Apokaliipsis 22
22
1Yaʼne ikʼutxh u aanxel val u txilkin xaomla aʼ s-ve uvaʼ tira yeʼl invaʼq tzʼil atich s-xeʼ, val u xaomla aʼ, uvaʼ laʼ aqʼon qʼij isaq inqʼa xaol kʼatz quBʼaal Tiuxh. Tul oqxhich txilkin tilix u xaomla aʼe, eche tilix invaʼq kristaal. Tul aʼ nikich elk tzaan u xaomla aʼ tal uvaʼ kʼuqlich quBʼaal Tiuxh, atz tal uvaʼ kʼuqlich JesuKriisto, uvaʼ ech tilix, eche chelem karneʼl.#Esekieel 47.1; Sakariias 14.8 2Tul ech nikich ipal u xaomla aʼ tu bʼey uvaʼ tinikʼa u mam tenam. Atz atich u tzeʼ tetz qʼij saq t-txhaq jalil itziʼ u aʼ. Tul kabʼlaval paqul nikich taqʼ u tzeʼ ivatz. Tan jun ichʼ nikich ivatzineʼ. Tul aʼ vixaq u tzeʼ nikich itxakun te inqʼa mam tenam tiʼ tatin tibʼaʼnil. 3Tul yeʼl vet inpaqt laʼ tal quBʼaal Tiuxh yaabʼla yol tiʼ invaʼtoʼq kam. Tan aʼ vet quBʼaal Tiuxh tuchʼ JesuKriisto, uvaʼ ech tilix, eche chelem karneʼl, laʼ motx atin t-vikʼuqeʼvbʼal tetz tiqleʼm xoʼl u mam tenam tiʼ ibʼant viqʼesalil. Tul laʼ natxhkʼuulal vet taʼn jankʼal inqʼa taqʼonvil, vinaq s-ixoq. 4Tul tira laʼ motx til vet ivatz u quBʼaal Tiuxh. Tul tzʼibʼamal vet ok ibʼij u quBʼaal Tiuxh tipala inqʼa niman tetz laʼ ibʼana. 5Tul yeʼ vet laʼ qʼeqxi. Atz yeʼxhkam vet invaʼq txiqubʼal laʼ saʼon te inqʼa taqʼonvil quBʼaal Tiuxh, atz jitoq vet laʼ saʼon itxiqun u qʼij s-te. Tan aʼ vet quBʼaal Tiuxh laʼ txiqun. Tul laʼ motx ibʼan inqʼa taqʼonvil quBʼaal Tiuxh iqʼesalil s-kʼatza tinjattant inqʼa yaʼbʼ uvaʼ bʼenaʼl kuxh ibʼen toq tuleʼ.
Uvaʼs tabʼit Xhun uvaʼ naqlich vet u tulebʼal quBʼaal Jesuus inpaqte
6Yaʼne ech tal u aanxel s-ve s-eche: —Inqʼa yol inqʼaa, tan kʼuqlebʼxh kʼuul uvaʼ toq utxhoq. Tul tinuqulxh toq elkaʼpun. Tan qat itxhaq quBʼaal Tiuxh viaanxel tiʼ ikʼutxhux te inqʼa taqʼonvil kame inqʼa toq motx utxhoq veteʼ. Tul aʼ u quBʼaal Tiuxh uvaʼ aqʼon ootzaqiloq inqʼa iyol te inqʼa qʼexsan tetz viyol s-naʼya. Tul antetz kuxh u quBʼaal Tiuxhe uvaʼ nik aqʼon ootzaqiloq s-txheel tiʼ kam inqʼa yaʼn toq motx utxhoq. 7Yaʼne ech nik tal JesuKriisto s-eche:
«¡Bʼiit kuxh vaqʼbʼeʼ! At vibʼaʼnil quBʼaal Tiuxh tiibʼa inqʼa xaol uvaʼ laʼ niman inqʼa yol uvaʼ tzʼibʼamal ka tu uʼ uvaʼa tiʼ kam inqʼa toq motx utxhoq,» chich JesuKriisto, —xeʼt u aanxel.
