Rómà ŋa 1
1
1Èmi Kpɔ́lù, àtsìtsɛ́-Yèésù† Kírísítò† ní wà tse ìwé yèé bɛ́ fú ŋɛ́#ɛ́. Ɔ̀ɖáyé tsã̀ mí ní èmi kó dzɛ́ adzítsɛ́-Yèésù†, tsí nyà mí si níìkã̀ gbo náàtsùgbée n wà dzíkɔ̀ ɖíɖɔ̃̀ fúnɛ.
2Ikɔ̀#ɛ́, Ɔ̀ɖáyé ti tàlé‐ɛ̀ si ìwèrè‐ɛ̀ ti dzɛ̃̀. Ó gbà ńǹtá-agbáfɔ̀-Ɔ̀ɖáyé fɔ̀† ŋa, tsí tàlé#ɛ́, tsí à kɔɔ́ si ńǸwé-Ɔ̀ɖáyé† si. 3Ikɔ̀#ɛ́ wà wíìnyɛ̀ ti nára-Ɔma bíbí-Ɔ̀ɖáyé Yèésù Kírísítò Ɔlá-wa. Ó wáa ɖi ɔ̀nyà. Náro-ólú Ɖàfíɖì† ní à bíi#ɛ́. Tsí ó kú. 4Ó ɖi, Ɔ̀ɖáyé dzíi ti náàŋírĩ-òkú ŋa wá náyé, tsí ó dzɛ́ Ɔma bíbí‐ɛ̀ òŋu ikpá lákṹ-kã̀. Tsí ikpá-Mímí-Ɔ̀ɖáyé† wà ńǹtá‐ɛ̀ si. Ɔ̀ɖáyé tse bɛ́ɛ̀, tsí ó má fúnɛ rere ní ó dzɛ́ Ɔma bíbí‐ɛ̀. 5Gbà ńǹtá-Yèésù Kírísítò#ɛ́, Ɔ̀ɖáyé tse ore-ɔ̀fɛ́ fú mi ní èmi kó ɖi adzítsɛ́-Yèésù náàtsùgbé-ɔ̀nyà-ìlú ŋa kpó ká gbàá gbɔ́, tsí wà tse si ńǹtá-afɔ̀‐ɛ̀ ŋa, tsí wà nyɛ̀ɛ́ gbo. 6Ó ɖi, ɛ̀ŋɛ gbo, è wà náàŋírĩ-ŋa. È wà náàŋírĩ-ɛnɛ yèé ŋa Ɔ̀ɖáyé tsã̀ ní ká dzɛ́ ti Yèésù Kírísítò#ɛ́. 7Ńbɛ̀ɛ́, ǹ wà kí ɛ̀ŋɛ yèé wà ńǹlú-Rómà†, tsí Ɔ̀ɖáyé nɛ́ àmúɖɔ̃̀ fú, tsí kpè ní ɛ̀ŋɛ kó dzɛ́ tòŋu akpá akpá, ɛsɛ̀ ɛsɛ̀#ɛ́. Ɔ̀ɖáyé Boba-wa òŋu Yèésù Kírísítò Ɔlá-wa méèdzì ká tse ore-ɔ̀fɛ́ fú ŋɛ́, tsí ká fú ŋɛ́ ńtútùúrɔ̀ gbo.
Kpɔ́lù wà wo kó lɔ káà kpalɛwo olí-Yèésù ŋa ńǹlú-Rómà
8Náàtsɛ̃̀tsɛ̃̀#ɛ́, ǹ wà gbà ńǹtá-Yèésù Kírísítò, tsí wà ɖɔ́kpɛ́ fú Ɔ̀ɖáyé-mi fú ɛ̀ŋɛ kpó. Iŋɛ́ yèé tse#ɛ́, kíbí è gba Yèésù Kírísítò gbɔ́ si#ɛ́, ó wà fì ńǹɖì ńǹɖì ŋa wérí kpó. 9Ɔ̀ɖáyé mà ní afɔ̀-òtítɔ́ ní ǹ wà fɔ̀#ɛ́. Ǹ wà dzíkɔ̀ ti nára-Ɔma bíbí‐ɛ̀ fúnɛ, tsí ǹ wà sɛ̃̀ɛ̃́ gbo inɔ́ tã̀ã́, ànyì tã̀ã́. 10Ó mà ní bí èmi wà wúùre fú òŋu, mà wà tédzú ŋɛ́ ńǹwèrè ɔ̀kã̀lɔ́ɔ̀kã̀, tsí mà wà fɔ̀ ní bí Ɔ̀ɖáyé dzɛ́, nákó fú mi nɔ́ɔ̀nà nɔ́dzɔ́-kã̀, tsí màa wáa kpalɛ̀wò ŋɛ́ ńǹkɛ̀ɛ́. 11Ǹ wà fɔ̀ bɛ́ɛ̀, iŋɛ́ yèé tse#ɛ́, àmì-ŋɛ́ kò tì wà kpa mí bɔ̀. Òŋu ní tse tsí ǹ wà wo n wá ńɖi-ŋɛ́, tsí Mímí-Ɔ̀ɖáyé kó gbà ńǹtá-mi, tsí n wáa bere kùsɛ̀ɛ̀-Ɔ̀ɖáyé fú ŋɛ́, tsí àkaralé-ŋɛ́ kó wɔlɛ̀ rere#ɛ́. 12Nàmí ká fɔ̀ gìɖì#ɛ́, èmi gbo, ɛ̀ŋɛ gbo, àkaralé yèé àa nɛ́ si ńǹtá-Yèésù Kírísítò#ɛ́, àa kó dzɔ́ wà ń ɖáàmí le ara-wa ŋa.
