Rómà ŋa 9
9
Ɔma-Ìyúɖà ŋa#á, Ɔ̀ɖáyé ní tsã̀ ŋá#á
1Afɔ̀ yèé ŋa ǹ wà fɔ̀#ɛ́, òtítɔ́ ni, iŋɛ́ yèé tse#ɛ́, Yèésù Kírísítò tse ɔ̀kã̀ntso bá mi si. Ǹ kò wà tsòɖòbò. Inɔ́-mi mà si ní afɔ̀-òtítɔ́ ní ǹ wà fɔ̀#ɛ́, iŋɛ́ yèé tse#ɛ́, Mímí-Ɔ̀ɖáyé† gbo wà fɔ̀ɔ́ fú mi. 2Ti nára-kíbí ɔ̀nyà-ìlú-mi ŋa wà si gbà#á fee, ǹ kí kpòlóó si, tsí ó wà ɖɔ̃̀ mí fú ŋa tó bɛ́ɛ̀. 3Bí ó dzɛ́ gìɖì ní Ɔ̀ɖáyé kó ré fú èmi ká-mi, tsí àŋírĩ-èmi-Yèésù Kírísítò méèdzì kó bàdzɛ́, àtsùgbée kó gba ìnàbí-mi yèé ŋa àa dzɔ́ ti náàmbara ɔ̀kã̀ntso#ɛ́ là, ǹ dzɛ́. 4Àŋa ní dzɛ́ ɔma-Ìsàràyɛ́lì† ŋa#á. Ɔ̀ɖáyé tsã̀ ŋá ní ká dzɛ́ ɔma-òŋu ŋa, tsí ó nya iyì‐ɛ̀ ɖíre fú ŋa. Ó tse ìmɔ̀lɛ̀ ŋa gbo bá ŋa, tsí ɖá ɛkpa-Mɔ̀ɔ́sè† gbo bɔwɔ́-ŋa. Kíbí à nákó sɛ̃̀ɛ̃́ gbà#á, ó ɖíreé fú ŋa, tsí tàlé ŋa gbo fú ŋa. 5Ó tsã gbágbóǹgbàgbò-ŋà ŋa gbo, tsí náàmbara-gbágbóǹgbàgbò nyɛ̀ŋɛ̀ ŋa#á ní à ti#ɛ́. Náàmbara-gbágbóǹgbàgbò ŋa#á ké ní Kírísítò Agbanɛlà yèé Ɔ̀ɖáyé tsã̀, tsí bɛ̀ wá#á gbo ti#ɛ́. Ɔ̀ɖáyé ní ó dzɛ́#ɛ́, tsí ó kpàtà lé ńǹtá-iŋɛ́ ɔ̀kã̀lɔ́ɔ̀kã̀ kpó. Ká wà nyɛ̀ɛ́ títí lɔ náàrìtã́. Ɛ̀tsɛ!#9:5 Ńǹwé kã̀ŋa òŋu fɔ̀ ní: “Ɔ̀ɖáyé kpàtà lé ńǹtá-iŋɛ́ ɔ̀kã̀lɔ́ɔ̀kã̀ kpó. Ká wà nyɛ̀ɛ́ títí lɔ náàrìtã́. Ɛ̀tsɛ!”
6Kíbí ó wà bɛ́ɛ̀#ɛ́ fee, àlé yèé Ɔ̀ɖáyé ta si#ɛ́ kò wà ńǹɖì‐ɛ̀ róò? Òò, ó wà ńǹɖì‐ɛ̀, iŋɛ́ yèé tse#ɛ́, kò tsi ɔ̀nyà kpó yèé ti náàmbara-Ìsàràyɛ́lì#9:6 Ìsàràyɛ́lì ní dzɛ́ ɛ́kɔ yèé Ɔ̀ɖáyé sɔ fú Yàkúbù#ɛ́. gé#ɛ́ ní dzɛ́ ɔma-ìlú-Ìsàràyɛ́lì ti Ɔ̀ɖáyé gìɖì gìɖì#ɛ́. 7Àbàràhámì† gba ɔmalɔ́ma kpíkpɔ̀. Ó ɖi, kò tsi àŋa kpó ní dzɛ́ ɔmalɔ́ma‐ɛ̀ ŋa gìɖì gìɖì#ɛ́. À kɔ si ńǸwé-Ɔ̀ɖáyé† si ní Ɔ̀ɖáyé fɔ̀ fú Àbàràhámì ní: “Ɛnɛ yèé nákó dzɛ́ ɔmalɔ́ma-ɛ̀ɛ ŋa gìɖì gìɖì#ɛ́, náàmbara-Ìsákà ní à nákó ti#ɛ́.”