8In Xhun. In, uvaʼ qat abʼin inqʼa yol. Atz in, uvaʼ qat ilon inqʼa yol inqʼaa. Yaʼetz vet viltaʼ, atz yaʼetz vet vabʼitaʼ, tul qael inkuʼ vatz u aanxel tetxhal ikoʼp invatz t-txʼavaʼ tiʼ inatxhkʼuulaleʼ, u aanxel uvaʼ kʼutxhun inqʼa yol s-ve.
9Yaʼne ech tal u aanxel s-ve s-eche: —Yeʼl in laʼ anatxhkʼuula in, tan ant kuxh in vaʼl taqʼonvil quBʼaal Tiuxh, eche axh. Atz ant kuxh in vaʼl niman tetz quBʼaal Tiuxh, eche inqʼa qʼexsanich tetz viyol quBʼaal Tiuxh s-naʼya. Atz ant kuxh in vaʼl niman tetz quBʼaal Tiuxh, eche inqʼa niman tetz inqʼa yol uvaʼ tzʼibʼamal ka tu uʼ uvaʼa. Echetz s-tiʼile yeʼ laʼ anatxhkʼuula in, pet aʼ u quBʼaal Tiuxh anatxhkʼuula, —xeʼt u aanxel s-ve.
10Tul ech tal u aanxel inpaqt s-ve s-eche: —Yeʼ laʼ akol u yol uvaʼ nik atzʼibʼa. Pet aʼl laʼ aal teʼl kame inqʼa toq motx utxhoq. Tan bʼiit kuxhtuʼ, tul toq elaʼpoq vet inqʼa yol inqʼaa. 11Pet jaʼl uvaʼ, aʼ nik ibʼan uvaʼ jit jik, tul toq tileʼ, tan quBʼaal Tiuxh laʼ aqʼon ichʼexel s-tiʼ. Atz jaʼl uvaʼ, aʼ nik ibʼan u yeʼbʼaʼn, tul toq tileʼ, tan quBʼaal Tiuxh laʼ aqʼon ichʼexel s-tiʼ.
Pet jaʼl uvaʼ, aʼxh nik ibʼan u jik, tul aʼl tel ibʼantaʼ. Atz jaʼl uvaʼ jetxhel vet ok tibʼ kʼatz quBʼaal Tiuxh, tul aʼl tel ijetxhtoʼk tibʼ.#Danieel 12.10
12Yaʼne ech tal quBʼaal Jesuus s-eche:
«¡Bʼiit kuxh vaqʼbʼeʼ! Tul bʼen vaqʼ vitxʼaqaʼm junun inqʼa xaol, tiʼ kam vibʼanoʼm qat motx ibʼan vatz u txʼavaʼ. 13Tan aʼ ine, vixeʼtebʼal jankʼal inqʼa kam. Tul aʼ ine, vitzoqpebʼal, eche u tzʼibʼ aalfa tuchʼ u tzʼibʼ omeega. Atz aʼ ine, u viinqixsan tetz inqʼa kam. Tul aʼ ine, uvaʼ laʼ tanbʼan paqte. 14At vibʼaʼnil quBʼaal Tiuxh tiibʼa inqʼa xaol uvaʼ nik itxʼaj taanima vatz quBʼaal Tiuxh, eche nik itxʼajteʼl tzʼil tiʼ u toksaʼm. Tan aʼetz inqʼae, at tokebʼal tiʼ tetxhbʼul vivatz u tzeʼ, u aqʼol tetz qʼij saq. Atz at tokebʼal paqte tiʼ ipaloʼk t-vijubʼalil u loqʼola mam tenam Jerusaleen.
15Pet inqʼa xaol, inqʼa bʼanol tetz yeʼbʼaʼn, inqʼa eche txʼiʼ, tan yeʼl tokebʼal tiʼ ibʼenoʼk tu mam tenam. Kʼuxh inqʼa qʼianal; atz kʼuxh inqʼa nik iyansa tibʼ; atz kʼuxh inqʼa yatzʼol aanima; atz kʼuxh inqʼa nik natxhkʼuulan bʼitichla tiuxh; atz kʼuxh inqʼa een kuxh taanima tiʼ u tzʼeqo tzij, tul nik motx itzʼeq tzij; tan yeʼlaq tokebʼal tiʼ ibʼenoʼk tu mam tenam.