13Ìnàbí-mi ŋa, ǹ wà wò ní e mà ní mà ti wà tse ètò ní n wá ńɖi-ŋɛ́, tsí wáa kpalɛ̀wò ŋɛ́. Ó ɖi, ǹ kà rí ayè gé ni. Ǹ módzú si ní ǹ má wá, tsí wáa tsitsɛ́ náàŋírĩ-ŋɛ́, tsí itsɛ́#ɛ́ kó nɛ́ èrè fú mi. Bɛ́ɛ̀ ní mà tseé náàŋírĩ-olòmírɛ̃̀ yèé kò dzɛ́ ɔma-Ìyúɖà ŋa gbo#ɛ́. 14Ó ɖi, ǹ dzɛŋɛ̀-ikɔ̀ ɖíɖɔ̃̀ dzídzɛ́ fúnɛ nɔ́wɔ́-ɔ̀nyà ŋa si kpó. Ɛnɛ yèé mádzú ŋa#á òŋu ɛnɛ yèé kò mádzú ŋa#á, amàwé ŋa òŋu ɛnɛ yèé kò ma ìwé ŋa#á gbo, ǹ dzɛŋɛ̀ si nɔ́wɔ́-ŋa si kpó. 15Náàtsùgbée bɛ́ɛ̀ ní ó le mí si tó bɛ́ɛ̀ ní n wáa dzíkɔ̀ ɖíɖɔ̃̀ fú ɛ̀ŋɛ gbo#ɛ́, ɛ̀ŋɛ yèé wà ńǹlú-Rómà†#á.
Ikɔ̀ ɖíɖɔ̃̀ ti nára-Yèésù#ɛ́, ikpá wà ńnɛ̀
16Fee! Ká dzíkɔ̀ ɖíɖɔ̃̀ ti nára-Yèésù fúnɛ kà tsanɔ́ fú èmi òŋu. Ikɔ̀ ɖíɖɔ̃̀#ɛ́, ikpá-Ɔ̀ɖáyé wà ńnɛ̀, tsí kó gba ɔ̀nyà kpó yèé nákó gba Yèésù gbɔ́#ɛ́ là. Ó wà bɛ́ɛ̀ fú ɔma-Ìyúɖà† ŋa náàtsɛ̃̀tsɛ̃̀, tsí èkéèdzì‐ɛ̀#ɛ́, ó wà bɛ́ɛ̀ fú ɛnɛ yèé kò dzɛ́ ɔma-Ìyúɖà ŋa#á gbo. 17Ó ɖi, ikɔ̀ ɖíɖɔ̃̀#ɛ́ wà nya kíbí Ɔ̀ɖáyé náa gbanɛ nɔ́ɔ̀nyà-atsòtítɔ́ nódzú-ara‐ɛ̀#ɛ́ ɖíre fúnɛ. Tsí ɔ̀nà-kã̀ kpókpó gbo kò wà náànyì-ká gba Yèésù Kírísítò gbɔ́ tã́ná Ɔ̀ɖáyé kó gbanɛ bɛ́ɛ̀. À ti kɔɔ́ si ńǸwé-Ɔ̀ɖáyé† ní: “Ɛnɛ yèé gba Ɔ̀ɖáyé gbɔ́#ɛ́, Ɔ̀ɖáyé náa gbàá nɔ́ɔ̀nyà-atsòtítɔ́ nódzú-ara‐ɛ̀, tsí ɛnɛ nyɛ̀ŋɛ̀ nákó rí àyɛ̀.”#1:17 Ìwé-Hàbàkúkì 2:4 (Habacuc 2:4)
Ɔ̀nyà kpó dzɛ́ adzàbi nódzú-Ɔ̀ɖáyé
18Ɔ̀ɖáyé wà nya inɔ́ bíbí‐ɛ̀ ɖíre ti nɔ́ɔ̀rɔ̃. Inɔ́ bíi si tó bɛ́ɛ̀ fú àbi ɔ̀kã̀lɔ́ɔ̀kã̀ kpó yèé ɔ̀nyà ŋa wà dzɛ#ɛ́, òŋu iŋɛ́-íbàɖí ɔ̀kã̀lɔ́ɔ̀kã̀ kpó yèé ŋa à wà tse#ɛ́. Kíbí à wà tse íbàɖí bɛ́ɛ̀#ɛ́, ó wà ɖí ɔ̀nà fúnɛ, tsí