔbri èlâsɛ̃´, sʼá cící mu. È gə də̀ rə̀myɛ́, ń wu gə zhìlì ò lyɛ̃ cɛ nɛ, ń wu wɔ̌ ò gɛ. 8Wɔ́ rə̀myɛ́ è ce à nʼâ lwə̀l ába, sʼá ce n lwar bʼâ só mo.
9À kɛ̃ sɛ́bɛ́ rɛ́ a pə ába à la bʼa dwẽ́ ába, a nyǐ ǹdʼá gə bʼâ zwẽ kɔn dɛ̀bɛ́ gakó à byili ába mó. 10Mɔ̀bɔ́ á pɔ mɔ sǔbri mú, àmyɛ nʼâ pɛ mɔ sǔbri. À gə mə̂ sʼa pə sǔbri lò nè, à gə pɔ mɔ, wɔ́ ámyɛ̌ yil à pɔ mɔ sǔbri Kristə yé né. 11Èta mɔ́, Shətana tʼâ la bɔ̀l nɔ è zù nə́ bwə̂l w yé. Zhə̀nà, nə́ yě è surhə né gə́ wɔ́ nɛ́ náàcɛ̀nɛ́.
Pwəə nə́ ń byili kɔn dɛ́ dɛ̀bɛ́ rə̀ yʼà ce n zhǐr Tərəwaasɛ nɛ́
12À gə́ yú Tərəwaasɛ à la Kristə yò-ècɔ̀nɔ̀ nyí rí bwə̂l mó, à pwírí Cinu yà ń pul sɔ́má n pɛ̃ mùnì a ŋwɛ̀nɛ́ a twĩ̀ gàà. 13Sə à gə́ yə̀ à da-byǐ Titi nɛ mɔ́ ce, à wu yə̀ nyɛ̀n yàl yé. Wɔ́ rə̀myɛ́ è ce a kʼa zhǐr gàà a vò Masɛdwanɛ.
Kristə nə́ ń tó nə́ dɛnnɛ ń byili bə̀ ń jú bɛlɛ
14Cèrhénə nə́ cèrhé Yi, bə̀ rə̀ tó Kristə mó ń jú bɛlɛ mɔ́ dɛnnɛ rə sɛ̃ nə́ba nə́ ŋwɛ́nɛ́ Kristə mó ńmyɛ̌ mə̀dù y kwã nɛ́ twéé twéé. Rə̀ nʼê tó nə́ dɛnnɛ rə ce ń pár lwar mɔ́ sáa jààsɛ́ gakó wə, ǹdə lwẽ́ nã́nyə̀nyɛ̀lɛ́ ta. 15Zhə̀nà, nə́ wɔ́ ǹdə lwẽ́ nã́nyə̀nyɛ̀lɛ́ ta Kristə nə́ ń pɛ Yi ni. Lwẽ́ dé rə̀myɛ́ wɔ́ byɛ̀bɛ́ Yi nʼê vwârh mɔ́ ǹdə́ byɛ̀bɛ́ bə̀ yò nʼô yâl o zhìlì mú yilə. 16Sə lwẽ́ dé rə̀myɛ́ mɔ́ wɔ́ cu lwẽ́, rə̀ nʼê twí ǹdə́ cu byɛ̀bɛ́ bə̀ yò nʼô zhìlì mú yilə. Rə zɛ̃̀ rə̀ wɔ́ nyǔ lwẽ́ rə̀ nʼê pɛ nyǔ byɛ̀bɛ́ Yi nʼê vwârh mɔ́ nɛ. Sə è nə wɔ́ mɔ̌ ń wɔ̌ ń mà n twĩ̀ tum dí rə̀myɛ́? 17Nə́myɛ̌ də̀ ǹdə lyì nánzhəzhɔ̌ byɛ̀bɛ́ bə̀ nʼê zə Yi zɔ̀mɛ̀ rɛ́ bə̀ dɔ̌l mɔ́ ta yé. Nə́myɛ̌ wɔ́ Yi rə̀ twĩ̀ nə́ba nə́ rʼé byili rə̀ zɔ̀mɛ̀ rɛ́ ǹdə́ wu-põ rə̀ yé né, Kristə jàn yilə.
Currently Selected:
2 Kɔrɛ̃tɛ 2: lee
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.
2 Kɔrɛ̃tɛ 2
2
1Wɔ́ rə̀myɛ́ è ce, à gu à wẽ́ à kʼâ yə̀ á sõ tó, mùnì ga à bə̀kʼa zhìlì á wun ni kə́dò yé. 2Àmyɛ́ gə zhìlì á wun ni, wɔ́ mɔ̌ ń mà n pɛ̃ wu-nyɔ̃̀? Wɔ́ ámyɛ̌ byɛ̀bɛ́ à zhìlì á wun ni mú á yʼâ mə̂ sʼá pɛ̃ wu-nyɔ̃̀. 3Wɔ́ rə̀myɛ́ è ce, à byili ába sɛ́bɛ́ rɛ́ tɛ̀bɛ́ à jɛ̀rɛ̀ a kɛ̃ a pə ába mɔ́ wẽ́, bə̀ nyǐ à tʼâ yâl a bə̀ á sõ mùnì byɛ̀bɛ́ bə̀ yʼà mə̂ sə bə pɛ̃ wu-nyɔ̃̀ mɔ́ wun bə̀kʼa zhìlì yé. Zhə̀nà, à yě pamparɛ̃ɛ̃ bʼà wu gə nyɛ̀, ámyɛ wun bʼa yə̀ nyɛ̀n. 4Zhə̀nà, wɔ́ wu-zhìlù nánfɔ̀lɔ̀ ǹdə́ yə́-nàná à mʼa kɛ̃ sɛ́bɛ́ rɛ́ rə̀myɛ́, sʼe jà à yə̀ rɛ kɛ̃ à la mʼa zhìlì á wun ni yé. À kɛ̃ dɛ a pə ába mùnì á lwar bʼà só ába dɛ̃´dɛ̃´.