#9:7 Ìwé-Ìkpìnkpìlɛ̀-ayé 21:12 (Genèse 21:12) 8Òkpì-afɔ̀ yèé ǹ wà fɔ̀#ɛ́ ní wà dzɛ́ ní ɔmalɔ́ma yèé ŋa Àbàràhámì gbà bɛ́ gé#ɛ́, kò tsi àŋa ní dzɛ́ ɔma-Ɔ̀ɖáyé#ɛ́. Ó ɖi, ɛnɛ yèé ŋa à bí si nɛ́kpa-àlé yèé Ɔ̀ɖáyé ta si#ɛ́, àŋa ní à wà kpè ní ɔmalɔ́ma gìɖì gìɖì ŋa#á. 9Oŋù-afɔ̀-kã̀ ní Ɔ̀ɖáyé ń tàlé#ɛ́. Ó ní: “Nɔ́ɖɔ̃́ yèé bàa#á, náàsòkò yèé bɛ́ tútútú#ɛ́, màa sɛ̃̀ wá ńɖɔ̀-ɛ̀ɛ, tsí Sàrᆠnákó bíma ɔnɔkɛ̃̀ɛ̃-kã̀ banɛ́ si.”#9:9 Ìwé-Ìkpìnkpìlɛ̀-ayé 18:10, 14 (Genèse 18:10, 14)
10Bɛ́ɛ̀ ké ní afɔ̀ ti Rèbékà gbo lɔ#ɛ́. Ó bí èdzìrɛ́ ɔnɔkɛ̃̀ɛ̃ ŋa kpó fú gbágbóǹgbàgbò-wa Ìsákà. 11-13Kò tì bí ɔma ŋa#á wòná títí ká ma ire tsítse nàmí íbàɖí tsítse tã́ná Ɔ̀ɖáyé ti fɔ̀ fúu ní: “Èdzìrɛ́ yèé ò bòkó bí#ɛ́, ɔmànàá nákó gbonùgbó nɔ́wɔ́-ìfó.” À kɔɔ́ si ńǸwé-Ɔ̀ɖáyé ní: “Ǹ tsã Yàkúbù. Ó ɖi, Èsàwú† òŋu, ǹ kɔ̀ɔ́.”#9:11-13 Ìwé-Ìkpìnkpìlɛ̀-ayé 25:23 (Genèse 25:23), Ìwé-Màlàkí 1:2-3 (Malachie 1:2-3) Iŋɛ́ ŋa#á lɔ bɛ́ɛ̀, àtsùgbée ètò-Ɔ̀ɖáyé kó tsɛ ni. Ɔ̀ɖáyé òŋu ká‐ɛ̀ ní náa tse ètò tã́ná kó tsãnɛ#ɛ́. Kà ti ńɖi-iŋɛ́ yèé ɛnɛ nyɛ̀ŋɛ̀ tse#ɛ́. Kíbí náa ɖé fú Ɔ̀ɖáyé gbà#á ní náa tsãnɛ#ɛ́.
14Báàyí fe, bí àa kó fɔ̀ fáà ńǹkɛ̀ɛ́? Ɔ̀ɖáyé wà tse òkṹnùù? Láyé! Kò tsi bɛ́ɛ̀ ni. 15Ɔ̀ɖáyé fɔ̀ fú Mɔ̀ɔ́sè gbo ní:
“Màa rí ànyínɔ́ fú ɛnɛ yèé ó wù mí ní n rí ànyínɔ́ fú#ɛ́,
tsí ɛnɛ yèé ó wù mí gbo#ɛ́ ní inɔ́‐ɛ̀ nákó nyɔ́ mi#ɛ́.”#9:15 Ìwé-Fúfùɖá 33:19 (Exode 33:19)
16Ńbɛ̀ɛ́, Ɔ̀ɖáyé kó rí ànyínɔ́ fúnɛ#ɛ́, kà ti náwù-ɔ̀nyà-kã̀ kpókpó nàmí kó ti ńɖi-kíbí ɔ̀nyà náa múgírí tó gbà#á. Ńɖi-Ɔ̀ɖáyé, ɛnɛ yèé náa rí ànyínɔ́ fúnɛ#ɛ́ gé ní náa ti#ɛ́. 17À kɔ si ńǸwé-Ɔ̀ɖáyé ní Ɔ̀ɖáyé fɔ̀ fú ólú Fárɔ̃̀† ní: “Ǹ múɛ dzɛ ólú ńǹlú-Èdzíkpítì†, àtsùgbée n gbà ńǹtá-ɛ̀ɛ, tsí ń nya ikpá-mi ɖíre, tsí ɛ́kɔ-mi kó wà fì wérí ayé gbaŋgba#á kpó gé ni.”#9:17 Ìwé-Fúfùɖá 9:16 (Exode 9:16) 18Ńbɛ̀ɛ́, ó má fúnɛ rere ní Ɔ̀ɖáyé náa rí ànyínɔ́ fú ɛnɛ yèé náa wùú ní kó rí ànyínɔ́ fú#ɛ́, tsí ɛnɛ yèé gbo náa wùú ní kó mú ɛ̀ɖɔ̃̀ kã̀#á, náa mú ɛ̀ɖɔ̃̀ kã̀ã́.