ɔ̀nyà ŋa kò ma òtítɔ́ ró. 19Inɔ́ bí Ɔ̀ɖáyé si bɛ́ɛ̀, iŋɛ́ yèé tse#ɛ́, iŋɛ́ yèé ɔ̀nyà nákó nyáa mà ti nára-Ɔ̀ɖáyé#ɛ́ kò ɖúkù fú ɔ̀nyà-kã̀ kpókpó. Ɔ̀ɖáyé nyàá ɖíre fúnɛ. 20Kíbí Ɔ̀ɖáyé wà gbà#á, ɔ̀nyà-kã̀ kò ríi wòrí. Ó ɖi, kíbí ó ɖá ayé gbaŋgba#á títí wáa fú nɔ́mbɛ́#ɛ́, iŋɛ́ yèé ó ɖá ŋa kpó#ɛ́ wà nya kíbí ó wà gbà#á ɖíre fúnɛ. Ɔ̀ɖáyé nɛ́kpá, tsí ikpá‐ɛ̀ kò nɛ́ ìkpàkũ, tsí òŋu níìkã̀ntso gbo gé ní dzɛ́ Ɔ̀ɖáyé#ɛ́. Kíbí ó dzɛ́ bɛ́ɛ̀#ɛ́, ɔ̀nyà ŋa kàkó nyáa mú ɖáŋgá-kã̀ kpókpó, tsí ń ɖáa ní àŋa kò màá. 21Ó ɖi, à ma Ɔ̀ɖáyé#ɛ́ tã́ná à kò sì wà nyɛ̀ɛ́, tsí wà ɖɔ́kpɛ́ fúu kíbí ó dzɔ ní ká wà tseé fúu#ɛ́. Kà kàa bɛ́ɛ̀, ifɛ̀ɛ́nɔ́-ŋa kò má si ró, tsí ìsérè-ŋa gbo yèé kò wà tsitsɛ́ ró#ɛ́ kí nóòkùkù si kpó kpìrìm. 22Tsí à ɖédzú àŋa nɛ́ ifɛ̀ɛ́nɔ́-kã̀ si ńnɛ̀ɛ́ ni. Ó ɖi, éwo kò wà fú ŋa. 23Ɔ̀ɖáyé olí-iyì, ɛnɛ yèé kà kú láyé#ɛ́ ní à má wà sɛ̃̀#ɛ́. Ó ɖi, à kɔ̀, tsí dzì ńŋɛ ŋa sísɛ̃̀. À tse iŋɛ ŋa#á, tsí ìkùbɔ̀ ŋa nɛ́ ìwànwà-ɔ̀nyà, ɛnɛ yèé sì dzɛ́ iŋɛ́ tútù#ɛ́, tsí ɔ̀kã̀ ŋa wà kíbí ɛyɛ ŋa, tsí ɔ̀kã̀ ŋa gbo wà kíbí ɛrã-olí-ɛsɛ̀ mɛ́ɛrɛ̃ ŋa, tsí ɔ̀kã̀ ŋa gbo wà kíbí ɛrã-afàńlɛ̀ ŋa.
24Náàtsùgbée kíbí à wà tse bɛ́ɛ̀#ɛ́, Ɔ̀ɖáyé nya ɔwɔ́ nára-ŋa, tsí kṹnukṹ wà tse yèé wùú#ɛ́. Tsí à wà tse iŋɛ́ yèé kò ɖíirí fú odzú, tsí kò ɖíi gbɔ́ fú etí ŋa#á bá ara-ŋà ŋa. 25À kɔ̀ ní àŋa kàkó gba afɔ̀-òtítɔ́ ti nára-Ɔ̀ɖáyé, tsí à sì dzɛ́, tsí gba afɔ̀-òɖòbò òŋu. Ńnɛ̀ ní à wà sɛ̃ iŋɛ́ yèé Ɔ̀ɖáyé ɖá si ŋa#á, tsí à kɔ̀ ní àŋa kàkó sɛ̃ Ɔ̀ɖáyé òŋu ká‐ɛ̀#ɛ́. Ɔ̀ɖáyé#ɛ́ ní sì wà ní ká wà nyɛ̀ òsã́-kã̀, òru-kã̀#á. Ɛ̀tsɛ.