16Inetze u JesuKriisto uvaʼ qat txhaqon koʼp vinaanxel vatz txʼavaʼ tiʼ taqʼax ootzaqiloq inqʼa yol te inqʼa niman vetz. Tul aʼ ine, vixaʼnil Daviid; atz aʼ ine, u Tij Imam Daviid uvaʼ alel ka u vulebʼal taʼn inqʼa qʼexsanich tetz viyol quBʼaal Tiuxh. Atz aʼ ine, u txiqubʼal, eche vilitzʼkabʼin tel u nimla txʼumil s-qʼalaʼm,» chich JesuKriisto, —xeʼt Jesuus.
17Tul ech nik tal viTiuxhil Tiuxh tuchʼ inqʼa niman tetz Jesuus s-eche: —¡Avul veteʼ! —chiche, eche nik tal vaʼq chelem ixvaak te u chelem xaak.
Jaʼletz uvaʼ nik abʼin, tul: —Avul veteʼ, —chaqatetza.
Echetz jaʼl uvaʼ nik saʼon qʼij isaq uvaʼ yeʼl iyaʼebʼal imotxebʼal, tul okoq bʼen tiʼ quBʼaal Tiuxh, eche vaʼq xaol uvaʼ nik ikam tzaqa tziʼil. Tan aʼ quBʼaal Tiuxh laʼ aqʼon qʼij isaq uvaʼ jit txhoel laʼ ibʼana. Tan aʼ Tiuxhe vixeʼal u qʼij saq, eche vaʼq titzʼebʼal aʼ.#Isaiias 55.11
18Tul ech tal u JesuKriisto s-eche: —Toqetz vaqʼ tootzaqi, jatvaʼlxh inqʼa nik abʼin inqʼa yol uvaʼ tzʼibʼamal tu uʼ uvaʼa, tan oq jaʼl invaʼq uvaʼ laʼ aqʼon jaʼ iviʼ inqʼa yol uvaʼa, tul aʼl tel laʼ itzʼeqsat quBʼaal Tiuxh u kʼaxkʼo s-tiibʼa, inqʼa kʼaxkʼo uvaʼ tzʼibʼamal tuul u uʼ uvaʼa. 19Atz jaʼlatetz uvaʼ laʼ eesan ka invaʼtoʼq yol tiʼ kam inqʼa toq utxhoq uvaʼ nik tal tu uʼ uvaʼa, tul echatetz laʼ teesal el vibʼije tuul u uʼ tal uvaʼ tzʼibʼamal ibʼij inqʼa xaol, inqʼa at qʼij isaq kʼatz quBʼaal Tiuxh. Atz jitoq at tokebʼal tiʼ ipaloʼk tu chʼexichla mam tenam. Atz jitoq at tokebʼal tiʼ inqʼa bʼaʼnil uvaʼ tzʼibʼamal tuul u uʼ uvaʼa, —chiche.#Deuteronoomio 4.2; 12.32
20Aʼetz u JesuKriistoe uvaʼ nik aqʼon ootzaqiloq inqʼa yol uvaʼ qat intzʼibʼa. Tan ech nik tal s-eche: —¡Nuqlaxh yol uvaʼ bʼiit kuxh vaqʼbʼeʼ! —chiche.
Tul echxh laʼ ibʼane. —¡Avuleʼ, quBʼaal Jesuus! —chich in s-te.
21Tul aʼ vibʼaʼnil quBʼaal Jesuus laʼ atin sexoʼl sekaqaayil.
Tul echxh laʼ ibʼane.
Aʼ JUQVAʼL INQʼA TXUMBʼALE TETZ U MESIIAS LAʼ IBʼANA
AʼE U QUBʼAAL JESUKRIISTO UVAʼ NIK TAL TU Uʼ ISAIIAS 11.1-5
Aʼ nik tiqʼo tzaan Xhun viyol Isaiias 11.1-5. Tan aʼ nik tal Isaiias vitxumbʼal u Mesiias laʼ ibʼana uvaʼs laʼ tul vatz txʼavaʼ. Aʼ nik tal Xhun tu Apokaliipsis 1.4 tuchʼ 3.1 tuchʼ u 5.6.