Ɔ̀ɖáyé náa bínɔ́ fúnɛ, tsí náa rí ànyínɔ́ gbo fúnɛ
19Bóyá ìwɔ-kã̀ nàa wà fɔ̀ ní: Bí iŋɛ́ ŋa#á wà bɛ́ɛ̀ fe, kí tse tsí bí ɔ̀nyà tse íbàɖí, ni Ɔ̀ɖáyé náa tɔ́ wà báa fɔ̀ ró ná? Nɛ̀ɛ́ tútú wà, tsí kó nyáa kɔ iŋɛ́ yèé Ɔ̀ɖáyé náa wò ní òŋu kó tse#ɛ́?
20Ìwɔ ɔ̀nyà, kí ò dzɛ́ títí o wà bá Ɔ̀ɖáyé fɔ̀ ná? Iŋɛ́ yèé ɔ̀nyà-kã̀ kɛ́ amà, tsí ń ma#á nákó nyáa bá ɛnɛ yèé maá#á fɔ̀ ní: Kí tse tsí ó ma òŋu, tsí òŋu wà bɛ́ɛ̀ɛ̀? Láyé! 21Amàkòkò fee, ɔ̀nà wà fúu, tsí kó kɛ́ amà yèé ó gú si#ɛ́, tsí ń ma iŋɛ́ yèé ɖé fúu#ɛ́. Nákó nyáa kɛ́ amà#á, tsí ń ma ìkòkò-àfɛ́ŋú-kã̀, tsí ń si níìkã̀ si, tsí wà nyàá lò. Tsí nákó nyáa kɛ́ amà ɔ̀kã̀ntso#ɛ́ ké, tsí ń ma ìkòkò-òmírɛ̃̀ yèé nákó ń si ńlɛ̀, tsí wà lò#ɛ́.
22Ɔ̀ɖáyé wò ní òŋu kó nya inɔ́ bíbí-òŋu òŋu ikpá-òŋu ɖíre fúnɛ. Ó ɖi, ɛnɛ yèé ŋa inɔ́ bíbí‐ɛ̀ má tì wá ńǹtá-ŋa, tsí à má tsɛ̀rá#á, ó gbódzú si, tsí fɛ̀ɖɔ̃̀ tù si fú ŋa gbo tó bɛ́ɛ̀. 23Ɔ̀ɖáyé wò gbo ní òŋu kó nya kíbí iyì-òŋu lákṹ tó gbà#á ɖíre fú ɛnɛ yèé ŋa òŋu náa rí ànyínɔ́ fú#ɛ́. Ɛnɛ nyɛ̀ŋɛ̀ ŋa#á, ó ti tse ètò si fú ŋa si ní òŋu nákó mú iyì-òŋu#ɛ́ bɔwɔ́-ŋa. 24Tsí ɛnɛ yèé ŋa ó wà báfɔ̀#ɛ́, àwa ni. Ó kpe àwa gbo ní ká dzɛ́ tòŋu. Kò tsi náàŋírĩ-ɔma-Ìyúɖà† ŋa sɔ̃́ŋú gé ní ó kpenɛ ní ká dzɛ́ tòŋu#ɛ́. Ó kpenɛ náàŋírĩ-ɛnɛ yèé kò dzɛ́ ɔma-Ìyúɖà ŋa#á gbo ní ká dzɛ́ tòŋu. 25Ó ti fɔ̀ɔ́ si bɛ́ɛ̀ ńǸwé-Hòséyà ní:
“Ɔ̀nyà-ìlú yèé ŋa kò dzɛ́ tèmi dzɔ̀ɔ́ dzɔ̀ɔ́#ɛ́,
báàyí#ɛ́, màa kpè ŋá ní ɔ̀nyà-ìlú-mi ŋa.
Tsí ɛnɛ yèé ŋa ǹ kò nɛ́ àmúɖɔ̃̀ fú dzɔ̀ɔ́ dzɔ̀ɔ́#ɛ́,
báàyí#ɛ́, màa kpè ŋá ní ìlú-àrínódzú-mi.”