26Náàtsùgbée kíbí à wà tse bɛ́ɛ̀#ɛ́, Ɔ̀ɖáyé nya ɔwɔ́ nára-ŋa, tsí à kà nyáa mú ara-ŋa, tsí kṹnukṹ náa wà tse iŋɛ́ yèé kò dzɔ ní ɔ̀nyà kó tse ŋa#á. Tsí ɔnɔbɛ̃̀ɛ̃ ŋa wà ǹɖe, tsí wà sũ̀ bá ɔnɔbɛ̃̀ɛ̃ ŋa náàrì nɛ́ anɔ́ nódzú. À sé ɔwɔ́-ayé#ɛ́ ńnɛ̀ɛ́. 27Bɛ́ɛ̀ ké ní ɔnɔkɛ̃̀ɛ̃ ŋa gbo kɔ ɔnɔbɛ̃̀ɛ̃ ŋa dzɔ̀ɔ́, tsí wà sũ̀ bá ɔnɔkɛ̃̀ɛ̃ ŋa#á. Ó ɖi, ɔnɔkɛ̃̀ɛ̃ òŋu ɔnɔbɛ̃̀ɛ̃ ní wà ní ká ma èwò-ara-ŋa#á. Tsí àŋa òŋu, awù-ɔnɔkɛ̃̀ɛ̃ kó sũ̀ bá ɔnɔkɛ̃̀ɛ̃ gé ní náa wà ŋɔ́ ŋa#á. Kíbí à wà tse iŋɛ́ yèé kò dzɔ ní ɔ̀nyà kó tse nyɛ̀ŋɛ̀ ŋa#á, tsí à sé ɔwɔ́-ayé#ɛ́ si bɛ́ɛ̀#ɛ́, Ɔ̀ɖáyé ti kpɛdzɔ́ bá ŋa dzì ńǹɖì‐ɛ̀ bí ná.
28Kíbí à kɔ̀ ní àŋa kàkó ma Ɔ̀ɖáyé#ɛ́, Ɔ̀ɖáyé gbo nya ɔwɔ́ nára-ŋa, tsí ìsérè-ŋa kò wà ń ti ɔ̀nyà si ró, tsí à wà tse iŋɛ́ wérewère ŋa. 29Tsí à ɖi ɔ̀nyà-àrìmáa tse òtítɔ́ ŋa, tsí ɖi ɔ̀nyà-íbàɖí si, tsí odzú-ŋa náa kí ńǹtá-iŋɛ́-nɛ si, tsí à kãnɔ́ gbo si. À náa wà dzowú-nɛ gbo, tsí à náa wà kpa ɔ̀nyà nóòkú gbo, tsí à náa wà rã́ã̀rã̀ gbo, tsí à náa wà ɖàbàrá gbo, tsí à náa wà tsoró bánɛ gbo. À ɖi olí-arũ yíyá ŋa si, 30tsí à náa wà kpe ɛ́kɔ-nɛ gbo, tsí à ɖi ɔ̀tɛ̀-Ɔ̀ɖáyé, tsí arũ-ŋa náa wà gbó náfɔ̀ gbo, tsí à náa wà tse kɛ́rɛ́kɛ́rɛ́ gbo, tsí wà rí ara-ŋa kadzá. Ɔ̀nà yèé ká gbà, tsí tse íbàɖí#ɛ́ gé ní à náa wà wò#ɛ́. À kà rɛ̃tígbè-boba-ŋà ŋa òŋu ìnà-ŋà ŋa gbo. 31Tsí à kà nɛ́ ìrã̀ã́mà gbo, tsí à kà nyáa nɛ́ àkaralé si ńǹtá-ŋa gbo, tsí à kà dzáfɔ̀-nɛ gbo, tsí à kà rí ànyínɔ́ fúnɛ gbo. 32À mà si rere ní Ɔ̀ɖáyé fɔ̀ si ní òŋu nákó kpɛdzɔ́ bá ɛnɛ yèé wà lìlò-ìrɔ́-bɛ́ɛ̀ ŋa#á. À mà si ní ikú ní nákó kpa ŋá#á. Tsí à kò sì wà lò bɛ́ɛ̀ sɔ̃́ŋú gé. Yèé yɔ#ɛ́, à wà gbà si ńǹtá‐ɛ̀ fú ɛnɛ yèé wà lò bɛ́ɛ̀ ŋa gbo#ɛ́.