Aʼe, inqʼa ‹siete espíritus,› nik tal tu kastiiya. Aʼ talaxe uvaʼ juqvaʼlen txumbʼal at kʼatz quBʼaal Jesuus. Tul: —yeʼl vaʼtoʼq txumbʼal laʼ iyaʼta quBʼaal Jesuus, —chich telaʼp u yol juqvaʼl. Tul u juqvaʼl txumbʼal, aʼ xeʼtik alaxoq tzaan uvaʼs itzʼibʼat Isaiias inqʼa iyol tu Isaiias 11.1-5 tiʼ u Mesiias, uvaʼ yaʼn laʼ uli. Tul tira sibʼ viyakʼil quBʼaal Tiuxh at kʼatz quBʼaal Jesuus, tiʼ ilotxhox inqʼa niman tetz tu Saardis. Tan aʼ juqvaʼl inqʼa itxumbʼal quBʼaal Tiuxhe nik itxakunsa quBʼaal Jesuus tiʼ ilotxhox inqʼa niman tetz vatz txʼavaʼ.
Tan nik tal viyolbʼal quBʼaal Tiuxh tiʼ juqvaʼl bʼaʼnla txumbʼal at s-kʼatza, eche uvaʼ nik tal tu Isaiias 11.2.
| U tatxhul inqʼa txumbʼal | Kam txumbʼal tiʼ junun | Kam talax t-kastiiya |
|---|---|---|
| Bʼaxa txumbʼal | Aʼe, uvaʼ tira tootzaq quBʼaal Tiuxh kam inqʼa laʼ elaʼp tibʼaʼnil. | Aʼe u ‹espíritu de sabiduría› nik tal tu kastiiya. |
| Ikaʼv txumbʼal | Aʼe, uvaʼ tira at tootzaqibʼal s-tiʼ s-kaqaayil. | Aʼe u ‹espíritu de inteligencia› nik tal tu kastiiya. |
| Itoxv txumbʼal | Aʼe, uvaʼ tira aqʼol txumbʼal s-tiʼ s-kaqaayil. | Aʼe u ‹espíritu de consejo› nik tal tu kastiiya. |
| Ikajv txumbʼal | Aʼe, uvaʼ tira kaqaayil nik toleʼv s-tiʼ. Tul yeʼxhkam vaʼq tzaʼl ibʼanax s-vatz. | Aʼe u ‹espíritu de poder› nik tal tu kastiiya. |
| Itoʼv txumbʼal | Aʼe, uvaʼ tira tzanlel s-vatz kam inqʼa bʼanoʼm nik tutxheʼ. | Aʼe u ‹espíritu de conocimiento› nik tal tu kastiiya. |
| Ivaqaq txumbʼal | Aʼe, uvaʼ tira laʼ jetxhon ok inqʼa xaol kʼatz quBʼaal Tiuxh, atz tuchʼ uvaʼ laʼ jetxhon el inqʼa xaol kʼatz paʼv. | Aʼe u ‹espíritu de temor de Jehová› nik tal tu kastiiya. |
| Ijuqv txumbʼal | Aʼe uvaʼ tira kaqaayil nik ibʼen s-te, atz kam nik titzʼa inqʼa xaol ibʼanaxeʼ. | Aʼe u ‹espíritu de entendimiento› nik tal tu kastiiya. |
Pet jit aʼ nik tal uvaʼ juqvaʼlen koq viTiuxhil Tiuxh. Tul aʼ nik tal uvaʼ yeʼl ixeʼtebʼal u quBʼaal Tiuxh, atz yeʼl iyaʼebʼal, eche uvaʼ nik tal tu Eeksodo 3.14.
Tul nikat tal viyolbʼal quBʼaal Tiuxh tiʼ juqvaʼl bʼaqʼ ivatz quBʼaal Tiuxh, eche uvaʼ nik tal tu Sakariias 4.10. Tan yeʼl vaʼtoʼq kam yeʼ nik tileʼ. Tan tira nik til quBʼaal Tiuxh kʼuxh talxhtuʼ. Tul tootzaqle kam inqʼa nik tutxheʼ. Atz nik til jankʼal inqʼa nik tutxh vatz u txʼavaʼ.