Pwəə nə́ ń cící Kɔrɛ̃tɛ lyì bí bə̀ bə̀ mə̂ sə bə pə mɔ̀bɔ́ ń dó mó sǔbri
5Lò mó mɔ̀bɔ́ ń ce wu-zhìlù w ŋwɛ́nɛ́ mɔ́, è də̀ à dúdú wu ni ń zhìlì yé. Wɔ́ á gakó. Sə à tʼâ yâl a wɔ̀ bə̀ wɔ́ á gakó á wun zhìlì yé. Wɔ́ á jàlà wun nə̀ zhìlì. 6Sə lyì nánzhəzhɔ̌ gə́ pɔ mɔ còrhò-tum mú, rə̀myɛ dúdú já. 7Rə̀myɛ́ ce, á mə̂ sʼá pɔ̃ sǔbri èlâsɛ̃´, sʼá cící mu. È gə də̀ rə̀myɛ́, ń wu gə zhìlì ò lyɛ̃ cɛ nɛ, ń wu wɔ̌ ò gɛ. 8Wɔ́ rə̀myɛ́ è ce à nʼâ lwə̀l ába, sʼá ce n lwar bʼâ só mo.
9À kɛ̃ sɛ́bɛ́ rɛ́ a pə ába à la bʼa dwẽ́ ába, a nyǐ ǹdʼá gə bʼâ zwẽ kɔn dɛ̀bɛ́ gakó à byili ába mó. 10Mɔ̀bɔ́ á pɔ mɔ sǔbri mú, àmyɛ nʼâ pɛ mɔ sǔbri. À gə mə̂ sʼa pə sǔbri lò nè, à gə pɔ mɔ, wɔ́ ámyɛ̌ yil à pɔ mɔ sǔbri Kristə yé né. 11Èta mɔ́, Shətana tʼâ la bɔ̀l nɔ è zù nə́ bwə̂l w yé. Zhə̀nà, nə́ yě è surhə né gə́ wɔ́ nɛ́ náàcɛ̀nɛ́.
Pwəə nə́ ń byili kɔn dɛ́ dɛ̀bɛ́ rə̀ yʼà ce n zhǐr Tərəwaasɛ nɛ́
12À gə́ yú Tərəwaasɛ à la Kristə yò-ècɔ̀nɔ̀ nyí rí bwə̂l mó, à pwírí Cinu yà ń pul sɔ́má n pɛ̃ mùnì a ŋwɛ̀nɛ́ a twĩ̀ gàà. 13Sə à gə́ yə̀ à da-byǐ Titi nɛ mɔ́ ce, à wu yə̀ nyɛ̀n yàl yé. Wɔ́ rə̀myɛ́ è ce a kʼa zhǐr gàà a vò Masɛdwanɛ.
Kristə nə́ ń tó nə́ dɛnnɛ ń byili bə̀ ń jú bɛlɛ
14Cèrhénə nə́ cèrhé Yi, bə̀ rə̀ tó Kristə mó ń jú bɛlɛ mɔ́ dɛnnɛ rə sɛ̃ nə́ba nə́ ŋwɛ́nɛ́ Kristə mó ńmyɛ̌ mə̀dù y kwã nɛ́ twéé twéé. Rə̀ nʼê tó nə́ dɛnnɛ rə ce ń pár lwar mɔ́ sáa jààsɛ́ gakó wə, ǹdə lwẽ́ nã́nyə̀nyɛ̀lɛ́ ta. 15Zhə̀nà, nə́ wɔ́ ǹdə lwẽ́ nã́nyə̀nyɛ̀lɛ́ ta Kristə nə́ ń pɛ Yi ni. Lwẽ́ dé rə̀myɛ́ wɔ́ byɛ̀bɛ́ Yi nʼê vwârh mɔ́ ǹdə́ byɛ̀bɛ́ bə̀ yò nʼô yâl o zhìlì mú yilə. 16Sə lwẽ́ dé rə̀myɛ́ mɔ́ wɔ́ cu lwẽ́, rə̀ nʼê twí ǹdə́ cu byɛ̀bɛ́ bə̀ yò nʼô zhìlì mú yilə. Rə zɛ̃̀ rə̀ wɔ́ nyǔ lwẽ́ rə̀ nʼê pɛ nyǔ byɛ̀bɛ́ Yi nʼê vwârh mɔ́ nɛ. Sə è nə wɔ́ mɔ̌ ń wɔ̌ ń mà n twĩ̀ tum dí rə̀myɛ́? 17Nə́myɛ̌ də̀ ǹdə lyì nánzhəzhɔ̌ byɛ̀bɛ́ bə̀ nʼê zə Yi zɔ̀mɛ̀ rɛ́ bə̀ dɔ̌l mɔ́ ta yé. Nə́myɛ̌ wɔ́ Yi rə̀ twĩ̀ nə́ba nə́ rʼé byili rə̀ zɔ̀mɛ̀ rɛ́ ǹdə́ wu-põ rə̀ yé né, Kristə jàn yilə.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.