Currently Selected:
Rómà ŋa 1: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Rómà ŋa 1
1
1Èmi Kpɔ́lù, àtsìtsɛ́-Yèésù† Kírísítò† ní wà tse ìwé yèé bɛ́ fú ŋɛ́#ɛ́. Ɔ̀ɖáyé tsã̀ mí ní èmi kó dzɛ́ adzítsɛ́-Yèésù†, tsí nyà mí si níìkã̀ gbo náàtsùgbée n wà dzíkɔ̀ ɖíɖɔ̃̀ fúnɛ.
2Ikɔ̀#ɛ́, Ɔ̀ɖáyé ti tàlé‐ɛ̀ si ìwèrè‐ɛ̀ ti dzɛ̃̀. Ó gbà ńǹtá-agbáfɔ̀-Ɔ̀ɖáyé fɔ̀† ŋa, tsí tàlé#ɛ́, tsí à kɔɔ́ si ńǸwé-Ɔ̀ɖáyé† si. 3Ikɔ̀#ɛ́ wà wíìnyɛ̀ ti nára-Ɔma bíbí-Ɔ̀ɖáyé Yèésù Kírísítò Ɔlá-wa. Ó wáa ɖi ɔ̀nyà. Náro-ólú Ɖàfíɖì† ní à bíi#ɛ́. Tsí ó kú. 4Ó ɖi, Ɔ̀ɖáyé dzíi ti náàŋírĩ-òkú ŋa wá náyé, tsí ó dzɛ́ Ɔma bíbí‐ɛ̀ òŋu ikpá lákṹ-kã̀. Tsí ikpá-Mímí-Ɔ̀ɖáyé† wà ńǹtá‐ɛ̀ si. Ɔ̀ɖáyé tse bɛ́ɛ̀, tsí ó má fúnɛ rere ní ó dzɛ́ Ɔma bíbí‐ɛ̀. 5Gbà ńǹtá-Yèésù Kírísítò#ɛ́, Ɔ̀ɖáyé tse ore-ɔ̀fɛ́ fú mi ní èmi kó ɖi adzítsɛ́-Yèésù náàtsùgbé-ɔ̀nyà-ìlú ŋa kpó ká gbàá gbɔ́, tsí wà tse si ńǹtá-afɔ̀‐ɛ̀ ŋa, tsí wà nyɛ̀ɛ́ gbo. 6Ó ɖi, ɛ̀ŋɛ gbo, è wà náàŋírĩ-ŋa. È wà náàŋírĩ-ɛnɛ yèé ŋa Ɔ̀ɖáyé tsã̀ ní ká dzɛ́ ti Yèésù Kírísítò#ɛ́. 7Ńbɛ̀ɛ́, ǹ wà kí ɛ̀ŋɛ yèé wà ńǹlú-Rómà†, tsí Ɔ̀ɖáyé nɛ́ àmúɖɔ̃̀ fú, tsí kpè ní ɛ̀ŋɛ kó dzɛ́ tòŋu akpá akpá, ɛsɛ̀ ɛsɛ̀#ɛ́. Ɔ̀ɖáyé Boba-wa òŋu Yèésù Kírísítò Ɔlá-wa méèdzì ká tse ore-ɔ̀fɛ́ fú ŋɛ́, tsí ká fú ŋɛ́ ńtútùúrɔ̀ gbo.
Kpɔ́lù wà wo kó lɔ káà kpalɛwo olí-Yèésù ŋa ńǹlú-Rómà
8Náàtsɛ̃̀tsɛ̃̀#ɛ́, ǹ wà gbà ńǹtá-Yèésù Kírísítò, tsí wà ɖɔ́kpɛ́ fú Ɔ̀ɖáyé-mi fú ɛ̀ŋɛ kpó. Iŋɛ́ yèé tse#ɛ́, kíbí è gba Yèésù Kírísítò gbɔ́ si#ɛ́, ó wà fì ńǹɖì ńǹɖì ŋa wérí kpó. 9Ɔ̀ɖáyé mà ní afɔ̀-òtítɔ́ ní ǹ wà fɔ̀#ɛ́. Ǹ wà dzíkɔ̀ ti nára-Ɔma bíbí‐ɛ̀ fúnɛ, tsí ǹ wà sɛ̃̀ɛ̃́ gbo inɔ́ tã̀ã́, ànyì tã̀ã́. 10Ó mà ní bí èmi wà wúùre fú òŋu, mà wà tédzú ŋɛ́ ńǹwèrè ɔ̀kã̀lɔ́ɔ̀kã̀, tsí mà wà fɔ̀ ní bí Ɔ̀ɖáyé dzɛ́, nákó fú mi nɔ́ɔ̀nà nɔ́dzɔ́-kã̀, tsí màa wáa kpalɛ̀wò ŋɛ́ ńǹkɛ̀ɛ́. 11Ǹ wà fɔ̀ bɛ́ɛ̀, iŋɛ́ yèé tse#ɛ́, àmì-ŋɛ́ kò tì wà kpa mí bɔ̀. Òŋu ní tse tsí ǹ wà wo n wá ńɖi-ŋɛ́, tsí Mímí-Ɔ̀ɖáyé kó gbà ńǹtá-mi, tsí n wáa bere kùsɛ̀ɛ̀-Ɔ̀ɖáyé fú ŋɛ́, tsí àkaralé-ŋɛ́ kó wɔlɛ̀ rere#ɛ́. 12Nàmí ká fɔ̀ gìɖì#ɛ́, èmi gbo, ɛ̀ŋɛ gbo, àkaralé yèé àa nɛ́ si ńǹtá-Yèésù Kírísítò#ɛ́, àa kó dzɔ́ wà ń ɖáàmí le ara-wa ŋa.