Currently Selected:
Apokaliipsis 22: ixlC
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Apokaliipsis 22
22
1Yaʼne ikʼutxh u aanxel val u txilkin xaomla aʼ s-ve uvaʼ tira yeʼl invaʼq tzʼil atich s-xeʼ, val u xaomla aʼ, uvaʼ laʼ aqʼon qʼij isaq inqʼa xaol kʼatz quBʼaal Tiuxh. Tul oqxhich txilkin tilix u xaomla aʼe, eche tilix invaʼq kristaal. Tul aʼ nikich elk tzaan u xaomla aʼ tal uvaʼ kʼuqlich quBʼaal Tiuxh, atz tal uvaʼ kʼuqlich JesuKriisto, uvaʼ ech tilix, eche chelem karneʼl.#Esekieel 47.1; Sakariias 14.8 2Tul ech nikich ipal u xaomla aʼ tu bʼey uvaʼ tinikʼa u mam tenam. Atz atich u tzeʼ tetz qʼij saq t-txhaq jalil itziʼ u aʼ. Tul kabʼlaval paqul nikich taqʼ u tzeʼ ivatz. Tan jun ichʼ nikich ivatzineʼ. Tul aʼ vixaq u tzeʼ nikich itxakun te inqʼa mam tenam tiʼ tatin tibʼaʼnil. 3Tul yeʼl vet inpaqt laʼ tal quBʼaal Tiuxh yaabʼla yol tiʼ invaʼtoʼq kam. Tan aʼ vet quBʼaal Tiuxh tuchʼ JesuKriisto, uvaʼ ech tilix, eche chelem karneʼl, laʼ motx atin t-vikʼuqeʼvbʼal tetz tiqleʼm xoʼl u mam tenam tiʼ ibʼant viqʼesalil. Tul laʼ natxhkʼuulal vet taʼn jankʼal inqʼa taqʼonvil, vinaq s-ixoq. 4Tul tira laʼ motx til vet ivatz u quBʼaal Tiuxh. Tul tzʼibʼamal vet ok ibʼij u quBʼaal Tiuxh tipala inqʼa niman tetz laʼ ibʼana. 5Tul yeʼ vet laʼ qʼeqxi. Atz yeʼxhkam vet invaʼq txiqubʼal laʼ saʼon te inqʼa taqʼonvil quBʼaal Tiuxh, atz jitoq vet laʼ saʼon itxiqun u qʼij s-te. Tan aʼ vet quBʼaal Tiuxh laʼ txiqun. Tul laʼ motx ibʼan inqʼa taqʼonvil quBʼaal Tiuxh iqʼesalil s-kʼatza tinjattant inqʼa yaʼbʼ uvaʼ bʼenaʼl kuxh ibʼen toq tuleʼ.
Uvaʼs tabʼit Xhun uvaʼ naqlich vet u tulebʼal quBʼaal Jesuus inpaqte
6Yaʼne ech tal u aanxel s-ve s-eche: —Inqʼa yol inqʼaa, tan kʼuqlebʼxh kʼuul uvaʼ toq utxhoq. Tul tinuqulxh toq elkaʼpun. Tan qat itxhaq quBʼaal Tiuxh viaanxel tiʼ ikʼutxhux te inqʼa taqʼonvil kame inqʼa toq motx utxhoq veteʼ. Tul aʼ u quBʼaal Tiuxh uvaʼ aqʼon ootzaqiloq inqʼa iyol te inqʼa qʼexsan tetz viyol s-naʼya. Tul antetz kuxh u quBʼaal Tiuxhe uvaʼ nik aqʼon ootzaqiloq s-txheel tiʼ kam inqʼa yaʼn toq motx utxhoq. 7Yaʼne ech nik tal JesuKriisto s-eche:
«¡Bʼiit kuxh vaqʼbʼeʼ! At vibʼaʼnil quBʼaal Tiuxh tiibʼa inqʼa xaol uvaʼ laʼ niman inqʼa yol uvaʼ tzʼibʼamal ka tu uʼ uvaʼa tiʼ kam inqʼa toq motx utxhoq,» chich JesuKriisto, —xeʼt u aanxel.