26Tsí ó fɔ̀ gbo ní:
“Ńbí ǹ fɔ̀ fú ŋa dzɔ̀ɔ́ dzɔ̀ɔ́ gìɖì ní
è kè dzɛ́ ɔ̀nyà-ìlú-mi ŋa#á,
ńbɛ̀ tútútú ní à nákó kpè ŋá ní Ɔma-Ɔ̀ɖáyé Oláàyɛ̀ ŋa#á.”#9:26 Ìwé-Hòséyà 2:1, 25 (Osée 2:1, 25)
27Yèsáyà† agbáfɔ̀-Ɔ̀ɖáyé fɔ̀† gbo bu igbe ta ti nára-ɔma-Ìsàràyɛ́lì† ŋa ní:
“Bí ó dzɛ́ ní ɔma-Ìsàràyɛ́lì ŋa kpɔ̀ títítí
kíbí ìnyarĩ̀ nétí-àhũ gìɖì bɛ́#ɛ́,
ɔ̀nyà-ìmarũ oɖé-kã̀ gé ní Ɔ̀ɖáyé nákó gbà là náàŋírĩ-ŋa#á.
28Ó ɖi fee, Ɔlɔ́dzɔ́ nákó yáa tse tsí afɔ̀‐ɛ̀
nákó tsɛ dzálɛ̀ kpó si ńǹtalɛ̀ bí.”#9:28 Ìwé-Yèsáyà 10:22-23 (Ésaïe 10:22-23)
29Yèsáyà#á ké ti fɔ̀ si wáa lɔ ní:
“Kàá tsi Ɔlɔ́dzɔ́ Olí-ayé gbaŋgba#á
ɖá ɔ̀nyà kã̀ŋa dzɔ̀ɔ́ náàŋírĩ-ɔmalɔ́ma-Ìsàràyɛ́lì ŋa,
àa má tsɛ̀rá kpó kíbí ɛnɛ-ìlú-Sòɖómì ŋa bɛ́ ni.
Àa má ra kpó butúbutú kíbí ɛnɛ-ìlú-Gòmɔ́rà ŋa.”#9:29 Ìwé-Yèsáyà 1:9 (Ésaïe 1:9)
Ikɔ̀ ɖíɖɔ̃̀ ti nára-Yèésù Kírísítò#ɛ́, ó tsɛdzɔ́-ɔma-Ìsàràyɛ́lì ŋa gbo
30Bí ó dzɛ́ bɛ́ɛ̀ fe, bí àa kó fɔ̀ fáà ńǹkɛ̀ɛ́? Òŋu ní wà dzɛ́ ní ɛnɛ yèé kò dzɛ́ ɔma-Ìyúɖà ŋa#á, àŋa òŋu, à kò wo ɔ̀nà yèé ká fà, tsí Ɔ̀ɖáyé kó gbà ŋá nɔ́ɔ̀nyà-atsòtítɔ́ nódzú-ara‐ɛ̀#ɛ́. Tsí Ɔ̀ɖáyé sì gbà ŋá nɔ́ɔ̀nyà-atsòtítɔ́ nódzú-ara‐ɛ̀, iŋɛ́ yèé tse#ɛ́, à gbàá gbɔ́. 31Ó ɖi, ɔma-ìlú-Ìsàràyɛ́lì† ŋa òŋu#ɛ́, à wò ní àŋa kó múgírí, tsí wà rɛ̃̀ si nɛ́kpa-Mɔ̀ɔ́sè†, tsí Ɔ̀ɖáyé kó gba àŋa nɔ́ɔ̀nyà-atsòtítɔ́ nódzú-ara‐ɛ̀. Ó ɖi, à kũ̀ṹ, à kò nyáa tseé dzálɛ̀. 32Kí tse tsí à kũ̀ṹ ná? À kò mú afɔ̀-ká gba Ɔ̀ɖáyé gbɔ́ kpe iŋɛ́-kã̀, tsí à ɖédzú itsɛ́ yèé ŋa àŋa wà tse#ɛ́ ní nákó tse tsí Ɔ̀ɖáyé nákó gba àŋa nɔ́ɔ̀nyà-atsòtítɔ́ nódzú-ara‐ɛ̀#ɛ́ ni. Ńbɛ̀ɛ́, à kó nóòkúta-àkɔ̀sɛ̀. 33À ti kɔɔ́ si ńǸwé-Ɔ̀ɖáyé si ní:
“Rí gé! Ǹ mú òkúta-àkɔ̀sɛ̀-kã̀ si nóòkè-Sìyɔ́nì†.
Òkúta#á nákó mú ɔ̀nyà ŋa tsubú.