13Ìnàbí-mi ŋa, ǹ wà wò ní e mà ní mà ti wà tse ètò ní n wá ńɖi-ŋɛ́, tsí wáa kpalɛ̀wò ŋɛ́. Ó ɖi, ǹ kà rí ayè gé ni. Ǹ módzú si ní ǹ má wá, tsí wáa tsitsɛ́ náàŋírĩ-ŋɛ́, tsí itsɛ́#ɛ́ kó nɛ́ èrè fú mi. Bɛ́ɛ̀ ní mà tseé náàŋírĩ-olòmírɛ̃̀ yèé kò dzɛ́ ɔma-Ìyúɖà ŋa gbo#ɛ́. 14Ó ɖi, ǹ dzɛŋɛ̀-ikɔ̀ ɖíɖɔ̃̀ dzídzɛ́ fúnɛ nɔ́wɔ́-ɔ̀nyà ŋa si kpó. Ɛnɛ yèé mádzú ŋa#á òŋu ɛnɛ yèé kò mádzú ŋa#á, amàwé ŋa òŋu ɛnɛ yèé kò ma ìwé ŋa#á gbo, ǹ dzɛŋɛ̀ si nɔ́wɔ́-ŋa si kpó. 15Náàtsùgbée bɛ́ɛ̀ ní ó le mí si tó bɛ́ɛ̀ ní n wáa dzíkɔ̀ ɖíɖɔ̃̀ fú ɛ̀ŋɛ gbo#ɛ́, ɛ̀ŋɛ yèé wà ńǹlú-Rómà†#á.
Ikɔ̀ ɖíɖɔ̃̀ ti nára-Yèésù#ɛ́, ikpá wà ńnɛ̀
16Fee! Ká dzíkɔ̀ ɖíɖɔ̃̀ ti nára-Yèésù fúnɛ kà tsanɔ́ fú èmi òŋu. Ikɔ̀ ɖíɖɔ̃̀#ɛ́, ikpá-Ɔ̀ɖáyé wà ńnɛ̀, tsí kó gba ɔ̀nyà kpó yèé nákó gba Yèésù gbɔ́#ɛ́ là. Ó wà bɛ́ɛ̀ fú ɔma-Ìyúɖà† ŋa náàtsɛ̃̀tsɛ̃̀, tsí èkéèdzì‐ɛ̀#ɛ́, ó wà bɛ́ɛ̀ fú ɛnɛ yèé kò dzɛ́ ɔma-Ìyúɖà ŋa#á gbo. 17Ó ɖi, ikɔ̀ ɖíɖɔ̃̀#ɛ́ wà nya kíbí Ɔ̀ɖáyé náa gbanɛ nɔ́ɔ̀nyà-atsòtítɔ́ nódzú-ara‐ɛ̀#ɛ́ ɖíre fúnɛ. Tsí ɔ̀nà-kã̀ kpókpó gbo kò wà náànyì-ká gba Yèésù Kírísítò gbɔ́ tã́ná Ɔ̀ɖáyé kó gbanɛ bɛ́ɛ̀. À ti kɔɔ́ si ńǸwé-Ɔ̀ɖáyé† ní: “Ɛnɛ yèé gba Ɔ̀ɖáyé gbɔ́#ɛ́, Ɔ̀ɖáyé náa gbàá nɔ́ɔ̀nyà-atsòtítɔ́ nódzú-ara‐ɛ̀, tsí ɛnɛ nyɛ̀ŋɛ̀ nákó rí àyɛ̀.”#1:17 Ìwé-Hàbàkúkì 2:4 (Habacuc 2:4)
Ɔ̀nyà kpó dzɛ́ adzàbi nódzú-Ɔ̀ɖáyé
18Ɔ̀ɖáyé wà nya inɔ́ bíbí‐ɛ̀ ɖíre ti nɔ́ɔ̀rɔ̃. Inɔ́ bíi si tó bɛ́ɛ̀ fú àbi ɔ̀kã̀lɔ́ɔ̀kã̀ kpó yèé ɔ̀nyà ŋa wà dzɛ#ɛ́, òŋu iŋɛ́-íbàɖí ɔ̀kã̀lɔ́ɔ̀kã̀ kpó yèé ŋa à wà tse#ɛ́. Kíbí à wà tse íbàɖí bɛ́ɛ̀#ɛ́, ó wà ɖí ɔ̀nà fúnɛ, tsí