8In Xhun. In, uvaʼ qat abʼin inqʼa yol. Atz in, uvaʼ qat ilon inqʼa yol inqʼaa. Yaʼetz vet viltaʼ, atz yaʼetz vet vabʼitaʼ, tul qael inkuʼ vatz u aanxel tetxhal ikoʼp invatz t-txʼavaʼ tiʼ inatxhkʼuulaleʼ, u aanxel uvaʼ kʼutxhun inqʼa yol s-ve.
9Yaʼne ech tal u aanxel s-ve s-eche: —Yeʼl in laʼ anatxhkʼuula in, tan ant kuxh in vaʼl taqʼonvil quBʼaal Tiuxh, eche axh. Atz ant kuxh in vaʼl niman tetz quBʼaal Tiuxh, eche inqʼa qʼexsanich tetz viyol quBʼaal Tiuxh s-naʼya. Atz ant kuxh in vaʼl niman tetz quBʼaal Tiuxh, eche inqʼa niman tetz inqʼa yol uvaʼ tzʼibʼamal ka tu uʼ uvaʼa. Echetz s-tiʼile yeʼ laʼ anatxhkʼuula in, pet aʼ u quBʼaal Tiuxh anatxhkʼuula, —xeʼt u aanxel s-ve.
10Tul ech tal u aanxel inpaqt s-ve s-eche: —Yeʼ laʼ akol u yol uvaʼ nik atzʼibʼa. Pet aʼl laʼ aal teʼl kame inqʼa toq motx utxhoq. Tan bʼiit kuxhtuʼ, tul toq elaʼpoq vet inqʼa yol inqʼaa. 11Pet jaʼl uvaʼ, aʼ nik ibʼan uvaʼ jit jik, tul toq tileʼ, tan quBʼaal Tiuxh laʼ aqʼon ichʼexel s-tiʼ. Atz jaʼl uvaʼ, aʼ nik ibʼan u yeʼbʼaʼn, tul toq tileʼ, tan quBʼaal Tiuxh laʼ aqʼon ichʼexel s-tiʼ.
Pet jaʼl uvaʼ, aʼxh nik ibʼan u jik, tul aʼl tel ibʼantaʼ. Atz jaʼl uvaʼ jetxhel vet ok tibʼ kʼatz quBʼaal Tiuxh, tul aʼl tel ijetxhtoʼk tibʼ.#Danieel 12.10
12Yaʼne ech tal quBʼaal Jesuus s-eche:
«¡Bʼiit kuxh vaqʼbʼeʼ! Tul bʼen vaqʼ vitxʼaqaʼm junun inqʼa xaol, tiʼ kam vibʼanoʼm qat motx ibʼan vatz u txʼavaʼ. 13Tan aʼ ine, vixeʼtebʼal jankʼal inqʼa kam. Tul aʼ ine, vitzoqpebʼal, eche u tzʼibʼ aalfa tuchʼ u tzʼibʼ omeega. Atz aʼ ine, u viinqixsan tetz inqʼa kam. Tul aʼ ine, uvaʼ laʼ tanbʼan paqte. 14At vibʼaʼnil quBʼaal Tiuxh tiibʼa inqʼa xaol uvaʼ nik itxʼaj taanima vatz quBʼaal Tiuxh, eche nik itxʼajteʼl tzʼil tiʼ u toksaʼm. Tan aʼetz inqʼae, at tokebʼal tiʼ tetxhbʼul vivatz u tzeʼ, u aqʼol tetz qʼij saq. Atz at tokebʼal paqte tiʼ ipaloʼk t-vijubʼalil u loqʼola mam tenam Jerusaleen.
15Pet inqʼa xaol, inqʼa bʼanol tetz yeʼbʼaʼn, inqʼa eche txʼiʼ, tan yeʼl tokebʼal tiʼ ibʼenoʼk tu mam tenam. Kʼuxh inqʼa qʼianal; atz kʼuxh inqʼa nik iyansa tibʼ; atz kʼuxh inqʼa yatzʼol aanima; atz kʼuxh inqʼa nik natxhkʼuulan bʼitichla tiuxh; atz kʼuxh inqʼa een kuxh taanima tiʼ u tzʼeqo tzij, tul nik motx itzʼeq tzij; tan yeʼlaq tokebʼal tiʼ ibʼenoʼk tu mam tenam.