Ó ɖi, bí ɔ̀nyà-kã̀ mú àkaralé‐ɛ̀ si ńǹtá‐ɛ̀,
kàkó ɖánɔ́ mú ɛnɛ nyɛ̀ŋɛ̀ láyé.”#9:33 Ìwé-Yèsáyà 28:16, 8:14 (Ésaïe 28:16, 8:14)
Currently Selected:
Rómà ŋa 9: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Rómà ŋa 9
9
Ɔma-Ìyúɖà ŋa#á, Ɔ̀ɖáyé ní tsã̀ ŋá#á
1Afɔ̀ yèé ŋa ǹ wà fɔ̀#ɛ́, òtítɔ́ ni, iŋɛ́ yèé tse#ɛ́, Yèésù Kírísítò tse ɔ̀kã̀ntso bá mi si. Ǹ kò wà tsòɖòbò. Inɔ́-mi mà si ní afɔ̀-òtítɔ́ ní ǹ wà fɔ̀#ɛ́, iŋɛ́ yèé tse#ɛ́, Mímí-Ɔ̀ɖáyé† gbo wà fɔ̀ɔ́ fú mi. 2Ti nára-kíbí ɔ̀nyà-ìlú-mi ŋa wà si gbà#á fee, ǹ kí kpòlóó si, tsí ó wà ɖɔ̃̀ mí fú ŋa tó bɛ́ɛ̀. 3Bí ó dzɛ́ gìɖì ní Ɔ̀ɖáyé kó ré fú èmi ká-mi, tsí àŋírĩ-èmi-Yèésù Kírísítò méèdzì kó bàdzɛ́, àtsùgbée kó gba ìnàbí-mi yèé ŋa àa dzɔ́ ti náàmbara ɔ̀kã̀ntso#ɛ́ là, ǹ dzɛ́. 4Àŋa ní dzɛ́ ɔma-Ìsàràyɛ́lì† ŋa#á. Ɔ̀ɖáyé tsã̀ ŋá ní ká dzɛ́ ɔma-òŋu ŋa, tsí ó nya iyì‐ɛ̀ ɖíre fú ŋa. Ó tse ìmɔ̀lɛ̀ ŋa gbo bá ŋa, tsí ɖá ɛkpa-Mɔ̀ɔ́sè† gbo bɔwɔ́-ŋa. Kíbí à nákó sɛ̃̀ɛ̃́ gbà#á, ó ɖíreé fú ŋa, tsí tàlé ŋa gbo fú ŋa. 5Ó tsã gbágbóǹgbàgbò-ŋà ŋa gbo, tsí náàmbara-gbágbóǹgbàgbò nyɛ̀ŋɛ̀ ŋa#á ní à ti#ɛ́. Náàmbara-gbágbóǹgbàgbò ŋa#á ké ní Kírísítò Agbanɛlà yèé Ɔ̀ɖáyé tsã̀, tsí bɛ̀ wá#á gbo ti#ɛ́. Ɔ̀ɖáyé ní ó dzɛ́#ɛ́, tsí ó kpàtà lé ńǹtá-iŋɛ́ ɔ̀kã̀lɔ́ɔ̀kã̀ kpó. Ká wà nyɛ̀ɛ́ títí lɔ náàrìtã́. Ɛ̀tsɛ!#9:5 Ńǹwé kã̀ŋa òŋu fɔ̀ ní: “Ɔ̀ɖáyé kpàtà lé ńǹtá-iŋɛ́ ɔ̀kã̀lɔ́ɔ̀kã̀ kpó. Ká wà nyɛ̀ɛ́ títí lɔ náàrìtã́. Ɛ̀tsɛ!”
6Kíbí ó wà bɛ́ɛ̀#ɛ́ fee, àlé yèé Ɔ̀ɖáyé ta si#ɛ́ kò wà ńǹɖì‐ɛ̀ róò? Òò, ó wà ńǹɖì‐ɛ̀, iŋɛ́ yèé tse#ɛ́, kò tsi ɔ̀nyà kpó yèé ti náàmbara-Ìsàràyɛ́lì#9:6 Ìsàràyɛ́lì ní dzɛ́ ɛ́kɔ yèé Ɔ̀ɖáyé sɔ fú Yàkúbù#ɛ́. gé#ɛ́ ní dzɛ́ ɔma-ìlú-Ìsàràyɛ́lì ti Ɔ̀ɖáyé gìɖì gìɖì#ɛ́. 7Àbàràhámì† gba ɔmalɔ́ma kpíkpɔ̀. Ó ɖi, kò tsi àŋa kpó ní dzɛ́ ɔmalɔ́ma‐ɛ̀ ŋa gìɖì gìɖì#ɛ́. À kɔ si ńǸwé-Ɔ̀ɖáyé† si ní Ɔ̀ɖáyé fɔ̀ fú Àbàràhámì ní: “Ɛnɛ yèé nákó dzɛ́ ɔmalɔ́ma-ɛ̀ɛ ŋa gìɖì gìɖì#ɛ́, náàmbara-Ìsákà ní à nákó ti#ɛ́.”