ɔ̀nyà ŋa kò ma òtítɔ́ ró. 19Inɔ́ bí Ɔ̀ɖáyé si bɛ́ɛ̀, iŋɛ́ yèé tse#ɛ́, iŋɛ́ yèé ɔ̀nyà nákó nyáa mà ti nára-Ɔ̀ɖáyé#ɛ́ kò ɖúkù fú ɔ̀nyà-kã̀ kpókpó. Ɔ̀ɖáyé nyàá ɖíre fúnɛ. 20Kíbí Ɔ̀ɖáyé wà gbà#á, ɔ̀nyà-kã̀ kò ríi wòrí. Ó ɖi, kíbí ó ɖá ayé gbaŋgba#á títí wáa fú nɔ́mbɛ́#ɛ́, iŋɛ́ yèé ó ɖá ŋa kpó#ɛ́ wà nya kíbí ó wà gbà#á ɖíre fúnɛ. Ɔ̀ɖáyé nɛ́kpá, tsí ikpá‐ɛ̀ kò nɛ́ ìkpàkũ, tsí òŋu níìkã̀ntso gbo gé ní dzɛ́ Ɔ̀ɖáyé#ɛ́. Kíbí ó dzɛ́ bɛ́ɛ̀#ɛ́, ɔ̀nyà ŋa kàkó nyáa mú ɖáŋgá-kã̀ kpókpó, tsí ń ɖáa ní àŋa kò màá. 21Ó ɖi, à ma Ɔ̀ɖáyé#ɛ́ tã́ná à kò sì wà nyɛ̀ɛ́, tsí wà ɖɔ́kpɛ́ fúu kíbí ó dzɔ ní ká wà tseé fúu#ɛ́. Kà kàa bɛ́ɛ̀, ifɛ̀ɛ́nɔ́-ŋa kò má si ró, tsí ìsérè-ŋa gbo yèé kò wà tsitsɛ́ ró#ɛ́ kí nóòkùkù si kpó kpìrìm. 22Tsí à ɖédzú àŋa nɛ́ ifɛ̀ɛ́nɔ́-kã̀ si ńnɛ̀ɛ́ ni. Ó ɖi, éwo kò wà fú ŋa. 23Ɔ̀ɖáyé olí-iyì, ɛnɛ yèé kà kú láyé#ɛ́ ní à má wà sɛ̃̀#ɛ́. Ó ɖi, à kɔ̀, tsí dzì ńŋɛ ŋa sísɛ̃̀. À tse iŋɛ ŋa#á, tsí ìkùbɔ̀ ŋa nɛ́ ìwànwà-ɔ̀nyà, ɛnɛ yèé sì dzɛ́ iŋɛ́ tútù#ɛ́, tsí ɔ̀kã̀ ŋa wà kíbí ɛyɛ ŋa, tsí ɔ̀kã̀ ŋa gbo wà kíbí ɛrã-olí-ɛsɛ̀ mɛ́ɛrɛ̃ ŋa, tsí ɔ̀kã̀ ŋa gbo wà kíbí ɛrã-afàńlɛ̀ ŋa.
24Náàtsùgbée kíbí à wà tse bɛ́ɛ̀#ɛ́, Ɔ̀ɖáyé nya ɔwɔ́ nára-ŋa, tsí kṹnukṹ wà tse yèé wùú#ɛ́. Tsí à wà tse iŋɛ́ yèé kò ɖíirí fú odzú, tsí kò ɖíi gbɔ́ fú etí ŋa#á bá ara-ŋà ŋa. 25À kɔ̀ ní àŋa kàkó gba afɔ̀-òtítɔ́ ti nára-Ɔ̀ɖáyé, tsí à sì dzɛ́, tsí gba afɔ̀-òɖòbò òŋu. Ńnɛ̀ ní à wà sɛ̃ iŋɛ́ yèé Ɔ̀ɖáyé ɖá si ŋa#á, tsí à kɔ̀ ní àŋa kàkó sɛ̃ Ɔ̀ɖáyé òŋu ká‐ɛ̀#ɛ́. Ɔ̀ɖáyé#ɛ́ ní sì wà ní ká wà nyɛ̀ òsã́-kã̀, òru-kã̀#á. Ɛ̀tsɛ.