16Inetze u JesuKriisto uvaʼ qat txhaqon koʼp vinaanxel vatz txʼavaʼ tiʼ taqʼax ootzaqiloq inqʼa yol te inqʼa niman vetz. Tul aʼ ine, vixaʼnil Daviid; atz aʼ ine, u Tij Imam Daviid uvaʼ alel ka u vulebʼal taʼn inqʼa qʼexsanich tetz viyol quBʼaal Tiuxh. Atz aʼ ine, u txiqubʼal, eche vilitzʼkabʼin tel u nimla txʼumil s-qʼalaʼm,» chich JesuKriisto, —xeʼt Jesuus.
17Tul ech nik tal viTiuxhil Tiuxh tuchʼ inqʼa niman tetz Jesuus s-eche: —¡Avul veteʼ! —chiche, eche nik tal vaʼq chelem ixvaak te u chelem xaak.
Jaʼletz uvaʼ nik abʼin, tul: —Avul veteʼ, —chaqatetza.
Echetz jaʼl uvaʼ nik saʼon qʼij isaq uvaʼ yeʼl iyaʼebʼal imotxebʼal, tul okoq bʼen tiʼ quBʼaal Tiuxh, eche vaʼq xaol uvaʼ nik ikam tzaqa tziʼil. Tan aʼ quBʼaal Tiuxh laʼ aqʼon qʼij isaq uvaʼ jit txhoel laʼ ibʼana. Tan aʼ Tiuxhe vixeʼal u qʼij saq, eche vaʼq titzʼebʼal aʼ.#Isaiias 55.11
18Tul ech tal u JesuKriisto s-eche: —Toqetz vaqʼ tootzaqi, jatvaʼlxh inqʼa nik abʼin inqʼa yol uvaʼ tzʼibʼamal tu uʼ uvaʼa, tan oq jaʼl invaʼq uvaʼ laʼ aqʼon jaʼ iviʼ inqʼa yol uvaʼa, tul aʼl tel laʼ itzʼeqsat quBʼaal Tiuxh u kʼaxkʼo s-tiibʼa, inqʼa kʼaxkʼo uvaʼ tzʼibʼamal tuul u uʼ uvaʼa. 19Atz jaʼlatetz uvaʼ laʼ eesan ka invaʼtoʼq yol tiʼ kam inqʼa toq utxhoq uvaʼ nik tal tu uʼ uvaʼa, tul echatetz laʼ teesal el vibʼije tuul u uʼ tal uvaʼ tzʼibʼamal ibʼij inqʼa xaol, inqʼa at qʼij isaq kʼatz quBʼaal Tiuxh. Atz jitoq at tokebʼal tiʼ ipaloʼk tu chʼexichla mam tenam. Atz jitoq at tokebʼal tiʼ inqʼa bʼaʼnil uvaʼ tzʼibʼamal tuul u uʼ uvaʼa, —chiche.#Deuteronoomio 4.2; 12.32
20Aʼetz u JesuKriistoe uvaʼ nik aqʼon ootzaqiloq inqʼa yol uvaʼ qat intzʼibʼa. Tan ech nik tal s-eche: —¡Nuqlaxh yol uvaʼ bʼiit kuxh vaqʼbʼeʼ! —chiche.
Tul echxh laʼ ibʼane. —¡Avuleʼ, quBʼaal Jesuus! —chich in s-te.
21Tul aʼ vibʼaʼnil quBʼaal Jesuus laʼ atin sexoʼl sekaqaayil.
Tul echxh laʼ ibʼane.
Aʼ JUQVAʼL INQʼA TXUMBʼALE TETZ U MESIIAS LAʼ IBʼANA
AʼE U QUBʼAAL JESUKRIISTO UVAʼ NIK TAL TU Uʼ ISAIIAS 11.1-5
Aʼ nik tiqʼo tzaan Xhun viyol Isaiias 11.1-5. Tan aʼ nik tal Isaiias vitxumbʼal u Mesiias laʼ ibʼana uvaʼs laʼ tul vatz txʼavaʼ. Aʼ nik tal Xhun tu Apokaliipsis 1.4 tuchʼ 3.1 tuchʼ u 5.6.