#9:7 Ìwé-Ìkpìnkpìlɛ̀-ayé 21:12 (Genèse 21:12) 8Òkpì-afɔ̀ yèé ǹ wà fɔ̀#ɛ́ ní wà dzɛ́ ní ɔmalɔ́ma yèé ŋa Àbàràhámì gbà bɛ́ gé#ɛ́, kò tsi àŋa ní dzɛ́ ɔma-Ɔ̀ɖáyé#ɛ́. Ó ɖi, ɛnɛ yèé ŋa à bí si nɛ́kpa-àlé yèé Ɔ̀ɖáyé ta si#ɛ́, àŋa ní à wà kpè ní ɔmalɔ́ma gìɖì gìɖì ŋa#á. 9Oŋù-afɔ̀-kã̀ ní Ɔ̀ɖáyé ń tàlé#ɛ́. Ó ní: “Nɔ́ɖɔ̃́ yèé bàa#á, náàsòkò yèé bɛ́ tútútú#ɛ́, màa sɛ̃̀ wá ńɖɔ̀-ɛ̀ɛ, tsí Sàrᆠnákó bíma ɔnɔkɛ̃̀ɛ̃-kã̀ banɛ́ si.”#9:9 Ìwé-Ìkpìnkpìlɛ̀-ayé 18:10, 14 (Genèse 18:10, 14)
10Bɛ́ɛ̀ ké ní afɔ̀ ti Rèbékà gbo lɔ#ɛ́. Ó bí èdzìrɛ́ ɔnɔkɛ̃̀ɛ̃ ŋa kpó fú gbágbóǹgbàgbò-wa Ìsákà. 11-13Kò tì bí ɔma ŋa#á wòná títí ká ma ire tsítse nàmí íbàɖí tsítse tã́ná Ɔ̀ɖáyé ti fɔ̀ fúu ní: “Èdzìrɛ́ yèé ò bòkó bí#ɛ́, ɔmànàá nákó gbonùgbó nɔ́wɔ́-ìfó.” À kɔɔ́ si ńǸwé-Ɔ̀ɖáyé ní: “Ǹ tsã Yàkúbù. Ó ɖi, Èsàwú† òŋu, ǹ kɔ̀ɔ́.”#9:11-13 Ìwé-Ìkpìnkpìlɛ̀-ayé 25:23 (Genèse 25:23), Ìwé-Màlàkí 1:2-3 (Malachie 1:2-3) Iŋɛ́ ŋa#á lɔ bɛ́ɛ̀, àtsùgbée ètò-Ɔ̀ɖáyé kó tsɛ ni. Ɔ̀ɖáyé òŋu ká‐ɛ̀ ní náa tse ètò tã́ná kó tsãnɛ#ɛ́. Kà ti ńɖi-iŋɛ́ yèé ɛnɛ nyɛ̀ŋɛ̀ tse#ɛ́. Kíbí náa ɖé fú Ɔ̀ɖáyé gbà#á ní náa tsãnɛ#ɛ́.
14Báàyí fe, bí àa kó fɔ̀ fáà ńǹkɛ̀ɛ́? Ɔ̀ɖáyé wà tse òkṹnùù? Láyé! Kò tsi bɛ́ɛ̀ ni. 15Ɔ̀ɖáyé fɔ̀ fú Mɔ̀ɔ́sè gbo ní:
“Màa rí ànyínɔ́ fú ɛnɛ yèé ó wù mí ní n rí ànyínɔ́ fú#ɛ́,
tsí ɛnɛ yèé ó wù mí gbo#ɛ́ ní inɔ́‐ɛ̀ nákó nyɔ́ mi#ɛ́.”#9:15 Ìwé-Fúfùɖá 33:19 (Exode 33:19)
16Ńbɛ̀ɛ́, Ɔ̀ɖáyé kó rí ànyínɔ́ fúnɛ#ɛ́, kà ti náwù-ɔ̀nyà-kã̀ kpókpó nàmí kó ti ńɖi-kíbí ɔ̀nyà náa múgírí tó gbà#á. Ńɖi-Ɔ̀ɖáyé, ɛnɛ yèé náa rí ànyínɔ́ fúnɛ#ɛ́ gé ní náa ti#ɛ́. 17À kɔ si ńǸwé-Ɔ̀ɖáyé ní Ɔ̀ɖáyé fɔ̀ fú ólú Fárɔ̃̀† ní: “Ǹ múɛ dzɛ ólú ńǹlú-Èdzíkpítì†, àtsùgbée n gbà ńǹtá-ɛ̀ɛ, tsí ń nya ikpá-mi ɖíre, tsí ɛ́kɔ-mi kó wà fì wérí ayé gbaŋgba#á kpó gé ni.”#9:17 Ìwé-Fúfùɖá 9:16 (Exode 9:16) 18Ńbɛ̀ɛ́, ó má fúnɛ rere ní Ɔ̀ɖáyé náa rí ànyínɔ́ fú ɛnɛ yèé náa wùú ní kó rí ànyínɔ́ fú#ɛ́, tsí ɛnɛ yèé gbo náa wùú ní kó mú ɛ̀ɖɔ̃̀ kã̀#á, náa mú ɛ̀ɖɔ̃̀ kã̀ã́.