26Náàtsùgbée kíbí à wà tse bɛ́ɛ̀#ɛ́, Ɔ̀ɖáyé nya ɔwɔ́ nára-ŋa, tsí à kà nyáa mú ara-ŋa, tsí kṹnukṹ náa wà tse iŋɛ́ yèé kò dzɔ ní ɔ̀nyà kó tse ŋa#á. Tsí ɔnɔbɛ̃̀ɛ̃ ŋa wà ǹɖe, tsí wà sũ̀ bá ɔnɔbɛ̃̀ɛ̃ ŋa náàrì nɛ́ anɔ́ nódzú. À sé ɔwɔ́-ayé#ɛ́ ńnɛ̀ɛ́. 27Bɛ́ɛ̀ ké ní ɔnɔkɛ̃̀ɛ̃ ŋa gbo kɔ ɔnɔbɛ̃̀ɛ̃ ŋa dzɔ̀ɔ́, tsí wà sũ̀ bá ɔnɔkɛ̃̀ɛ̃ ŋa#á. Ó ɖi, ɔnɔkɛ̃̀ɛ̃ òŋu ɔnɔbɛ̃̀ɛ̃ ní wà ní ká ma èwò-ara-ŋa#á. Tsí àŋa òŋu, awù-ɔnɔkɛ̃̀ɛ̃ kó sũ̀ bá ɔnɔkɛ̃̀ɛ̃ gé ní náa wà ŋɔ́ ŋa#á. Kíbí à wà tse iŋɛ́ yèé kò dzɔ ní ɔ̀nyà kó tse nyɛ̀ŋɛ̀ ŋa#á, tsí à sé ɔwɔ́-ayé#ɛ́ si bɛ́ɛ̀#ɛ́, Ɔ̀ɖáyé ti kpɛdzɔ́ bá ŋa dzì ńǹɖì‐ɛ̀ bí ná.
28Kíbí à kɔ̀ ní àŋa kàkó ma Ɔ̀ɖáyé#ɛ́, Ɔ̀ɖáyé gbo nya ɔwɔ́ nára-ŋa, tsí ìsérè-ŋa kò wà ń ti ɔ̀nyà si ró, tsí à wà tse iŋɛ́ wérewère ŋa. 29Tsí à ɖi ɔ̀nyà-àrìmáa tse òtítɔ́ ŋa, tsí ɖi ɔ̀nyà-íbàɖí si, tsí odzú-ŋa náa kí ńǹtá-iŋɛ́-nɛ si, tsí à kãnɔ́ gbo si. À náa wà dzowú-nɛ gbo, tsí à náa wà kpa ɔ̀nyà nóòkú gbo, tsí à náa wà rã́ã̀rã̀ gbo, tsí à náa wà ɖàbàrá gbo, tsí à náa wà tsoró bánɛ gbo. À ɖi olí-arũ yíyá ŋa si, 30tsí à náa wà kpe ɛ́kɔ-nɛ gbo, tsí à ɖi ɔ̀tɛ̀-Ɔ̀ɖáyé, tsí arũ-ŋa náa wà gbó náfɔ̀ gbo, tsí à náa wà tse kɛ́rɛ́kɛ́rɛ́ gbo, tsí wà rí ara-ŋa kadzá. Ɔ̀nà yèé ká gbà, tsí tse íbàɖí#ɛ́ gé ní à náa wà wò#ɛ́. À kà rɛ̃tígbè-boba-ŋà ŋa òŋu ìnà-ŋà ŋa gbo. 31Tsí à kà nɛ́ ìrã̀ã́mà gbo, tsí à kà nyáa nɛ́ àkaralé si ńǹtá-ŋa gbo, tsí à kà dzáfɔ̀-nɛ gbo, tsí à kà rí ànyínɔ́ fúnɛ gbo. 32À mà si rere ní Ɔ̀ɖáyé fɔ̀ si ní òŋu nákó kpɛdzɔ́ bá ɛnɛ yèé wà lìlò-ìrɔ́-bɛ́ɛ̀ ŋa#á. À mà si ní ikú ní nákó kpa ŋá#á. Tsí à kò sì wà lò bɛ́ɛ̀ sɔ̃́ŋú gé. Yèé yɔ#ɛ́, à wà gbà si ńǹtá‐ɛ̀ fú ɛnɛ yèé wà lò bɛ́ɛ̀ ŋa gbo#ɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.