Aʼe, inqʼa ‹siete espíritus,› nik tal tu kastiiya. Aʼ talaxe uvaʼ juqvaʼlen txumbʼal at kʼatz quBʼaal Jesuus. Tul: —yeʼl vaʼtoʼq txumbʼal laʼ iyaʼta quBʼaal Jesuus, —chich telaʼp u yol juqvaʼl. Tul u juqvaʼl txumbʼal, aʼ xeʼtik alaxoq tzaan uvaʼs itzʼibʼat Isaiias inqʼa iyol tu Isaiias 11.1-5 tiʼ u Mesiias, uvaʼ yaʼn laʼ uli. Tul tira sibʼ viyakʼil quBʼaal Tiuxh at kʼatz quBʼaal Jesuus, tiʼ ilotxhox inqʼa niman tetz tu Saardis. Tan aʼ juqvaʼl inqʼa itxumbʼal quBʼaal Tiuxhe nik itxakunsa quBʼaal Jesuus tiʼ ilotxhox inqʼa niman tetz vatz txʼavaʼ.
Tan nik tal viyolbʼal quBʼaal Tiuxh tiʼ juqvaʼl bʼaʼnla txumbʼal at s-kʼatza, eche uvaʼ nik tal tu Isaiias 11.2.
| U tatxhul inqʼa txumbʼal | Kam txumbʼal tiʼ junun | Kam talax t-kastiiya |
|---|---|---|
| Bʼaxa txumbʼal | Aʼe, uvaʼ tira tootzaq quBʼaal Tiuxh kam inqʼa laʼ elaʼp tibʼaʼnil. | Aʼe u ‹espíritu de sabiduría› nik tal tu kastiiya. |
| Ikaʼv txumbʼal | Aʼe, uvaʼ tira at tootzaqibʼal s-tiʼ s-kaqaayil. | Aʼe u ‹espíritu de inteligencia› nik tal tu kastiiya. |
| Itoxv txumbʼal | Aʼe, uvaʼ tira aqʼol txumbʼal s-tiʼ s-kaqaayil. | Aʼe u ‹espíritu de consejo› nik tal tu kastiiya. |
| Ikajv txumbʼal | Aʼe, uvaʼ tira kaqaayil nik toleʼv s-tiʼ. Tul yeʼxhkam vaʼq tzaʼl ibʼanax s-vatz. | Aʼe u ‹espíritu de poder› nik tal tu kastiiya. |
| Itoʼv txumbʼal | Aʼe, uvaʼ tira tzanlel s-vatz kam inqʼa bʼanoʼm nik tutxheʼ. | Aʼe u ‹espíritu de conocimiento› nik tal tu kastiiya. |
| Ivaqaq txumbʼal | Aʼe, uvaʼ tira laʼ jetxhon ok inqʼa xaol kʼatz quBʼaal Tiuxh, atz tuchʼ uvaʼ laʼ jetxhon el inqʼa xaol kʼatz paʼv. | Aʼe u ‹espíritu de temor de Jehová› nik tal tu kastiiya. |
| Ijuqv txumbʼal | Aʼe uvaʼ tira kaqaayil nik ibʼen s-te, atz kam nik titzʼa inqʼa xaol ibʼanaxeʼ. | Aʼe u ‹espíritu de entendimiento› nik tal tu kastiiya. |
Pet jit aʼ nik tal uvaʼ juqvaʼlen koq viTiuxhil Tiuxh. Tul aʼ nik tal uvaʼ yeʼl ixeʼtebʼal u quBʼaal Tiuxh, atz yeʼl iyaʼebʼal, eche uvaʼ nik tal tu Eeksodo 3.14.
Tul nikat tal viyolbʼal quBʼaal Tiuxh tiʼ juqvaʼl bʼaqʼ ivatz quBʼaal Tiuxh, eche uvaʼ nik tal tu Sakariias 4.10. Tan yeʼl vaʼtoʼq kam yeʼ nik tileʼ. Tan tira nik til quBʼaal Tiuxh kʼuxh talxhtuʼ. Tul tootzaqle kam inqʼa nik tutxheʼ. Atz nik til jankʼal inqʼa nik tutxh vatz u txʼavaʼ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.