Ɔ̀ɖáyé náa bínɔ́ fúnɛ, tsí náa rí ànyínɔ́ gbo fúnɛ
19Bóyá ìwɔ-kã̀ nàa wà fɔ̀ ní: Bí iŋɛ́ ŋa#á wà bɛ́ɛ̀ fe, kí tse tsí bí ɔ̀nyà tse íbàɖí, ni Ɔ̀ɖáyé náa tɔ́ wà báa fɔ̀ ró ná? Nɛ̀ɛ́ tútú wà, tsí kó nyáa kɔ iŋɛ́ yèé Ɔ̀ɖáyé náa wò ní òŋu kó tse#ɛ́?
20Ìwɔ ɔ̀nyà, kí ò dzɛ́ títí o wà bá Ɔ̀ɖáyé fɔ̀ ná? Iŋɛ́ yèé ɔ̀nyà-kã̀ kɛ́ amà, tsí ń ma#á nákó nyáa bá ɛnɛ yèé maá#á fɔ̀ ní: Kí tse tsí ó ma òŋu, tsí òŋu wà bɛ́ɛ̀ɛ̀? Láyé! 21Amàkòkò fee, ɔ̀nà wà fúu, tsí kó kɛ́ amà yèé ó gú si#ɛ́, tsí ń ma iŋɛ́ yèé ɖé fúu#ɛ́. Nákó nyáa kɛ́ amà#á, tsí ń ma ìkòkò-àfɛ́ŋú-kã̀, tsí ń si níìkã̀ si, tsí wà nyàá lò. Tsí nákó nyáa kɛ́ amà ɔ̀kã̀ntso#ɛ́ ké, tsí ń ma ìkòkò-òmírɛ̃̀ yèé nákó ń si ńlɛ̀, tsí wà lò#ɛ́.
22Ɔ̀ɖáyé wò ní òŋu kó nya inɔ́ bíbí-òŋu òŋu ikpá-òŋu ɖíre fúnɛ. Ó ɖi, ɛnɛ yèé ŋa inɔ́ bíbí‐ɛ̀ má tì wá ńǹtá-ŋa, tsí à má tsɛ̀rá#á, ó gbódzú si, tsí fɛ̀ɖɔ̃̀ tù si fú ŋa gbo tó bɛ́ɛ̀. 23Ɔ̀ɖáyé wò gbo ní òŋu kó nya kíbí iyì-òŋu lákṹ tó gbà#á ɖíre fú ɛnɛ yèé ŋa òŋu náa rí ànyínɔ́ fú#ɛ́. Ɛnɛ nyɛ̀ŋɛ̀ ŋa#á, ó ti tse ètò si fú ŋa si ní òŋu nákó mú iyì-òŋu#ɛ́ bɔwɔ́-ŋa. 24Tsí ɛnɛ yèé ŋa ó wà báfɔ̀#ɛ́, àwa ni. Ó kpe àwa gbo ní ká dzɛ́ tòŋu. Kò tsi náàŋírĩ-ɔma-Ìyúɖà† ŋa sɔ̃́ŋú gé ní ó kpenɛ ní ká dzɛ́ tòŋu#ɛ́. Ó kpenɛ náàŋírĩ-ɛnɛ yèé kò dzɛ́ ɔma-Ìyúɖà ŋa#á gbo ní ká dzɛ́ tòŋu. 25Ó ti fɔ̀ɔ́ si bɛ́ɛ̀ ńǸwé-Hòséyà ní:
“Ɔ̀nyà-ìlú yèé ŋa kò dzɛ́ tèmi dzɔ̀ɔ́ dzɔ̀ɔ́#ɛ́,
báàyí#ɛ́, màa kpè ŋá ní ɔ̀nyà-ìlú-mi ŋa.
Tsí ɛnɛ yèé ŋa ǹ kò nɛ́ àmúɖɔ̃̀ fú dzɔ̀ɔ́ dzɔ̀ɔ́#ɛ́,
báàyí#ɛ́, màa kpè ŋá ní ìlú-àrínódzú-mi.”
26Tsí ó fɔ̀ gbo ní:
“Ńbí ǹ fɔ̀ fú ŋa dzɔ̀ɔ́ dzɔ̀ɔ́ gìɖì ní
è kè dzɛ́ ɔ̀nyà-ìlú-mi ŋa#á,
ńbɛ̀ tútútú ní à nákó kpè ŋá ní Ɔma-Ɔ̀ɖáyé Oláàyɛ̀ ŋa#á.”#9:26 Ìwé-Hòséyà 2:1, 25 (Osée 2:1, 25)
27Yèsáyà† agbáfɔ̀-Ɔ̀ɖáyé fɔ̀† gbo bu igbe ta ti nára-ɔma-Ìsàràyɛ́lì† ŋa ní:
“Bí ó dzɛ́ ní ɔma-Ìsàràyɛ́lì ŋa kpɔ̀ títítí
kíbí ìnyarĩ̀ nétí-àhũ gìɖì bɛ́#ɛ́,
ɔ̀nyà-ìmarũ oɖé-kã̀ gé ní Ɔ̀ɖáyé nákó gbà là náàŋírĩ-ŋa#á.
28Ó ɖi fee, Ɔlɔ́dzɔ́ nákó yáa tse tsí afɔ̀‐ɛ̀
nákó tsɛ dzálɛ̀ kpó si ńǹtalɛ̀ bí.”#9:28 Ìwé-Yèsáyà 10:22-23 (Ésaïe 10:22-23)
29Yèsáyà#á ké ti fɔ̀ si wáa lɔ ní:
“Kàá tsi Ɔlɔ́dzɔ́ Olí-ayé gbaŋgba#á
ɖá ɔ̀nyà kã̀ŋa dzɔ̀ɔ́ náàŋírĩ-ɔmalɔ́ma-Ìsàràyɛ́lì ŋa,
àa má tsɛ̀rá kpó kíbí ɛnɛ-ìlú-Sòɖómì ŋa bɛ́ ni.
Àa má ra kpó butúbutú kíbí ɛnɛ-ìlú-Gòmɔ́rà ŋa.”#9:29 Ìwé-Yèsáyà 1:9 (Ésaïe 1:9)
Ikɔ̀ ɖíɖɔ̃̀ ti nára-Yèésù Kírísítò#ɛ́, ó tsɛdzɔ́-ɔma-Ìsàràyɛ́lì ŋa gbo
30Bí ó dzɛ́ bɛ́ɛ̀ fe, bí àa kó fɔ̀ fáà ńǹkɛ̀ɛ́? Òŋu ní wà dzɛ́ ní ɛnɛ yèé kò dzɛ́ ɔma-Ìyúɖà ŋa#á, àŋa òŋu, à kò wo ɔ̀nà yèé ká fà, tsí Ɔ̀ɖáyé kó gbà ŋá nɔ́ɔ̀nyà-atsòtítɔ́ nódzú-ara‐ɛ̀#ɛ́. Tsí Ɔ̀ɖáyé sì gbà ŋá nɔ́ɔ̀nyà-atsòtítɔ́ nódzú-ara‐ɛ̀, iŋɛ́ yèé tse#ɛ́, à gbàá gbɔ́. 31Ó ɖi, ɔma-ìlú-Ìsàràyɛ́lì† ŋa òŋu#ɛ́, à wò ní àŋa kó múgírí, tsí wà rɛ̃̀ si nɛ́kpa-Mɔ̀ɔ́sè†, tsí Ɔ̀ɖáyé kó gba àŋa nɔ́ɔ̀nyà-atsòtítɔ́ nódzú-ara‐ɛ̀. Ó ɖi, à kũ̀ṹ, à kò nyáa tseé dzálɛ̀. 32Kí tse tsí à kũ̀ṹ ná? À kò mú afɔ̀-ká gba Ɔ̀ɖáyé gbɔ́ kpe iŋɛ́-kã̀, tsí à ɖédzú itsɛ́ yèé ŋa àŋa wà tse#ɛ́ ní nákó tse tsí Ɔ̀ɖáyé nákó gba àŋa nɔ́ɔ̀nyà-atsòtítɔ́ nódzú-ara‐ɛ̀#ɛ́ ni. Ńbɛ̀ɛ́, à kó nóòkúta-àkɔ̀sɛ̀. 33À ti kɔɔ́ si ńǸwé-Ɔ̀ɖáyé si ní:
“Rí gé! Ǹ mú òkúta-àkɔ̀sɛ̀-kã̀ si nóòkè-Sìyɔ́nì†.
Òkúta#á nákó mú ɔ̀nyà ŋa tsubú.
Ó ɖi, bí ɔ̀nyà-kã̀ mú àkaralé‐ɛ̀ si ńǹtá‐ɛ̀,
kàkó ɖánɔ́ mú ɛnɛ nyɛ̀ŋɛ̀ láyé.”#9:33 Ìwé-Yèsáyà 28:16, 8:14 (Ésaïe 28:16, 8:14)
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.